Chapter 30

[English text for this chapter is available]

śrīviśvanātha uvāca |
triṃśattamaṃ vijānīhi tvaṃ devi cyavaneśvaram |
yasya darśanamātreṇa svargabhraṃśo na jāyate || 1 ||
[Analyze grammar]

bhṛgormaharṣeḥ putraśca cyavano nāma pārvati |
sthāṇubhūtastapastepe nirāhāro mahāmuniḥ || 2 ||
[Analyze grammar]

vitastāyāstaṭe ramye bahuvarṣagaṇānkila |
savalmīko'bhavadvipro latābhirabhisaṃvṛtaḥ || 3 ||
[Analyze grammar]

kālena mahatā devi samākīrṇaḥ pipīlakaiḥ |
tathā sa saṃvṛto dhīmānmṛtpiṃḍa iva sarvaśaḥ || 4 ||
[Analyze grammar]

ājagāma tamuddeśaṃ vihartuṃ vana uttame |
śaryātirnāma dharmātmā sakuṭuṃbo mudānvitaḥ || 5 ||
[Analyze grammar]

tasya strīṇāṃ sahasrāṇi catvāryāsanparigrahaḥ |
ekaiva tu sutā subhrūḥ sukanyānāma nāmataḥ || 6 ||
[Analyze grammar]

sā sakhībhiḥ parivṛtā sarvābharaṇabhūṣitā |
sā bhramyamāṇā valmīke dṛṣṭvā bhārgavacakṣuṣī || 7 ||
[Analyze grammar]

sā kautukātkaṇṭakena buddhimohavatī tadā |
kiṃ nu khalvidamityuktvā nirbibhedāsya locane || 8 ||
[Analyze grammar]

abhavatsa tayā viddho netrayoḥ paramārtimān |
tataḥ śaryātisainyasya śakṛnmūtraṃ samāruṇat || 9 ||
[Analyze grammar]

tato ruddhe śakṛnmūtre paryatapyata pārthivaḥ |
pratyuvāca tataḥ kruddho rājā gadgadayā girā || 10 ||
[Analyze grammar]

kenāpakṛtamadyeha bhārgavasya mahātmanaḥ |
taponityasya vṛddhasya roṣaṇasya viśeṣataḥ || 11 ||
[Analyze grammar]

jñātaṃ vā yadi vājñātaṃ tadidaṃ brūta mā ciram |
tamūcuḥ sainikāḥ sarve na vidmo'pakṛtaṃ vayam || 12 ||
[Analyze grammar]

tataḥ sa pṛthivīpālaḥ sāmnā cogreṇa ca svayam |
paryapṛcchatsvavarga ca bhūyobhūyaḥ suduḥkhitaḥ || 13 ||
[Analyze grammar]

pitaraṃ duḥkhitaṃ dṛṣṭvā sukanyā tamathābravīt |
mayā kiṃcicca valmīke dṛṣṭaṃ sattvamaticchavi || 14 ||
[Analyze grammar]

khadyotavadabhijñātaṃ tanmayā viddhamaṃtikam |
etacchrutvā tu śaryātirvalmīkaṃ kṣipramabhyagāt || 15 ||
[Analyze grammar]

tatrāpaśyattapovṛddhaṃ vayovṛddhaṃ ca bhārgavam |
prārthayāmāsa sainyārthe prāṃjaliḥ sa mahīpatiḥ || 16 ||
[Analyze grammar]

ajñānādbālayā yatte'pakṛtaṃ tu mahīsura |
imāmeva ca te kanyāṃ dadāmi sudṛḍhavratām || 17 ||
[Analyze grammar]

bhāryārthe tvaṃ gṛhāṇemāṃ prasīda dvijasattama |
tatobravīmahīpālaṃ cyavano bhārgavastathā || 18 ||
[Analyze grammar]

yadyevaṃ pratigṛhyaitāṃ kṣamiṣyāmi mahīpate |
dadau duhitaraṃ tasmai cyavanāya mahīpatiḥ || 19 ||
[Analyze grammar]

pratigṛhya ca tāṃ kanyāṃ bhagavānprasasāda ha |
prāpte prasāde rājātha sasainyo viṣayaṃ gataḥ || 20 ||
[Analyze grammar]

