Chapter 40

[English text for this chapter is available]

| vyāsa uvāca |
bhagavanbhavatā sarvaṃ bhavabhītivināśakam |
īśvarasthānamākhyātaṃ samaṃtātsāgrayojanam || 1 ||
[Analyze grammar]

yatra kṣetre mṛtā martyāḥ sadācārāstathottamāḥ |
vimānasthā pure nūnamaiśvare te vasaṃti ca || 2 ||
[Analyze grammar]

yatra kīṭapataṃgādyā mṛtā yāṃti parāṃ gatim |
kiṃ tīrthaṃ puṇyamanyacca mahākālavanādṛte || 3 ||
[Analyze grammar]

tasmādbrūhi mamaikaṃ tu praśnaṃ tathyena sāṃpratam |
kathaṃ kanakaśṛṃgeti khyātā hyeṣā purā mune || 4 ||
[Analyze grammar]

kuśasthalī kathaṃ nāma tathāvaṃtī kathaṃ smṛtā |
padmāvatī kathaṃ sādho kathamujjayinī tathā || 5 ||
[Analyze grammar]

nāmnāṃ hetumatho teṣāṃ brūhi tvaṃ munisattama || 6 ||
[Analyze grammar]

sanatkumāra uvāca |
śṛṇu vyāsa pravakṣyāmi yathā pūrvaṃ viraṃcinā |
kathitaṃ vāmadevāya gaurakalpe purātane || 7 ||
[Analyze grammar]

maheśena bhagavatā vidhiścaivātra hetutaḥ |
pṛṣṭastu svaścyutānāṃ ca kuto nivasatāṃ sukham || 8 ||
[Analyze grammar]

svargaprāptiśca bhavati svecchācāravihāriṇām |
ko'tipuṇyatamaḥ śreṣṭhaḥ pradeśaḥ pāpadārakaḥ || 9 ||
[Analyze grammar]

kuto nivartitaṃ cittaṃ jāyate vasatāṃ kvacit |
vasatāmapi loke śamaihikaṃ pāralaukikam |
etanme bhagavanbrūhi hitārthaṃ sarvadehinām || 10 ||
[Analyze grammar]

sanatkumāra uvāca |
evamādau purā kalpe proktaḥ śreṣṭhaḥ sa śaṃbhunā || 11 ||
[Analyze grammar]

provāca pārvatīkāṃtaṃ prabhuḥ prītaḥ pitāmahaḥ |
bhagavansarvakartā tvaṃ sarvadarśī sadāśivaḥ || 12 ||
[Analyze grammar]

ajānanniva tvaṃ sarvaṃ māṃ pṛcchasi sanātana |
yatra kalpāṃtako vahniradhijvālaḥ pratiṣṭhitaḥ || 13 ||
[Analyze grammar]

tvameva ca mahākālaḥ sarvaṃ vai jñāyate tvayā |
nātha ye mānavāstatra sadācārāstathā pare || 14 ||
[Analyze grammar]

nivasaṃti na te martyāḥ surāste vai na saṃśayaḥ |
labhaṃte ca punaḥ svargaṃ mṛtā vai kālaparyaye || 15 ||
[Analyze grammar]

vartate ca purī tatra ramyaharmyā suśobhanā |
yasyāṃ bhāṃti vicitrāṇi harmyāṇi vividhāni ca || 16 ||
[Analyze grammar]

svarṇaśṛṅgāśca prāsādā vihitā viśvakarmaṇā |
devāḥ saṃti sadā tatra tīrthāni vividhāni ca || 17 ||
[Analyze grammar]

pūrvakalpe sthito'haṃ ca yatra tvaṃ keśavastathā |
tāmeva ca purīṃ draṣṭuṃ sarve lokā hyavaṃtikām || 18 ||
[Analyze grammar]

tathā devarṣayaḥ siddhā yakṣakiṃnaradānavāḥ |
ājagmuḥ sthāṇunā sārdhaṃ vedhasā brahmayoninā || 19 ||
[Analyze grammar]

tathaiva ca varā nāryo devānāmativallabhāḥ |
samāpetuḥ sahasrāṇi draṣṭumatyadbhutāṃ purīm || 20 ||
[Analyze grammar]

āgatya ca yadā devaḥ saha devairmaheśvaraḥ |
vīkṣate nagarīṃ ramyāmapaśyadāvṛtāṃ tathā || 21 ||
[Analyze grammar]

prāsādaiḥ svarṇaśṛṃgāḍhyairmaṇiratnavibhūṣitaiḥ |
viśvarūpo hi bhagavānrājā viśvaika nāyakaḥ || 22 ||
[Analyze grammar]

tatrāste śobhane divye prāsāde maṇibhūṣite |
sevyamānaḥ suraiḥ siddhairmunividyādharoragaiḥ || 23 ||
[Analyze grammar]

tato maheśaśca pitāmahaśca sametya taṃ viśvapatiṃ nanaṃdatuḥ |
samarcitau tena yathārhamādarātsahānugāvāgamanaṃ tvapṛcchat || 24 ||
[Analyze grammar]

kimāgatau vā tridivānmahītalaṃ sahānugāvāśa yakaśca kathyatām |
tatastu tāvūcaturabjajeśvarau bhavāntare yatra ca tatra nau ratiḥ || 25 ||
[Analyze grammar]

tvayā vinā naiva surālaye sukhaṃ mahītale vātha rasātale' sti naḥ |
kadā tvayā kāṃcanaśekharā purī niveśitā veśmavatī vicitritā || 26 ||
[Analyze grammar]

hariruvāca |
tvadarthameveśa viśeṣaśālinī sṛṣṭā hi vai sarvaguṇākarā mayā |
prayaccha viśveśvara cāvayoriha sthānaṃ ca tīrthaṃ pralaye'kṣayaṃ ca || 27 ||
[Analyze grammar]

dadāmyabhīṣṭaṃ yuvayorihālayaṃ prajāpate hyuttaratastava sthitiḥ |
maheśvara tvaṃ vraja dakṣiṇālayaṃ sthānaṃ sudattaṃ yuvayoḥ suśobhanam || 28 ||
[Analyze grammar]

mahākālo hyadhojvālo jagadātmā prabhuḥ sthitaḥ |
gaṇairaneka sāhasrairādṛtaḥ parameśvaraḥ || 29 ||
[Analyze grammar]

krīḍārthaṃ nagarī sṛṣṭā sarvabhūtahitaiṣiṇā |
mayādya yuvayordattā vihāyā'calamātmanaḥ || 30 ||
[Analyze grammar]

bhavadbhyāṃ hemaśṛṃ geti yasmācca samudīritā |
purī kanakaśṛṃgeti loke khyātā bhaviṣyati || 31 ||
[Analyze grammar]

evaṃ kanakaśṛṅgeti prathamaṃ nāma kathyate || 32 ||
[Analyze grammar]

japaṃtaśca sthitā yatra brahmaviṣṇumaheśvarāḥ |
nityaṃ ramaṃti bhaktānāṃ sarvābhīṣṭaphalapradāḥ || 33 ||
[Analyze grammar]