Chapter 34

[English text for this chapter is available]

śrīhara uvāca |
catustriṃśattamaṃ viddhi devaṃ vai kaṃthaḍeśvaram |
yasya darśanamātreṇa sarvapāpaiḥ pramucyate || 1 ||
[Analyze grammar]

vitastāyāstaṭe ramye brāhmaṇo nivasanpurā |
babhūva pāṃḍavonāma daridreṇātipīḍitaḥ || 2 ||
[Analyze grammar]

jñātibhiśca parityakto duṣṭayā bhāryayā tathā |
kaṃthāpyekā sthitā yasya sarvasvapremadhāriṇī || 3 ||
[Analyze grammar]

tenāhaṃ sutakāmena toṣito girigahvare |
mayāpyuktaṃ viśālākṣi putrastava bhaviṣyati || 4 ||
[Analyze grammar]

tasya putraḥ samutpannaḥ kaṃthāmadhyādayo nijaḥ |
śītoṣṇavāriṇī kaṃthā tasya putrasya sā'bhavat || 5 ||
[Analyze grammar]

sa ca labdhaḥ prasādena madīyena varānane |
rudreṇa ca varo dattaḥ kaṃthāyā bhavitā punaḥ || 6 ||
[Analyze grammar]

atha ṣaṣṭhe gate varṣe mauṃjībaṃdhamaciṃtayat |
tadāmaṃtrya munīnsarvānprasādya ca punaḥ punaḥ |
namaskṛtya ṛṣīnsarvānpūjayāmāsa bhaktitaḥ || 7 ||
[Analyze grammar]

phalairvittānusāreṇa mauṃjī tasyāpyabaṃdhata |
te'pyuktā munayaḥ sarve prasādya ca punaḥpuna || 8 ||
[Analyze grammar]

dīyatāmāśiṣo hyasmai putrāya munisattamāḥ |
mama putrasya putro'yaṃ dīrghāyurjāyatāṃ ciram || 9 ||
[Analyze grammar]

tūṣṇīṃbhūyaḥ sthitāḥ sarve tacchrutvā nottaraṃ daduḥ |
yadā te nottaraṃ procustadā munivaraḥ svayam |
dhyānena ciṃtayāmāsa nūnamalpāyuṣaṃ sutam || 10 ||
[Analyze grammar]

iti jñātvā tu saṃmohamagamatsahasā muniḥ |
vilalāpa sa duḥkhārttaḥ sutasnehena duḥkhitaḥ || 11 ||
[Analyze grammar]

vāḍava uvāca |
dattaḥ svayaṃ maheśena mamālpāyuḥ kathaṃ sutaḥ |
rudreṇa ca varo dattaḥ prasannena purā mama || 12 ||
[Analyze grammar]

mattulyavīryaḥ putraste kaṃthāmadhyādbha viṣyati |
jātaṃ ca dattvā hyalpāyuṃ mithyā tryakṣasya tadvacaḥ || 13 ||
[Analyze grammar]

pitaraṃ duḥkhitaṃ dṛṣṭvā tūṣṇīṃbhūto munistadā |
sa bālaḥ sahasā vākyaṃ babhāṣe harṣavarddhanam || 14 ||
[Analyze grammar]

tyajata bhayamidānīṃ yanmamārthe viṣaṇṇā vinihatanijayatnaṃ pretarājaṃ karomi |
śṛṇuta mama giraṃ bhoḥ seśvarā lokapālāḥ pitṛpativijayārthaṃ satpratijñā mamaiṣā || 15 ||
[Analyze grammar]

ativiṣamatapobhiḥ śaṃkaraṃ toṣayitvā svapiturapi ca bhaktyā hanmi mṛtyorjayāśām |
kimatiśayaviṣāda vyākulāstāta sarve sapadi pitṛpatiṃ taṃ sve vaśe sthāpayāmi || 16 ||
[Analyze grammar]

prayāmi rudraṃ śaraṇaṃ maheśvaraṃ devaṃ varaṃ cāpyumayā'vihīnam |
śṛṇvaṃtu sarve munayaḥ samaṃtānna mādṛśe mṛtyuparābhavosti || 17 ||
[Analyze grammar]

tapobhirugraiḥ śitikaṃṭhapādau prasādya mṛtyuṃ na cirādvineṣye |
kaṃthājavākyāmṛtalolanetrāḥ saṃjātaromāṃ calasatsvadehāḥ || 18 ||
[Analyze grammar]

papracchurenaṃ munayaḥ śiśuṃ taṃ jānāsi rudraṃ paramaṃ kathaṃ tvam |
vayaṃ ciraṃ kālamupāsamānāstapobhirugrairvratasaṃcayaiśca || 19 ||
[Analyze grammar]

