Chapter 52

[English text for this chapter is available]

sanatkumāra uvāca || |
bhūyaḥ śṛṇu mahābhāga śiprāmāhātmyamuttamam |
yasya śravaṇamātreṇa hayamedhaphalaṃ bhavet || 1 ||
[Analyze grammar]

śiprā ca sarvataḥ puṇyā pavitrā pāpahāriṇī |
avaṃtyāṃ ca viśeṣeṇa śiprā cottaravāhinī || 2 ||
[Analyze grammar]

tathāpi tatsamutpattiṃ vistarādgadato mama |
yathā vārāhatanayā viṣṇudehodbhavā śivā |
śṛṇu vyāsa mahāpuṇyāṃ kathāṃ paurāṇikīṃ śubhām || 93 ||
[Analyze grammar]

purā mahāsuro jāto hiraṇyākṣo mahābalaḥ || 4 ||
[Analyze grammar]

sa cemāṃ sakalāṃ pṛthvīṃ vaśīkṛtvā cakāra ha |
rājyaṃ ca sārvabhaumānāṃ dānavaiśca durātmabhiḥ || 5 ||
[Analyze grammar]

jitvā ca sakalāṃllokānsurāniṃdrapurogamān |
dikpālānvasupālāṃśca tiraskṛtyasurā dhipaḥ || 6 ||
[Analyze grammar]

sa sarvānsarvalokebhyaḥ svayamevādhitiṣṭhati |
svargānnirākṛtāḥ sarve tena devagaṇā bhuvi || 7 ||
[Analyze grammar]

vicaraṃti yathā martyā bhraṣṭarājyāḥ parājitāḥ |
alabdhaśaraṇāḥ sarve brahmāṇaṃ śaraṇaṃ yayuḥ || 8 ||
[Analyze grammar]

tatra gatvā namaskṛtya daityakṛtyaṃ nyavedayan |
bhagavankimidaṃ kāryaṃ bhavatā parameṣṭhinā || 9 ||
[Analyze grammar]

yena devagaṇāḥ sarve naṣṭaprāyāśca tatkṣaṇāt |
hiraṇyākṣeṇa daityena hṛtaṃ svargamakaṇṭakam || 10 ||
[Analyze grammar]

yajñabhāgāṃśca vai sarvānupāśnāti pṛthakpṛthak |
kenopāyena jīvāma kathaṃ tiṣṭhāma bhūtale || 11 ||
[Analyze grammar]

iti viklavitaṃ teṣāṃ devānāṃ sa pitāmahaḥ |
uvāca vacanaṃ ramyaṃ tatkālasamayocitam || 12 ||
[Analyze grammar]

brahmovāca |
śṛṇudhvaṃ bhoḥ suraśreṣṭhā yūyaṃ sarve samāhitāḥ |
purāyaṃ pārṣadaśreṣṭho dvārapālaḥ samāhitaḥ || 13 ||
[Analyze grammar]

vaikuṇṭhabhavane ramye viṣṇoratulatejasaḥ |
jayonāma mahābāhurvijayena samanvitata || 10 ||
[Analyze grammar]

dvāveva sacivau dāṃtau viṣṇuveṣadharāvubhau |
āttayaṣṭī ca vikrāṃtau dvāre saṃtiṣṭhataḥ sadā || 15 ||
[Analyze grammar]

ekadā vai muniśreṣṭha brahmaṇo mānasātmajāḥ |
svairaṃ caraṃto lokānāṃ viṣṇorbhavanamāgatāḥ || 16 ||
[Analyze grammar]

sanakādayo mahābhāgā bhagavaddarśanalālasāḥ |
tābhyāṃ nivāritāḥ sarve peturvai dharaṇītale || 17 ||
[Analyze grammar]

mumuhuśca tadā vyāsa kumārā bhṛśaduḥkhitāḥ |
tato'gātsa mahābāhurbhagavānkamalekṣaṇaḥ || 18 ||
[Analyze grammar]

dadarśa sahasā viṣṇuḥ kumārānbhuvi duḥkhitān |
utthāpyāṃkaṃ samāropya sasvaje madhusūdanaḥ || 19 ||
[Analyze grammar]

mūrdhni cāghrāya bāhubhyāṃ pariṣvajya hyuvāca ha |
kasmādvaḥ kaśmalamidaṃ kenāpi duḥkhitā bhṛśam || 20 ||
[Analyze grammar]

sarvaṃ tatkāraṇaṃ bālā brūta no dharmavittamāḥ || 21 ||
[Analyze grammar]

kumārā ūcuḥ |
śrūyatāṃ bho mahārāja asmākaṃ duḥkhamīdṛśam |
yena prāptā vayaṃ brahmandaśāmetāṃ śṛṇuṣva ha || 22 ||
[Analyze grammar]

