Chapter 22

[English text for this chapter is available]

| śrīviśvanātha uvāca |
dvāviṃśatitamaṃ viddhi karkaṭeśvarasaṃjñakam |
yasya darśanamātreṇa tiryagyonirna dṛśyate || 1 ||
[Analyze grammar]

āsītpurā bṛhatkalpe dharma mūrtirjanādhipaḥ |
suhṛcchakrasya nihatā yena daityāḥ sahasraśaḥ || 2 ||
[Analyze grammar]

somasūryādayo yasya tejasā niṣprabhāḥ kṛtāḥ |
prajāśca pālitā yena nihatya samare dviṣaḥ || 3 ||
[Analyze grammar]

yathecchārūpadhārī ca saṃgrāmeṣvaparājitaḥ |
tasya bhānumatīnāma bhāryā trailokyasuṃdarī || 4 ||
[Analyze grammar]

rājñastasyāgramahiṣī prāṇebhyo'pi garīyasī |
daśanārīsahasrāṇāṃ madhye śrīriva rājitā || 5 ||
[Analyze grammar]

nṛpo nṛpasahasreṇa na kadācitpramucyate |
kadācidekāṃtagataḥ papraccha svapurohitam |
vismayenāvṛtamanā vaśiṣṭhamṛṣisattamam || 6 ||
[Analyze grammar]

bhagavankena dharmeṇa mama lakṣmīranuttamā |
kasmācca vipulaṃ tejo duḥsahaṃ mama dṛśyate || 7 ||
[Analyze grammar]

vaśiṣṭha uvāca |
purā tvamavanīpā'sīḥ śūdrajātisamudbhavaḥ |
bahudoṣasamāviṣṭo duṣṭayā bhāryayā'nayā || 8 ||
[Analyze grammar]

nivasanduṣṭahṛdayo varṣāṇi subahūnyapi |
mahākrodhābhibhūtātmā sadā niṣṭhurajalpakaḥ || 9 ||
[Analyze grammar]

sadā brahmasvahārī tvaṃ sadā vedaviniṃdakaḥ |
sadā cāsūyako rājansadā viśvāsaghātakaḥ || 10 ||
[Analyze grammar]

atha paṃcatvamāpannaḥ kāle narakamāptavān |
tāmrabhrāṣṭre paraṃ dagdho daśavarṣāṇi paṃca ca || 11 ||
[Analyze grammar]

raurave kumbhipāke ca mahārauravasaṃjñake |
sūkṣmāṇi tilamātrāṇi kṛtvā khaṃḍānyanekaśaḥ || 12 ||
[Analyze grammar]

mūṣāyāṃ dhīmato rājannasipatre ca dāritaḥ |
śeṣapātakaśuddhyarthaṃ dharāyā mavatāritaḥ || 13 ||
[Analyze grammar]

vidhāya kārkaṭaṃ rūpaṃ yamena tvayi pārthiva |
śivasya saro vikhyātaṃ mahākālavanottame || 14 ||
[Analyze grammar]

dattaṃ japtaṃ kṛtaṃ yacca hutaṃ devārcanādi yat |
sarvaṃ tadakṣayaṃ karma tasminsarasi viśrutam || 15 ||
[Analyze grammar]

nikṣiptastvaṃ tadā tena bhāvipuṇyena karmaṇā |
tatra sthitastvaṃ bhūpāla varṣāṇāṃ paṃcakaṃ tathā || 16 ||
[Analyze grammar]

kadācittīrabhūmyāṃ tvaṃ gataḥ saṃkrīḍituṃ śanaiḥ |
samīkṣya tatra kākena dhṛtvā caṃcupuṭena ca || 17 ||
[Analyze grammar]

ākāśamārgaṃ coḍḍīnaḥ sa tvayā tāḍito bhṛśam |
tvattīkṣṇapātaiścaraṇaistāḍito vyathitastadā || 18 ||
[Analyze grammar]

muktastvaṃ caṃcupuṭato vāyasenākulena tu |
svargadvārasya pūrve tu devyagāre supuṇyade || 19 ||
[Analyze grammar]

