Chapter 76

[English text for this chapter is available]

| sūta uvāca |
tathānyadapi tatrāsti bhāskaratritayaṃ śubham |
yaistuṣṭaistriṣu lokeṣu mānavo muktimāpnuyāt || 1 ||
[Analyze grammar]

muṇḍīraṃ prathamaṃ tatra kālapriyaṃ tathāparam |
mūlasthānaṃ tṛtīyaṃ ca sarvavyādhivināśanam || 2 ||
[Analyze grammar]

tatra saṃkramate sūryo muṃḍīre rajanīkṣaye |
kālapriye ca madhyāhne mūlasthāne kṣapāgame || 3 ||
[Analyze grammar]

tasminkāle naro bhaktyā paśyedapyekamevaca |
kṛtakṣaṇo naro mokṣaṃ satyaṃ yāti na saṃśayaḥ || 4 ||
[Analyze grammar]

ṛṣaya ūcuḥ |
muṃḍīraḥ pūrvadigbhāge dharitryāḥ śrūyate kila |
madhye kālapriyo devo mūlasthānaṃ tadantare || 5 ||
[Analyze grammar]

tatkathaṃ te trayastatra saṃjātāḥ sūta bhāskarāḥ |
hāṭakeśvaraje kṣetre sarvaṃ no brūhi vistarāt || 6 ||
[Analyze grammar]

sūta uvāca |
asti sāgaraparyaṃte viṭaṃkapuramuttamam |
samudravīcisaṃsaktaproccaprākāramaṇḍanam || 7 ||
[Analyze grammar]

tatrābhūdbrāhmaṇaḥ kaścitkuṣṭhavyādhisamanvitaḥ |
pūrvakarmavipākena yauvanesamupasthite || 8 ||
[Analyze grammar]

tasya bhāryā'bhavatsādhvī kulīnā śīlamaṃḍanā |
tathābhūtamapi prāyaḥ sā paśyati yathā smaram || 9 ||
[Analyze grammar]

auṣadhāni vicitrāṇi mahārghyāṇyapi cādade |
tadarthamupalepāṃśca pathyāni vividhāni ca || 10 ||
[Analyze grammar]

tathā bhiṣagvarānnityamānināya ca sādaram |
tadarthe na guṇastasya tathāpi syāccharīrajaḥ || 11 ||
[Analyze grammar]

yathāyathā sa gṛhṇāti bheṣajāni dvijottamāḥ |
kuṣṭhena sarvagātreṣu vyāpyate ca tathātathā || 12 ||
[Analyze grammar]

athaivaṃ vartamānasya tasya vipravarasya ca |
gṛhe'tithiḥ samāyātaḥ kaścitpāṃthaḥ śramānvitaḥ || 13 ||
[Analyze grammar]

atha vipraṃ gṛhaṃ prāptaṃ dṛṣṭvā tasya satī priyā |
ajñātamapisadbhaktyā sūpacārairatoṣayat || 14 ||
[Analyze grammar]

atha taṃ snātamācāṃtaṃ kṛtāhāraṃ dvijottamam |
viśrāntaṃ śayane vipraḥ provāca sa gṛhādhipaḥ || 15 ||
[Analyze grammar]

tejo'nvitaṃ yathā bhānuṃ rūpaudāryaguṇānvitam |
yauvane vartamānaṃ ca mūrtaṃ kāmamivāparam || 16 ||
[Analyze grammar]

kuṣṭhyuvāca |
kuta āgamyate vipra kva yāsyasi vadā'dhunā |
evaṃ lāvaṇyayukto'pi kimekākī yathārtibhāk || 17 ||
[Analyze grammar]

pathika uvāca |
asti kāntīpurīnāma puraṃdarapurī yathā |
susthitaiḥ sevitā nityaṃ janairdharmavratānvitaiḥ || 18 ||
[Analyze grammar]

tasyāmahaṃ kṛtāvāso gṛhasthāśramamāvahan |
grastaḥ kuṣṭhena raudreṇa yathā tvaṃ dvijasattama || 19 ||
[Analyze grammar]

