Chapter 78

[English text for this chapter is available]

īśvara uvāca |
aṣṭasaptatikaṃ viddhi avimukteśvaraṃ priye |
yasya darśanamātreṇa tīrthayātrāphalaṃ labhet || 1 ||
[Analyze grammar]

śākale nagare devi citraseno mahīpatiḥ |
babhūva bhuvi vikhyāto rūpavānmanmathādhikaḥ || 2 ||
[Analyze grammar]

tasya candraprabhā bhāryā prāṇe bhyo'pi garīgasī |
pativratā dharmaśīlā rūpayauvanaśālinī || 3 ||
[Analyze grammar]

aputrasyāpi nṛpateḥ putrī jātā manoramā |
tasyā nāma tadā cakre pitā pārthivasattamaḥ || 4 ||
[Analyze grammar]

sarvalakṣaṇasaṃpannā kanyā lāvaṇyavatyapi |
sāpi jātismarā devī sasmāra ca purātanam || 5 ||
[Analyze grammar]

vairāgyādbrahmacaryaṃ ca cacāra tanumadhyamā |
kadācidyauvanaṃ prāptā sā ca pṛṣṭā nṛpeṇa vai || 6 ||
[Analyze grammar]

utsaṃge ca nije kṛtvā mūrdhni cāghrāya harṣitaḥ |
putri pradānakālaste kasmai deyā varāya ca || 7 ||
[Analyze grammar]

nṛpāya nṛpaputrāya saṃmatāya dvijāya vā |
vṛddhāya bahubhāryāya grāmīṇāya ca putriṇe |
harṣeṇa cāvṛto rājā punaḥ papraccha tāṃ sutām || 8 ||
[Analyze grammar]

pṛṣṭā ca sā yadā devī na covāca nṛpaṃ prati |
adhomukhī ca saṃjātā punaḥ proktā nṛpeṇa tu || 9 ||
[Analyze grammar]

yadi madvacanaṃ putri pratibhāti na sāṃpratam |
varaṇaṃ svecchayā putri kuru tarhi svayaṃvaram || 10 ||
[Analyze grammar]

ityuktā sā nṛpatinā pitrā proktā punaḥpunaḥ |
ruroda sā vai karuṇaṃ śrutvā tāṃ kutsitāṃ gatim || 11 ||
[Analyze grammar]

jahāsa cātihāsena punaḥ śvāsāṃśca muṃcati |
praharṣaṃ ca punaḥ kṣipraṃ prāpya vāṣpaṃ ca muṃcati || 12 ||
[Analyze grammar]

tāmavasthāṃ gatāṃ dṛṣṭvā putrī munmattatāṃ gatām |
kimetaditi bhūpālo grasitā kiṃ graheṇa vai || 13 ||
[Analyze grammar]

bhūtena vā piśācena matsutā lakṣaṇairyutā |
iti cintāparo rājā yadā jāto yaśasvini || 14 ||
[Analyze grammar]

tadā proktastayā putryā mā tāta vimanā bhava |
nāhaṃ grastā graheṇeha na bhūtena na rakṣasā || 15 ||
[Analyze grammar]

na piśācena yakṣeṇa tava kanyā mahīpate |
jātismarāhamutpannā śrūyatāṃ mama janma ca || 16 ||
[Analyze grammar]

prāgjyotiṣe pure vipro harasvāmī babhūva ha |
bhāryāhaṃ durbhagā jātā tasya viprasya pārthiva || 17 ||
[Analyze grammar]

rūpayauvanasaṃpannā tasya nāhaṃ priyā vibho |
sadā vidveṣasaṃyukto mayi niṣṭhurajalpakaḥ || 18 ||
[Analyze grammar]

nānyasya kasyaciddveṣṭā muktvā māṃ pṛthivīpate |
pāṇigrahaṇakāle tu grahaiḥ pāpairvilokitā || 19 ||
[Analyze grammar]

ahamūḍhāṃ kulīnena dvijenātiguṇena ca |
sa cāvalokito vipro grahaiḥ puṇyairnarādhipa || 20 ||
[Analyze grammar]

tena me vallabho rājanna cāhaṃ tasya vallabhā |
sa sadācārasaṃyukto vedādhyayanatatparaḥ || 21 ||
[Analyze grammar]

nānyatra kurute bhāvaṃ brahmacaryavrate sthitaḥ |
tato'haṃ krodhasaṃyuktā vaśīkaraṇalaṃpaṭā |
apṛcchaṃ pramadāstāta yāstyaktāḥ patibhiḥ kila || 22 ||
[Analyze grammar]

