Chapter 25

[English text for this chapter is available]

śrīhara uvāca |
paṃcaviṃśatikaṃ devaṃ viddhi muktīśvaraṃ priye |
yasya darśanamātreṇa muktirbhavati pārvati || 1 ||
[Analyze grammar]

purā rāthaṃtare kalpe babhūva dvijasattamaḥ |
muktirnāma mahābhāge saṃśitātmā jiteṃdriyaḥ || 2 ||
[Analyze grammar]

mahākālasamīpe tu muktiliṃgamanuttamam |
mahākālavane ramye tatrāste yogata tparaḥ || 3 ||
[Analyze grammar]

tatastepe jitāhāro vatsarāṇi trayodaśa |
kadācitso'bhiṣekāya ājagāma mahānadīm || 4 ||
[Analyze grammar]

śiprāṃ viprapriyāṃ puṇyāṃ mahāpātakanā śinīm |
tatra snātvā japanvipro dadarśāyāṃtamagrataḥ || 5 ||
[Analyze grammar]

vyādhaṃ mahādhanuṣpāṇiṃ raktanetraṃ subhīṣaṇam |
vadaṃtaṃ hantukāmaṃ vai valkalānāṃ jighṛkṣayā || 6 ||
[Analyze grammar]

taṃ dṛṣṭvā kṣubhito vipro brahmaghnasya bhayāditi |
dhyāyannārāyaṇaṃ devaṃ tasthau tatraiva sa dvijaḥ || 7 ||
[Analyze grammar]

taṃ dṛṣṭvāṃtargataharirvyādho bhīta ivāgrataḥ |
vihāya saśaraṃ cāpaṃ tato vacanamabravīt || 8 ||
[Analyze grammar]

vyādha uvāca |
haṃtumicchurahaṃ brahmanbhagavantamihāgataḥ |
idānīṃ svagatā buddhistvāṃ dṛṣṭvaiva mahāprabham || 9 ||
[Analyze grammar]

brāhmaṇānāṃ sahasrāṇi strīṇāmayutaśastathā |
nihatāni mayā brahmanvṛttihetoḥ kuṭuṃbinā || 10 ||
[Analyze grammar]

na ca me vyathitaṃ cittaṃ kadācidapi jāyate |
idānīṃ taptumicchāmi tapo'haṃ tvatsamīpataḥ || 11 ||
[Analyze grammar]

upadeśapradānena prasādaṃ kartumarhasi |
evamukto hyasau vipro nottaraṃ pratyapa dyata || 12 ||
[Analyze grammar]

brahmahā pāpakarmeti matvā brāhmaṇapuṃgavaḥ |
anukto'pi sa dharmastu vyādhastatraiva tasthivān || 13 ||
[Analyze grammar]

snātvā sadyaḥ samāyāto mukti liṃgasamīpataḥ |
dvijena sahito devi dṛṣṭvā devaṃ sanātanam || 14 ||
[Analyze grammar]

tatkṣaṇāddivyadehastu tasmiṃlliṃge layaṃ gataḥ |
dṛṣṭvā tanmahadāścaryaṃ muktirvipro nijāṃtare |
ciṃtayāmāsa sahasā muktiḥ prāptā varānane || 15 ||
[Analyze grammar]

vyādhena pāpayuktena samādhirahitena ca |
mayā punaḥ samācīrṇaṃ tapaḥ parama duṣkaram || 16 ||
[Analyze grammar]

na prāptā paramā mūrttirmuktirnaiva ca labhyate |
evaṃ saciṃtayitvātha vairāgyādbrāhmaṇarṣabhaḥ |
antarjalagato bhūtvā cacāra vipulaṃ tapaḥ || 17 ||
[Analyze grammar]

kasyacittvatha kālasya tāṃ nadīmagamatkila |
vyāghro bubhukṣitaḥ sādhvi taṃ vihaṃtuṃ samudyataḥ || 18 ||
[Analyze grammar]

