Chapter 44

[English text for this chapter is available]

skaṃda uvāca |
anyānyapi ca liṃgāni kathayāmi mahāmune |
amṛteśamukhādīni yannāmāpyamṛtapradam || 1 ||
[Analyze grammar]

purā sanāru nāmāsīnmuniratra gṛhāśramī |
brahmayajñarato nityaṃ nityaṃ cātithidaivataḥ || 2 ||
[Analyze grammar]

liṃgapūjārato nityaṃ nityaṃ tīrthāpratigrahī |
tasyarṣerabhavatputraḥ sanārorupajaṃghaniḥ || 3 ||
[Analyze grammar]

sa kadācidgatoraṇyaṃ tatra daṣṭaḥ pṛdākunā |
atha tatsa vayobhiśca sa ānītaḥ svamāśramam || 4 ||
[Analyze grammar]

sanāruṇā samucchvasya nītaḥ sa upajaṃghaniḥ |
mahāśmaśānabhūbhāgaṃ svargadvārasamīpataḥ || 5 ||
[Analyze grammar]

tatrāsīcchrīphalākāraṃ liṃgamekaṃ suguptavat |
nidhāya tatra taṃ yāvacchavaṃ saṃciṃtayetsudhīḥ || 6 ||
[Analyze grammar]

sarpadaṣṭasya saṃskāraḥ kathaṃ bhavati ceti vai |
tāvatsa jīvannuttasthau suptavaccaupajaṃghaniḥ || 7 ||
[Analyze grammar]

atha taṃ vīkṣya sa muniḥ sanārurupajaṃghanim |
punaḥ prāṇitasaṃpannaṃ vismayaṃ prāptavānparam || 8 ||
[Analyze grammar]

prāṇitavye'tra ko heturmacchiśorupajaṃghaneḥ |
kṣetrādbahirahiryaṃ hi daṣṭā naiṣītparāsu tām || 9 ||
[Analyze grammar]

iti yāvatsa saṃdhatte dhiyaṃ tajjīvitaikikām |
tāvatpipīlikā tvekā mṛtaṃ kvāpi pipīlikam || 10 ||
[Analyze grammar]

ānināya ca tatraiva sopya nannirgatastataḥ |
atha vijñāya sa munistattvaṃ jīvitasūcitam || 11 ||
[Analyze grammar]

mṛdu hastatalenaiva yāvatkhanati vai muniḥ |
tāvacchrīphalamātraṃ hi liṃgaṃ tena samīkṣitam || 12 ||
[Analyze grammar]

sanāruṇātha talliṃgaṃ tena tatra samarcitam |
cirakālīna liṃgasya kṛtaṃ nāmāpi sānvayam || 13 ||
[Analyze grammar]

amṛteśvaranāmedaṃ liṃgamānaṃdakānane |
etalliṃgasya saṃsparśādamṛtatvaṃ labheddhruvam || 14 ||
[Analyze grammar]

amṛteśaṃ samabhyarcya jīvatputraḥ sa vai muniḥ |
svāspadaṃ samanuprāpto dṛṣṭaāścaryavajjanaiḥ || 15 ||
[Analyze grammar]

tadāprabhṛti talliṃgamamṛteśaṃ munīśvara |
kāśyāṃ siddhipradaṃ nṛṇāṃ kalau guptaṃ bhavetpunaḥ || 16 ||
[Analyze grammar]

amṛteśvara saṃsparśānmṛtā jīvaṃti tatkṣaṇāt |
amṛtatvaṃ bhajaṃte'tra jīvaṃtaḥ sparśamātrataḥ || 37 ||
[Analyze grammar]

amṛteśa samaṃ liṃgaṃ nāsti kvāpi mahītale |
talliṃgaṃ śaṃbhunā tiṣye kṛtaṃ guptaṃ prayatnataḥ || 18 ||
[Analyze grammar]

amṛteśvara nāmāpi ye kāśyāṃ parigṛhṇate |
na teṣāmupasargotthaṃ bhayaṃ kvāpi bhaviṣyati || 19 ||
[Analyze grammar]