tathāpi vidmo na vayaṃ maheśaṃ jñātastvayāsau kathamarbhakeṇa |
īhāmahe taṃ kila putra samyakchrotuṃ praharṣādbhutajātaromāḥ || 20 ||
[Analyze grammar]

jñātastvayā kutra kathaṃ maheśo maheśvaro vai bhuvanaikanāthaḥ || 21 ||
[Analyze grammar]

iti teṣāṃ vacaḥ śrutvā munīnāṃ bhāvitātmanām |
sa bālaḥ kathayāmāsa vṛttāṃtaṃ parvatātmaje || 22 ||
[Analyze grammar]

mamātra krīḍataḥ siddhaḥ siddhidaḥ samupāgataḥ |
vijñāyālpāyuṣaṃ māṃ tu vātsalyādabravīdidam || 23 ||
[Analyze grammar]

gaccha putra mamādeśānmahākālavanottame |
dakṣiṇe cāsti yalliṃgamānaṃdeśvaraliṃgataḥ || 24 ||
[Analyze grammar]

tamārādhaya śīghraṃ tvaṃ cirajīvī bhaviṣyasi |
tasyopadeśadānena jñātaṃ samyaṅmaheśvarāt || 25 ||
[Analyze grammar]

nānyo devosti lokeṣu satyaṃ satyaṃ munīśvarāḥ |
tasmādadyaiva yāsyāmi mahākālavane śubhe || 26 ||
[Analyze grammar]

liṃgamārādhayiṣyāmi viṣādastyajyatāmiha |
tasya tadvacanaṃ śrutvā tena sārddhaṃ maharṣayaḥ || 27 ||
[Analyze grammar]

pitā ca vismito devi sarva eva samāgatāḥ |
devamārādhayāmāsa bālaḥ kālajighāṃsayā || 28 ||
[Analyze grammar]

liṃgamadhyāttato vāṇī niḥsṛtā parvatātmaje |
aho tuṣṭosmi te vatsa kaṃ kāmaṃ pradadāmyaham || 29 ||
[Analyze grammar]

bāla uvāca |
yadi tuṣṭo'si me deva ye tvāṃ paśyaṃti śaṃkara |
pāpakaṃthāvinirmuktāste saṃtu cirajīvinaḥ || 30 ||
[Analyze grammar]

bālasya bhāṣitaṃ śrutvā liṃge noktaṃ yaśasvini |
ye ca māṃ pūjayiṣyaṃti śraddhayā parayā yutāḥ |
te bhaviṣyaṃti satataṃ jarāmaraṇavarjitāḥ || 31 ||
[Analyze grammar]

lapsyaṃte paramānkāmānbhaviṣyaṃti gaṇottama |
pūjyāḥ sarveṣu lokeṣu sarvālaṃkārabhūṣitāḥ || 32 ||
[Analyze grammar]

evaṃ labdhavaraḥ kaṃthaḥ prāṃjaliḥ samupasthitaḥ |
liṃgenoktaḥ prasannena bhūyo varaya suvrata || 33 ||
[Analyze grammar]

varo vai durlabho loke devadānavaguhyakaiḥ |
mayāvatārito yasmānnāstyadeyaṃ tavādhunā || 34 ||
[Analyze grammar]

bālenokto mahādeva yadi deyo varaḥ punaḥ |
mannāmnā deva te khyātirbhūyāttribhuvane bhuvi || 35 ||
[Analyze grammar]

evamastviti liṃgena proktaṃ tuṣṭena pārvati |
tadāprabhṛti deveśo vikhyātaḥ kaṃthaḍeśvaraḥ |
yasya darśanamātreṇa cirāyurjāyate naraḥ || 36 ||
[Analyze grammar]

yaḥ samīkṣati talliṃgaṃ kaṃthaḍeśvaramīśvaram || 37 ||
[Analyze grammar]

pāpakaṃthāvinirmukto muktiṃ yāsyati gauri saḥ |
puṇyaṃ yaśasyaṃ geyaṃ talliṃgaṃ pāpapraṇāśanam |
punāti pātakānsarvānmama nāmānukīrtanāt || 38 ||
[Analyze grammar]

te'dhanyāḥ puruṣā loke teṣāṃ janma nirarthakam |
yairna dṛṣṭo mahākāle devo'sau kaṃthaḍeśvaraḥ || 39 ||
[Analyze grammar]

eṣa te kathito devi prabhāvaḥ pāpanāśanaḥ |
kaṃthaḍeśvaradevasya indreśvaramatho śṛṇu || 40 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ paṃcama āvaṃtyakhaṇḍe caturaśītiliṅgamāhātmye kaṃthaḍeśvaramāhātmyavarṇanaṃnāma catustriṃśo'dhyāyaḥ || 34 ||
[Analyze grammar]