Chapter 104

[English text for this chapter is available]

ṛṣaya ūcuḥ |
rākṣasaistatra liṃgāni yāni bhaktyā samanvitaiḥ |
sthāpitāni ca māhātmyaṃ teṣāṃ sūta prakīrtaya || 1 ||
[Analyze grammar]

sūta uvāca |
teṣāṃ pūjākṛte raudrā rākṣasā balavattarāḥ |
laṃkāpuryāḥ samāyāṃti sadaiva śataśaḥ purā || 2 ||
[Analyze grammar]

āgacchanto vrajantaste mārge kṣetre ca tatra ca |
bhakṣayanti janaughāṃśca bālavṛddhāñjanānapi || 3 ||
[Analyze grammar]

tataste mānavāḥ sarve pradravaṃtaḥ samaṃtataḥ |
itaścetaśca dhāvanti prāṇarakṣaṇatatparāḥ || 4 ||
[Analyze grammar]

tathānye bahavo gatvā hyayodhyākhyāṃ mahāpurīm |
rāmaputraṃ nṛpaśreṣṭhaṃ kuśaṃ procuḥ suduḥkhitāḥ || 5 ||
[Analyze grammar]

tava pitrā samaṃ prāptāḥ pūrvaṃ ye rākṣasā nṛpa |
hāṭakeśvaraje kṣetre vibhīṣaṇapuraḥsarāḥ || 6 ||
[Analyze grammar]

saṃsthāpitāni liṃgāni caturvaktrāṇi tatra vai |
rākṣaseṃdraiḥ svamantraistaistasya kṣetrasya paścime || 7 ||
[Analyze grammar]

tenaiva cānuṣaṃgeṇa samāgacchaṃti nityaśaḥ |
tasminkṣetre prakurvaṃti tathā lokasya bhakṣaṇam || 8 ||
[Analyze grammar]

yadi vā tāni liṃgāni kaścitsaṃpūjayennaraḥ |
sadyo vināśamāyāti so'pyanartho mahānabhūt || 9 ||
[Analyze grammar]

tasmādyadi na rakṣā naḥ kariṣyasi mahīpate |
tacchanairyāsyate lokaḥ sarvo'yaṃ saṃkṣayaṃ dhruvam || 10 ||
[Analyze grammar]

tacca kṣetraṃ viśeṣeṇa yatrāgacchaṃti te sadā |
rākṣasāḥ krūrakarmāṇo mahāmāṃsasya lolupāḥ || 11 ||
[Analyze grammar]

tacchrutvā sa nṛpastūrṇaṃ svāmātyānāṃ nyavedayat |
rājyabhāraṃ tatastatra balena sahito yayau || 12 ||
[Analyze grammar]

atha prāptaṃ kuśaṃ dṛṣṭvā hataśeṣā dvijottamāḥ |
procustaṃ bhartsayitvā tu vacanaiḥ paruṣākṣaraiḥ || 13 ||
[Analyze grammar]

kimevaṃ kriyate rājyaṃ yathā tvaṃ kṣatriyādhamaḥ |
karoṣi yatra vidhvaṃsaṃ rākṣasai rnīyate janaḥ || 14 ||
[Analyze grammar]

nūnaṃ jāto na rāmeṇa bhavānrāvaṇasaṃbhavaḥ |
yenopekṣasi sarvānno rākṣasaiḥ paripīḍitān || 15 ||
[Analyze grammar]

satyametatpurā proktaṃ nītiśāstravicakṣaṇaiḥ |
yasya varṇasya yo rājā sa varṇaḥ sukhamedhate || 16 ||
[Analyze grammar]

tasmāttvaṃ rākṣasodbhūto rākṣasairdvijasattamān |
upekṣase tataḥ sarvānbhakṣyamāṇāṃstathāparān || 17 ||
[Analyze grammar]

