Chapter 227

[English text for this chapter is available]

mārkaṇḍeya uvāca |
etāni tava saṃkṣepātprādhānyātkathitāni ca |
na śakto vistarādvaktuṃ saṃkhyāṃ tīrtheṣu pāṇḍava || 1 ||
[Analyze grammar]

eṣā pavitrā vimalā nadī trailokyaviśrutā |
narmadā saritāṃ śreṣṭhā mahādevasya vallabhā || 2 ||
[Analyze grammar]

manasā saṃsmaredyastu narmadāṃ satataṃ nṛpa |
cāndrāyaṇaśatasyāśu labhate phalamuttamam || 3 ||
[Analyze grammar]

aśraddadhānāḥ puruṣā nāstikāścātra ye sthitāḥ |
patanti narake ghore prāhaivaṃ parameśvaraḥ || 4 ||
[Analyze grammar]

narmadāṃ sevate nityaṃ svayaṃ devo maheśvaraḥ |
tena puṇyā nadī jñeyā brahmahatyāpahāriṇī || 5 ||
[Analyze grammar]

iyaṃ māheśvarī gaṅgā maheśvaratanūdbhavā |
proktā dakṣiṇagaṅgeti bhāratasya yudhiṣṭhira || 6 ||
[Analyze grammar]

jāhnavī vaiṣṇavī gaṅgā brāhmī gaṅgā sarasvatī |
iyaṃ māheśvarī gaṅgā revā nāstyatra saṃśayaḥ || 7 ||
[Analyze grammar]

yathā hi puruṣe devastraimūrtatvamupāśritaḥ |
brahmaviṣṇumaheśākhyaṃ na bhedastatra vai yathā |
tathā sarittraye pārtha bhedaṃ manasi mā kṛthāḥ || 8 ||
[Analyze grammar]

koṭiśo hyatra tīrthāni lakṣaśaścāpi bhārata |
tathā sahasraśo revātīradvayagatāni tu || 9 ||
[Analyze grammar]

vṛkṣāntarikṣasaṃsthāni jalasthalagatāni ca |
kaḥ śaktastāni nirṇetuṃ vāgīśo vā maheśvaraḥ || 10 ||
[Analyze grammar]

smaraṇājjanmajanitaṃ darśanācca trijanmajam |
saptajanmakṛtaṃ naśyetpāpaṃ revāvagāhanāt || 11 ||
[Analyze grammar]

devakāryaṃ kṛtaṃ tena agnayo vidhivaddhutāḥ |
vedā adhītāścatvāro yena revāvagāhitā || 12 ||
[Analyze grammar]

prādhānyāccāpi saṃkṣepāttīrthānyuktāni te mayā |
na śakyo vistaraḥ pārtha śrotuṃ vaktuṃ ca vai mayā || 13 ||
[Analyze grammar]

yudhiṣṭhira uvāca |
vidhānaṃ ca yamāṃścaiva niyamāṃśca vadasva me |
prāyaścittārthagamane ko vidhistaṃ vadasva me || 14 ||
[Analyze grammar]

śrīmārkaṇḍeya uvāca |
sādhu pṛṣṭaṃ mahārāja yacchreyaḥ pāralaukikam |
śṛṇuṣvāvahito bhūtvā yathājñānaṃ vadāmi te || 15 ||
[Analyze grammar]

adhruveṇa śarīreṇa dhruvaṃ karma samācaret |
avaśyameva yāsyanti prāṇāḥ prāghūrṇikā iva || 16 ||
[Analyze grammar]

dānaṃ vittādṛtaṃ vācaḥ kīrtidharmau tathā khyuṣaḥ |
paropakaraṇaṃ kāyādasārātsāramuddharet || 17 ||
[Analyze grammar]

asminmahāmohamaye kaṭāhe sūryāgninā rātridivendhanena |
māsartudarvīparighaṭṭanena bhūtāni kālaḥ pacatīti vārtā || 18 ||
[Analyze grammar]

jñātvā śāstravidhānoktaṃ karma kartumihārhasi |
nāyaṃ loko'sti na paro na sukhaṃ saṃśayātmanaḥ || 19 ||
[Analyze grammar]

mantre tīrthe dvije deve daivajñe bheṣaje gurau |
yādṛśī bhāvanā yasya siddhirbhavati tādṛśī || 20 ||
[Analyze grammar]

aśraddhayā hutaṃ dattaṃ tapastaptaṃ kṛtaṃ ca yat |
asadityucyate pārtha na ca tatpretya no iha || 21 ||
[Analyze grammar]

yaḥ śāstravidhimutsṛjya vartate kāmakārataḥ |
na sa siddhimavāpnoti na sukhaṃ na parāṃ gatim || 22 ||
[Analyze grammar]

