Chapter 43

[English text for this chapter is available]

agastya uvāca |
narmadeśasya māhātmyaṃ śrutaṃ kalmaṣanāśanam |
idānīṃ kathaya skaṃda satīśvara samudbhavam || 1 ||
[Analyze grammar]

skaṃda uvāca |
mitrāvaruṇasaṃbhūta kathayāmi kathāṃ śṛṇu || yathā satīśvaraṃ liṃgaṃ kāśyāmāvirbabhūva ha || 2 ||
[Analyze grammar]

purā tatāpa sumahattapaḥ śatadhṛtirmune |
tapasā tena deveśaḥ saṃtuṣṭo varado'bhavat || 3 ||
[Analyze grammar]

uvāca cāpi brahmāṇaṃ nitarāṃ brāhmaṇapriyaḥ |
sarvajñanātho lokātmā varaṃ varaya lokakṛt || 4 ||
[Analyze grammar]

brahmovāca |
yadi prasanno deveśa varaṃ dāsyasi vāṃchitam |
tadā tvaṃ me bhava suto devī dakṣasutā'stu ca || 5 ||
[Analyze grammar]

iti śrutvā mahādevaḥ sarvado brahmaṇo varam |
smitvā devīmukhaṃ vīkṣya provāca caturānanam || 6 ||
[Analyze grammar]

brahmaṃstvadvāṃchitaṃ bhūyātkimadeyaṃ pitāmaha |
ityuktvā brahmaṇo bhālādāvirāsīcchaśāṃkabhṛt || 7 ||
[Analyze grammar]

rudansa uttānaśayo brahmaṇo mukhamaikṣata |
tato brahmāpi taṃ bālaṃ rudaṃtaṃ pravilokya ca || 8 ||
[Analyze grammar]

kiṃ māṃ janakamāpyāpi tvaṃ rodiṣi muhurmuhuḥ |
śrutveti pṛthukaḥ prāha yathoktaṃ parameṣṭhinā || 9 ||
[Analyze grammar]

nāmne rodimi me sraṣṭurnāma dehi pitāmaha |
rodanādrudra ityākhyāṃ samāyā ḍiṃbhako labhat || 10 ||
[Analyze grammar]

agastya uvāca |
arbhakatvaṃ gatopīśaḥ kiṃ ruroda ṣaḍānana |
yadi vetsi tadācakṣva mahatkautūhalaṃ hi me || 11 ||
[Analyze grammar]

skaṃda uvāca |
sarvajñasya kumāratvātkiṃcitkiṃcidavaimyaham |
rodane kāraṇaṃ vacmi śṛṇu kuṃbhasamudbhava || 12 ||
[Analyze grammar]

manasīti vicārobhūddevasya paramātmanaḥ |
buddhivaibhavamasyāho vīkṣituṃ parameṣṭhinaḥ || 13 ||
[Analyze grammar]

satyalokādhināthasya caturāsyasya vedhasaḥ |
ityānaṃdātsamudbhūto vāṣpapūro maheśituḥ || 14 ||
[Analyze grammar]

agastya uvāca |
kiṃ buddhivaibhavaṃ dhātuḥ śaṃbhunā manasīkṣitam |
yenānaṃdāśru saṃbhāro bālyepyabhavadīśituḥ || 15 ||
[Analyze grammar]

etatkathaya me prājña sarvajñānaṃdavardhana |
śrutvāgastyuditaṃ vākyaṃ tārakāriruvāca ha || 16 ||
[Analyze grammar]

deve na manasi dhyātamiti kuṃbhajane mune |
vināpatyaṃ janetāraṃ ka uddhartumiha prabhuḥ || 17 ||
[Analyze grammar]

eko manorathaścāyaṃ dvitīyoyaṃ suniścitam |
apatyatvaṃ gate cāsminsmarturutpattihāriṇi || 18 ||
[Analyze grammar]

kṣaṇaṃkṣaṇaṃ samālokyamaṃgasparśe kṣaṇaṃkṣaṇam |
ekaśayyāsanāhāraṃ lapsyate'nena kṣaṇekṣaṇe || 19 ||
[Analyze grammar]