ārtānāṃ yatra lokānāṃ doṣaiḥ pārthivasaṃbhavaiḥ |
pataṃtyaśrūṇi bhūpṛṣṭhe tatra rājā sa doṣabhāk || 18 ||
[Analyze grammar]

kuśa uvāca |
prasādaḥ kriyatāṃ viprā na mayā jñātamīdṛśam |
rākṣasebhyaḥ samutpanno brāhmaṇānāṃ parābhavaḥ || 19 ||
[Analyze grammar]

adyaprabhṛti yaḥ kaścidvināśaṃ nīyate kvacit |
brāhmaṇo vā'thavā'nyo'pi tadbhavenmama pātakam || 20 ||
[Analyze grammar]

evamuktvā tatastūrṇaṃ preṣayāmāsa rāghavaḥ |
vibhīṣaṇāya saṃkruddho dūtaṃ bhayavivarjitam || 21 ||
[Analyze grammar]

gaccha dūta drutaṃ gatvā tvayā vācyo vibhīṣaṇaḥ |
rāmocitastvayā sneho mayā saha kṛto mahān || 22 ||
[Analyze grammar]

yadrākṣasagaṇaiḥ sārdhaṃ mama bhūmiṃ samaṃtataḥ |
tvaṃ kleśayasi durbuddhe māṃ viśvāsya subhāṣitaiḥ || 23 ||
[Analyze grammar]

mama pitrā kṛteyaṃ te pratiṣṭhā rākṣasādhama |
tena no hanmi te bhrātā yathā tātena śātitaḥ || 24 ||
[Analyze grammar]

viṣavṛkṣo'pi yo vṛddhiṃ svayameva praṇīyate |
kathaṃ saṃchidyate so'tra svayameva manīṣibhiḥ || 25 ||
[Analyze grammar]

tasmādadya dinādūrdhvaṃ yadi kaścinniśācaraḥ |
samudrasyottaraṃ pāraṃ kathaṃcidāgamiṣyati || 26 ||
[Analyze grammar]

tadahaṃ satvaraṃ prāpya laṃkāṃ tava purīmimām |
sasainyo dhvaṃsayiṣyāmi tathā sarvānniśācarān || 27 ||
[Analyze grammar]

tvāṃ ca baddhvā dṛḍhaiḥ pāśairnigaḍaiśca susaṃyatam |
kārāsaṃsthaṃ kariṣyāmi sadya eva na saṃśayaḥ || 28 ||
[Analyze grammar]

evamuktastato dūto gatvā setuṃ drutaṃ tataḥ |
dṛṣṭvā rāmeśvaraṃ devaṃ yāvadagre vyava sthitaḥ || 29 ||
[Analyze grammar]

tāvatpṛṣṭo janaiḥ kaiścitkastvaṃ vatsa ihāgataḥ |
kena kāryeṇa no brūhi nātra gacchaṃti mānavāḥ || 30 ||
[Analyze grammar]

dūta uvāca |
ahaṃ kuśena bhūpena vibhīṣaṇagṛhaṃ prati |
preṣitaḥ kāryamuddiśya tatra yāsyāmyahaṃ katham || 31 ||
[Analyze grammar]

janā ūcuḥ |
nātaḥ paraṃ naraḥ kaścidgantuṃ śaktaḥ kathaṃcana |
bhagnaḥ seturyato madhye rāmeṇākliṣṭakarmaṇā || 32 ||
[Analyze grammar]

tasmādatraiva te kāryaṃ siddhiṃ dūta prayāsyati |
vibhīṣaṇakṛtaṃ sarvaṃ darśanāttasya rakṣasaḥ || 33 ||
[Analyze grammar]

sarvadā rākṣasendro'sau śubhaṃ rāmeśvaratrayam |
trikālaṃ pūjayatyeva niyamaṃ samupāśritaḥ || 34 ||
[Analyze grammar]

laṃkādvāre sthito yo vai setukhaṇḍe maheśvaraḥ |
prabhāte kurute tasya svayaṃ pūjāṃ vibhīṣaṇaḥ || 35 ||
[Analyze grammar]

jalamadhyagataṃ yacca setukhaṃḍaṃ dvitīyakam |
tatra rāmeśvaro yaśca madhyāhne taṃ prapūjayet || 36 ||
[Analyze grammar]

