Chapter 9

[English text for this chapter is available]

| śrīrudra uvāca |
svargadvāreśvaraṃ liṃgaṃ navamaṃ viddhi pārvati |
sarvapāpaharaṃ devi svargamokṣaphalapradam || 1 ||
[Analyze grammar]

yadā devi samāyātāḥ kailāse parvatottame |
aśvinyādyā bhaginyastāstvāṃ dṛṣṭvā vismayānvitāḥ || 2 ||
[Analyze grammar]

nimaṃtritā vayaṃ yajñe sakāṃtāḥ saparigrahāḥ |
snehena devi tātena bahumānapuraḥ saram || 3 ||
[Analyze grammar]

kaccitsmṛtā viśālākṣi kiṃ vā tātasya vismṛtiḥ |
kāraṇaṃ kiṃ samuddiśya tātena na nimaṃtritā || 4 ||
[Analyze grammar]

tāsāṃ tadvacanaṃ śrutvā avamā nāttadā tvayā |
prāṇā muktāstu yogena puratastāsu pārvati || 5 ||
[Analyze grammar]

atha tāḥ śokasaṃtaptā gatā yatra prajāpatiḥ |
ācakhyuḥ sakalaṃ vṛttaṃ dakṣasyāgre yathā tatham || 6 ||
[Analyze grammar]

tacchutvā dāruṇaṃ vākyaṃ dakṣo novāca kiṃcana || 7 ||
[Analyze grammar]

mayā dṛṣṭā yadā devi bhūmau paṃcatvamāgatā |
yajñapradhvaṃsanārthāya tadā vai preritā gaṇāḥ || 8 ||
[Analyze grammar]

te gatvātha gaṇā raudrāḥ śataśo'tha sahasraśaḥ |
virūpā bhīṣaṇā raudrā nānāśastrā mahābalāḥ |
mumucuḥ śaravarṣāṇi kurvaṃto bhairavānravān || 9 ||
[Analyze grammar]

tato devagaṇāḥ sarve vasavaḥ saha bhāskaraiḥ |
viśvedevāśca sādhyāśca dhanurhastā mahābalāḥ || 10 ||
[Analyze grammar]

yuddhāya ca viniṣkrāṃtā mumucuḥ sāyakānsitān |
te sametyātha yuyudhuḥ pramathā vibudhaiḥ saha |
mumucuḥ śaravarṣāṇi vāridhārā yathā ghanāḥ || 11 ||
[Analyze grammar]

teṣāṃ madhye gaṇo nāma vīrabhadro mahābalaḥ |
sa śakraṃ tāḍayāmāsa śūlena hṛdaye tathā || 12 ||
[Analyze grammar]

sa tu tena prahāreṇa visaṃjño niṣasāda ha |
atha muṣṭyā hataḥ kumbhe nāga airāvatastathā || 13 ||
[Analyze grammar]

sa hataḥ sahasā tena gajeṃdro bheravānravān |
vinadanbhayamāsthāya yajñavāṭamupādravat || 14 ||
[Analyze grammar]

etasminnaṃtare devā kṛtāstena parāṅmukhāḥ |
tataste śaraṇaṃ jagmurviṣṇuṃ viśvaikanāyakam || 15 ||
[Analyze grammar]

tataḥ kopasamāviṣṭo viṣṇurdṛṣṭvā divālayān |
gaṇairvidrāvitānsarvānmumocāśu sudarśanam || 16 ||
[Analyze grammar]

tadāpatattu vegena cakraṃ viṣṇoḥ sudarśanam |
prasārya vaktraṃ sahasā hyudarasthaṃ cakāra ha || 17 ||
[Analyze grammar]

tasmiṃścakre tadā graste hyamoghe daityasūdane |
kruddho nārāyaṇo devi vīrabhadramupādravat || 18 ||
[Analyze grammar]

gṛhītvā pādayorbhūmau nijaghānātidūrataḥ |
hanyamānasyātha bhūmau gadayā ca sudarśanam || 19 ||
[Analyze grammar]

rudhirodgārasaṃyuktaṃ vaktrāttacca vinirgatam |
matto labdhavaro devi vīrabhadro gaṇottamaḥ |
na tu paṃcatvamāpanno gadayā tāḍito'pi saḥ || 20 ||
[Analyze grammar]

tatastu pramathāḥ sarve viṣṇuvīryabalārdditāḥ |
kṛcchreṇa sahasā prāptā yatrāhaṃ devi saṃsthitaḥ || 21 ||
[Analyze grammar]

māṃ dṛṣṭvā śūlahastaṃ tu viṣṇuścāṃtaradhīyata |
iṃdro'pi tridaśaiḥ sārddhaṃ pitṛbhirbrāhmaṇaiḥ saha || 22 ||
[Analyze grammar]

mattastrāsaparītātmā tataścādarśanaṃ gataḥ |
evaṃ vidhvaṃsite yajñe naṣṭo devagaṇo yadā || 23 ||
[Analyze grammar]

mayā nirūpito devi svargadvāre gaṇastadā |
praveśo naiva dātavyastridaśānāṃ gaṇeśvara || 24 ||
[Analyze grammar]

dvārāvarodhaḥ karttavyo yatnataḥ śāsanānmama |
yaḥ kopi dṛśyate devaḥ sa haṃtavyo na saṃśayaḥ || 25 ||
[Analyze grammar]

