Chapter 32

[English text for this chapter is available]

īśvara uvāca |
triṣu lokeṣu vikhyātaṃ dvātriṃśattamamuttamam |
viddhi siddhipradaṃ puṃsāṃ pattaneśvaramīśvaram || 1 ||
[Analyze grammar]

purā'haṃ parvate devi maṃdare cārukandar |
krīḍansārddhaṃ tvayā pṛṣṭaḥ kadācidrahasi sthitaḥ || 2 ||
[Analyze grammar]

kimarthaṃ parvataṃ tyaktvā kailāsaṃ ramaṇīyakam |
muktā phalaśilāśubhraṃ śaṅkhacandrāṃśunirmalam || 3 ||
[Analyze grammar]

siddhacāraṇagandharvakiṃnarodgītanāditam |
sadā puṣpadrumacchannaṃ kadalīvanarājitam || 4 ||
[Analyze grammar]

atha kokilacakrāhvacakorakurarākulam |
pu'ṇyalokopamaṃ sthānaṃ triviṣṭapavibhūṣaṇam || 5 ||
[Analyze grammar]

mahākālavane śūnye nānāgulmalatāvṛte |
gajeṃdragajaśārdūla siṃhaśambarasaṃkule || 6 ||
[Analyze grammar]

ṛkṣavānaragomāyujantukādivirājite |
mayūrasarpamārjāramūṣikādivirājite || 7 ||
[Analyze grammar]

kathaṃ vāsaḥ kṛto deva kautūhalamidaṃ mama || 8 ||
[Analyze grammar]

iti pṛṣṭastvayā devi maṃdare cārukandare |
mayā proktaṃ prasannena pattanaṃ ca mama priye || 9 ||
[Analyze grammar]

mahākālavanaṃ ramyaṃ svargātsukhakaraṃ param |
smaśānapīṭhasatkṣetravanoparasamāśritam || 10 ||
[Analyze grammar]

anaupamyaguṇaṃ viddhi pattanaṃ parvatātmaje |
evaṃ pattanadevo vai na dṛṣṭo bhuvanatraye |
gītavāditracāturyaiḥ sparddhate yaḥ surālayam || 11 ||
[Analyze grammar]

etasminnaṃtare devi devarṣirnārado muniḥ |
draṣṭukāmaḥ samāyāto mandare māṃ yaśasvini || 12 ||
[Analyze grammar]

vinodārthaṃ mayā pṛṣṭastvatpriyārthaṃ kutūhalāt |
kva tvayā gamitaḥ kālaḥ kalpasaṃkhyo mahāmune || 13 ||
[Analyze grammar]

kasminnāśramasaṃsthāne tapasaḥ saṃcayaḥ kṛtaḥ |
tīrthāni kāni bhrāṃtāni kva te ratirabhūcciram || 14 ||
[Analyze grammar]

kautukaṃ dṛṣṭapūrvaṃ tu vada me munisattama |
iti pṛṣṭo mayā devi brahmaputro mahāmuniḥ |
kathayāmāsa vṛttāṃtaṃ pattanasya prayatnataḥ || 15 ||
[Analyze grammar]

bahūni saṃparikramya tīrthānyāyatanāni ca |
pattanāni vicitrāṇi deśāśca nagarāṇi ca || 16 ||
[Analyze grammar]

aṭanārthaṃ mahādeva jaṃbūdvīpe manorame |
dṛṣṭaḥ pattanarājaśca sadānaṃdakaraḥ paraḥ || 17 ||
[Analyze grammar]

svecchākalpitavinyāsaḥ prāsādaśatakalpitaḥ |
icchākāmaphalāvāptira nirdeśyasukhāvahaḥ || 18 ||
[Analyze grammar]

sarvartukusumāmodasukhasparśānilāvṛtaḥ |
vīṇāveṇuravairghuṣṭo manaḥprahlādakārakaḥ || 19 ||
[Analyze grammar]

vajreṃdranīlavaiḍūryacandrakāṃtādidī pitaḥ |
jarāmṛtyubhayopetaḥ sarvavyādhivivarjitaḥ || 20 ||
[Analyze grammar]

śakrāgniyamarakṣobdhivāyusomeśasevitaḥ |
ūrddhādhaḥ saptalokeṣu puṇyeṣu nivasaṃti hi || 21 ||
[Analyze grammar]

sadā pramuditā devāste'pi kāṃkṣaṃti pattanann |
tatra śāṃtā mahātmāno nivasaṃte maheśvara || 22 ||
[Analyze grammar]

vidyotitadiśo dāṃtāḥ sūrya vaiśvānaraprabhāḥ |
divyāṃbaradharā dhīrā jagamukuṭadhāriṇaḥ || 23 ||
[Analyze grammar]

viprā māheśvarāḥ puṇyāḥ kṣatriyā haratatparāḥ |
mumukṣavastaponiṣṭhā vaiśyā śūdrāścirāyupaḥ || 24 ||
[Analyze grammar]

sa śubhrarūpaḥ sa ca lohitākṛtiḥ sa cāpi pītaḥ sasitetaraḥ kvacit |
sa nāmadheyaḥ sa ca nāmavarjyaḥ so'dṛ śyarūpaḥ sa ca dṛṣṭarūpaḥ || 25 ||
[Analyze grammar]

kvacidravisahasrākṣaḥ kvacidekaraviprabhaḥ |
kvaciccandrādviśiṣyeta kvacidaṃgulikāṃtimān || 26 ||
[Analyze grammar]

janma mṛtyujarārogairduḥkhāni vividhāni ca |
prayāti vilayaṃ tāni prasanne pattaneśvare || 27 ||
[Analyze grammar]

eṣa te kathito devi prabhāvaḥ pāpanāśanaḥ |
pattaneśasya devasya ānaṃdeśamataḥ śṛṇu || 28 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ paṃcama āvaṃtyakhaṃḍe caturaśītiliṃgamāhātmye pattaneśvara māhātmyavarṇanaṃnāma dvātriṃśo'dhyāyaḥ || 32 ||
[Analyze grammar]