Chapter 31

[English text for this chapter is available]

śrīmahādeva uvāca |
ekatriṃśattamaṃ viddhi devaṃ khaṃḍeśvaraṃ priye |
saṃpūrṇaṃ jāyate yasya darśāddānavratādikam || 1 ||
[Analyze grammar]

āsīttretāyuge devi bhadrāśvonāma pārthivaḥ |
yasya nāmnā'bhavadvarṣaṃ bhadrāśvaṃnāma nāmataḥ || 2 ||
[Analyze grammar]

tasyāgastyaḥ kadācittu gṛhamāgamya sattamaḥ |
uvāca saptarātraṃ tu vasāmi bhavato gṛhe || 3 ||
[Analyze grammar]

taṃ rājā śirasā natvā svāsyatāmityabhāṣata |
tasya kāṃtimatīnāma bhāryā paramaśobhanā || 4 ||
[Analyze grammar]

tasyāstejaḥ samabhavaddvādaśādityasaṃnibham |
sapatnīnāṃ śataṃ tasyā vidyate varavarṇini || 5 ||
[Analyze grammar]

tā dāsya iva karmāṇi kurvaṃtyaharahaḥ sadā |
kāṃtimatyāḥ prabhāvena bhayottra stāḥ sulocanāḥ || 6 ||
[Analyze grammar]

tāmagastyastathā dṛṣṭvā tanmukhāsaktalocanām |
evaṃbhūtāṃ tathā dṛṣṭvā rājñīṃ paramaśobhanām |
sādhusādhu jagannāthetyagastyaḥ prāha harṣitaḥ || 7 ||
[Analyze grammar]

dvitīye divasepyevaṃ rājñīṃ dṛṣṭvā mahāprabhām |
aho hyaṃganayā muṣṭaṃ jagadetaccarācaram || 8 ||
[Analyze grammar]

ityagastyo dvitīye'hni rājñīṃ dṛṣṭetyuvāca ha |
tṛtīye'hni ca tāṃ dṛṣṭvā punarevamuvāca ha || 9 ||
[Analyze grammar]

aho mūḍhā na jānaṃti liṃgamāhātmyamuttamam |
mahākālavane kṣetre cyavaneśasya pūrvataḥ || 10 ||
[Analyze grammar]

khaṃḍavratāni jāyaṃte pūrṇāni darśanādyadaḥ |
caturthe divase hastāvutkṣipya punarabravīt || 11 ||
[Analyze grammar]

sādhusādhu jagannātha sādhu bhadrāśva suvrata |
paṃcame divase'pyevaṃ ṣaṣṭhe caiva punaḥpunaḥ || 12 ||
[Analyze grammar]

nṛtyaṃtaṃ saptame dṛṣṭvā dine patnyā samanvitaḥ |
provāca cainaṃ rājā sa vismitenāṃtarātmanā |
kiṃ harṣakāraṇaṃ brahmanyena nṛtyasamanvitaḥ || 13 ||
[Analyze grammar]

agastya uvāca |
aho bhūpāla mūḍhastvaṃ mahāmūrkhāśca maṃtriṇaḥ |
aho purohito mugdho ye na jānaṃti me matam || 14 ||
[Analyze grammar]

īdṛśā api jāyaṃte rājāno yasya darśanāt |
evamuktastato rājā kṛtāṃjalirabhāṣata || 15 ||
[Analyze grammar]

na jānīmo vayaṃ brahmannabhiprāyaṃ tavādhunā |
kathayasva mahābhāga yadyanugrahakṛdbhavān || 16 ||
[Analyze grammar]

agastya uvāca |
iyaṃ rājñī tvadīyābhūddāsī vaiśyasya vaidiśe |
nagare haridattasya tvamasyāḥ patireva ca |
khaṃḍavrataprabhāvena jātaḥ karmakaro bhavān || 17 ||
[Analyze grammar]

sa ca vaiśyo mahākāle gatvā devaṃ maheśvaram |
arcayāmāsa vivivadgaṃdhapuṣpādibhiḥ śubhaiḥ || 18 ||
[Analyze grammar]

abhyarcya tu gṛhaṃ yāvadbhavaṃtau rakṣapālakau |
tataḥ kālena mahatā mṛtau dvāvapi daṃpatī || 19 ||
[Analyze grammar]

tena puṇyena te janma priyavratagṛhe'bhavat |
iyaṃ ca patnī te jātā purā vaiśyapradāsikā || 20 ||
[Analyze grammar]