sukanyāpi patiṃ labdhvā tapasvinamaniṃditā |
nityaṃ paryacaratprītyā tapasā niyamena ca || 21 ||
[Analyze grammar]

kasyacittvatha kālasya nāsatyāvaśvinau priye |
kṛtābhiṣekāṃ vivṛtāṃ sukanyāṃ tāmapaśyatām || 22 ||
[Analyze grammar]

tāṃ dṛṣṭvā darśanīyāṃgīṃ devarājasutāmiva |
ūcatuḥ samupadrutya kasya tvamatiśobhane || 23 ||
[Analyze grammar]

sā provāca mahābhāgā pativrataparāyaṇā |
śaryātitanayāṃ caiva bhāryāṃ ca cyavanasya hi || 24 ||
[Analyze grammar]

tatośvinau prahasyaināmabrūtāṃ punareva tu |
kasmādevaṃvidhā bhūtvā jarājarjaritaṃ patim || 25 ||
[Analyze grammar]

tvamapāsyeha kalyāṇi kāmabhogabahiṣkṛtā |
vṛddhaṃ cyavanamutsṛjya varayasvaikamāvayoḥ || 26 ||
[Analyze grammar]

patyarthaṃ devagarbhābhe mā vṛthā yauvanaṃ kṛthāḥ |
evamuktā sukanyā tu dasrau tāvidamabravīt || 27 ||
[Analyze grammar]

ratāhaṃ cyavane deve maivaṃ mā paryaśaṃkatam |
tato'brūtāṃ punastvenāmāvāṃ devabhiṣagvarau || 28 ||
[Analyze grammar]

yuvānaṃ rūpasaṃpannaṃ kariṣyāvaḥ patiṃ tava |
etena samayenāvāmāmaṃtraya sumadhyame || 27 ||
[Analyze grammar]

sā tayorvacanaṃ śrutvā kathayāmāsa bhārgave |
tacchrutvā cyavano bhāryāṃ kriyatāmityabhā ṣata || 30 ||
[Analyze grammar]

ūcatū rājaputrīṃ tāṃ patistava viśatvapaḥ |
tato'psu cyavanaḥ śīghraṃ rūpārthī praviveśa ha || 31 ||
[Analyze grammar]

aśvināvapi tatkāle saraḥ prāviśatāṃ priye |
tato muhūrttāduttīrṇā sarve te sarasastadā || 32 ||
[Analyze grammar]

divyarūpadharāḥ sarve yuvāno divyakuṃḍalāḥ |
tulyaveṣadharāścaiva manasaḥ prītivarddhanāḥ || 33 ||
[Analyze grammar]

te'bruvansahitāḥ sarve vṛṇīṣvānyatamaṃ śubham |
asmākamīpsitaṃ bhadre patitve varavarṇini || 34 ||
[Analyze grammar]

sā samīkṣya tu tānsarvāṃstulyarūpadharā nsthitān |
niścitya manasā buddhyā devī vavre svakaṃ patim || 35 ||
[Analyze grammar]

labdhvā tu cyavano bhāryāṃ vayo rūpaṃ tu vāṃchitam |
hṛṣṭo'bravīnmahātejāstau nāsatyāvidaṃ vacaḥ || 36 ||
[Analyze grammar]

yadahaṃ rūpasaṃpanno vayasā ca samanvitaḥ |
kṛto bhavadbhyāṃ vṛddhaḥ sanbhāryāṃ ca prāptavānimām || 37 ||
[Analyze grammar]

tasmādyuvāṃ kari ṣyāmi prītyāhaṃ somapāyinau |
satyametanna saṃdeho devarājasya paśyataḥ || 38 ||
[Analyze grammar]

tacchrutvā hṛṣṭamanasau divaṃ devau prajagmatuḥ |
yājayāmāsa somārhau nāsatyāvaśvināviti || 39 ||
[Analyze grammar]

bhiṣajau devatānāṃ hi karmaṇā tena garhitau |
ābhyāmarthāya somaṃ tvaṃ pradāsyasi yadi svayam || 40 ||
[Analyze grammar]

