Chapter 36

[English text for this chapter is available]

| vyāsa uvāca |
mahākālaṃ kimarthaṃ tu kiṃ vā śivapadaṃ smṛtam |
koṭīśvaraṃ kimarthaṃ tu pāvakaṃ tatkimucyate || 1 ||
[Analyze grammar]

naradīpaṃ kimarthaṃ tu dvitīyā vaṭamātaraḥ |
abhayeśvaraṃ kimarthaṃ tu śaṃkhoddhā raṇameva ca || 2 ||
[Analyze grammar]

śūleśvaraṃ kimarthaṃ tu kimoṃkārastu kathyate |
dhūtapāpaṃ kimarthaṃ tu kimaṃgāreśvaraṃ tathā || 3 ||
[Analyze grammar]

purī cojjayinī divyā saptakalpā kathaṃ smṛtā |
kathayasva muniśreṣṭha tasyā nāmāni yāni ca || 4 ||
[Analyze grammar]

sanatkumāra uvāca |
śṛṇu vyāsa yathā khyātā purī divyā kuśa sthalī |
nāmataḥ karmataḥ śreṣṭhā saptakalpānuvāsinī || 5 ||
[Analyze grammar]

prākkalpe svarṇaśṛṃgākhyā dvitīye tu kuśasthalī |
tṛtīye'vaṃtikā proktā caturthetvamarā vatī || 6 ||
[Analyze grammar]

vikhyātā pañcame kalpe purī cūḍāmaṇīti ca |
ṣaṣṭhe padmāvatī jñeyā saptame cojjayinī purī || 7 ||
[Analyze grammar]

punaraṃte tu kalpasya svarṇaśṛṅgādi kā smṛtā |
etāni sapta nāmāni prātarutthāya yaḥ paṭhet || 8 ||
[Analyze grammar]

saptajanmakṛtātpāpānmucyate nātra saṃśayaḥ |
ujjayinyāṃ purā rājā babhūva kila cāṃdhakaḥ || 9 ||
[Analyze grammar]

tasya putro mahāvīryo nāmnā kanakadānavaḥ |
yuddhārthaṃ sa mahāvīryaḥ śakraṃ yuddhe samāhvayat || 10 ||
[Analyze grammar]

krodhādiṃdreṇa saṃgrāme yudhya māno nipātitaḥ |
nihatya dānavaṃ śakro bhayādaṃdhāsurasya tu || 11 ||
[Analyze grammar]

jagāma śaṃkarānveṣī kailāsaṃ śaṃkarālayam |
dṛṣṭvā praṇamya deveśaṃ caṃdrārdhakṛta śekharam || 12 ||
[Analyze grammar]

bhīto vijñāpayāmāsa sa cāśrvākulalocanaḥ |
abhayaṃ dehi me deva dānavādaṃdhakācca vai || 13 ||
[Analyze grammar]

śakrasyetthaṃ vacaḥ śrutvā śaraṇā gatavatsalaḥ |
dadāvabhayamevāsau mā bhaistvamaṃdhakāddhi vai || 14 ||
[Analyze grammar]

kṛtvā rūpaṃ mahādevo viśvarūpaṃ subhairavam |
sarpairlaladbhiratyugraistīkṣṇadaṃṣṭrairviṣolbaṇaiḥ || 15 ||
[Analyze grammar]

pātālodararūpaiśca bhairavārāvanādibhiḥ |
bhujairanekasāhasrairbahuśastradhṛtaistathā || 16 ||
[Analyze grammar]

siṃhacarmaparīdhānaṃ vyāghratvaguttarīyakam |
gavājina kṛtāṭopaṃ caṃdrāgniravilocanam || 17 ||
[Analyze grammar]

mahāmahīdhratulyābhyāṃ jaṃghābhyāṃ bhūṣitaṃ sadā |
kṣobhayaṃścālayansarvānpātālasya talāvadhi || 18 ||
[Analyze grammar]