enaṃ deva niśīthe ca sarvadāgatya bhaktitaḥ |
saṃpūjayenna sandehaḥ satyametatprakīrtitam || 37 ||
[Analyze grammar]

tasmāttiṣṭha tvamavyagraḥ sthāne'traiva samāhitaḥ |
yāvadāgamanaṃ tasya rākṣasasya mahātmanaḥ || 38 ||
[Analyze grammar]

tenaiva sahitaḥ paścātsvecchayā tasya mandiram |
prayāsyasi gṛhaṃ vāpi svakīyaṃ tadvisarjitaḥ || 39 ||
[Analyze grammar]

atha teṣāṃ tadākarṇya sa dūto harṣasaṃyutaḥ |
bāḍhamityeva coktvātha tatra caiva vyavasthitaḥ || 40 ||
[Analyze grammar]

atha prāpte niśārdhe sa rākṣasaiḥ parivāritaḥ |
vibhīṣaṇaḥ samāyātastasminnāyatane śubhe || 41 ||
[Analyze grammar]

vimānavaramārūḍhaḥ stūyamānaḥ samantataḥ |
rākṣasairbaṃdirūpaistairgīyamānastathā paraiḥ || 42 ||
[Analyze grammar]

uttīrya ca vimānāgryātkṛtvā'tha triḥ pradakṣiṇām |
rāmeśvaraṃ praṇamyoccaiḥ stotrametaccakāra saḥ || 43 ||
[Analyze grammar]

namaste devadeveśa bhaktānāmabhayaprada |
sarvataḥ pāṇipādaṃ te sarvatokṣiśiromukham || 44 ||
[Analyze grammar]

tvaṃ yajñastvaṃ vaṣaṭkārastvaṃ caṃdrastvaṃ prabhākaraḥ |
tvaṃ viṣṇustvaṃ caturvaktraḥ śakrastvaṃ parameśvaraḥ || 45 ||
[Analyze grammar]

yathā tilagataṃ tailaṃ gūḍhaṃ tiṣṭhati sarvadā |
tathā tvaṃ sarva lokeṣu gūḍhastiṣṭhasi śaṃkara || 495 ||
[Analyze grammar]

yathā kāṣṭhagato vahniḥ saṃsthito'pi na lakṣyate |
mūḍhaiḥ sarvatrasaṃsthopi tathā tvaṃ naiva lakṣyase || 47 ||
[Analyze grammar]

yathā dadhigataṃ sarpirnigūḍhatvena saṃsthitam |
carācareṣu bhūteṣu tathā tvaṃ deva saṃsthitaḥ || 48 ||
[Analyze grammar]

yathā jalaṃ dharāpṛṣṭhātkhanannāpnoti mānavaḥ |
tathā tvāṃ pūjayannityaṃ mokṣamāpnotyasaṃśayam || 49 ||
[Analyze grammar]

tāvacca durlabhaḥ svargastāvacchūrāśca śatravaḥ |
yāvadeva na santoṣaṃ tvaṃ karoṣi śarīriṇām || 50 ||
[Analyze grammar]

tāvallakṣmīścalā nṝṇāṃ tāvadrogāḥ pṛthagvidhāḥ |
na yāvaddevadeva tvaṃ santoṣaṃ saṃprayāsyasi || 51 ||
[Analyze grammar]

tāvatputrodbhavaṃ duḥkhaṃ tathā priyasamu dbhavam |
yāvattvaṃ deva nāyāsi santoṣaṃ dehināmiha || 52 ||
[Analyze grammar]

evaṃ stutvā tato liṃgaṃ snāpayitvā yathāvidhi |
gandhānulepanaidivyairmardayāmāsa vai tataḥ || 53 ||
[Analyze grammar]

pārijātakapuṣpaiśca tathā santānasambhavaiḥ |
kalpapādapasaṃbhūtaistathā mandārajairapi || 54 ||
[Analyze grammar]