yoyaṃ na gocaraḥ kvāpi vāṇīmanasayorapi |
sa me'patyatvamāsādya kiṃ na dāsyati ciṃtitam || 20 ||
[Analyze grammar]

yo'muṃ sakṛtspṛśejjaṃturyomuṃ paśyetsakṛnmudā |
na sa bhūyobhijāyeta bhaveccānaṃdameduraḥ || 21 ||
[Analyze grammar]

gṛhakrīḍanakaṃ me sau yadi bhūyātkathaṃcana |
tadāparasya saukhyasya nidhānaṃ syāmasaṃśayam || 22 ||
[Analyze grammar]

vidheḥ samīhitaṃ ceti nūnaṃ jñātvā sa sarvavit |
ānaṃdavāṣpakalitaṃ cakṣustrayamadīdharat || 23 ||
[Analyze grammar]

śrutvaityagastiḥ skaṃdasya bhāṣitaṃ paryamūmudat |
nanāma cāṃghrī provāca jayasarvajñanaṃdana || 24 ||
[Analyze grammar]

vidherapi manojñātaṃ śaṃbhorapi manogatam |
samyakcittaṃ tvayā jñātaṃ namastubhyaṃ cidātmane || 25 ||
[Analyze grammar]

skaṃdopi nitarāṃ tuṣṭaḥśroturānaṃdadarśanāt |
dhanyosyagastya dhanyosi śrotuṃ jānāsi tattvataḥ || 26 ||
[Analyze grammar]

na me śramo vṛthā jāto bruvataste puraḥ kathām |
ityagastiṃ samābhāṣya punaḥ prāha ṣaḍānanaḥ || 27 ||
[Analyze grammar]

deve rudratvamāpanne devī dakṣasutābhavat |
sāpi taptvā tapastīvraṃ satī kāśyāṃ varārthinī || 28 ||
[Analyze grammar]

dadarśa liṃgarūpeṇa prādurbhūtaṃ haraṃ puraḥ |
alaṃ taptvā mahādevi proktavaṃtamiti sphuṭam || 21 ||
[Analyze grammar]

idaṃ satīśvaraṃ liṃgaṃ tava nāmnā bhaviṣyati |
yathā manorathaste'tra phalito dakṣakanyake || 30 ||
[Analyze grammar]

tathaitalliṃgamārādhyānyasyāpi hi phaliṣyati |
kumārī prāpsyati patiṃ manasopi samucchritam || 31 ||
[Analyze grammar]

etalliṃgaṃ samārādhya kumāropi varāṃganām |
yasya yasya hi yaḥ kāmastasya tasya hi sa dhruvam || 32 ||
[Analyze grammar]

bhaviṣyati na saṃdehaḥ satīśvarasamarcagāt |
satīśvaraṃ samabhyarcya yo yo yaṃ yaṃ samīhate || 33 ||
[Analyze grammar]

tasya tasya sa sa kṣipraṃ bhaviṣyati manorathaḥ || 34 ||
[Analyze grammar]

itoṣṭame ca divase tvajjanetā prajāpatiḥ |
mahyaṃ dāsyati kanyāṃ tvāṃ saphalaste manorathaḥ |
ityuktvā devadeveśastatraivāṃtarhitobhavat || 35 ||
[Analyze grammar]

sāpi svabhavanaṃ yātā satī dākṣāyaṇī mudā |
pitāpi tasmai prādāttāṃ rudrāya divaseṣṭame || 36 ||
[Analyze grammar]

skaṃda uvāva |
itthaṃ satīśvaraṃ liṃgaṃ kāśyāṃ prādurabhūnmune |
smaraṇādapi liṃgaṃ ca dadyātsattvaguṇaṃ param || 37 ||
[Analyze grammar]

ratneśātpūrvato bhāge dṛṣṭvā liṃgaṃ satīśvaram |
mucyate pātakaiḥ sadyaḥ kramājjñānaṃ ca viṃdati || 38 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍa uttarārdhe satīśvaraprādurbhāvo nāma trinavatitamo'dhyāyaḥ || 93 ||
[Analyze grammar]