Chapter 77

[English text for this chapter is available]

| ṛṣaya ūcuḥ |
yadetadbhavatā proktaṃ tatra tau parameśvarau |
umāmaheśvarau sūta hariścandreṇa bhūbhujā || 1 ||
[Analyze grammar]

kṛtau kathayasītyevaṃ vedimadhyaṃ samāśritau |
utānyau sthāpitau tatra camatkārapurāṃtikam || 2 ||
[Analyze grammar]

vedimadhyagatau nityaṃ pārvatīparameśvarau |
etatsaṃśrūyate sūta vivāhaḥ prāgabhūttayoḥ |
oṣadhiprasthamāsādya puraṃ hima vataḥ priyam || 3 ||
[Analyze grammar]

atra naḥ saṃśayo jātaḥ śraddheyamapi te vacaḥ |
śrutvā kiṃ vā bhramaste'yaṃ kiṃ vā'smākaṃ prakīrtaya || 4 ||
[Analyze grammar]

sūta uvāca |
nāsmākaṃ vibhramo jāto yuṣmākaṃ tu dvijottamāḥ |
paraṃ yatkāraṇaṃ kṛtsnaṃ tadbravīmi nibodhyatām || 5 ||
[Analyze grammar]

ya eṣa oṣadhiprasthe vivāhaḥ prāgabhū ttayoḥ |
umātrinetrayo ramyaḥ sarvadevapramodakṛt || 6 ||
[Analyze grammar]

vaivasvate'ntare pūrvaṃ saṃjāto dvijasattamāḥ |
saptamasya tu vikhyāto yuṣmākaṃ vidito'tra yaḥ || 7 ||
[Analyze grammar]

hāṭakeśvaraje kṣetre yaścodvāhastayorabhūt |
svāyaṃbhuvamanorādye sa saṃjātaḥ suvistaraḥ || 8 ||
[Analyze grammar]

ṛṣaya ūcuḥ |
vivāha oṣadhiprasthe yaḥ purā samabhūttayoḥ |
pārvatīharayoḥ sūta so'smābhirvistarācchrutaḥ || 9 ||
[Analyze grammar]

hāṭakeśvaraje kṣetre dakṣayajñe manohare |
vivāho vṛṣayānasya manau svāyaṃbhuve purā || 10 ||
[Analyze grammar]

so'smākaṃ kīrtanīyaśca tvayā sūtakulodvaha |
vistareṇa yathā vṛttaḥ etanna kautukaṃ param || 11 ||
[Analyze grammar]

sūta uvāca |
atra vaḥ kīrtayiṣyāmi sarvapātakanāśanam |
vivāhasamayaṃ samyagdevadevasya śūlinaḥ || 12 ||
[Analyze grammar]

brahmaṇo dakṣiṇāṃguṣṭhāddakṣaḥ prācetaso'bhavat |
śatāni pañca kanyānāṃ tasya jātāni ca dvijāḥ || 13 ||
[Analyze grammar]

tāsāṃ jyeṣṭhatamā sādhvī satīnāma śucismitā |
babhūva kanyakā sarvairguṇairyuktā'yatekṣaṇā || 14 ||
[Analyze grammar]

na devī na ca gaṃdharvī nāsurī na ca nāgajā |
tādṛgrūpā'bhavaccānyā yādṛśī sā sumadhyamā || 15 ||
[Analyze grammar]

atha tāṃ pradadau dakṣaḥ patnyarthaṃ śūla pāṇaye |
prārthitāṃ bahuśo yatnātsaspṛhāya spṛhānvitām || 6 ||
[Analyze grammar]

tataḥ puṇyatamaṃ kṣetraṃ kanyādānasya sa kṣamam |
saṃdhyāya sasutāmātyaḥ sabhṛtyaḥ samupasthitaḥ || 17 ||
[Analyze grammar]

tataścodvāhayogyāni vasuni vividhānyapi |
ānayāmāsa bhūrīṇi māṃgalyāni viśeṣataḥ || 18 ||
[Analyze grammar]

atha caitrasya śuklasya nakṣatre bhagadaivate |
trayodaśyāṃ dine bhānoḥ samāyāto maheśvaraḥ || 19 ||
[Analyze grammar]