īdṛgrūpaṃ vidhāyeśo danudaityabhayāvaham |
avātaranmahīṃ bhīmaḥ pādenaikena śaṃkaraḥ || 19 ||
[Analyze grammar]

tatraiva hi hrado jātaḥ sarvadaivatavaṃditaḥ |
khyātaṃ śivapadaṃ taddhi yatpadā'krāṃtavānvibhuḥ || 20 ||
[Analyze grammar]

pāpānāṃ ca purā koṭiḥ pādāṃguṣṭhena dāritā |
koṭitīrthamataḥ khyātaṃ sarvapāpapraṇāśanam || 21 ||
[Analyze grammar]

agastyena tathā koṭistīrthānāmavadhāritā |
ato'pīdaṃ śubhaṃ loke koṭitīrthaṃ sadā smṛtam || 22 ||
[Analyze grammar]

dṛṣṭvā tu tridaśāḥ sarve snātā vai hitakāmyayā |
mahā kālakṛtaṃ rūpaṃ mahākālastataḥ smṛtaḥ || 23 ||
[Analyze grammar]

aṃdhāsuro'pi danujaḥ putraṃ śrutvā hataṃ yudhi |
krodhena tamasāviṣṭo raṇatūryāṇyavādayata || 24 ||
[Analyze grammar]

sasainyo nirgataḥ prāpto yatra te tridaśāḥ sthitāḥ |
mahatyā senayā sārdhaṃ rathavāraṇayuktayā || 25 ||
[Analyze grammar]

tadaiva dānavānvīkṣya mahāhavakṛtodyamān |
vepaṃtaste susaṃnaddhā śaṃbhuṃ śaraṇamāyayuḥ || 26 ||
[Analyze grammar]

mā bhairiti mahākālo devānuktvā trilocanaḥ |
gṛhītvā śūlamātiṣṭhaddaṣṭādaṃṣṭrādharo ruṣā || 27 ||
[Analyze grammar]

kopayukte virūpākṣe jvālābhiḥ pūritaṃ nabhaḥ |
aṃdhakenātha ruṣṭena śarakoṭistu duḥsahā || 28 ||
[Analyze grammar]

muktā jagāma devānāṃ nanāśa śalabhākṛti |
visphuliṃgārciṣaṃ vahniṃ muṃcamānaḥ pinākadhṛk || 29 ||
[Analyze grammar]

śataśaḥ śakalīcakre taṃ ca bāṇairatāḍayat |
aṃdhako'pi hi yuddhasthaḥ śithilaḥ śithilā yudhaḥ || 30 ||
[Analyze grammar]

niruddhaḥ śaṃbhunā bāṇairalibhiḥ paṃkajaṃ yathā |
tasya sainyaṃ praviddhaṃ ca tadgaṇairyudhi yodhibhiḥ || 31 ||
[Analyze grammar]

yodhavarairhatā divyaiḥ sthāṇu sānnidhyamāśritaiḥ |
tatoṃ'dhakena sainyaṃ svaṃ bhinnaṃ dṛṣṭvā tathāsuraiḥ || 32 ||
[Analyze grammar]

ātmānaṃ ca maheśena viddhaṃ ca bāṇakoṭibhiḥ |
vidalīkṛtadeho'sau bhaya māśritya vegataḥ || 33 ||
[Analyze grammar]

cakāra tāmasīṃ māyāṃ māyāśataviśāradaḥ |
tayāṃtarhitadeveśo jagāma diśamuttarām || 34 ||
[Analyze grammar]

śaṃbhurbhītibharaṃ bibhradbabhrāma bhuvi bhinnahṛt |
yasminmārge gato devastena daityo jagāma ha || 35 ||
[Analyze grammar]

vadanna dṛśyate kvāsau gato duṣṭaḥ punaḥpunaḥ |
uvāca cāṃdhakaḥ śabdaṃ tathovā ca maheśvaraḥ || 36 ||
[Analyze grammar]

tatra tīrthamathotpannaṃ vāgaṃdhakamabhiśrutam |
tatra snātvā śucirbhūtvā yo vai dadyātsaśarkaram || 37 ||
[Analyze grammar]

navamyāṃ mārgaśīrṣasya śuklāyāṃ śraddhayānvitaḥ |
akṣayaṃ tadbhaveddattaṃ dātā śivapuraṃ vrajet || 38 ||
[Analyze grammar]

pitṛnuddiśya yatkiṃciddīyate bhaktitaḥ śive |
tṛptāstiṣṭhaṃti te tāvadyāvadābhūta saṃplavam || 39 ||
[Analyze grammar]

tamasā cchāditā devāḥ saṃbabhūvuḥ samākulāḥ |
saṃbhrāṃtamanasaḥ sarve na kiṃcidapi menire || 40 ||
[Analyze grammar]

