Chapter 26

[English text for this chapter is available]

īśvara uvāca |
viddhi ṣaḍviṃśakaṃ devi devaṃ someśvaraṃ param |
yasya darśanamātreṇa niṣkalaṃko naro bhavet || 1 ||
[Analyze grammar]

atrirnāma mahābhāgo brahmaṇo mānasaḥ sutaḥ |
prajāpatirabhūddevi kalpe vārāhasaṃjñake || 2 ||
[Analyze grammar]

tasya putro'bhavatsomo dakṣotha mātṛbhāgataḥ |
saptaviṃśatiryāḥ kanyā dākṣāyaṇyaḥ prakīrtitāḥ || 3 ||
[Analyze grammar]

somapatnyo hi maṃtavyāstāsāṃ śreṣṭhā tu rohiṇī |
tāmeva bhajate somo netarāṃ iti śuśruma || 4 ||
[Analyze grammar]

itarāḥ procurāgatya dakṣasyāgre yathātatham |
dakṣo'tha sa tadāgatya tamuvāca sa nākarot || 5 ||
[Analyze grammar]

yadā na vāritastasthau dakṣaḥ kuddhastadā priye |
śaśāpa somaṃ saṃkruddhaḥ śīghramaṃtarhito bhava || 6 ||
[Analyze grammar]

evaṃ śaptastu somo vai tadā hyaṃtarhito'bhavat |
śaśāpa somo dakṣaṃ tu bhavānapi bhaviṣyati || 7 ||
[Analyze grammar]

anekatvaṃ vihāyaitajjaladehaṃ sanātanam |
ataḥ prācetaso dakṣo brahmaputro'pi gīyate || 8 ||
[Analyze grammar]

evamaṃtarhitaḥ somo gato vai dakṣaśāpataḥ |
devāśca nāgā yakṣāśca gaṃdharvāḥ pitṛbhiḥ saha |
vairājaṃ brahmasadanaṃ brahmāṇaṃ samupasthitāḥ || 9 ||
[Analyze grammar]

tasyāgre kathayāmāsurnamaskṛtya punaḥpunaḥ |
bhagavansarvabhūtānāmādikarttā svayaṃbhuvaḥ || 10 ||
[Analyze grammar]

sraṣṭā ca havyakavyānāṃ pāhi naḥ śaraṇāgatān |
devānāṃ vacanaṃ śrutvā jñātvā devaḥ prajāpatiḥ || 11 ||
[Analyze grammar]

āśvāsayāmāsa surānsuśliṣṭairvacanāṃbubhiḥ |
avaśyaṃ tridaśāstena prāptavyaṃ karmaṇaḥ phalam || 12 ||
[Analyze grammar]

śāpāṃtaṃ bhagavāndevo viṣṇureva kariṣyati |
etacchrutvā tato devā vākyaṃ paṃkajajanmanaḥ |
śaraṇyaṃ śaraṇaṃ viṣṇumupatasthurgatavyathāḥ || 13 ||
[Analyze grammar]

brahmaṇā sahitā devi stutiṃ cakruḥ samāhitāḥ |
namaste devadeveśa namaste viśvabhāvana |
namaste'stu hṛṣīkeśa mahāpuruṣapūrvaja || 14 ||
[Analyze grammar]

nārāyaṇa jagannātha devāstvāṃ śaraṇaṃ gatāḥ |
tvaṃ hi naḥ paramo dhyeya stvaṃ hi naḥ paramo guruḥ || 15 ||
[Analyze grammar]

tvaṃ hi naḥ paramo devo brahmādīnāṃ surottama |
aṃtardhānaṃ gataḥ somo dakṣaśāpājjanārddana || 16 ||
[Analyze grammar]

vinā somena cauṣadhyo naṣṭā deva mahītale |
teṣāṃ tadvacanaṃ śrutvā viṣṇurvacanamavravīt || 17 ||
[Analyze grammar]

bhayaṃ tyajadhvamamarā abhayaṃ vo dadāmyaham |
naṣṭaṃ caṃdramasaṃ śīghraṃ mānayiṣyāmyasaṃśayam || 18 ||
[Analyze grammar]

evamuktvā tu bhagavānvisṛjya tridaśeśvarān |
somaṃ sasmāra sahasā śaṃkhacakragadādharaḥ || 19 ||
[Analyze grammar]

yadā smṛto na cābhyeti tadā kruddho janārdanaḥ |
purāṇapuruṣo devo brahmāṇamidamavravīt || 20 ||
[Analyze grammar]

devairasurasaṃghaiśca mathyatāṃ kalaśodadhiḥ |
bhaviṣyati punaścaṃdro mathyamāne mahodadhau || 21 ||
[Analyze grammar]