pūjāṃ cakre suvistīrṇā śraddhayā parayā yutaḥ |
divyairābharaṇairbhūṣya divyavastraistataḥ param || 55 ||
[Analyze grammar]

sa ca gītaṃ svayaṃ cakre tālamādāya pāṇinā |
mūrchātālakṛtaṃ ramyaṃ saptasvaravirājitam || 56 ||
[Analyze grammar]

tānayuktyā samopetaṃ grāmai rāgaiḥ svalaṃkṛtam |
evaṃ kṛtvā sa śuśrūṣā tasya devasya bhaktitaḥ || 57 ||
[Analyze grammar]

yāvatsaṃprasthito bhūyo laṃkāṃ prati vibhīṣaṇaḥ |
tāvaddūto'grataḥ sthitvā kuśavākyamuvāca ha || 58 ||
[Analyze grammar]

viśeṣatastu tenoktaṃ yattasya purataḥ purā |
atikopābhibhūtena praraktanayanena ca || 59 ||
[Analyze grammar]

tacchrutvātha praṇamyoccairdūtaṃ prāha vibhīṣaṇaḥ |
kṛtāṃjalipuṭo bhūtvā vinayāvanataḥ sthitaḥ || 60 ||
[Analyze grammar]

yadyevaṃ vihitaṃ rājye rāmaputrasya rākṣasaiḥ |
tannūnaṃ tanmayā sarvaṃ vihitaṃ dūtasattama || 61 ||
[Analyze grammar]

tasmānmahāprasādo me kṛtastena mahātmanā |
kuśena preṣito yastvaṃ mama mūrkhasya saṃnidhau || 62 ||
[Analyze grammar]

evamuktvā sa tānsarvāñchodhayāmāsa rākṣasān |
ye gatvā bhūtale martyāndhvaṃsayaṃti sadaiva hi || 63 ||
[Analyze grammar]

tatastatraiva cānīya tasya dūtasya saṃnidhau |
pratyekaṃ tānuvācedaṃ kopādaśrūṇi cotsṛjan || 64 ||
[Analyze grammar]

yaiḥ kṛto janavidhvaṃso rākṣasaiḥ sudurātmabhiḥ |
rājye kuśasya saṃprāptaiḥ prabhormama mahātmanaḥ || 65 ||
[Analyze grammar]

te sarve vyaṃtarā raudrāḥ prabhavaṃtu suduḥkhitāḥ |
laṃkādvāragatā nityaṃ kṣutpipāsānipīḍitāḥ || 66 ||
[Analyze grammar]

sarvabhogaparityaktāḥ śītātapasahi ṣṇavaḥ |
śleṣmamūtrakṛtāhārā nindyāḥ sarvajanasya ca || 67 ||
[Analyze grammar]

evaṃ dattvātha teṣāṃ sa śāpaṃ rākṣasasattamaḥ |
tataḥ prāha ca taṃ dūtaṃ punareva kṛtāṃ jaliḥ || 68 ||
[Analyze grammar]

adyaprabhṛti no kaścidrākṣasaḥ saṃprayāsyati |
tasmādvācyo raghuśreṣṭho madvākyātsa kuśastvayā |
kṣamyatāmaparādho me yadajñānā dayaṃkṛtaḥ || 69 ||
[Analyze grammar]

rākṣasairduṣṭajātīyairmahāmāṃsasyalolupaiḥ |
kṛtaśca nigrahasteṣāṃ pratyakṣaṃ tava dūta yaḥ || 70 ||
[Analyze grammar]

yadanyadapi kṛtyaṃ syāddaivaṃ vā mānuṣaṃ ca vā |
mama bhṛtyasya tatsarvaṃ kathanīyamaśaṃkitam || 71 ||
[Analyze grammar]

dūta uvāca |
yāni tatra ca liṃgāni rākṣasairnirmitāni ca |
tāni gatvā svayaṃ śīghraṃ tvamutpāṭaya rākṣasa || 72 ||
[Analyze grammar]

etadeva paraṃ kṛtyaṃ sarvalokasukhāvaham |
sthāpitāni ca yānyeva maṃtrai rākṣasasaṃbhavaiḥ || 73 ||
[Analyze grammar]