etasminnaṃtare vyāsa narādityaḥ svatejasā |
uttasthau nararūpeṇa kurvanvitimirā diśaḥ || 41 ||
[Analyze grammar]

naṣṭe tamasi daityepi prakāśa prakaṭe sati |
devā mudamavāpuste dṛṣṭvā naraṃ vilocanaiḥ || 42 ||
[Analyze grammar]

stuvaṃto vividhaiḥ stotrairnararūpaṃ divākaram |
uttasthau nararūpeṇa dīpto yasmāddivākaraḥ || 43 ||
[Analyze grammar]

tenāsya nāma te cakurnaradīpa itīśvarāḥ |
yaḥ paśyati naro bhaktyā naradīpaṃ divākaram || 44 ||
[Analyze grammar]

mucyate sarvapāpebhyo yadyapi brahmahā bhavet |
ṣaṣṭhyāmarkadine vipra saptamyāmupa vāsayet || 45 ||
[Analyze grammar]

dinacchidretha saṃkrāṃtau grahaṇe viṣuvatyatha |
kuṃḍe snātvā śucirbhūtvā japanniyatamānasaḥ || 46 ||
[Analyze grammar]

naradīpaṃ naraḥ paśyetstotravā ditramaṃgalaiḥ |
gaṃdhairdhūpaistathā dīpairnaivedyaiḥ pūjayettathā || 47 ||
[Analyze grammar]

gītaṃ vādyaṃ puraskṛtya praṇamyāṣṭāṃgameva ca |
prātarmadhyāparāhne vā kṛtvārkasya pradakṣiṇā m || 48 ||
[Analyze grammar]

sa muktaḥ sarvapāpaistu saptajanmakṛtairapi |
sūryakoṭipratīkāśairvimānaiḥ sārvakāmikaiḥ || 49 ||
[Analyze grammar]

sūryalokaṃ prayātyāśu yatsurairapi durlabham |
śakrātprāpya purā yasmādbhānuratra pratiṣṭhitaḥ || 50 ||
[Analyze grammar]

nareṇaiva prasādena naradīpastato hyayam |
tadaivāsya purā vyāsa yātrā śakreṇa nirmitā || 51 ||
[Analyze grammar]

āgamiṣyāmyahaṃ pārtha sārdhaṃ devaiḥ samāhitaḥ |
jyeṣṭhe site dvitīyāyāṃ naradīpe tu sarvadā || 52 ||
[Analyze grammar]

tatrāhamāgato jñeyo loke devasya varṣaṇāt |
tato'naṃtaramāgatya devā ye tridaśālayāt || 53 ||
[Analyze grammar]

dṛṣṭvā devaṃ tathārūḍhaṃ naradīpaṃ sudīpitam |
kṛtvā yātrāṃ ca te yāṃti devayānairitastataḥ || 54 ||
[Analyze grammar]

yaḥ paśyenmānavo bhaktyā naradīpaṃ rathasthitam |
sarvapāpavinirmuktaḥ sūryaloke mahīyate || 55 ||
[Analyze grammar]

rathayātrāmatho vakṣye naradīpasya yā mune |
tāṃ kṛtvā caiva yatpuṇyaṃ munibhiḥ parikīrtitam || 56 ||
[Analyze grammar]

jyeṣṭhe site dvitīyāyāṃ rathastho hi divākaraḥ |
kuśasthalyāṃ dvijaiḥ śreṣṭhairbāhukṣepaiḥ praṇīyate || 57 ||
[Analyze grammar]

uttarāṃ diśamāyāṃtaṃ yaḥ paśyati divaspatim |
agniṣṭomasya yajñasya labhate so'khilaṃ phalam || 58 ||
[Analyze grammar]

nivṛtya keśavārkādyo rathaṃ paśyati mānavaḥ |
śuṃḍīrasvāmino yātrā kṛtā tena na saṃśayaḥ || 59 ||
[Analyze grammar]

rathamākarṣate yastu rajjvākarṣeṇa vai mune |
kulamuddharate so'pi pūrvānpitṛpitāmahān || 60 ||
[Analyze grammar]

dakṣiṇābhimukhaṃ yāṃtaṃ naradīpaṃ dvijottama |
ye saṃyatāḥ prapaśyaṃti te yāṃti ca triviṣṭapam || 61 ||
[Analyze grammar]