śivasya kṣiptastvaṃ śīghraṃ cañcvākṣepaprapīḍitaḥ |
mṛto'si saṃnidhau tatra devasya parameṣṭhinaḥ || 20 ||
[Analyze grammar]

vimucya dehaṃ tajjīrṇaṃ yāvattaṃ kārkaṭaṃ purā |
tatkṣaṇāddivya dehaśca divyābharaṇabhūṣitaḥ || 21 ||
[Analyze grammar]

tasya liṃgasya māhātmyādbhūtvā vidyādhareśvaraḥ |
kāmagena vimānena pūjyamāno gaṇeśvaraiḥ || 22 ||
[Analyze grammar]

svarge vrajaṃstvaṃ saṃpṛṣṭaḥ surasaṃghaiśca sādaram |
koyaṃ mahātmā mudito yāti divyapathoṃ'barāt || 23 ||
[Analyze grammar]

tato rudragaṇaiḥ sarvaṃ surāṇāṃ kathitaṃ purā |
vṛttāṃtaṃ vistarātsarvaṃ kārkaṭatvavimocanūm || 24 ||
[Analyze grammar]

tasya liṃgasya deveśāḥ prabhāvo'yamupasthitaḥ |
devaiḥ proktaṃ ca sahasā liṃgasyāsya prabhāvataḥ || 25 ||
[Analyze grammar]

kārkaṭīyoni muktasya prāptaṃ svargasukhaṃ yataḥ |
karkaṭeśvaranāmāyamato loke bhaviṣyati || 26 ||
[Analyze grammar]

tadāprabhṛti devo'yaṃ karkaṭeśvarasaṃjñakaḥ |
tvayā svarge mahābhogā bhuktā rājanyathecchayā || 27 ||
[Analyze grammar]

āgato'si punarbhūmau labdhaṃ rājyamakaṃṭakam |
tasya liṃgasya māhātmyājjātaṃ sarvaṃ tavādhunā || 28 ||
[Analyze grammar]

tasmātpārthiva bhūyastvaṃ liṃgamārādhaya drutam |
jātismaratvamāpanno vaśiṣṭhavacanāttadā || 29 ||
[Analyze grammar]

pūrvaṃ karma smṛtaṃ tena svakīyaṃ pārthivena tu |
punargatvā ca talliṃgaṃ pūjayāmāsa yatnataḥ || 30 ||
[Analyze grammar]

tasmiṃlliṃge layaṃ prāptaḥ svaśarīreṇa pārvati |
ye'rcayaṃti sadā bhaktyā karkaṭeśvarasaṃjñakam |
bhuktvā bhogāṃściraṃ bhūmau te yāṃti paramāṃ gatim || 31 ||
[Analyze grammar]

niyamena prapaśyaṃti ye devaṃ karkaṭeśvaram |
aṣṭamyāṃ vā caturdaśyāṃ teṣāṃ puṇyaphalaṃ śṛṇu || 32 ||
[Analyze grammar]

sūryadīptipratīkāśairvimānaiḥ sārvakāmikaiḥ |
mṛtā mama puraṃ yāṃti trisaptakulasaṃyutāḥ || 33 ||
[Analyze grammar]

tatra divyairmahābhogaiḥ strīsahasrairmanoramaiḥ |
kalpakoṭiśatairdevi sevyamānā vasaṃti hi || 34 ||
[Analyze grammar]

tadaṃte viṣṇubhavane tāvatkālaṃ ca saṃti hi |
vaiṣṇavairvividhairbhogaiḥ strīsahasraistu sevitāḥ || 35 ||
[Analyze grammar]

viṣṇulokādbrahmalokaṃ saṃprāpya muditāḥ punaḥ |
bhogānnānāvidhānbhuktvā tato yāṃti paraṃ padam || 36 ||
[Analyze grammar]

daśāśvamaidhairyatpuṇyaṃ tatphalaṃ tīrthayātrayā |
karkaṭeśvaradevasya meghanādeśvaraṃ śṛṇu || 37 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṃḍe caturaśītiliṅgamāhātmye karkaṭeśvaramāhātmyavarṇanaṃ nāma dvāviṃśo'dhyāyaḥ || 22 ||
[Analyze grammar]