saṃpūjitāni rakṣobhiścaturvaktrāṇi rākṣasa |
ajānanmānavaḥ kaścidyadi pūjāṃ samācaret || 74 ||
[Analyze grammar]

tatkṣaṇānnāśamāyāti etaddṛṣṭaṃ mayā svayam |
etasmātkāraṇādvacmi tvāmahaṃ rākṣasādhipa |
taiḥ sthitairbhūtale liṃgaiḥ sthitāḥ sarve niśācarāḥ || 75 ||
[Analyze grammar]

vibhīṣaṇa uvāca |
mayā pūrvaṃ pratijñātaṃ rāmasya purataḥ kila |
rāmeśvaramatikramya na gatavyaṃ dharātale || 76 ||
[Analyze grammar]

anyacca kāraṇaṃ dūta proktamatra manīṣibhiḥ |
duḥsthitaṃ susthitaṃ vāpi śivaliṃgaṃ na cālayet || 77 ||
[Analyze grammar]

tatkathaṃ tatra gatvā'tha liṃgabhedaṃ karomyaham |
svayaṃ māheśvaro bhūtvā pratijñāya ca vai svayam || 78 ||
[Analyze grammar]

tasmātprasādanīyaste madvākyātsa narādhipaḥ |
yadyuktaṃ mayā proktaṃ tattvaṃ kuru vinigraham || 79 ||
[Analyze grammar]

evamuktvātha taṃ dūtaṃ ratnaiḥ sāgarasaṃbhavaiḥ |
prabhūtairbhūṣayitvā'tha visasarja nṛpaṃ prati || 80 ||
[Analyze grammar]

atha te rākṣasāstena śaptāḥ procuḥ suduḥkhitāḥ |
kuru śāpasya mokṣaṃ naḥ sarveṣāṃ rākṣaseśvara || 81 ||
[Analyze grammar]

vibhīṣaṇa uvāca |
nāhaṃ karomi bhūyo'pi yuṣmākaṃ rākṣasādhamāḥ ||
anugrahaṃ praśaptānāṃ vaṃcakānāṃ viśeṣataḥ || 82 ||
[Analyze grammar]

tasmātso'pi raghuśreṣṭhaḥ prasādaṃ vaḥ kariṣyati |
mama vākyāda saṃdigdhaṃ kālaḥ kaścitpratīkṣyatām || 83 ||
[Analyze grammar]

evamuktvā'tha rakṣendraḥ preṣayāmāsa satvaram |
dūtaṃ kuśamahīpasya mānuṣaṃ devapūjakam || 84 ||
[Analyze grammar]

gatvā brūhi kuśaṃ bhūpaṃ satvaraṃ vacanānmama |
eteṣāṃ matpraśaptānāṃ rākṣasānāṃ durātmanām |
anugrahaṃ kuru vibho dīnānāṃ bhojanāya vai || 85 ||
[Analyze grammar]

evamuktastatastena ito dūtena saṃyutaḥ |
kuśastena viniryātaḥ satvaraṃ dvijasattamāḥ || 86 ||
[Analyze grammar]

tato gatvā drutaṃ dūtaḥ kuśaṃ provāca sādaram |
praṇipatya yathā nyāyaṃ vinayāvanataḥ sthitaḥ || 87 ||
[Analyze grammar]

vibhīṣaṇo mayā dṛṣṭo deve rāmeśvare vibho |
pūjārthaṃ tatra cāyāto rākṣasairbahubhirvṛtaḥ || 88 ||
[Analyze grammar]

prokto mayā bhavadvākyamaśeṣaṃ raghunandana |
śrutaṃ tenāpi tatsarvaṃ vinayāvanatena ca || 89 ||
[Analyze grammar]

ajānataḥ prabho tasya rākṣasaiḥ sudurātmabhiḥ |
prajaivaṃ pīḍitā bhūmau mahāmāṃsasya lolupaiḥ || 90 ||
[Analyze grammar]

tacchrutvā manmukhāttena sarveṣāṃ nigrahaḥ kṛtaḥ |
yaiḥ kṛtaṃ kadanaṃ bhūmau tava pārthiva sattama |
kṛtāste vyantarā sarve pāpāhāravihāriṇaḥ || 91 ||
[Analyze grammar]

bhaviṣyatha tathā yūyaṃ kṣutpipāsānipīḍitāḥ |
taiḥ sarvaiḥ prārthitaḥ so'pi bhūyobhūyaḥ praṇamya tam || 92 ||
[Analyze grammar]

