Chapter 41

[English text for this chapter is available]

| sanatkumāra uvāca |
śṛṇu vyāsa yatheyaṃ tu procyate hi kuśasthalī |
kalpe tatpuruṣe pūrvaṃ vedavidbhirmanīṣibhiḥ || 1 ||
[Analyze grammar]

vedhasā sṛjitaṃ viśvaṃ daityadānavarā kṣasam |
anyonyamadasaṃmattamanyonyadveṣi vai raṇe || 2 ||
[Analyze grammar]

devāśca dānavāḥ saṃkhye nityaṃ spardhāsamanvitāḥ |
manuṣyā manujaiḥ sārdhaṃ siddhavidyādharaiḥ saha || 3 ||
[Analyze grammar]

cāraṇāḥ kiṃnaraiḥ sārdhamevaṃ te dveṣatatparāḥ |
yuddhaṃ kurvaṃti satatamavispaṣṭārthayā girā || 4 ||
[Analyze grammar]

sarve caiva ca balino durbalairmanujaiḥ saha |
paśavaḥ paśubhiḥ sārdhaṃ pakṣiṇaḥ saha pakṣibhiḥ || 5 ||
[Analyze grammar]

evamanyonyamanyaiśca nirmaryādamidaṃ jagat |
dṛṣṭvā viśvasya kartāraṃ viṣṇuṃ viśveśvaraṃ param || 6 ||
[Analyze grammar]

vrajāmi śaraṇaṃ devaṃ śaraṇārttiharaṃ harim |
evaṃ manasi saṃdhāya dadhyau dhyānena mādhavam || 7 ||
[Analyze grammar]

tato dhyāto mahāyogī viśvarūpadharo hariḥ |
lohadaṇḍadharaḥ śrīmānidamāha pitāmaham || 8 ||
[Analyze grammar]

brahmandhyātastvayā samyagdhyānayogena paśya mām |
samāyāṃtaṃ tathā dhyātaṃ jagatāṃ pātumudyatam || 9 ||
[Analyze grammar]

tato dhātā niśamyaitattyaktvā dhyānamavekṣya tam |
samutthāyaikamanasā namaścakre'rcayatpunaḥ || 10 ||
[Analyze grammar]

pādyenācamanīyena madhuparkeṇa keśavam |
pūjayitvā punarvākyamuvācācyutamabjajaḥ || 11 ||
[Analyze grammar]

brahmovāca |
devadeva jagannātha jagatsṛṣṭamidaṃ tvayā |
ṛte tvayā jagadviṣṇo naivāvasthātu marhati || 12 ||
[Analyze grammar]

śāstā tvamasya viśvasya viśuddhasya ca nāparaḥ |
tvattostīdaṃ jagatsarvaṃ tasmāttvamanuśāsaya || 13 ||
[Analyze grammar]

devadānavagaṃdharvāḥ sayakṣo ragarākṣasāḥ |
tvāmṛte puṇḍarīkākṣaṃ vyāpitāśeṣavigrahāḥ |
parasparaṃ vinighnaṃti tāṃśca tvaṃ rakṣituṃ kṣamaḥ || 14 ||
[Analyze grammar]

tvamasya viśvasya carācarasya sthiteḥ sadā prāṇabhṛdātmarūpiṇī || 15 ||
[Analyze grammar]

tvayā dhṛtaṃ sarvamidaṃ jagadvai yatastato'si tvamupendrasaṃjñaḥ |
praveśanaṃ vyāptamidaṃ svadhāma yattvamucyase viṣṇurato munīṃdraiḥ || 16 ||
[Analyze grammar]

nivāsitaṃ viśvamidaṃ tvayādya vāsaśca dhātoriti vāsudevaḥ |
tavānugaṃ viśvamidaṃ vibhustvamaśeṣaviśvasya vibhāsi rājā || 17 ||
[Analyze grammar]

senānurūpaṃ jagadeva yasmādataḥ smṛtastvaṃ kila viśvasenaḥ |
vilekhanādasya carācarasya kṛteśca dhātostvamato'si kṛṣṇaḥ || 18 ||
[Analyze grammar]

jitaṃ tvayā deva jagattrayaṃ yajjiteśca dhātostvamato'si jiṣṇuḥ |
tasmātsamastagrahalokapālaṃ jagadvibho pālaya sarvakālam || 19 ||
[Analyze grammar]

tvamasya sarvasya bhavādirājastavāstu bhadrāsanamadvitīyama |
pradakṣiṇāvartanakastu śaṃkhaḥ karasthitaḥ śobhati pūruṣasya || 20 ||
[Analyze grammar]

sudarśanaṃ nāma tavāsti cakramato hi gītaḥ kavibhi stu cakrī |
dhvajo'sti te deva suparṇasevitastathāsuparṇaśca tavāsti vāhanam || 21 ||
[Analyze grammar]

turaṃgamāḥ saṃtu tavārisaṃhare tathā hṛṣīkeśa sudantadantinaḥ |
kirīṭaniṣkāṃgadakarṇapūrakeyūrahārottamahemasūtraiḥ || 22 ||
[Analyze grammar]

vicitravastrottamaraktamālyairvibhūṣitastvaṃ bhava bhīmasenaḥ |
śriyā kadācicca na mucyate bhavānbhavaṃ ti te nityamanaṃtasaṃpadaḥ || 23 ||
[Analyze grammar]

tavānugā bhaktirihāstu vai satī mukunda bhakte tvamataḥ prasīda me || 24 ||
[Analyze grammar]

sanatkumāra uvāca |
sa evamuktastu puro divaukasāṃ vibhuḥ prasannastvidamabravīddharaḥ |
viriṃca me darśaya tasya maṃḍalaṃ tvayā vimuktaṃ ca sadāśivaṃ vibho || 25 ||
[Analyze grammar]

sthiraṃ sthi yatra jagatkaromyahaṃ tato viraṃciḥ kuśamuṣṭimādade |
pavitradeśasya nidarśanāya jagāma puṇyaṃ cyavanāśramaṃ tadā || 26 ||
[Analyze grammar]

tataḥ sthalīmuccatarāmavāpya pitāmahaḥ keśavamāha cādarāt |
tvadudbhavaṃ cātra pavitramaṃḍalaṃ tvayā vimuktaṃ ca sadā śivaṃ vibho || 27 ||
[Analyze grammar]

tvameva viṣṇurvibudhārcitaḥ sadā smṛto munīṃdraiḥ sa ca viṣṭaraśravāḥ |
niṣīda viśveśa kuśasthalaṃ yadā tadāśrito mādhavamāsarūpavān || 28 ||
[Analyze grammar]

kuśasthalīṃ saṃsthita eva deva itthaṃ vidhātrā puruṣottamaḥ stutaḥ |
sthalīṃ kuśairāstaritāmupāviśatkuśasthalīṃ devamunīndrasevitām || 29 ||
[Analyze grammar]

samaṃtato yojanasaṃ khyayāvṛtāṃ tato vidhātā puruṣottamastathā |
kuśasthalīti prathitaṃ jagattraye pracakraturnāma ca tāvubhāvapi || 30 ||
[Analyze grammar]

tatra viśvapatiḥ śrīmānviśveśo viśvakṛdvibhuḥ |
viśvaṃ śaśāsa viśvātmā sarvaviśvasya nāyakaḥ || 31 ||
[Analyze grammar]

evaṃ kuśasthalī khyātā hemaśṛṅgeti yā purā |
stīrṇā kuśairyato dhātrā kuśasthalī tataḥ smṛtā || 32 ||
[Analyze grammar]