amṛtaṃ tatra lapsyadhvaṃ ratnāni vividhāni ca |
tasya tadvacanaṃ śrutvā vāsudevasya pārvati || 22 ||
[Analyze grammar]

maṃthānaṃ maṃdaraṃ kṛtvā netraṃ kṛtvā ca vāsukim |
devā mathitumārabdhāḥ samudraṃ nidhimaṃbhasām || 23 ||
[Analyze grammar]

somārthe ca purā devi tathaivāsuradānavāḥ |
etairmukhamupāśliṣṭau nāga rājo maherṣyayā || 24 ||
[Analyze grammar]

vibudhāḥ sahitāḥ sarve yataḥ pucchaṃ tataḥ sthitāḥ |
ato vai bhagavāndevo yato nārāyaṇastataḥ || 25 ||
[Analyze grammar]

śirasyudyamya nāga sya punaḥ punaravākṣipat |
udadhau mathyamāne vai mahāñchabdo babhūva ha || 26 ||
[Analyze grammar]

tatra nānājalacarā viniṣpiṣṭā mahādriṇā |
vilayaṃ samupājagmuḥ śataśotha sahasraśaḥ || 27 ||
[Analyze grammar]

tasmiṃstu mathite devi prayatnātkeśavasya ca |
prasannātmā samutpannaḥ somaḥ śītāṃśurujvalaḥ || 28 ||
[Analyze grammar]

tameva devā manujāḥ pitaraśca yaśasvini |
upajīvaṃti vṛkṣāśca tathaivauṣadhayo vidhum || 29 ||
[Analyze grammar]

samutpannamatho dṛṣṭvā bhagavānprāha keśavaḥ |
pālayemāḥ prajāścaṃdra tvaṃ jyeṣṭho jagato bhava || 30 ||
[Analyze grammar]

ityukto vāsudevena prajāḥ pālayituṃ śaśī |
pūrvaṃ somopi yo naṣṭaḥ praviṣṭo gahanaṃ vanam || 31 ||
[Analyze grammar]

tasyāgre nāradaḥ sarvaṃ kathayāmāsa satvaram |
devarṣervacanaṃ śrutvā nāradasya mahātmanaḥ || 32 ||
[Analyze grammar]

pīḍito dakṣaśāpena somo'pyaṃtarhitastadā |
jagāma śaraṇaṃ devi brahmāṇaṃ parameṣṭhinam || 33 ||
[Analyze grammar]

tatra gatvā yathāśāpaṃ kathayāmāsa gadgadaḥ |
pūrvacaṃdravacaḥ śrutvā brahmā vacanamabravīt || 34 ||
[Analyze grammar]

ayaṃ me prathamaḥ putraḥ pīḍitaḥ śaśinā bhṛśam |
navenodadhijātena kiṃ mayā kriyate punaḥ || 35 ||
[Analyze grammar]

viṣṇunā ca balaṃ dattamasmai caṃdramase dṛḍham |
tasmādyāsyāmi tatrāhaṃ yatra devo janārdanaḥ || 36 ||
[Analyze grammar]

taṃ dṛṣṭvā madhuhaṃtāraṃ brahmā viṣṇumuvāca ha |
tvadādeśājagannātha eṣa caṃdraḥ kṛto mayā || 37 ||
[Analyze grammar]

sa cāyaṃ pīḍito deva śaśāṃkena navena vai |
ityukto brahmaṇā devi vāsudevo jagatpatiḥ |
vṛttāṃtaṃ kathayāmāsa brahmāgre ca punaḥpuna || 38 ||
[Analyze grammar]

brahmāpi pūrvacaṃdrārthe viṣṇuṃ lokanamaskṛtam |
tuṣṭāva praṇato bhūtvā prāṃjaliḥ praṇataḥ sthitaḥ || 39 ||
[Analyze grammar]

namaḥ kṛṣṇa namo viṣṇo namo jiṣṇo namonamaḥ |
namo vāmana goviṃda namo'naṃta namo'cyuta || 40 ||
[Analyze grammar]

jayasva goviṃda mahānubhāva jayasva viśṇo jaya padmanābha |
jayasva sarvādya gadādhareśa jayasva viśveśvara viśvamūrtte || 41 ||
[Analyze grammar]

evaṃ stutastadā devi brahmaṇā lokakāriṇā |
samīpasthaṃ samālokya somaṃ vacanama bravīt || 42 ||
[Analyze grammar]