parakīyaprasaṃgena saṃjātā bhūbhiruttamā |
rājyaṃ patnī sutā sādhurityuktaṃ vacanaṃ mayā || 21 ||
[Analyze grammar]

tasya devasya māhātmyādyajaṃtaṃ vividhairmakhaiḥ |
paśyāmi tvāṃ mahīpāla bhūpālaśataveditam || 22 ||
[Analyze grammar]

ataḥ sādhupurā proktaṃ mayā tava mahīpate || 23 ||
[Analyze grammar]

iti tasya vacaḥ śrutvā kuṃbhayonermahātmanaḥ |
mahākālavane gaṃtuṃ matiṃ cakre mahīpatiḥ |
tataḥ sāṃtaḥpuraḥ prāyāttena sārddhaṃ maharṣiṇā || 24 ||
[Analyze grammar]

agastyakathitaṃ liṃgaṃ dadarśa śraddhayā punaḥ |
pūjayāmāsa vidhivatpatnyā sārddhaṃ mahīpatiḥ || 25 ||
[Analyze grammar]

tatastuṣṭastadā devo nṛpaṃ prāhāmitadyutiḥ |
mano'bhīṣṭaṃ tapastestu bhogamaiśvaryameva ca || 26 ||
[Analyze grammar]

kulaṃ prabhāvaṃ saubhāgyaṃ dīrghamāyurarogitām |
niḥsapatnaṃ tato rājyaṃ kṛtvā svargamavāpsyati || 27 ||
[Analyze grammar]

ityukto devadeven gato'sau viṣayaṃ svakam |
niṣkaṃṭakaṃ tato rājyaṃ kṛtvā svargaṃ gataḥ priye || 28 ||
[Analyze grammar]

anekajanmacaritaṃ khaṃḍavratakadambakam |
saṃpūrṇamabhavaddevi liṃgasyāsya prabhāvataḥ || 29 ||
[Analyze grammar]

ataḥ khaṇḍeśvaro devo vikhyāto bhuvanatraye |
ye paśyaṃti narā devi devaṃ khaṇḍeśvaraṃ śivam || 30 ||
[Analyze grammar]

khaṇḍavratāni pūrṇāni teṣāmāśu bhavaṃti hi |
tapaḥkhaṇḍaṃ vrate khaṇḍaṃ dānakhaṃḍaṃ ca yatkṛ tam |
tatsarvaṃ pūrṇatāṃ yāti śrīkhaṃḍeśvaradarśanāt || 31 ||
[Analyze grammar]

dṛṣṭvā khaṃḍeśvaraṃ devaṃ pāpavighnaiḥ pramucyate |
saptajanmakṛtairdevi manovākkāyakarmabhiḥ || 32 ||
[Analyze grammar]

dṛṣṭvā khaṇḍeśvaraṃ devaṃ kṛtakṛtyatvamāpyate |
tasya naśyati daurbhāgyaṃ saptajanmodbhavaṃ priye || 33 ||
[Analyze grammar]

khaṃḍeśvare'rcite deve sarve devāḥ savāsavāḥ |
saṃtuṣṭā varadāścaiva bhavaṃti varavarṇini || 34 ||
[Analyze grammar]

devaṃ khaṃḍeśvaraṃ ye vai yajaṃti śraddhayā priye |
puṇyairnānāvidhaiḥ snānaiḥ sugandhaiśca viśeṣataḥ || 35 ||
[Analyze grammar]

dhūpa dīpairnamaskārairjapaiḥ stotraiḥ pṛthagvidhaiḥ |
te sarve kāmasaṃpannāḥ śrīmanto rājyasaṃyutāḥ || 36 ||
[Analyze grammar]

dīrghāyuṣaḥ śubhācārā jāyaṃte dehino'malāḥ |
ati śreṣṭhā gatisteṣāṃ viśokā nityamakṣayāḥ |
khaṃḍeśvaraprasādena jāyaṃte nātra saṃśayaḥ || 37 ||
[Analyze grammar]

ete ca viṣṇubrahmeṃdrakuveradahanādayaḥ |
parāṃ siddhiṃ susaṃprāptāḥ khaṃḍeśvarasamarcanāt || 38 ||
[Analyze grammar]

eṣa te kathito devi prabhāvaḥ pāpanāśanaḥ |
khaṃḍeśvarasya devasya śṛṇu vai pattaneśvaram || 39 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṃḍe caturaśītiliṅgamāhātmye khaṇḍe śvaramāhātmyavarṇanaṃnāmaikatriṃśo'dhyāyaḥ || 31 ||
[Analyze grammar]