Chapter 35

[English text for this chapter is available]

| sanatkumāra uvāca |
svarṇakṣure naraḥ snātvā dṛṣṭvā devaṃ maheśvaram |
kapilāśatadānasya phalamapyadhikaṃ bhavet || 1 ||
[Analyze grammar]

vāpyāṃ pitāmaha syāpi yaḥ snāyādvijiteṃdriyaḥ |
haṃsayuktena yānena brahmalokaṃ sa gacchati || 2 ||
[Analyze grammar]

tailābhidhānamātṝṇāṃ rātrau yacchati yo balim |
tasya siddhirbhave tsadyo mṛtaḥ śivapuraṃ yajet || 3 ||
[Analyze grammar]

viṣṇuvāpyāṃ naraḥ snātvā caitre vā phālgune'thavā |
jāgaraṃ yastu kurvīta sopavāso jitendriyaḥ |
mucyate sarva pāpebhyo viṣṇulokaṃ sa gacchati || 4 ||
[Analyze grammar]

abhayeśvaradevasya bhaktyā niyatamānasaḥ |
pūjābandhamatho dṛṣṭvā rudralokaṃ sa gacchati || 5 ||
[Analyze grammar]

loke tu jāyate dātā sārvabhaumo mahīpatiḥ |
yastvagastveśvaraṃ gacchedekacitto naro mune || 6 ||
[Analyze grammar]

dṛṣṭvāgastyeśvaraṃ devaṃ sopavāso jiteṃdriyaḥ |
agastyodayavelāyāṃ mucyate sarvapātakaiḥ || 7 ||
[Analyze grammar]

kṛtvāgastyaṃ ca sauvarṇaṃ raupyaṃ vātha svaśaktitaḥ |
pañcaratnasamāyuktaṃ vastreṇa ca samanvitam || 8 ||
[Analyze grammar]

tatkālīnaiḥ phalaiḥ puṣpaiḥ pūjanīyo vidhānataḥ |
vidhānaṃ tasya vakṣyāmi cāturvarṇye dvijottama || 9 ||
[Analyze grammar]

saptadhānyāni mukhyāni tāvantyeva phalāni ca |
ekaṃ dhānyaṃ phalaṃ caikamagre tyājyaṃ bhavenmune || 10 ||
[Analyze grammar]

yāvadvai sapta varṣāṇi vratamevaṃ samācaret || 11 ||
[Analyze grammar]

arghyamantraḥ |
kāśapuṣpapratīkāśa vahnimārutasaṃ bhava |
mitrāvaruṇayoḥ putra kumbhayone namo'stu te || 12 ||
[Analyze grammar]

datte'rghe yatphalaṃ vyāsa tadvai hyekamanāḥ śṛṇu |
putravāndhanavāṃścaiva jāyate nātra saṃśayaḥ || 13 ||
[Analyze grammar]

mṛtaḥ svargamavāpnoti saṃpanne jāyatekule |
martyalokaṃ punaḥ prāpya mahāyogīśvaro bhavet || 14 ||
[Analyze grammar]

yaścaitacchṛṇuyānnityaṃ paṭhedvā susamāhitaḥ |
sarvapāpavinirmukto muniloke sa modate || 15 ||
[Analyze grammar]