tataḥ śrutaṃ mayā tāvatpurāṇe skāndasaṃjñite |
bhāskaratritayaṃ bhūmau sarvavyādhivināśanam || 20 ||
[Analyze grammar]

tato nirvedamāpanno bheṣajaiḥ kleśitaściram |
kṣāraiścāmlaiḥ kaṣāyaiśca kaṭukairatha tiktakaiḥ || 21 ||
[Analyze grammar]

tato viniścayaṃ citte kṛtvā gṛhya dhanaṃ mahat |
muṇḍīrasvāminaṃ gatvā sthitastasyaiva sannidhau || 22 ||
[Analyze grammar]

tataḥ prātaḥ samutthāya nityaṃ paśyāmi taṃ vibhum |
pūjayāmi svaśaktyā ca praṇamāmi tataḥ param || 23 ||
[Analyze grammar]

sūryavāre viśeṣeṇa nirāhāro yatendriyaḥ |
karomi jāgaraṃ rātrau gītavāditraniḥsvanaiḥ || 24 ||
[Analyze grammar]

tataḥ saṃvatsarasyāṃte taṃ praṇamya dinādhipam |
kālapriyaṃ tataḥ paścācchraddhayā parayā yutaḥ || 25 ||
[Analyze grammar]

tenaiva vidhinā vipra tasyāpi divaseśituḥ |
pūjāṃ karomi madhyāhne śraddhā pūtena cetasā || 26 ||
[Analyze grammar]

tato'pi vatsarasyāṃte taṃ praṇamyātha śaktitaḥ |
mūlasthānaṃ gato devamaparasyāṃ diśi sthitam || 27 ||
[Analyze grammar]

tenaiva vidhinā pūjā tasyāpi vihitā mayā |
saṃdhyākāle dvijaśreṣṭha yāvatsaṃvatsaraṃ sthitaḥ || 28 ||
[Analyze grammar]

tataḥ saṃvatsarasyāṃte svapne māṃ bhāskaro'bravīt |
sametya prahasanvipraḥ saṃprahṛṣṭena cetasā || 29 ||
[Analyze grammar]

parituṣṭo'smi te vipra karmaṇā'nena bhaktitaḥ |
mamārādhanajenaiva tasmātkuṣṭhaṃ prayātu te || 30 ||
[Analyze grammar]

gaccha śīghraṃ dvijaśreṣṭha śrāṃto'si nijamaṃdiram |
paśya baṃdhujanaṃ sarvaṃ sotkaṇṭhaṃ tatkṛte sthitam || 31 ||
[Analyze grammar]

tvayā hṛtaṃ purā rukmaṃ brāhmaṇasya mahātmanaḥ |
tena karmavipākena kuṣṭhavyādhirupasthitaḥ || 32 ||
[Analyze grammar]

sa mayā nāśitastubhyaṃ prahṛṣṭenādhunā dvija |
etajjñātvā na kartavyaṃ suvarṇaharaṇaṃ punaḥ || 33 ||
[Analyze grammar]

dṛśyante ye narā loke kuṣṭhavyādhisamākulāḥ |
suvarṇaharaṇaṃ sarvaistaiḥ kṛtaṃ pāpakarmabhiḥ || 34 ||
[Analyze grammar]

tasmāddeyaṃ yathāśaktyā na steyaṃ kanakaṃ budhaiḥ |
icchadbhiḥ paramaṃ saukhyaṃ svaśarīrasya śāśvatam || 35 ||
[Analyze grammar]

evamuktvā sahasrāṃśustataścādarśanaṃ gataḥ |
ahaṃ ca vismayāviṣṭaḥ protthitaḥ śayanāddrutam || 36 ||
[Analyze grammar]

yāvatpaśyāmi dehaṃ svaṃ kuṣṭhavyādhiparicyutam |
dvādaśārkaprabhaṃ divyaṃ yathā tvaṃ paśyase dvija || 37 ||
[Analyze grammar]

tasmāttvamapi vipreṃdra bhaktyā tadbhāskaratrayam |
anena vidhinā paśya yena kuṣṭhaṃ praśāmyati || 38 ||
[Analyze grammar]