tābhiruktā hyahaṃ bhūpa vaśyo bharttā bhaviṣyati |
asmākaṃ pratyayo jātastasmāttvaṃ kartumarhasi || 23 ||
[Analyze grammar]

bheṣajairvividhaiścūrṇairmaṃtrairmohakaraiḥ paraiḥ |
taistaistu kṛtalepo'pi bhavitā dāsavatpatiḥ || 24 ||
[Analyze grammar]

tato'haṃ tvaritā gatvā tāsāṃ vākyena bhūpate |
cūrṇaṃ mantraṃ gṛhītvā ca prāptā bhartṛgṛhaṃ punaḥ || 25 ||
[Analyze grammar]

pradoṣe payasā yuktaścūrṇo bharttari yojitaḥ |
grīvāyāṃ ca mayā mantro nyastaḥ sarvāṃgasaṃdhiṣu || 26 ||
[Analyze grammar]

yadā pītaśca cūrṇastu mantreṇātīva guṃṭhitaḥ |
vaśagastatkṣaṇājjāto maṃtracūrṇaprabhāvataḥ || 27 ||
[Analyze grammar]

dvāradeśe sthitaḥ kraṃdandāso'smi tava śobhane |
trāhi māṃ śaraṇaṃ prāptaṃ tvadvaśohaṃ ca śobhane || 28 ||
[Analyze grammar]

tattasya ruditaṃ jñātvā maṃtramāhātmyato nṛpa |
svasthīkaraṇayogena tadā svasthaḥ kṛtaḥ patiḥ || 29 ||
[Analyze grammar]

tataḥ prabhṛti kāṃto me vaśyo'bhūdbhavane sthitaḥ |
paṃcatvaṃ ca gatā kāle tathā nārakayātanām || 30 ||
[Analyze grammar]

tāmrabhrāṣṭre ca dagdhāhaṃ yugāni daśa paṃca ca |
sūkṣmāṇi tilamātrāṇi kṛtvā khaṃḍānyanekaśaḥ |
cheditā kālasūtreṇa pīḍitā ghrāṇayaṃtrake || 31 ||
[Analyze grammar]

kvāthībhūtā taptatailairghaṭe darvyātha loḍitā |
piṣṭā caiva śilāpṛṣṭhe kuṭṭitā lohamudgaraiḥ || 32 ||
[Analyze grammar]

dalitā daṃtadalane dagdhāhaṃ raurave bhṛśam |
adhomukhī vinikṣiptā tvamedhye pūyaśoṇite || 33 ||
[Analyze grammar]

yānyāpi yuvatī tāta bharturvaśyaṃ samācaret |
vṛthā dharmādurācārā pacyate narake bhṛśam || 34 ||
[Analyze grammar]

bharttā nātho gururbhartā bharttā vai daivataṃ param |
bharttā svamī suhṛdbharttā bhartā ca paramaṃ padam || 35 ||
[Analyze grammar]

tuṣṭe bharttari nārīṇāṃ tuṣṭāḥ syuḥ sarvadevatāḥ |
vimukhe vimukhāḥ sarve tasmātsevyaḥ sadā patiḥ |
bhasmībhavati sā nārī yayā bharttā na toṣitaḥ || 36 ||
[Analyze grammar]

yasya prasādātprāpyaṃte bhogāśca vividhāḥ sadā |
taṃ vaśyaṃ kurute yā ca sā kathaṃ sukhamāpnuyāt || 37 ||
[Analyze grammar]

tiryagyoniśataṃ yāti kṛmipakṣiśatāni ca |
tasmāttattatsadā kāryaṃ strībhirbhartṛvacaḥ kila || 38 ||
[Analyze grammar]

evaṃ punarmayā bhuktā narakā bhṛśadāruṇāḥ |
tiryagyonisahasraṃ tu karmaṇā kutsitena ca || 39 ||
[Analyze grammar]

kiṃcitpātakaśuddhyarthaṃ caṃḍālasya ca veśmani |
jātāhamatirūpeṇa pīḍitā vividhairvraṇaiḥ || 40 ||
[Analyze grammar]

sārameyairvṛtā dīnā bhakṣyamāṇā punaḥpunaḥ |
duṣṭāhaṃ bhakṣyamāṇāpi mārge ruddhā vṛkairaham |
tairahaṃ tudyamānāpi mahākālavanaṃ gatā || 41 ||
[Analyze grammar]

dṛṣṭo mayā mahādevo daivato mṛgamāṇayā |
samīpe devadevasya pippalādeśvarasya ca || 42 ||
[Analyze grammar]