santīha vividhopāyā nṛṇāṃ dehaviśodhanāḥ |
tīrthasevāsamaṃ nāsti svaśarīrasya śodhanam || 23 ||
[Analyze grammar]

kṛcchracāndrāyaṇādyairvā dvitīyaṃ tīrthasevayā |
yadā tīrthaṃ samuddiśya prayāti puruṣo nṛpa |
tadā devāśca pitarastaṃ vrajantyanu khecarāḥ || 24 ||
[Analyze grammar]

paramā modapūrṇāste prayāntyasyānuyāyinaḥ |
kṛtvābhyudayikaṃ śrāddhaṃ samāpṛcchaya tu devatām || 25 ||
[Analyze grammar]

iṣṭabandhūṃśca viṣṇuṃ ca śaṅkaraṃ sagaṇeśvaram |
vrajeddvijābhyanujñāto gṛhītvā niyamānapi || 26 ||
[Analyze grammar]

ekāśanaṃ brahmacaryaṃ bhūśayyāṃ satyavāditām |
varjanaṃ ca parānnasya pratigrahavivarjanam || 27 ||
[Analyze grammar]

varjayitvā tathā drohavañcanādi nṛpottama |
sādhuveṣaṃ samāsthāya vinayena vibhūṣitaḥ || 28 ||
[Analyze grammar]

dambhāhaṅkāramukto yaḥ sa tīrthaphalamaśnute |
yasya hastau ca pādau ca manaścaiva susaṃyatam || 29 ||
[Analyze grammar]

vidyā tapaśca kīrtiśca sa tīrthaphalamaśnute |
akrodhanaśca rājendra satyaśīlo dṛḍhavrataḥ || 30 ||
[Analyze grammar]

ātmopamaśca bhūteṣu sa tīrthaphalamaśnute |
muṇḍanaṃ copavāsaśca sarvatīrtheṣvayaṃ vidhiḥ || 31 ||
[Analyze grammar]

varjayitvā kurukṣetraṃ viśālāṃ virajāṃ gayām |
snānaṃ surārcanaṃ caiva śrāddhe vai piṇḍapātanam || 32 ||
[Analyze grammar]

viprāṇāṃ bhojanaṃ śaktyā sarvatīrtheṣvayaṃ vidhiḥ |
prāyaścittanimittaṃ ca yo vrajedyatamānasaḥ || 33 ||
[Analyze grammar]

tasyāpi ca vidhiṃ vakṣye śṛṇu pārtha samāhitaḥ |
ekāśanaṃ brahmacaryamakṣāralavaṇāśanam || 34 ||
[Analyze grammar]

snātvā tīrthābhigamanaṃ haviṣyaikānnabhojanam |
varjayetpatitālāpaṃ bahubhāṣaṇameva ca || 35 ||
[Analyze grammar]

parīvādaṃ parānnaṃ ca nīcasaṅgaṃ vivarjayet |
vrajecca nirupānatko vasāno vāsasī śuciḥ || 36 ||
[Analyze grammar]

saṃkalpaṃ manasā kṛtvā brāhmaṇānujñayā vrajet |
tīrthe gatvā tathā snātvā kṛtvā caiva surārcanam || 37 ||
[Analyze grammar]

duṣkarmato vimuktaḥ syādanutāpī bhavedyadi |
vede tīrthe ca deve ca daivajñe cauṣadhe gurau || 38 ||
[Analyze grammar]

yādṛśī bhāvanā yasya siddhirbhavati tādṛśī |
uktatīrthaphalānāṃ ca purāṇeṣu smṛtiṣvapi || 39 ||
[Analyze grammar]

arthavādabhavāṃ śaṅkāṃ vihāya bharatarṣabha |
kṛtvā vicāraṃ śāstroktaṃ parikalpya yathocitam || 40 ||
[Analyze grammar]

kāyena kṛcchracaraṇe hyaśaktānāṃ viśuddhaye |
jñātvā tīrthāviśeṣaṃ hi prāyaścittaṃ samācaret || 41 ||
[Analyze grammar]

tacchṛṇuṣva mahārāja narmadāyāṃ yathocitam |
caturviṃśatisaṃkhyebhyo yojanebhyo vrajennaraḥ || 42 ||
[Analyze grammar]

caturviṃśatikṛcchrāṇāṃ phalamāpnoti śobhanam |
ata ūrdhvaṃ yojaneṣu pādakṛcchramudāhṛtaḥ || 43 ||
[Analyze grammar]

tanmadhye ca mahārāja yo vrajecchuddhikāṅkṣayā |
yojane yojane tasya prāyaścittaṃ vidurbudhāḥ || 44 ||
[Analyze grammar]

praṇavākhye mahārāja tathā revorisaṃgame |
bhṛgukṣetre tathā gatvā phalaṃ taddviguṇaṃ smṛtam || 45 ||
[Analyze grammar]