aṃtarjalacaraṃ vipraṃ yāva dvyāghro jighṛkṣati |
namo nārāyaṇāyeti tāvadvākyaṃ dvijo'bravīt || 19 ||
[Analyze grammar]

vyāghreṇāpi śruto maṃtro'jahātprāṇāṃśca tatkṣaṇāt |
divyāṃbaradharo devi divyābharaṇabhūṣitaḥ |
divyālaṃkāraśobhāḍhyaḥ puruṣaścābhavacchubhaḥ || 20 ||
[Analyze grammar]

so'bravīdyāmi taṃ deśaṃ yatra viṣṇuḥ sanātanaḥ |
tvatprasādāddvijaśreṣṭha muktvā śāpānnirāmayaḥ || 21 ||
[Analyze grammar]

ityukte brāhmaṇaḥ prāha ko'si tvaṃ puruṣarṣabha |
so'bravīdasmi rājeṃdra pratāpī pūrvajanmani || 22 ||
[Analyze grammar]

dīrghabāhuriti khyātaḥ sarvadharmaviśāradaḥ |
ahaṃ jānāmi vedāṃśca śāstrāṇi vividhāni ca || 23 ||
[Analyze grammar]

śubhāśubhamahaṃ vedmi sarvajño'haṃ mahītale |
brāhmaṇairnaiva me kāryaṃ kiṃ vastu brāhmaṇā iti || 24 ||
[Analyze grammar]

tasyaikasmindine viprāḥ sarve krodhasamanvitāḥ |
daduḥ śāpaṃ durādharṣaṃ krūro vyāghro bhaviṣyati || 25 ||
[Analyze grammar]

apamānena viprāṇāṃ māṃsāhārī bhayāvahaḥ |
saṃjāto'smi dvijaśreṣṭha paśya kālaviparyaye || 26 ||
[Analyze grammar]

ityukto'haṃ purā taistu brāhma ṇairvedapāragaiḥ |
durdharṣo'yaṃ mayā prāpto brahmaśāpo dvijarṣabha || 27 ||
[Analyze grammar]

tataste brāhmaṇāḥ sarve praṇipatya mayā mune |
prasāditā bhṛśaṃ vipra tadā gadgada yā girā || 28 ||
[Analyze grammar]

jānāmi tejo viprāṇāṃ mahābhāgyaṃ ca dhīmatām |
apeyaḥ sāgaraḥ krodhātkṛto yairlavaṇodakaḥ || 29 ||
[Analyze grammar]

tathaiva dīptatapasāṃ munīnāṃ bhāvitātmanām |
yeṣāṃ krodhāgniradyāpi kaṇḍake nopaśāmyati || 30 ||
[Analyze grammar]

brāhmaṇānāṃ parībhāvādvātāpiśca durātmavān |
agastimṛṣimāsādya jīrṇaḥ krūro mahāsuraḥ || 31 ||
[Analyze grammar]

sarvabhakṣaḥ kṛto vahnirbhṛguṇā kāraṇāṃtare |
gautamena purā śakraḥ sa sahasrabhagaḥ kṛtaḥ || 32 ||
[Analyze grammar]

daśadhā keśavo jajñe brahmaśā pātsudustarāt |
prasannairvālakhilyaiśca pakṣīṃdro garuḍaḥ kṛtaḥ || 33 ||
[Analyze grammar]

aśvinau devabhiṣajau cyavanena mahātmanā |
viṣṭaṃbhayitvā kuliśaṃ kṛtau tau somapāyinau || 34 ||
[Analyze grammar]

kārttavīryārjunenaiva bāhūnāṃ ca sahasrakam |
dattātreyaprasādena prāptaṃ paramadurlabham || 35 ||
[Analyze grammar]

purā seṃdrā vaśiṣṭhena rakṣitāstri divaukasaḥ |
brāhmaṇaprabhavaṃ saukhyaṃ kīrtirāyuryaśo valam || 36 ||
[Analyze grammar]

