Chapter 35

[English text for this chapter is available]

śrīmahādeva uvāca |
paṃcatriṃśattamaṃ devarmidreśvaramanuttamam |
mahāsiddhipradaṃ devi brahmahatyāvināśanam || 1 ||
[Analyze grammar]

āsītprajāpatistvaṣṭā tasya putraḥ kuśadhvajaḥ |
svakarmanirato dāṃto vāsavena nipātitaḥ || 2 ||
[Analyze grammar]

tasya putraṃ hataṃ śrutvā tvaṣṭā kruddhaḥ prajāpatiḥ |
avalucya jaṭāmekāmidaṃ vacanamabravīt || 3 ||
[Analyze grammar]

adya paśyaṃtu me vīryaṃ trayo lokāḥ sadevatāḥ |
sa ca paśyatu durbuddhirbrahmahā pākaśāsanaḥ || 4 ||
[Analyze grammar]

svakarmanirato yena matsuto vinipātitaḥ |
ityuktvā koparaktākṣo jaṭāmagnau juhāva tām || 5 ||
[Analyze grammar]

tato vṛtraḥ samuttasthau jvālāmālāsamākulaḥ |
mahākāyo mahādaṃṣṭro bhinnāṃjanacayaprabhaḥ || 6 ||
[Analyze grammar]

iṃdraśatrurameyātmā tvaṣṭustejo'bhibṛṃhitaḥ |
ahanyahani so'varddhadiṣupātaṃ mahābalam || 7 ||
[Analyze grammar]

vadhāya cātmano dṛṣṭvā vṛtraṃ śakro mahāsuram |
ciṃtayāmāsa sahasā kiṃ kṛtaṃ sukṛtaṃ bhavet || 8 ||
[Analyze grammar]

etasminnaṃtare prāpto vṛtro balavatāṃ varaḥ |
dadarśa vāsavaṃ tatra devaiḥ sārddhaṃ varānane || 9 ||
[Analyze grammar]

daityo vṛtro mahākāyaścakre saṃgrāmamulbaṇam |
nānāśastrāstrasaṃkṣobhaṃ bhaṭasaṃghaṭṭasaṃkaṭam || 10 ||
[Analyze grammar]

chinnabhinnatanutrāṇakrodharaktadharātalam |
lūnānanābjaprakaraṃ karapallavadurgamam || 11 ||
[Analyze grammar]

kabaṃdhasaṃghaghaṭanaṃ ghaṭitāmarasainikam |
vikīrṇābharaṇasphītasphuradyodhāṃgabhūṣaṇam || 12 ||
[Analyze grammar]

kallolarudhirodgārapāṭalīkṛtadiṅmukham |
tasminraṇe mahābhīme devānbhittvā saguhyakān || 13 ||
[Analyze grammar]

vāsavaṃ baṃdhayitvā tu svargalokaṃ jagāma ha |
rājyaṃ cakāra niḥśaṃko nissapatnaṃ varānane || 14 ||
[Analyze grammar]

tatastu baddhe deveṃdre bṛhaspatirudāradhīḥ |
ājagāma tamuddeśaṃ yatra baddhaḥ śatakratuḥ || 15 ||
[Analyze grammar]

dṛṣṭvā tathāvidhaṃ śakramāśīrbhirabhinaṃdya ca |
baṃdhanānmocayitvā tu provācedaṃ vacastadā || 16 ||
[Analyze grammar]

anukūlo na kāloyaṃ sureśasya tavādhunā |
udyogaḥ sumahāndṛṣṭaḥ saṃghātaśca suradviṣām |
dṛṣṭā hi pravarāḥ sarve mayā tatra mahāsurāḥ || 17 ||
[Analyze grammar]

ekaikopi vijetuṃ tvāṃ śaktaḥ syāditi me matiḥ |
na tādṛksaṃgamaḥ śakra kadācitsuravidviṣām |
dṛṣṭo vāpi śruto vāpi yādṛśo hyavalokitaḥ || 18 ||
[Analyze grammar]

bṛhaspativacaḥ śrutvā śakraḥ saṃbhramamāgamata |
dhyātvā muhūrttaṃ provāca bṛhadbuddhe bṛhaspate || 19 ||
[Analyze grammar]

kimatra pratikarttavyaṃ vada tāvadbṛhaspate |
bahavo balavaṃtaśca dānavāḥ svalpakairdinaiḥ |
matsakāśaṃ sameṣyaṃti sa ca vṛtro mahā balaḥ || 20 ||
[Analyze grammar]