mune'nyacca mahāliṃgaṃ karuṇeśvarasaṃjñitam |
mokṣadvāra samīpe tu mokṣadvāreśvarāgrataḥ || 20 ||
[Analyze grammar]

darśanāttasya liṃgasya mahākāruṇikasya vai |
na kṣetrānnirgamo jātu bahirbhavati kasyacit || 21 ||
[Analyze grammar]

snātavyaṃ maṇikarṇyāṃ ca draṣṭavyaḥ karuṇeśvaraḥ |
kṣetropasargajā bhītirhātavyā parayā mudā || 22 ||
[Analyze grammar]

somavāsaramāsādya ekabhaktavrataṃ caret |
yaṣṭavyaḥ karuṇāpuṣpairvratinā karuṇeśvaraḥ || 23 ||
[Analyze grammar]

tena vratena saṃtuṣṭaḥ karuṇeśaḥ kadācana |
na taṃ kṣetrādbahiḥ kuryāttasmātkāryaṃ vrataṃ tvidam || 24 ||
[Analyze grammar]

tatpatraistatphalairvāpi saṃpūjyaḥ karuṇeśvaraḥ |
yo na jānāti talliṃgaṃ samyagjñānavivarjitaḥ || 25 ||
[Analyze grammar]

tenārcyaḥ karuṇāvṛkṣo deveśaḥ prīyatāmiti |
yo varṣaṃ somavārasya vrataṃ kuryāditi dvijaḥ || 26 ||
[Analyze grammar]

prasannaḥ karuṇeśotra tasya dāsyati vāṃchitam |
draṣṭavyaḥ karuṇeśotra kāśyāṃ yatnena mānavaiḥ || 27 ||
[Analyze grammar]

iti te karuṇeśasya mahimokto mahattaraḥ |
yaṃ śrutvā nopasargotthaṃ bhayaṃ kāśyāṃ bhaviṣyati || 28 ||
[Analyze grammar]

mokṣadvāreśvaraṃ caiva svargadvoreśvaraṃ tathā |
ubhau kāśyāṃ naro dṛṣṭvā svargaṃ mokṣaṃ ca viṃdati || 29 ||
[Analyze grammar]

jyotīrūpeśvaraṃ liṃgaṃ kāśyāmanyatprakāśate |
tasya saṃpūjanādbhaktā jyotīrūpā bhavaṃti hi || 30 ||
[Analyze grammar]

cakrapuṣkariṇī tīre jyotīrūpeśvaraṃ param |
samabhyarcyāpnuyānmartyo jyotīrūpaṃ na saṃśayaḥ || 31 ||
[Analyze grammar]

yadā bhāgīrathī gaṃgā tatra prāptā saridvarā |
tadārabhyārcayennityaṃ talliṃgaṃ svardhunī mudā || 32 ||
[Analyze grammar]

purā viṣṇau tapatyatra talliṃgaṃ svayameva hi |
tatrāvirāsīttejasvi tena kṣetramidaṃ śubham || 33 ||
[Analyze grammar]

cakrapuṣkariṇī tīre jyotīrūpeśvaraṃ tadā |
dūrasthopīha yo dhyāyettasya siddhiradūrataḥ || 34 ||
[Analyze grammar]

eteṣvapi ca liṃgeṣu caturdaśasu sattama |
liṃgāṣṭakaṃ mahāvīryaṃ karmabījadavānalam || 35 ||
[Analyze grammar]

oṃkārādīni liṃgāni yānyuktāni caturdaśa |
tathā dakṣeśvarādīni liṃgānyaṣṭau mahāṃti ca || 36 ||
[Analyze grammar]

śailaiśādīni liṃgāni tathā yāni caturdaśa |
punaḥ ṣaṭtriṃśadetāni kṣetrasaṃsiddhi hetave || 37 ||
[Analyze grammar]