lokālokeśvarāścaiva sarve brāhmaṇapūrvakāḥ |
ete hi somarājāna īśvarāḥ sukhaduḥkhayoḥ || 37 ||
[Analyze grammar]

bhasmīkuryurjagadidaṃ kuddhāḥ pratyakṣadarśanāḥ |
prabhāvā bahavaścāpi śrūyate brahmavadinām || 38 ||
[Analyze grammar]

krodhaśca vipulaḥ sadyaḥ sadyaḥ pratya yakārakaḥ |
ahaṃ kopāddvijeṃdrāṇāṃ gato nirayayātanām || 39 ||
[Analyze grammar]

nityaṃ krodhācchriyaṃ rakṣeddhanaṃ rakṣetsamatsarāt |
vidyāṃ mānāpamānābhyāmātmānaṃ tu pramādataḥ || 40 ||
[Analyze grammar]

mayā'jñānātkṛtaṃ pāpaṃ rājagarveṇa daivataḥ |
kṣaṃtumarhatha vipreṃdrā bhavataḥ śaraṇāgatam || 41 ||
[Analyze grammar]

atha tuṣṭā dvijāḥ sarve ta ūcurmāmidaṃ mudā |
ṣaṣṭhānnakālikaste'gre yadā sthāsyati kaścana || 42 ||
[Analyze grammar]

māṃsabhoktā ca bhavitā kañcitkālaṃ narādhipa |
yadā śiprāṃtare puṇye snātastu dvijasattamaḥ || 43 ||
[Analyze grammar]

aṃtarjalagatenokto namo nārāyaṇeti ca |
jighṛkṣurvyāghrarūpeṇa tadā mukto bhaviṣyasi || 44 ||
[Analyze grammar]

evaṃ sa bhavatā prokto namo nārāyaṇeti ca |
maṃtraḥ śruto mayā tvattastasyeyaṃ vyuṣṭirāgatā || 45 ||
[Analyze grammar]

jāto'haṃ divyadehastu prasādāttava suvrata |
sa kṛtārtho'smi saṃjāto bhagavandarśanā ttava || 46 ||
[Analyze grammar]

varaṃ ca gṛhyatāṃ matto yaśca te saṃśayo hṛdi |
taṃ ca brūhi dvijaśreṣṭha sarvaṃ saṃpādayāmi te || 47 ||
[Analyze grammar]

tavopadeśadānena ānṛṇyaṃ gaṃtu mutsahe || 48 ||
[Analyze grammar]

iti tasya vacaḥ śrutvā divyadehasya sa dvijaḥ |
provāca parayā tuṣṭyā praphullamukhapaṃkajaḥ || 49 ||
[Analyze grammar]

adya me saphalaṃ jñānamadya me saphalaṃ tapaḥ |
adya me saphalā jihvā saphalaṃ cakṣuradya me || 50 ||
[Analyze grammar]

śrutaṃ devena saṃproktaṃ snātvā paśyaṃti dehinaḥ |
prākcharīragataṃ te'dya vyāghrarūpaṃ tapottama || 51 ||
[Analyze grammar]

tejomayaṃ śarīraṃ tu brahmarūpaṃ sanātanam |
yadi tvahamanugrāhyo yadyevaṃ kartumarhasi || 52 ||
[Analyze grammar]

kāraṇaṃ śrotumicchāmi hṛdi me varttate ciram |
kathaṃ muktirmahābhāga muktikāmena yatnataḥ || 53 ||
[Analyze grammar]

yogābhyāsaratenāpi vatsarāṃśca trayodaśa |
na labdhā paramāścaryaṃ tapasā duṣkareṇa tu || 54 ||
[Analyze grammar]

vyādhenāpi bhṛśaṃ tena prāptā muktiḥ kṣaṇena tu |
atra me saṃśayo jātaḥ ko hetuḥ kathyatāṃ bhṛśam || 55 ||
[Analyze grammar]

tasya tadvacana śrutvā tato vacanamabravīt |
kathayāmi paraṃ guhyaṃ rahasyaṃ muktilakṣaṇam || 56 ||
[Analyze grammar]

mahādevamupāsyāśu mune muktiḥ sudurlabhā |
purātanaistu vidvadbhiridamuktaṃ mahātmabhiḥ || 57 ||
[Analyze grammar]