iti śakravacaḥ śrutvā bṛhaspatiruvāca tam |
upāyaḥ kriyatāṃ tūrṇaṃ gaccha śakra mamājñayā || 21 ||
[Analyze grammar]

mahākālavane ramye khaṃḍeśvarasya dakṣiṇe |
sarvasaṃpatkaraṃ liṃgaṃ vidyate tatra vāsava || 22 ||
[Analyze grammar]

tadārādhaya yatnena tatte kāmaṃ pradāsyati |
bṛhaspativacaḥ śrutvā śakraḥ śīghrataraṃ gataḥ || 23 ||
[Analyze grammar]

mahākālavane devi dṛṣṭvā liṃgamanuttamam |
stutiṃ cakāra sahasā bhaktinamrātmakaṃdharaḥ || 24 ||
[Analyze grammar]

namo devādhidevāya śaṃkarāya vṛṣāya ca |
kāmyāya bahurūpāya vyālayajñopavītine |
vareṇyāya namo nityaṃ namaste sarvakāmada || 25 ||
[Analyze grammar]

ādyaḥ prajā sṛṣṭikarastvameva kālaḥ prajāḥ saṃharasi tvameva |
apāṃpatirbhūtapatistvameva dhaneśvarastvaṃ dahanastvameva || 26 ||
[Analyze grammar]

caṃdraśca sūryaḥ pavana stvameva dhātā vidhātā paramaḥ purāṇaḥ |
jalāśayastvaṃ varuṇastvameva śailottamastvaṃ bhujageśvaraśca |
ḍiṃḍirmahākāla vṛṣastvameva vināyako guhyavarastvameva || 27 ||
[Analyze grammar]

itīritāṃ stutiṃ śrutvā liṃgenoktaḥ śatakratuḥ |
gaccha śakra mamādeśānmattejobṛṃhito raṇe |
haniṣyasi na saṃdeho vṛtraṃ ripuvidāraṇa || 28 ||
[Analyze grammar]

tasya liṃgasya māhātmyādapāṃ phenena pārvati |
jaghāna samare vṛtraṃ paśyatāṃ tridaśadviṣām || 29 ||
[Analyze grammar]

nihatya dānavānpaścāllīlayā raṇakarkaśaḥ |
uvācendrastadā devānhato vṛtro mahāraṇe || 30 ||
[Analyze grammar]

trailokyādhyakṣatāṃ prāptā bhavaṃto matparākramāt |
evamuktāstu śakreṇa te devā vismayānvitāḥ || 31 ||
[Analyze grammar]

asya devasya māhātmyāddhato vṛtro mahāsuraḥ |
śarīre ca sthitāḥ pāpā darśanātsaṃkṣayaṃ gatāḥ || 32 ||
[Analyze grammar]

indreṇārādhito yasmāddevadevo maheśvaraḥ |
tasmādiṃdreśvaronāma khyāto bhuvi bhaviṣyati || 33 ||
[Analyze grammar]

darśanādasya liṃgasya purīmiṃdrasya śobhanām |
pāpinopi gamiṣyaṃti sarvapātakavarjitāḥ || 34 ||
[Analyze grammar]

yaḥ paśyati naro nityaṃ śrīindreśvarasaṃjñakam |
sa muktaḥ pātakaiḥ sarvairdivi modiṣyate ciram || 35 ||
[Analyze grammar]

iṃdreṇārādhitaṃ liṃgaṃ bhaktyā yaḥ pūjayiṣyati |
sa yāti vai paraṃ sthānaṃ divyakalpacatuṣṭayam || 36 ||
[Analyze grammar]

yena ceṃdreśvaro devo bhaktyā samyakprapūjitaḥ |
tena viṣṇuprabhṛtayo vayaṃ sarve savāsavāḥ |
munayo lokapālāśca pūjitāḥ syurna saṃśayaḥ || 37 ||
[Analyze grammar]

ityuktaḥ sa suraiḥ śakro vaikuṇṭhādyaiḥ samaṃtataḥ |
taireva sahito devo jagāmātha triviṣṭapam || 38 ||
[Analyze grammar]

iṃdreśvarasya devasya prabhāvaḥ kathitastvayam |
mārkaṃḍeyeśvaraṃ devaṃ śṛṇu pārvati sāṃpratam || 39 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ paṃcama āvantyakhaṇḍe caturaśītiliṃgamāhātmya indreśvaramāhātmyavarṇanaṃnāma paṃcatriṃśo'dhyāyaḥ || 35 ||
[Analyze grammar]