sarvaiḥ suragaṇaiḥ sārdhaṃ devaviṣṇupuraḥsaraiḥ |
ādityairvasubhī rudrairaśvibhyāṃ ca tathā'paraiḥ || 20 ||
[Analyze grammar]

siddhaiḥ sādhyagaṇairbhūtaiḥ pretairvaināyakaistathā |
gandharvaiścāraṇaughaiśca guhyakairyakṣarākṣasaiḥ || 21 ||
[Analyze grammar]

etasminnaṃtare dakṣaḥ saṃprahṛṣṭatanūruhaḥ |
prayayau saṃmukhastasya yuktaḥ sarvaiḥ suhṛdgaṇaiḥ || 22 ||
[Analyze grammar]

vādyamānairmahāvādyaiḥ sūtamāgadhabandibhiḥ |
paṭhadbhiḥ sarvato'nekairgāyadbhirgāyanaistathā || 23 ||
[Analyze grammar]

tataḥ sarve surāstatra svayaṃ dakṣeṇa pūjitāḥ |
yathāśreṣṭhaṃ yathājyeṣṭhamupaviṣṭā yathākramam |
parivāryākhilāṃ vediṃ maṃḍapāṃtaravartinīm || 24 ||
[Analyze grammar]

tataḥ pitāmahaṃ prāha dakṣaḥ prītipuraḥsaram |
praṇipatya tvayā karma kāryaṃ vaivāhikaṃ vibhoḥ || 25 ||
[Analyze grammar]

svayameva sutā'smākaṃ yena syātsubhagā satī |
putra pautravatī nityaṃ suśīlā pativallabhā || 26 ||
[Analyze grammar]

bāḍhamityeva so'pyuktvā prahṛṣṭenāṃtarātmanā |
samutthāya tataścakre kṛtyamarhaṇapūrvakam || 27 ||
[Analyze grammar]

saṃpradānakriyāṃ kṛtvā tatraiva vidhipūrvakam |
tato hastagrahaṃ tābhyāṃ mithaścakre yathākramam |
mātṝṇāṃ purato vedhāḥ satīśābhyāṃ yathocitam || 28 ||
[Analyze grammar]

atha vediṃ samāsādya gṛhyoktavidhinā'khilam |
agnikāryaṃ yathoddiṣṭaṃ cakārātha suvistaram || 29 ||
[Analyze grammar]

yathāyathā sa ramyāṇi vīkṣateṃ'gāni kautukāt |
satyāḥ pitāmaho hṛṣṭaḥ kāmārto'bhūttathātathā || 30 ||
[Analyze grammar]

tenaikaṃ vadanaṃ muktvā tasyā vastrāvaguṃṭhitam |
vīkṣitā'tismarārtena yathā kaścinna buddhyate || 31 ||
[Analyze grammar]

na śaṃbhorlajjayā vaktraṃ pratyakṣaṃ sa vyalokayat |
na ca sā lajjayāviṣṭā karoti prakaṭaṃ mukham || 32 ||
[Analyze grammar]

tatastaddarśanārthāya sa upāyaṃ vyalo kayat |
dhūmadvāreṇa kāmārtaścakāra ca tataḥ param || 33 ||
[Analyze grammar]

ārdreṃdhanāni bhūrīṇi kṣiptvākṣitvā vibhāvasau |
svalpājyāhutivinyāsādārdradravyodbhava stathā || 34 ||
[Analyze grammar]

etasminnaṃtare dhūmaḥ prādurbhūtaḥ samaṃtataḥ |
tādṛgyena tamobhūtaṃ vedimūlaṃ vinirmitam || 35 ||
[Analyze grammar]

tato dhūmākulenetre bhagavāṃstripu rāntakaḥ |
hastābhyāṃ chādayāmāsa ye'nye tatra vyavasthitāḥ || 36 ||
[Analyze grammar]

tato vastraṃ samutkṣipya satīvaktraṃ pitāmahaḥ |
vīkṣayāmāsa kāmārtaḥ prahṛṣṭenāṃtarātmanā || 37 ||
[Analyze grammar]

tasya retaḥ pracaskanda tatastadvīkṣaṇāddrutam |
patitaṃ ca dharāpṛṣṭhe tuṣāracayasaṃnibham || 38 ||
[Analyze grammar]