śaptāḥ sarve vayaṃ tāvatprasādaṃ kuru tadvibho |
te tenātha tataḥ proktā nāhaṃ vo rākṣasādhamāḥ || 93 ||
[Analyze grammar]

anugrahaṃ kariṣyāmi na dāsyāmi ca bhojanam |
kuśādeśānmayā sarve yūyaṃ pāpasamanvitāḥ || 94 ||
[Analyze grammar]

nigṛhītāḥ sa yuṣmākaṃ prasādaṃ prakariṣyati |
tadarthaṃ preṣito dūtastvatsakāśaṃ mahīpate || 95 ||
[Analyze grammar]

rakṣasā tena yadyuktamakhilaṃ tattvamācara |
kiṃ vā te bahunoktena nāsti bhaktastathā vidhaḥ |
bhaktiśaktisamopeto yathā te sa vibhīṣaṇaḥ || 96 ||
[Analyze grammar]

adyaprabhṛti no bhūmau vicariṣyaṃti rākṣasāḥ |
tasya vākyādasaṃdehaṃ tvaṃ rājansukha bhāgbhava || 97 ||
[Analyze grammar]

liṃgānāṃ ca kṛte rājanvijñaptaṃ tena rakṣasā |
na mayā cātra rājeṃdra āgantavyaṃ kathaṃcana |
rāmadevasya vākyena jaṃbudvīpe na me gatiḥ || 98 ||
[Analyze grammar]

atra sthitasya yatkṛtyaṃ daivaṃ vā mānuṣaṃ ca vā |
tavādeśaṃ kariṣyāmi yadyapi syātsuduṣkaram || 99 ||
[Analyze grammar]

tasmāttena mahārāja rāmeśvaraprapūjakaḥ |
manuṣyaḥ preṣito dūto yastaṃ paśya mahīpate || 100 ||
[Analyze grammar]

atha tasya samādeśāḍḍhaukanīyaiḥ pṛthagvidhaiḥ |
sahitaḥ sa samāyāto dūto rakṣeṃdranoditaḥ || 101 ||
[Analyze grammar]

dhātrīphalapramāṇānāṃ tena prasthāstrayodaśa |
mauktikānāṃ samānītāḥ kṛte tasya mahīpateḥ || 102 ||
[Analyze grammar]

vaiḍūryāṇāṃ marakatānāṃ maṇīnāṃ ca dvijottamāḥ |
jātyānāṃ ṣoḍaśa droṇāḥ samānītāḥ sunirmalāḥ || 103 ||
[Analyze grammar]

agniśaucāni vastrāṇi tathā devamayāni ca |
asaṃkhyātāni vai hema jātyaṃ saṃkhyāvivarjitam || 104 ||
[Analyze grammar]

tatsarvaṃ darśayitvātha kuśāya sumahātmane |
kṛtvā pradakṣiṇaṃ paścātpraṇāmamakaroddvijāḥ || 105 ||
[Analyze grammar]

eṣa pārthivaśārdūla rākṣasendro vibhīṣaṇaḥ |
praṇāmaṃ kurute bhaktyā manmukhenedamabravīt || 106 ||
[Analyze grammar]

prasādātte pituḥ kṣemaṃ mama rājye mahī pate |
eṣa tiṣṭhāmyahaṃ nityaṃ pūjayaṃste piturharam || 107 ||
[Analyze grammar]

mama rājannavijñātairyadi taiḥ sudurātmabhiḥ |
mahītale kṛtaṃ kiṃcidviruddhaṃ kṣamyatāṃ mama || 108 ||
[Analyze grammar]