vajraṃ te prahariṣyāmi ghorarūpaṃ sudāruṇam |
evamuktaḥ smayannindramabhivīkṣya sa bhārgavaḥ |
balinaṃ vāsavaṃ jñātvā ciṃtayāmāsa satvaram || 41 ||
[Analyze grammar]

devamārādhayiṣyāmi mahādevaṃ maheśvaram |
yasya karmakaraḥ śakro yasya devā vaśānugāḥ |
yaḥ samartho jagadgoptā sṛṣṭisaṃhārakārakaḥ || 42 ||
[Analyze grammar]

ityuktvā cyavano devi mahākālavanaṃ gataḥ |
rāmeśvarasya devasya liṃgamīśānataḥ sthitam |
śraddhayārādhitaṃ tena cyavanena mahātmanā || 43 ||
[Analyze grammar]

tasya prasanno rudrastu sa vajrādabhayaṃ dadau |
tasya praharato bāhuṃ staṃbhayāmāsa bhārgavaḥ || 44 ||
[Analyze grammar]

samārādhanatuṣṭasya liṃgasyāsya prabhāvataḥ |
etasminnaṃtare jvālā niḥsṛtā liṃgamadhyataḥ || 46 ||
[Analyze grammar]

tayā devagaṇāḥ sarve dahyamānā vicetasaḥ |
procurgadgadayā vācā dhūmenāṃdhīkṛte kṣaṇāḥ || 46 ||
[Analyze grammar]

kriyetāṃ somapāvetāvaśvinau balasūdana |
devānāṃ vacanaṃ śrutvā cyavanaṃ bhayapīḍitaḥ |
pratyuvāca tataḥ śakraḥ praṇāmānatakaṃdharaḥ || 47 ||
[Analyze grammar]

somapāvaśvināvetāvadyaprabhṛti bhārgava |
bhaviṣyatastataḥ sarvametatsatyaṃ bravīmi te || 48 ||
[Analyze grammar]

mā te'tithyābhisaṃraṃbho bhaviṣyati tapodhana || |
liṃgasyāsya prabhāvo'yaṃ yadahaṃ niṣprabhīkṛtaḥ || 49 ||
[Analyze grammar]

tatastvannāmadheyena prasiddhirbhuvi yāsyati |
ārādhitaṃ yato devi cyavanena mahātmanā || 50 ||
[Analyze grammar]

cyavaneśvarametadvai khyātaṃ tribhuvane'bhavat |
bhaktā ye pūjayiṣyaṃti deveśaṃ cyavaneśvaram |
ājanmaprabhavaṃ pāpaṃ teṣāṃ naśyati tatkṣaṇāt || 51 ||
[Analyze grammar]

yaḥ paśyati naro nityaṃ cyavaneśvarasaṃjñakam |
janmaduḥkhajarārogairmukto muktimavāpnuyāt || 52 ||
[Analyze grammar]

yaṃyaṃ kāmamabhidhyāyenmanasābhimataṃ naraḥ |
taṃtaṃ durlabhamāpnoti cyavaneśvaradarśanāt || 53 ||
[Analyze grammar]

niyamena prapaśyaṃti ye devaṃ cyavaneśvaram |
te prayāṃti tanuṃ tyaktvā madīye bhuvane priye || 54 ||
[Analyze grammar]

yaḥ śṛṇoti kathāṃ puṇyāṃ sarvapāpaharāṃ śubhām |
sa puṇyātmā paraṃ sthānaṃ yāti divyaṃ na saṃśayaḥ || 55 ||
[Analyze grammar]

bhaktihīnaḥ kriyāhīno yaḥ paśyati prasaṃgataḥ |
sa puṇyāṃ gatimāpnoti yogigamyāṃ yaśasvini || 56 ||
[Analyze grammar]

puṣpairvicitrairye devaṃ yajaṃte cyavaneśvaram |
saṃsārārṇavamullaṃghya te yāṃti paramaṃ padam || 57 ||
[Analyze grammar]

eṣa te kathito devi prabhāvaḥ pāpanāśanaḥ |
cyavaneśvaradevasya śṛṇu khaṃḍeśvaraṃ śive || 58 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe caturaśītiliṃgamāhātmye cyavaneśvaramāhātmyavarṇanaṃnāma triṃśo'dhyāyaḥ || 30 ||
[Analyze grammar]