ṣadatriṃśattattvarūposau ligeṣveṣu sadāśivaḥ |
asminkṣetre vasannityaṃ tārakaṃ jñānamādiśet || 38 ||
[Analyze grammar]

kṣetrasya tattvametaddhi ṣaṭtriṃśalliṃgarūpyaho |
eteṣāṃ bhajanātpuṃsāṃ na bhaveddurgatiḥ kvacit || 39 ||
[Analyze grammar]

mune rahasyabhūtāni rligānyetāni niścitam |
etalliṃgaprabhāvācca muktiratra suniścitā || 40 ||
[Analyze grammar]

mokṣakṣetramiṃdaṃ kāśī liṃgairetairmehāmate |
etānyanyāni siddhāni saṃbhavaṃti yugeyuge || 41 ||
[Analyze grammar]

ānaṃdakānanaṃ śaṃbhoḥ kṣetrametadanādimat |
atra saṃsthitimāpannā muktā eva na saṃśayaḥ || 42 ||
[Analyze grammar]

yogasiddhirihāstyeva tapaḥsiddhirihaiva hi |
vratasiddhirmaṃtrasiddhistīrthasiddhiḥ suniścitam || 43 ||
[Analyze grammar]

siddhyaṣṭakaṃ tu yatproktamaṇimādi mahattaram |
tajjanmabhūmireṣaiva śaṃbhorānaṃdavāṭikā || 44 ||
[Analyze grammar]

nirvāṇalakṣmyāḥ sadanametadānaṃdakānanam |
etatprāpya na moktavyaṃ puṇyaiḥ saṃsārabhīruṇā || 45 ||
[Analyze grammar]

ayameva mahālābha idameva paraṃ tapaḥ |
etadeva mahatpuṇyaṃ labdhā vārāṇasīha yat || 46 ||
[Analyze grammar]

avaśyaṃ janmino mṛtyuryatra kutra bhaviṣyati |
karmānusāriṇī labhyā gatiḥ paścācchubhāśubhā || 47 ||
[Analyze grammar]

mṛtyuṃ vijñāya niyataṃ gatikarmānusāriṇīm |
avaśyaṃ kāśikā sevyā sarvakarmanivāriṇī || 48 ||
[Analyze grammar]

mānuṣyaṃ prāpya yaṃ mūḍhā nimeṣamitajīvitam |
na sevaṃte purīṃ kāśīṃ te muṣṭā maṃdabuddhayaḥ || 49 ||
[Analyze grammar]

durlabhaṃ janma mānuṣyaṃ durlabhā kāśikāpurī |
ubhayoḥ saṃgamāsādya muktā eva na saṃśayaḥ || 50 ||
[Analyze grammar]

kva ca tādṛktapāṃsīha kva tādṛgyoga uttamaḥ |
yādṛgbhiḥ prāpyate muktiḥ kāśyāṃ mokṣottamottamaḥ || 51 ||
[Analyze grammar]

satyaṃ satyaṃ punaḥ satyaṃ satyapūrvaṃ punaḥpunaḥ |
na kāśī sadṛśī muktyai bhūmiranyā mahītale || 52 ||
[Analyze grammar]

viśveśo muktido nityaṃ muktyai cottaravāhinī |
ānaṃdakānane muktirmuktirnānyatra kutracit || 53 ||
[Analyze grammar]

eka eva hi viśveśo muktido nānya eva hi |
sa eva kāśīṃ prāpayya muktiṃ yacchati nānyataḥ || 54 ||
[Analyze grammar]

sāyujyamuktiratraiva sānnidhyādirathānyataḥ |
sulabhā sāpi no nūnaṃ kāśyāṃ mokṣosti helayā || 55 ||
[Analyze grammar]

skaṃda uvāca |
śṛṇvagastya mahābhāga bhaviṣyaṃ kathayāmyaham |
kṛṣṇadvaipāyano vyāso'kathayadyanmahadvacaḥ |
niściketumanāḥ paścādyatkariṣyati tacchṛṇu || 56 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍa uttarārdhe'mṛteśādiliṃgaprādurbhāvonāma caturnavatitamo'dhyāyaḥ || 94 ||
[Analyze grammar]