ete ye rākṣasāḥ śaptāstavārthāya mayā prabho |
eteṣāṃ pretarūpāṇāṃ tvamāhāraṃ prakīrtaya || 109 ||
[Analyze grammar]

kuśa uvāca |
mamādeśātsamāgatya te'tra liṃgāni kṛtsnaśaḥ |
pūrayaṃtu prayatnena pāṃsubhiḥ sarvatodiśam || 110 ||
[Analyze grammar]

tatastu bhojanaṃ teṣāṃ yadbhaviṣyati bhūtale |
tadvakṣyāmi sthiro bhūtvā śṛṇu devaprapūjaka || 111 ||
[Analyze grammar]

tulāgate sadāditye tairāgatya dharātale |
vihartavyaṃ prayatnena yāvadvṛścikadarśanam || 112 ||
[Analyze grammar]

tatra yairna kṛtaṃ śrāddhaṃ pretapakṣe narādhamaiḥ |
kanyāsthe vā ravau yāvanna tulāṃtagatirbhavet || 113 ||
[Analyze grammar]

jvararūpaistadaṃgasthairbhakṣyamannaṃ pṛthagvidham |
mamādeśādasaṃdigdhaṃ māsamekaṃ niśācaraiḥ || 114 ||
[Analyze grammar]

vidhihīnaṃ ca yairdattaṃ bhuktaṃ ca vidhivarjitam |
śrāddhaṃ vā mānuṣaiḥ sevyā jvararūpaiśca te sadā || 115 ||
[Analyze grammar]

evaṃ vācyāstvayā sarve pretāste madvaco'khilam |
tasmādāgatya kurvaṃtu kārtike māsi madvacaḥ || 116 ||
[Analyze grammar]

tathā dūta tvayā vācyo mama vākyādvibhīṣaṇaḥ |
pramādādyanmayā proktaṃ paruṣaṃ vacanaṃ tava || 117 ||
[Analyze grammar]

jānāmyahaṃ mahābhāga na te'sti vikṛtiḥ kvacit |
parikliṣṭaṃ janaṃ dṛṣṭvā mayaitadvyāhṛtaṃ vacaḥ || 118 ||
[Analyze grammar]

rākṣasendre sthite bhūmau tvayi jānāmyahaṃ sadā |
tiṣṭhate janako mahyaṃ rāmaḥ śastrabhṛtāṃ varaḥ || 119 ||
[Analyze grammar]

evamuktvā tato dūtaṃ pūjayā māsa rāghavaḥ |
vastrairbahuvidhai ratnairnadyutthaiśca pṛthagvidhaiḥ || 120 ||
[Analyze grammar]

vibhīṣaṇakṛte paścātpreṣayāmāsa rāghavaḥ |
ḍhaukanīyānyanekāni yāni saṃti ca tatra vai || 121 ||
[Analyze grammar]

sūta uvāca |
evaṃ sa sukhasaṃyuktānkṛtvā sarvāndvijottamān |
etatsarvaṃ dadau paścāttebhyo muktādikaṃ nṛpaḥ || 122 ||
[Analyze grammar]

ḍhaukanīyaṃ tathā'yātaṃ tallaṃkāyāḥ pṛthagvidham |
śāsanāni tathānyāni gajāśvasahitāni ca || 123 ||
[Analyze grammar]

pattanāni vicitrāṇi grāmāṇi nagarāṇi ca |
yaccānyadvāṃchitaṃ yena taddattaṃ tena tasya vai || 124 ||
[Analyze grammar]

tataḥ kuśeśvaraṃ devaṃ vidhāya ca laveśvaram |
svāṃ tanuṃ ca mahābhāgau bhrātarau tau raghūttamau || 125 ||
[Analyze grammar]

nivedya brāhmaṇendrāṇāṃ kṛtvā vṛttiṃ yathocitām |
ayodhyāṃ nagarīṃ tūrṇaṃ kṛtakṛtyau vinirgatau || 126 ||
[Analyze grammar]