tataśca sikataughenā tatkṣaṇātpadmasaṃbhavaḥ |
chādayāmāsa tadreto yathā kaścinna buddhyate || 39 ||
[Analyze grammar]

atha tadbhagavāñcchaṃbhurjñātvā divyena cakṣuṣā |
reto'vaskandanāttasya kopādetaduvāca ha || 40 ||
[Analyze grammar]

kimetadvihitaṃ pāpa tvayā karma vigarhitam |
naivārhā mama kāntāyā vaktravīkṣā'nurāgataḥ || 41 ||
[Analyze grammar]

tvaṃ vetsi śaṃkareṇaitatkarmajālaṃ na viṃditam |
trailokye'pi mayā'pyasti gūḍhaṃ tatsyātkathaṃ vidhe |
yatkiñcittriṣu lokeṣu jaṃgamaṃ sthāvaraṃ tathā |
tasyāhaṃ madhyago mūḍha tailaṃ yadvattilāṃtagam || 43 ||
[Analyze grammar]

tasmātspṛśa nijaṃ śīrṣaṃ brahmannetadasaṃśayam |
yāvadevaṃ gate brahmā śiraḥ spṛśati pāṇinā |
tāvattatra sthitaḥ sākṣāttadrūpo vṛṣavāhanaḥ || 44 ||
[Analyze grammar]

tato lajjāparītāṃgaḥ sthitaścādhomukho dvijāḥ |
indrādyairamaraiḥ sarvaiḥ sahitaḥ sarvataḥ sthitaiḥ || 45 ||
[Analyze grammar]

athā'sau lajjayāviṣṭaḥ praṇipatya maheśvaram |
provāca ca stutiṃ kṛtvā kṣamyatāṃ kṣamyatāmiti || 46 ||
[Analyze grammar]

asya pāpasya śuddhyarthaṃ prāya ścittaṃ vada prabho |
nigrahaṃ ca yathānyāyaṃ yena pāpaṃ prayāti me || 47 ||
[Analyze grammar]

śrībhagavānuvāca |
anenaiva tu rūpeṇa mastakasthena vai tataḥ |
tapaḥ kuru samādhistho mamārādhanatatparaḥ || 48 ||
[Analyze grammar]

khyātiṃ yāsyati sarvatra nāmnā rudraśiraḥ kṣitau |
sādhakaḥ sarvakṛtyānāṃ tejobhājāṃ dvijanma nām || 49 ||
[Analyze grammar]

mānuṣāṇāmidaṃ kṛtyaṃ yasmāccīrṇaṃ tvayā'dhunā |
tasmāttvaṃ mānuṣo bhūtvā vicariṣyasi bhūtale || 50 ||
[Analyze grammar]

yastvāṃ cānena rūpeṇa dṛṣṭvā pṛcchāṃ kariṣyati |
kimetadbrahmaṇo mūrdhni bhagavāṃstripurāṃtakaḥ || 51 ||
[Analyze grammar]

tataste ceṣṭitaṃ sarvaṃ kautukācca śṛṇoti yaḥ |
paradārakṛtātpāpāttato muktiṃ prayāsyati || 52 ||
[Analyze grammar]

yathāyathā janastvetatkṛtyaṃ te kīrtayiṣyati |
tathātathā viśuddhiste pāpasyāsya bhaviṣyati || 53 ||
[Analyze grammar]

etadeva hi te brahmanprāyaścittaṃ prakīrtitam |
janahāsyakaraṃ loke tava garhākaraṃ param || 54 ||
[Analyze grammar]

etacca tava vīryaṃ tu patitaṃ vedimadhyagam |
kāmārtasya mayā dṛṣṭaṃ naitadvyarthaṃ bhaviṣyati || 55 ||
[Analyze grammar]

yāvanmātraiḥ parispṛṣṭametatsaikatareṇubhiḥ |
tāvanmātrā bhaviṣyaṃti munayaḥ saṃśitavratāḥ || 56 ||
[Analyze grammar]

vālakhilyā iti khyātāḥ sarveṃ'guṣṭhapramāṇakāḥ |
tapovīryasamopetāḥ śāpānugrahakārakāḥ || 57 ||
[Analyze grammar]

etasminnaṃtare tasmādvedimadhyācca tatkṣaṇāt |
aṣṭāśītisahasrāṇi munīnāṃ bhāvitātmanām |
aṃguṣṭhakapramāṇāni niṣkrāntāni dvijottamāḥ || 58 ||
[Analyze grammar]