gaccha soma mamādeśānmahākālavanottame |
uttare muktiliṃgasya liṃgaṃ kātikaraṃ param |
tamārādhaya yatnena sa te dehaṃ pradāsyati || 43 ||
[Analyze grammar]

ityukto vāsudevena brahmaṇā ca punaḥ punaḥ |
ājagāma mahādevi mahākālavanottame |
liṃgaṃ dṛṣṭvā ca tuṣṭāva stotreṇānena suvrate || 44 ||
[Analyze grammar]

caṃdra uvāca |
namo devādhidevāya trinetrāya mahātmane |
raktapiṃgalanetrāya jaṭāmukuṭadhāriṇe || 45 ||
[Analyze grammar]

bhūtavetālajuṣṭāya mahādevāya śūline |
bhīmāṭṭahāsayuktāya kapardisthāṇave namaḥ || 46 ||
[Analyze grammar]

pūṣṇo daṃtavināśāya tathāṃdhakavināśine |
kailāsavaravāsāya sarvadevāyate namaḥ || 47 ||
[Analyze grammar]

vikarālorddhvakeśāya bhairavāya namonamaḥ |
agnijvālākarālāya kalidharmavivāsine || 48 ||
[Analyze grammar]

tathā dāruvanadhvaṃsakāriṇe tigmaśūline |
kṛtakaṃkaṇabhogīṃdrakaṃṭhasūtrāya śūline || 49 ||
[Analyze grammar]

pracaṃḍadaṃḍahastāya vaḍavāgnimukhāya ca |
vedāṃtavedyāya namo yajñamūrte namonamaḥ || 50 ||
[Analyze grammar]

dakṣayajñavināśāya jagadbhayakarāya ca |
viśveśvarāya devāya sthūlasūkṣmāya śaṃbhave |
kapardine karālāya sarvadevāya te namaḥ || 51 ||
[Analyze grammar]

evaṃ stutastadā devi caṃdreṇāṃtarhitena ca |
liṃgarūpī mahādevastuṣṭo vākyamathābravīt || 52 ||
[Analyze grammar]

stotreṇānena tuṣṭo'smi brūhi soma kimicchasi |
yattebhilaṣitaṃ sarvaṃ tatkarttāsmi na saṃśayaḥ || 53 ||
[Analyze grammar]

soma uvāca |
yadi tvahamanugrāhyo yadi tuṣṭo'si me prabho |
kāṃtyā dīptyā tathā mūrtyā tathā rūpeṇa ca prabho || 54 ||
[Analyze grammar]

svapadaṃ karttumicchāmi tvatprasādānmaheśvara |
evamastviti liṃgena tatkṣaṇādrajanīcara || 55 ||
[Analyze grammar]

dvijarājena tatprāptaṃ liṃgasyāsya prasādataḥ |
somenārādhito yasmāddevadevo maheśvari || 56 ||
[Analyze grammar]

tena someśvaronāma vikhyāto bhuvanatraye |
ye'rcayaṃti mahādevi devaṃ someśvaraṃparam || 57 ||
[Analyze grammar]

kṛta puṇyā narā martyāste yāṃti paramaṃ padam |
yaḥ paśyati naro bhaktyā liṃgaṃ someśvaraṃ priye || 58 ||
[Analyze grammar]

vimukto janmaduḥkhādyairlīyate mayi mānavaḥ |
te narāḥ paśavo loke kiṃ teṣāṃ jīvite phalam || 59 ||
[Analyze grammar]

yaiśca someśvaro devo na dṛṣṭo na ca pūjitaḥ |
saṃsāre'sminmahāghore janmarogabhayākule || 60 ||
[Analyze grammar]

ekaḥ someśvaraḥ pūjyaḥ kuṣṭharogavināśanaḥ |
sa eva sukṛtī loke kulaṃ tenābhyalaṃkṛtam || 61 ||
[Analyze grammar]

ādhāraḥ sarvalokānāṃ yena someśvaro 'rcitaḥ |
sakṛdabhyarcya someśaṃ bilvapatreṇa mānavaḥ |
mukto bhogī nirātaṃko mama loke vasecciram || 62 ||
[Analyze grammar]

kāṃcanaiḥ kusumairdevi liṃgaṃ someśvaraṃ priye |
pūjayaṃti narā bhaktyā te yāṃti paramāṃ gatim || 63 ||
[Analyze grammar]

eṣa te kathito devi prabhāvaḥ pāpanāśanaḥ |
someśvarasya devasya śṛṇuṣvānarakeśvaram || 64 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṃḍe caturaśītiliṅgamāhātmye someśvaramāhātmyavarṇanaṃ nāma ṣaḍviṃśo'dhyāyaḥ || 26 ||
[Analyze grammar]