sūtreṇa veṣṭayetkṣetraṃ rathaṃ devamathāpi vā |
sarvānkāmānavāpnoti kṛtapuṇyaśca jāyate || 62 ||
[Analyze grammar]

pradakṣiṇāṃ tu sūryasya bhaktyā kurvaṃti ye narāḥ |
pradakṣiṇīkṛtā taistu saptadvīpā vasuṃdharā || 63 ||
[Analyze grammar]

prātarutthāya yo bhaktyā maunī yāti divākaram |
dṛṣṭvā tu pūrvadvāreṇa namaskṛtya dvijottama || 64 ||
[Analyze grammar]

praviśya dakṣiṇenaiva rathacakraṃ prapūjayet |
tena dvāreṇa niṣkramya praṇipatya vrajettataḥ || 65 ||
[Analyze grammar]

paścimaṃ dvāramāśritya rathasthaṃ sūryamarcayet |
cāmaraṃ ca vitānaṃ ca ghaṃṭādīni nivedayet || 66 ||
[Analyze grammar]

pūrvadvāre tu gaurde yā tathāśvaścaiva dakṣiṇe |
paścime ca gajaḥ prokta uttare ratha eva ca || 67 ||
[Analyze grammar]

kuryādeva tu yo yātrāṃ naradīpasya mānavaḥ |
sarvānkāmānavāpnoti kṛtapuṇyaśca jāyate || 68 ||
[Analyze grammar]

gosūryaśivaśakrāṇāṃ svarlokaṃ labhate śubham |
pradakṣiṇā mahāmeroḥ kṛtā tena bhavenmune || 69 ||
[Analyze grammar]

dadyādgavāṃ sahasraṃ yo vyatīpātaśate naraḥ |
aśvānāṃ ca sahasreṇa yadyāyāttatphalaṃ labhet || 70 ||
[Analyze grammar]

naradīpe rathārūḍhe vapanaṃ kārayettu yaḥ |
śriyā na vicyutistasya sūryaloke mahīyate || 71 ||
[Analyze grammar]

sūryasya purato vāpyāṃ māsaṃ nityaṃ sarasvatī |
yastāmālokate martyo duḥsvapnaṃ tasya naśyati || 72 ||
[Analyze grammar]

bhaktyā yo'nudinaṃ vyāsa naradīpaṃ prapaśyati |
uttamaṃ sthāna māsādya putrapautrasamanvitaḥ || 73 ||
[Analyze grammar]

prakrīḍya baṃdhubhiḥ sārdhaṃ mṛtaḥ sūryapuraṃ vrajet |
pranaṣṭe timire vipra jāte sarvatra suprabhe || 74 ||
[Analyze grammar]

hateṃ'dhake maheśena śūlena triśikhena vai |
prahṛṣṭāśca surāḥ sarve brahmeṃdrapramukhāstadā || 75 ||
[Analyze grammar]

śaṃkhaṃ dadhmau tadā viṣṇuḥ surāṇāṃ hitakāmyayā |
 tatra tīrthamathotpannaṃ śaṃkhoddhāraṇasaṃjña kam || 76 ||
[Analyze grammar]

tatra saṃnihito viṣṇurliṃgaṃ caiva caturmukham |
anādyaṃ caiva vipreṃdra liṃgasyaiva samīpataḥ || 77 ||
[Analyze grammar]

devasya dakṣiṇe bhāge śūlenādhiṣṭhitaḥ sthitaḥ |
caturdaśyāṃ tathāṣṭamyāṃ ye paśyaṃti jiteṃdriyāḥ || 78 ||
[Analyze grammar]

te kṣīṇāśeṣapāpaughāḥ prāpsyaṃti paramāṃ gatim |
yoginīnāṃ baliṃ yastu yathāvatsaṃpradā syati || 79 ||
[Analyze grammar]

bhūtapretapiśācādyairnāsau kenāpi bādhyate |
dvādaśīṃ samupoṣyaiva snātvā devaṃ janārdanam || 80 ||
[Analyze grammar]

yaḥ paśyecchaṃkhinaṃ devaṃ so'cyutaṃ sthānamāpnuyāt || 81 ||
[Analyze grammar]

yaḥ sthūlasūkṣmaprakaṭaprakāśo yaḥ sarvabhūto na ca sarvabhūtaḥ |
viśva yataścaiva hi viśvaheturnamostu tasmai puruṣottamāya || 82 ||
[Analyze grammar]