kimauṣadhaiḥ kimāhāṃraiḥ kaṭukairapi yojitaiḥ |
sarvavyādhipraṇāśeśe sthite'sminbhāskaratraye || 39 ||
[Analyze grammar]

svasti te'stu gamiṣyāmi sāṃprataṃ tāṃ purīṃ prati |
gṛhe'dya tava viśrāṃto yathā vipra nije gṛhe || 40 ||
[Analyze grammar]

evamuktaḥ sa pāṃthena tena vipraḥ sa kuṣṭhabhāk |
vīkṣāṃcakre tato vaktraṃ svapatnyā duḥkhasaṃyutaḥ || 41 ||
[Analyze grammar]

sā'bravīdyuktamuktaṃ te pāṃthenānena vallabha |
tasmāttatra drutaṃ gaccha yatra tadbhāskaratrayam || 42 ||
[Analyze grammar]

ahaṃ tvayā samaṃ tatra śuśrūṣāniratā satī |
gamiṣyāmi na saṃdehastasmādgaccha drutaṃ vibho || 43 ||
[Analyze grammar]

evamuktastayā so'tha vittamādāya bhūriśaḥ |
prasthitaḥ kāṃtayā sārdhaṃ muṇḍīrasvāminaṃ prati || 44 ||
[Analyze grammar]

pratijñayā gamiṣyāmi draṣṭuṃ taddevatātrayam |
muṃḍīraṃ kālanāthaṃ ca mūla sthānaṃ ca bhāskaram || 45 ||
[Analyze grammar]

tataḥ kṛcchreṇa mahatā kuṣṭhavyādhisamākulaḥ |
hāṭakeśvaraje kṣetre saṃprāptaḥ sa dvijottamāḥ || 46 ||
[Analyze grammar]

taddṛṣṭvā sumahatkṣetraṃ tāpasaughaniṣevitam |
nirviṇṇaḥ kuṣṭharogeṇa pathi śrāṃto'bravītpriyām || 47 ||
[Analyze grammar]

ahaṃ nirvedamāpanno rogeṇātha bubhukṣayā |
muṇḍīrasvāminaṃ yāvanna śakromi prasarpitum || 48 ||
[Analyze grammar]

tasmādatraiva dehaṃ svaṃ vihāsyāmi na saṃśayaḥ |
tvaṃ gaccha svagṛhaṃ kāṃte sārthamāsādya śobhanam || 49 ||
[Analyze grammar]

patnyuvāca |
abhukte tvayi no bhuktaṃ kadācitkāṃta vai mayā |
ekāṃte'pi mahābhāga na suptaṃ jāgrati tvayi || 50 ||
[Analyze grammar]

tasmādetanmahākṣetraṃ saṃprāpya tvāṃ vyavasthitam |
paralokāya saṃtyajya kathaṃ gacchāmyahaṃ gṛham || 51 ||
[Analyze grammar]

darśayiṣye mukhaṃ teṣāṃ tvayā hīnā ahaṃ katham |
bāṃdhavānāṃ gurūṇāṃ ca anyeṣāṃ sudṛdā mapi || 52 ||
[Analyze grammar]

tasmāttvayā samaṃ nātha pravekṣyāmi hutāśanam |
snehapāśavinirbaddhā satyenātmānamālabhe || 53 ||
[Analyze grammar]

yāvatastava saṃjātā upavāsā mahāmate |
tāvaṃtaśca tathāsmākaṃ kathaṃ gacchāmi tadgṛham || 54 ||
[Analyze grammar]

evaṃ tasyā viditvā sa niścayaṃ brāhmaṇastadā |
citiṃ kṛtvā tu dāhārthaṃ tayā sārdhe tato'viśat || 55 ||
[Analyze grammar]

bhāskaraṃ manasi dhyātvā yāvadagniṃ samādade |
tāvatpaśyati cāgrasthaṃ sudīptaṃ puruṣatrayam || 56 ||
[Analyze grammar]

taddṛṣṭvā vismayāviṣṭaḥ ka ete puruṣāstrayaḥ |
na kadācinmayā dṛṣṭā īdṛktejaḥsamanvitāḥ || 57 ||
[Analyze grammar]