tasya darśanamātreṇa gatā śakrapuraṃ prati |
vimānena sudīptena kiṃkiṇījālamālinā |
divyāṃbaradharā divyā divyamālāvibhūṣaṇā || 43 ||
[Analyze grammar]

tatrāhaṃ pūjitā devaiḥ stutāhaṃ cāraṇaistathā |
darśanāttasya liṃgasya jātāhaṃ tava veśmani || 44 ||
[Analyze grammar]

vallabhā rūpasaṃpannā śākale nagare śubhe |
smṛtvā tu kutsitāṃ yoniṃ vilāpaśca kṛto mayā || 45 ||
[Analyze grammar]

smṛtvā liṃgasya māhātmyaṃ harṣo jātastu tatkṣaṇāt |
tanme naiva ca vātūlyaṃ gṛhītā na graheṇa ca || 46 ||
[Analyze grammar]

jātā jātismarā tāta brahmacaryavrate sthitā |
ato yāsyāmi taṃ devaṃ darśanārthaṃ punaḥ prabho |
yathā na bhūyo me janma syācca saṃsārasāgare || 47 ||
[Analyze grammar]

iti putrīvacaḥ śrutvā citraseno mahīpatiḥ |
sabhṛtyamaṃtrisahito mahākālavanaṃ gataḥ || 48 ||
[Analyze grammar]

dadarśa tatra talliṃgaṃ pūjayāmāsa bhaktitaḥ |
sāpi dṛṣṭvaiva talliṃgaṃ tasmiṃlliṃge layaṃ gatā || 49 ||
[Analyze grammar]

rājā ca putravāñjāto liṃgadarśanataḥ priye |
babhūva cakravartī sa yathā svāyaṃbhuvo manuḥ || 50 ||
[Analyze grammar]

etasminnaṃtare devi dṛṣṭvā deve layaṃ gatām |
rājaputrīṃ mahādevi kṛtaṃ nāma mudānvitaiḥ || 51 ||
[Analyze grammar]

avimuktasya liṃgasya darśanādeva tatkṣaṇāt |
avimukteśvaro deva iti khyāto bhavatviti || 52 ||
[Analyze grammar]

yo'sau kāśyāṃ prasiddho'sti devo viśveśvaraḥ śivaḥ |
sa caivātra suvikhyāto'vimukteśvarasaṃjñayā || 53 ||
[Analyze grammar]

vārāṇasī yathā puṇyā tathāvaṃtī ca muktidā |
tasyā daśaguṇaṃ puṇyaṃ śrūyate'tra viśeṣataḥ || 54 ||
[Analyze grammar]

tasmādviśveśvaro devaḥ samāyātaḥ kuśasthalīm |
yatrāgatya suvidvāṃso mānavāḥ śaṃsitavratāḥ || 55 ||
[Analyze grammar]

paśyaṃti parayā bhaktyā hyavimukteśvaraṃ śivam |
teṣāṃ muktirna saṃdeho bhaviṣyati suniścalā || 56 ||
[Analyze grammar]

amuktā naiva paśyaṃti muktāḥ paśyaṃti sarvadā |
brahmacaryavrataiḥ samyagiṣṭaiḥ sarvamakhairbhavet || 57 ||
[Analyze grammar]

tatphalaṃ prāpyate samyagavimukteśadarśanāt |
naiḥśreyasī gatiḥ puṇyā darśanādeva jāyate || 58 ||
[Analyze grammar]

yā gatiḥ prāpyate sāṃkhyaiyogairvā yā gatirbhavet |
sā gatiḥ nāpyate samyagavimukteśadarśanāt || 59 ||
[Analyze grammar]

janmamṛtyubhayaṃ hitvā sa yāti paramāṃ gatim |
yaḥ pūjayati bhāvena hyavimukteśvaraṃ śivam || 60 ||
[Analyze grammar]

brahmahāpi ca yo gacchedavimukteśvaraṃ yajet |
tasya liṃgasya māhātmyātsarvvapāpānnivarttate || 61 ||
[Analyze grammar]

śāṭhyenāpi ca yaḥ paśyedavimukte śvaraṃ śivam |
sa muṃcati jarāṃ mṛtyuṃ janma caitadaśāśvatam || 62 ||
[Analyze grammar]

smṛtaḥ saṃpūjito bhaktyā stuto vā vividhaiḥ stavaiḥ |
muktiṃ dadāti deveśo hyavi mukteśvaraḥ śivaḥ || 63 ||
[Analyze grammar]

eṣa te kathito devi prabhāvaḥ pāpanāśanaḥ |
avimukteśvareśasya hanumatkeśvaraṃ śṛṇu || 64 ||
[Analyze grammar]