āyātā bhrātaro hyete catvāro lokaparyaṭāḥ |
darśanārthaṃ ramānātha sābhilāṣāḥ śucārditāḥ || 23 ||
[Analyze grammar]

nivāritāśca sahasā tābhyāṃ vai dvārapālanāt |
tenaiveyaṃ daśā prāptā bhavatā paripālitāḥ || 24 ||
[Analyze grammar]

bhagavānuvāca |
ataḥ prabhṛti sthānesminsthitirnāsti ca śāśvatī |
etayorāsurī yoniḥ prāpsyate yanmamāhitau || 25 ||
[Analyze grammar]

sadyaḥ prāptau tadā vyāsa āsurīṃ yonimeva tau |
jayavijayanāmākhyau duṣṭabhāvasamāśritau || 26 ||
[Analyze grammar]

janmāṃtarasahasreṇa tapodānasamādhibhiḥ |
narāṇāṃ kṣīṇapāpānāṃ kṛṣṇe bhaktiḥ prajāyate || 27 ||
[Analyze grammar]

duṣṭabhāvena sadyo vai janmabhirjāyate tribhiḥ |
bhaviṣyati ca tasmādvo viṣṇubhaktiḥ parā smṛtā || 28 ||
[Analyze grammar]

janmajanmāṃtare jātau tāmasīṃ yonimuddhatau |
hiraṇyakaśipuścaiva hiraṇyākṣo mahābalaḥ || 29 ||
[Analyze grammar]

tathaiva kuṃbhakarṇākhyo rāvaṇo lokarāvaṇaḥ |
daṃta vaktraḥ śiśupālaśca janmatrayamiti smṛtam || 30 ||
[Analyze grammar]

yo'sau mahābalī daityo hiraṇyākṣa iti smṛtaḥ |
duṣṭabhāvasamāpanno devabrāhmaṇaniṃdakaḥ || 31 ||
[Analyze grammar]

jitvā ca sakalāndevānsvayamevādhitiṣṭhati || 32 ||
[Analyze grammar]

svargānnirākṛtāḥ sarve bhraṣṭarājyāḥ parājitāḥ |
vicaraṃti yathā martyāstena deva gaṇā bhuvi || 33 ||
[Analyze grammar]

svadhākāro vaṣaṭkāraḥ svāhākāro na dṛśyate |
devapūjārcanaṃ nāsti brāhmaṇānāṃ viśeṣataḥ || 34 ||
[Analyze grammar]

naiva tīrthaṃ prakāśeta puṇyānyāyatanāni ca |
āśrameṣu ca sarveṣu ṛṣīṇāṃ ca mahātmanām || 35 ||
[Analyze grammar]

udvṛttaṃ ca prakurvaṃti duṣṭadaityāḥ prahāriṇaḥ |
varṇāśramavatāṃ dharmāḥ strīṇāṃ caiva suśīlatā || 18 ||
[Analyze grammar]

ucchinnā hi tadā jātāstasminrājñi durātmani |
duṣṭācārā durātmāno māyino bahumāninaḥ || 37 ||
[Analyze grammar]

pākhaṃḍino'parā krāṃtāḥ sarve dharmabahirmukhāḥ |
paśudharmaratāḥ sarve sarve brahmetiśaṃsinaḥ || 38 ||
[Analyze grammar]

bahumlecchā bahukleśā bahvābādhāvanī kṛtā |
ko vedaḥ kā smṛtiḥ ko yajñaḥ kā ca dakṣiṇā || 39 ||
[Analyze grammar]

tamībhūtaṃ jagatsarvaṃ dṛśyate vasudhātale |
evaṃ vyāsa yadā jātaṃ duṣṭaṃ sarvaṃ jagattrayam || 40 ||
[Analyze grammar]

yadā yadā hi dharmasya glānirbhavati bhārata |
abhyutthānamadharmasya tadātmānaṃ sṛjāmyaham || 41 ||
[Analyze grammar]

iti jñātvā mahāviṣṇurvārāhaṃ vapurātmavān |
dadhāra līlayā divyaṃ śvetadvīpopamaṃ śubham || 42 ||
[Analyze grammar]

yūpadaṃṣṭro havirgaṃdho bījauṣadhitanūruhaḥ |
vedapādaḥ śucirdaṃḍī jihvāgnistālukāhutiḥ || 43 ||
[Analyze grammar]

aṃtarāsyarucādārḍho yajñakāyaḥ sudakṣiṇaḥ |
udgānaghurghuronnādo vihāra ṛtvijākṛtiḥ || 44 ||
[Analyze grammar]

hautraśvāsaparo dakṣasadasyāvayavaḥ smṛtaḥ |
puccha karmāśano nityaṃ yajamānasumānadaḥ || 45 ||
[Analyze grammar]

vedipalvalasaṃstāro brahmādhvaryurvanākaraḥ |
lokakalpo lokasākṣī parāvaravahaḥ śuciḥ || 46 ||
[Analyze grammar]