puruṣā ūcuḥ |
mā tvaṃ mṛtyupathaṃ gaccha kṛtvā vairāgyamākulaḥ |
vyāvṛtya svagṛhaṃ gaccha sva bhāryāsahito dvija || 58 ||
[Analyze grammar]

brāhmaṇa uvāca |
pratijñāya mayā pūrva gṛhaṃ muktaṃ nijaṃ yataḥ |
muṇḍīrasvāminaṃ dṛṣṭvā tathā'nyaṃ kālavallabham || 59 ||
[Analyze grammar]

mūlasthānaṃ ca kartavyaṃ tataḥ sasyaprabhakṣaṇam |
so'haṃ tānavilokyātha kathaṃ gacchāmi mandiram |
bhakṣayāmi tathā sasyaṃ tena tyakṣyāmi jīvitam || 60 ||
[Analyze grammar]

puruṣā ūcuḥ |
vayaṃ te bhāskarā brahmaṃstrayo'traiva samāgatāḥ |
tvadbhaktyākṛṣṭamanaso brūhi kiṃ karavāmahe || 61 ||
[Analyze grammar]

brāhmaṇa uvāca |
yadi yūyaṃ samāyātāḥ svayameva mamāṃtikam |
trayo'pi bhāskarā nāśameṣa kuṣṭhaḥ pragacchatu || 62 ||
[Analyze grammar]

tathā'traiva sadā stheyaṃ kṣetre yuṣmābhireva hi |
sāṃnidhyaṃ triṣu lokeṣu gantavyaṃ ca yathā purā || 63 ||
[Analyze grammar]

bhāskarā ūcuḥ |
evaṃ vipra kariṣyāmaḥ sthāsyāmo 'tra sadā vayam |
tvaṃ cāpi roganirmuktaḥ sukhaṃ prāpsyasyanuttamam || 64 ||
[Analyze grammar]

prāsādatritayaṃ tasmādasmadarthaṃ nirūpaya |
yena trikālamāsādya gacchāmaḥ saṃnidhiṃ dvija || 65 ||
[Analyze grammar]

evamuktvā tu te sarve gatāścāddarśanaṃ tataḥ |
so'pi paśyati kāyaṃ svaṃ yāvadrogavivarjitam || 66 ||
[Analyze grammar]

dvādaśārka pratīkāśaṃ sarvalakṣaṇalakṣitam |
tataḥ provāca tāṃ bhāryāṃ vinayāvanatāṃ sthitām || 67 ||
[Analyze grammar]

paśya tvaṃ subhrūrme gātraṃ yādṛgrūpaṃ punaḥ sthitam |
prasādāddevadevasya bhāskarasyāṃśumālinaḥ || 68 ||
[Analyze grammar]

so'hamatra sthito nityaṃ pūjayiṣyāmi bhāskaram |
na yāsyāmi punaḥ sadma satyametanmayoditam || 69 ||
[Analyze grammar]

evamuktvā sa viprendrastasminkṣetre suśobhane |
prāsādatritayaṃ ramyaṃ nirmame bhaktisaṃyutaḥ || 7 ||
[Analyze grammar]

muṇḍīrasvāminaścaikamanyatkālapriyasya ca |
mūlasthānasya cānyattu satpatākāvibhūṣitam || 7 ||
[Analyze grammar]

trayāṇāmapi teṣāṃ tu sādhvarcāḥ śāstrasūcitāḥ |
sthāpayāmāsa sūryāṇāṃ hastārke sūryavāsare || 72 ||
[Analyze grammar]

tatastāḥ puṣpadhūpādyaiḥ samabhyarcya ciraṃ dvijaḥ |
trisaṃdhyaṃ kramaśaḥ prāpto dehāṃte bhāskarālayam || 73 ||
[Analyze grammar]

sūta uvāca |
evaṃ te tatra saṃjātāstrayo'pi dvijasattamāḥ |
bhāskarā bhaktalokasya sarvavyādhivināśakāḥ || 74 ||
[Analyze grammar]

yastānpaśyati kāle sve yathokte sūraryavāsare |
sa vāṃchitāṃllabhetkāmāndurlabhānapi mānavaiḥ || 75 ||
[Analyze grammar]