śṛṇuṣvaikamanā vipra kuru yatnaṃ yathārthataḥ |
manniyogāddvijaśreṣṭha tato muktimavāpsyasi || 58 ||
[Analyze grammar]

śapto'haṃ tairyadā vipraistadā me toṣitā bhṛśam |
mamānukaṃpayā proktaṃ muktiste bhavitā nṛpa || 59 ||
[Analyze grammar]

muktikāmo mahākāle muktirbrāhmaṇasattamaḥ |
vidyate tapasā yuktaḥ sa te praśnaṃ kariṣyati || 60 ||
[Analyze grammar]

muktīśvaraṃ tadā liṃgaṃ tasyāgre kathayiṣyasi |
tavāpi tasya mukteśca muktirevaṃ bhaviṣyati || 61 ||
[Analyze grammar]

pūrvaṃ hi cihnitaṃ karma dehino na vimuṃcati |
dhātrā vidhirayaṃ dṛṣṭo bahudhā karmabhiśca yaḥ || 62 ||
[Analyze grammar]

iti tasya vacaḥ śrutvā sa vipro brahmavittamaḥ |
aṃtarjalātsamutthāya tato vacanamabra vīt || 63 ||
[Analyze grammar]

diṣṭyā tvamāgato bhūpa diṣṭyā te saṃgataṃ mayā |
īdṛśā durlabhā loke narā muktipradarśakāḥ || 64 ||
[Analyze grammar]

ityuktvā nṛpaviprau tau muktiliṃgaṃ samā gatau |
darśanārthaṃ viśālākṣi dṛṣṭvā devaṃ sanātanam || 65 ||
[Analyze grammar]

tatkṣaṇātsaśarīrau tau tasmiṃlliṃge layaṃ gatau |
īdṛśo'yaṃ mayā devi mahimā kathitastava || 66 ||
[Analyze grammar]

asya liṃgasya saṃsparśānmuktirbhavati nānyathā |
ye'rcayaṃti sadā bhaktyā muktiliṃgaṃ sanātanam |
api pāpasamāyuktaḥ sa yāti paramāṃ gatim || 67 ||
[Analyze grammar]

re mūḍhāḥ kiṃ tapobhiśca kiṃ dānairniyamaiśca kim |
kurudhvaṃ muktiliṃgasya darśanaṃ muktidāyakam || 68 ||
[Analyze grammar]

na māṃ vidurdevagaṇā nāsurā na maharṣayaḥ |
paraṃ rūpaṃ viśālākṣi yadaśmadyuti nirmalam || 69 ||
[Analyze grammar]

na me vetti paraṃ rūpaṃ svayaṃ sākṣātprajāpatiḥ |
na viṣṇustridaśaśreṣṭhāḥ kutonye munayaḥ priye || 70 ||
[Analyze grammar]

yadetaddṛśyate tejo liṃgarūpaṃ yaśasvini |
etadeva śukādyā hi dhyāyaṃti tridaśā amī || 71 ||
[Analyze grammar]

anekajanmasaṃśuddhā yogino'nugrahānmama |
praviśaṃtu tanuṃ devi madīyāṃ muktidāyikām || 72 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃnyakhaṇḍe caturaśītiliṃgamāhātmye muktīśvaramāhātmyavarṇanaṃnāma paṃcaviṃśatitamo'dhyāyaḥ || 25 ||
[Analyze grammar]