tataste praṇipatyoccaiḥ procurdevaṃ pitāmaham |
sthānaṃ darśaya nastāta tapo'rthaṃ kalivarjitam || 59 ||
[Analyze grammar]

pitāmaha uvāca |
asminkṣetre mayā sārdhaṃ kurudhvaṃ putrakāstapaḥ |
gamiṣyatha parāṃ siddhiṃ yena loke sudurlabhām || 60 ||
[Analyze grammar]

te tatheti pratijñāya kṛtvā tatrāśramaṃ śubham |
vālakhilyāstapaścakruḥ saṃsiddhiṃ ca parāṃ gatāḥ || 61 ||
[Analyze grammar]

atha brahmāpi tatkarma sarvaṃ vaivāhikaṃ kramāt |
samāptimanayatproktaṃ yacchrutau tena ca svayam || 62 ||
[Analyze grammar]

patatsu puṣpavarṣeṣu samantādgaganāṃgaṇāt |
vādyamāneṣu vādyeṣu gīya mānaiścagītakaiḥ || 63 ||
[Analyze grammar]

paṭhatsu vipramukhyeṣu nṛtyamānāsu rāgataḥ |
raṃbhādiṣu purandhrīṣu devānāṃ dṛṅmanoharam || 64 ||
[Analyze grammar]

evaṃ mahotsavo jajñe tata stuṃburupūrvakaiḥ |
gīyamāneṣu gīteṣu yathāpūrvaṃ triviṣṭape || 65 ||
[Analyze grammar]

atha karmāvasāne sa bhagavāṃstripurāṃtakaḥ |
provāca padmajaṃ bhaktyā dakṣiṇāṃ te dadāmi kim || 66 ||
[Analyze grammar]

vaivāhikī suraśreṣṭha yadyapi syātsudurlabhā |
brūhi śīghraṃ mahābhāga nādeyaṃ vidyate mama || 67 ||
[Analyze grammar]

pitāmaha uvāca |
anenaiva tu rūpeṇa vedyāmasyāṃ sureśvara |
tvayā stheyaṃ sadaivātra nṛṇāṃ pāpaviśuddhaye || 68 ||
[Analyze grammar]

yena te sannidhau kṛtvā svāśramaṃ śaśiśekhara |
tapaḥ karomi nāśāya pāpasyāsya mahattamam || 69 ||
[Analyze grammar]

caitraśuklatrayodaśyāṃ nakṣatre bhagadaivate |
sūryavāreṇa yo bhaktyā vīkṣayiṣyati mānavaḥ |
tadaiva tasya pāpāni prayāsyanti ca saṃkṣayam || 70 ||
[Analyze grammar]

yā nārī durbhagā vandhyā kāṇā rūpavivarjitā |
sā'pi tvaddarśanādeva bhaviṣyati surūpadhṛk |
prajāvatī subhogāḍhyā subhagā nātra saṃśayaḥ || 71 ||
[Analyze grammar]

maheśvara uvāca |
hitāya sarvalokānāṃ vedyāmasyāṃ vyavasthitaḥ |
sthāsyāmi sahitaḥ patnyā satyātva dvacanādvidhe || 72 ||
[Analyze grammar]

sūta uvāca |
evaṃ sa bhagavāṃstatra sabhāryo vṛṣabhadhvajaḥ |
vidyate vedimadhyastho lokānāṃ pāpanāśanaḥ 0 || 73 ||
[Analyze grammar]

etadvaḥ sarvamākhyātaṃ yathā tasya purā'bhavat |
vivāho vṛṣanāthasya manau svāyaṃbhuve dvijāḥ || 74 ||
[Analyze grammar]

vivāhasamaye prāpte prārambhe vā śṛṇoti yaḥ |
etadākhyānamavyagraṃ saṃpūjya vṛṣabhadhvajam |
tasyā'vighnaṃ bhavetsarvaṃ karma vaivāhikaṃ ca yat || 79 ||
[Analyze grammar]

kanyā ca sukhasaubhāgya śīlācāraguṇānvitā |
tathā syātputriṇī sādhvī pativrataparāyaṇā || 76 ||
[Analyze grammar]