saṅgame devanadyāśca śūlabhede nṛpottama |
dviguṇaṃ pādahīnaṃ syātkarajāsaṃgame tathā || 46 ||
[Analyze grammar]

eraṇḍīsaṅgame tadvatkapilāyāśca saṃgame |
kecittriguṇitaṃ prāhuḥ kubjārevotthasaṅgame || 47 ||
[Analyze grammar]

oṃkāre ca mahārāja tadapi syātsamañjasam |
saṅgameṣu tathānyāsāṃ nadīnāṃ revayā saha || 48 ||
[Analyze grammar]

prāhuste sārdhakṛcchraṃ vai phalaṃ pūrvaṃ yudhiṣṭhira |
triguṇaṃ kṛcchramāpnoti revāsāgarasaṅgame || 49 ||
[Analyze grammar]

kṛcchraṃ caturguṇaṃ proktaṃ śuklatīrthe yudhiṣṭhira |
yojane yojane gatvā caturviṃśatiyojanam |
tatra tatra vasedyastu suciraṃ nṛvarottama || 50 ||
[Analyze grammar]

revāsevāsamācāraḥ saṃyuktaḥ śuddhabuddhimān |
dambhāhaṅkārarahitaḥ śuddhyarthaṃ sa vimucyate || 51 ||
[Analyze grammar]

iti te kathitaṃ pārtha prāyaścittārthalakṣaṇam |
revāyātrāvidhānaṃ ca guhyametadyudhiṣṭhira || 52 ||
[Analyze grammar]

yudhiṣṭhira uvāca |
yojanasya pramāṇaṃ me vada tvaṃ munisattama |
yajjñātvā niścitaṃ me syānmanaḥśuddhestu kāraṇam || 53 ||
[Analyze grammar]

mārkaṇḍeya uvāca |
śṛṇu pāṇḍava vakṣyāmi pramāṇaṃ yojanasya yat |
tathā yātrāviśeṣeṇa viśeṣaṃ kṛcchrasambhavam || 54 ||
[Analyze grammar]

tiryagyavodarāṇyaṣṭāvūrdhvā vā vrīhayastrayaḥ |
pramāṇamaṅgulasyāhurvitastirdvādaśāṃgulā || 55 ||
[Analyze grammar]

vitastidvitayaṃ hastaścaturhastaṃ dhanuḥ smṛtam |
sa eva daṇḍo gadito viśeṣajñairyudhiṣṭhira || 56 ||
[Analyze grammar]

dhanuḥsahasre dve krośaścatuḥkrośaṃ ca yojanam |
etadyojanamānaṃ te kathitaṃ bharatarṣabha || 57 ||
[Analyze grammar]

yena yātrāṃ vrajan vetti phalamānaṃ nijārjitam |
uktaṃ kṛcchraphalaṃ tīrthe jalarūpe nṛpottama || 58 ||
[Analyze grammar]

yathāviśeṣaṃ te vacmi pūrvokte tatra tatra ca |
tanme śṛṇu mahīpāla śraddadhānāya kathyate || 59 ||
[Analyze grammar]

yasmiṃstīrthe hi yatproktaṃ phalaṃ kṛcchrādikaṃ nṛpa |
tatrāpyupoṣaṇātkṛcchraphalaṃ prāpnotyathādhikam || 60 ||
[Analyze grammar]

dinajāpyācca labhate phalaṃ kṛcchrasya śaktitaḥ |
tatra vikhyātadeveśaṃ snātvā dṛṣṭvābhipūjya ca || 61 ||
[Analyze grammar]

praṇamya labhate pārtha phalaṃ kṛcchrabhavaṃ sudhīḥ |
tīrthe mukhyaphalaṃ snānāddvitīyaṃ cāpyupoṣaṇāt || 62 ||
[Analyze grammar]

tṛtīyaṃ khyātadevasya darśanābhyarcanādibhiḥ |
caturthaṃ jāpyayogena dehaśaktyā tvaharniśam || 63 ||
[Analyze grammar]

pañcamaṃ sarvatīrtheṣu kalpanīyaṃ hi dūrataḥ |
tīrastho yojanādarvāgdaśāṃśaṃ labhate phalam || 64 ||
[Analyze grammar]

uktatīrthaphalātpārtha nātra kāryā vicāraṇā || 65 ||
[Analyze grammar]

upavāsena sahitaṃ mahānadyāṃ hi majjanam |
apyarvāgyojanātpārtha dadyātkṛcchraphalaṃ nṛṇām || 66 ||
[Analyze grammar]

ṣaḍyojanavahā kulya nadyo'lpā dvādaśaiva ca |
caturviṃśatigā nadyo mahānadyastato'dhikāḥ || 67 ||
[Analyze grammar]