ādyaḥ puruṣa īśānaḥ puruhūtaḥ puruṣṭutaḥ |
tenāsau nihato daityo hiraṇyākṣo durāsadaḥ || 47 ||
[Analyze grammar]

saṃgrāmānsubahūnkṛtvā bahukaṣṭena viṣṇunā |
daityena pīḍitā pṛthvī rasātalatalaṃgatā || 48 ||
[Analyze grammar]

uddhṛtā ca varāheṇa daṃṣṭrayā caṃdrarekhayā |
hatāste dānavāḥ sarve śeṣāḥ pātālamāyayuḥ || 49 ||
[Analyze grammar]

vavuḥ puṇyāstathā vātāḥ suprabho'bhūddivākaraḥ |
jajvaluścāgnayaḥ śāṃtāḥ śāṃtā digjanitasvanāḥ || 50 ||
[Analyze grammar]

sarito mārgavāhinyaḥ sāgarāḥ prakṛtiṃ gataḥ |
dṛṣṭvā devo'khilaṃ vyāsa prasannātmā babhūva ha || 51 ||
[Analyze grammar]

vārāhamūrtirbhagavānsarvakāmaphalapradaḥ |
ānaṃdanirbharo devo hatadaityo varapradaḥ || 52 ||
[Analyze grammar]

tasyāpi hṛdayājjātā nadī hyeṣā sanātanī |
ānaṃdajalasaṃpūrṇā sarvānaṃdavarapradā || 53 ||
[Analyze grammar]

bahuyojanavistārā bahulā kāmacāriṇī |
padmākarasamākīrṇā haṃsakāraṇḍasaṃkulā || 54 ||
[Analyze grammar]

saralā taralacchāyā yakṣagaṃdharvasevitā |
kinnarīgīyamānā ca gīyamānā khagālibhiḥ || 55 ||
[Analyze grammar]

apsarobhirnṛtyamānā stūyamānā maharṣibhiḥ |
hūyamānā hutāgnibhī rājarṣibhiḥ samāśritā || 56 ||
[Analyze grammar]

tuṃgastanabharākrāṃtayoṣidbhiḥ krīḍitāntarā |
kvacitkīravarāṃdolai ramyamāṇā virājitā || 57 ||
[Analyze grammar]

vedavidbhirdvijaiḥ sevyā ṛṣibhissaṃśitātmabhiḥ |
sarvadā sarvakāle ca siddhaiḥ siddhipradā nṛṇām || 58 ||
[Analyze grammar]

mahākālavane ramye ramyā padmāvatī purī |
sundaraṃ kuṇḍamaparaṃ ramyaṃ prācīnakaṃ śubham || 59 ||
[Analyze grammar]

yatra snātvā narā yāṃti śivalokaṃ sanātanam |
yatra nīlā parā vyāsa śiprā vai lokapāvanī || 60 ||
[Analyze grammar]

vārāheṇa kṛtaṃ sarvaṃ duṣṭadaityanibarhaṇam |
tena devā nirātaṃkāḥ kṛtā vārāhamūrtinā || 61 ||
[Analyze grammar]

kṛtaprāṃjalayaḥ sarve devā iṃdrapurogamāḥ |
stutiṃ kṛtvā mahāviṣṇoḥ satataṃ purataḥ sthitāḥ || 62 ||
[Analyze grammar]

devadeva jagannātha puṇyaśravaṇakīrtana |
kiṃ dānaṃ kiṃ tapaḥ puṇyaṃ kiṃ tīrthaṃ kā ca devatā || 63 ||
[Analyze grammar]

yena puṇyaprabhāvena punaḥ svargo hyavāpsyate |
etanniścitya no brūhi sarvaṃ guhyataraṃ vibho || 64 ||
[Analyze grammar]

viṣṇuruvāca |
śṛṇudhvaṃ bhoḥ surāḥ sarve yuṣmākaṃ siddhikāraṇam |
guhyādguhyataraṃ puṇyaṃ mahākālavanaṃ śubham || 65 ||
[Analyze grammar]

mama dehodbhavā śiprā yatra līnā payasvinī |
nīlagaṃgā saricchreṣṭhā yatra prācī sarasvatī || 66 ||
[Analyze grammar]

puṣkaraṃ ca gayātīrthaṃ puruṣottamasaraḥ śubham |
tatraiva gacchata kṣipra punarlokānavāpsyatha || 67 ||
[Analyze grammar]

iti śrutvā paraṃ vākyaṃ devadevajagadguroḥ |
tatra devagaṇāḥ sarve brahmaśakrapurogamāḥ || 68 ||
[Analyze grammar]

mahākālavane ramye yatra śiprā saridvarā |
snānadānādikaṃ kṛtvā śrāddhaṃ kṛtvā yathocitam || 69 ||
[Analyze grammar]

tena puṇyaprabhāvena svakāṃllokāngatāḥ surāḥ |
evaṃ vyāsa samākhyātā śiprā vai lokapāvanī || 70 ||
[Analyze grammar]

jātaṃ saro varāhasya viṣṇoratulatejasaḥ |
yasya darśanamātreṇa brahmahatyāṃ vyapohati || 71 ||
[Analyze grammar]

atra snātvā payaḥ pītvā śrāddhaṃ kṛtvā yathocitam |
payasvinīṃ ca gāṃ dattvā viṣṇuloke mahīyate || 72 ||
[Analyze grammar]