udvasaśca tato jātaḥ svargo devā vinirjitāḥ || 26 ||
[Analyze grammar]

svargadvāre niruddhe tu śakrādyā bhayavihvalāḥ |
brahmalokaṃ gatā devā maṃtrayitvā punaḥpunaḥ || 27 ||
[Analyze grammar]

tasyāgre kathitaṃ sarvaṃ svargadvārāvarodhanam |
maheśvaragaṇairvyāptaṃ svargadvāraṃ pitāmaha || 28 ||
[Analyze grammar]

praveśo durlabho jātaḥ kṛte dvārāvarodhane |
kenopāyena yāsyāmaḥ svargalokaṃ tathāvidham || 29 ||
[Analyze grammar]

nāsmākaṃ jāyate prītirvinā svargaṃ pitāmaha || 30 ||
[Analyze grammar]

iti teṣāṃ vacaḥ śrutvā proktaṃ tu brahmaṇā tadā |
ārādhyaḥ śaṃkaro devo mahādevo jagatpatiḥ || 31 ||
[Analyze grammar]

stutyo vaṃdyo namaskāryaḥ sṛṣṭi saṃhārakārakaḥ |
durlabhastu surāḥ svargo vinā tasya prasādataḥ || 32 ||
[Analyze grammar]

goptā sraṣṭā samarthaśca sa cāsmākaṃ parā gatiḥ |
sa evārādhanīyastu sa ca pūjyatamo mataḥ || 33 ||
[Analyze grammar]

tasmātsarvaprayatnena gamyatāṃ śaraṇaṃ śivaḥ |
upāyaṃ kathayiṣyāmi śrūyatāṃ sāvadhānataḥ || 34 ||
[Analyze grammar]

tridaśaiḥ sahitaḥ śakra tūrṇaṃ gaccha mamājñayā |
mahākālavane ramye kapāleśvarapūrvataḥ || 35 ||
[Analyze grammar]

svargadvāra paraṃ liṃgaṃ vidyate tattu vāsava |
lokānāmanukaṃpārthaṃ mahādevena nirmitam |
tamārādhayata kṣipraṃ sa vaḥ kāmaṃ pradāsyati || 36 ||
[Analyze grammar]

brahmaṇo vacanaṃ śrutvā tridaśā muditā bhṛśam |
samāyātā mahādevi mahākālavanaṃ tadā || 37 ||
[Analyze grammar]

svargadvārapradaṃ puṇyaṃ dadṛśurliṃgamuttamam |
tasya darśanamātreṇa svargadvāramapāvṛtam || 38 ||
[Analyze grammar]

svargalokaṃ gatāḥ sarve yathāpūrvaṃ yaśasvini |
niḥśaṃkāṃstridaśāndṛṣṭvā vijñaptohaṃ gaṇaistadā || 39 ||
[Analyze grammar]

mayājñaptāśca te sarve nivarttadhvaṃ gaṇottamāḥ |
svayameva pratijñātaṃ kathaṃ mithyā bhaviṣyati || 40 ||
[Analyze grammar]

svargadvāraprado devo dṛṣṭo devairna saṃśayaḥ |
mahākālavane ramye kathito hi viraṃcinā || 41 ||
[Analyze grammar]

svargadvāraṃ gatāḥ sadyaḥ śakrādyāstridaśā gaṇāḥ |
ataḥ prabhṛti vikhyātaḥ svargadvāreśvaraḥ śivaḥ || 42 ||
[Analyze grammar]

khyātiṃ yāsyati bhūloke svargalokapradāyakaḥ || 43 ||
[Analyze grammar]

ye paśyaṃti narā loke svargadvāreśvaraṃ śivam |
te yāṃti svargalokaṃ hi svargadvāreśvarārcanāt || 44 ||
[Analyze grammar]

svargadvāreśvaraṃ devaṃ ye paśyaṃti prasaṃgataḥ |
na teṣāṃ bhayamastīti kalpa koṭiśatairapi || 45 ||
[Analyze grammar]

aśvamedhasahasreṇa yatpuṇyaṃ samudāhṛtam |
tatpuṇyamadhikaṃ devi svargadvāreśvarārcanāt || 46 ||
[Analyze grammar]

janmāṃtarasahasreṇa yatpāpaṃ pūrva saṃcitam |
yatpāpaṃ vilayaṃ yāṃti liṃgasyāsya ca kīrtanāt || 47 ||
[Analyze grammar]

aṣṭamyāṃ vā caturdaśyāmathavā caṃdravāsare |
ye paśyaṃti narā bhaktyā svargadvāreśvaraṃ śivam |
te devi me śarīraṃ tu praviṣṭāstvapunarbhavāḥ || 48 ||
[Analyze grammar]

daśakoṭisahasrāṇi tasmiṃlliṃge tu pūjite |
pūjitāni bhavaṃ tīha liṃgānyaṃtaḥsthitāni tu || 49 ||
[Analyze grammar]

sparśanāttasya liṃgasya kīrttanādyajanāttathā |
sukhena svargamāyāṃti yathā kāmānavāpnuyāt || 50 ||
[Analyze grammar]

akāmāvā sakāmā vā ye paśyaṃti dine dine |
te'pi puṇyā mahābhāgāḥ svargalokaṃ prayāṃti vai || 51 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe caturaśītiliṅgamāhātmye svargadvāreśvaramāhātmyavarṇanaṃnāma navamo'dhyāyaḥ || 9 ||
[Analyze grammar]