Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

vyāsa uvāca || |
śṛṇu sūta mahābuddhe yathā skaṃdena bhāṣitam |
bhaviṣyaṃ mama tasyāgre kuṃbhayone mahāmate || 1 ||
[Analyze grammar]

skaṃda uvāca |
niśāmaya mahābhāga tvaṃ maitrāvaruṇe mune |
pārāśaryo munivaro yathā mohamupaiṣyati || 2 ||
[Analyze grammar]

vyasya vedānmahābuddhirnānā śākhā prabhedataḥ |
aṣṭādaśapurāṇāni sūtādīnparipāṭhya ca || 3 ||
[Analyze grammar]

śrutismṛtipurāṇānāṃ rahasyaṃ yastvacīkarat |
mahābhāratasaṃjñaṃ ca sarvalokamanoharam || 4 ||
[Analyze grammar]

sarvapāpapraśamanaṃ sarvaśāṃtikaraṃ param |
yasya śravaṇamātreṇa brahmahatyā vinaśyati || 5 ||
[Analyze grammar]

ekadā sa muniḥ śrīmānparyaṭanpṛthivītale |
saṃprāpto naimiṣāraṇyaṃ yatra saṃti munīśvarāḥ || 6 ||
[Analyze grammar]

aṣṭāśītisahasrāṇi śaunakādyāstapodhanāḥ |
tripuṃḍritamahābhālā lasadrudrākṣamālinaḥ || 7 ||
[Analyze grammar]

vibhūtidhāriṇo bhaktyā rudrasūktajapapriyān |
liṃgārādhanasaṃsaktāñchivanāmakṛtādarān || 8 ||
[Analyze grammar]

eka eva hi viśveśo muktido nānya eva hi |
iti bruvāṇānsatataṃ pariniścitamānasān || 9 ||
[Analyze grammar]

vilokya sa munirvyāsastāsarvāngiriśātmanaḥ |
utkṣipya tarjanīmuccaiḥ provācedaṃ vacaḥ punaḥ || 10 ||
[Analyze grammar]

parinirmathya vāgjālaṃ suniścityāsakṛdbahu |
idamekaṃ parijñātaṃ sevyaḥ sarveśvaro hariḥ || 11 ||
[Analyze grammar]

vede rāmāyaṇe caiva purāṇeṣu ca bhārate |
ādimadhyāvasāneṣu harireko'tra nāparaḥ || 12 ||
[Analyze grammar]

satyaṃ satyaṃ trisatyaṃ punaḥ satyaṃ na mṛṣā punaḥ |
na vedādaparaṃ śāstraṃ na devocyutataḥ paraḥ || 13 ||
[Analyze grammar]

lakṣmīśaḥ sarvado nānyo lakṣmīśopyapavargadaḥ |
eka eva hi lakṣmīśastato dhyeyo na cāparaḥ || 14 ||
[Analyze grammar]

bhuktermukterihānyatra nānyo dātā janārdanāt |
tasmāccaturbhujo nityaṃ sevanīyaḥ sukhepsubhiḥ || 15 ||
[Analyze grammar]

vihāya keśavādanyaṃ ye sevaṃtelpamedhasaḥ |
saṃsāracakre gahane te viśaṃti punaḥpunaḥ || 16 ||
[Analyze grammar]

eka eva hi sarveśo hṛṣīkeśaḥ parātparaḥ |
taṃ sevamānaḥ satataṃ sevyastrijagatāṃ bhavet || 17 ||
[Analyze grammar]

eko dharmaprado viṣṇustveko bahvarthado hariḥ |
ekaḥ kāmapradaścakrī tveko mokṣapradocyutaḥ || 18 ||
[Analyze grammar]

śārṅgiṇaṃ ye parityajya devamanyamupāsate |
te sadbhiśca bahiṣkāryā vedahīnā yathā dvijāḥ || 19 ||
[Analyze grammar]

śrutveti vākyaṃ vyāsasya naimiṣāraṇyavāsinaḥ |
pravepamānahṛdayāḥ pariprocuridaṃ vacaḥ || 20 ||
[Analyze grammar]

ṛṣaya ūcuḥ |
pārāśarya mune mānyastvamasmākaṃ mahāmate |
yato vedāstvayā vyastāḥ purāṇānyapi vetti yat || 21 ||
[Analyze grammar]

yataśca kartā tvamasi mahato bhāratasya vai |
dharmārthakāmamokṣāṇāṃ viniścayakṛto dhruvam || 22 ||
[Analyze grammar]

tattvajñaḥ koparaścātra tvattaḥ satyavatīsuta |
bhavatā yatpratijñātaṃ niścityokṣipyatarjanīm || 23 ||
[Analyze grammar]

asminmāṇavakāstatra pariśraddadhate nahi |
pratijñā tasya vacasastava śraddhā bhavettadā || 24 ||
[Analyze grammar]

yadā'naṃdavane śaṃbhoḥ pratijānāsi vai vacaḥ || 25 ||
[Analyze grammar]

gaccha vārāṇasīṃ vyāsa yatra viśveśvaraḥ svayam |
na tatra yugadharmosti na ca lagnā vasuṃdharā || 26 ||
[Analyze grammar]

iti śrutvā munirvyāsaḥ kiṃcitkupitavaddhṛdi |
jagāma tūrṇaṃ sahitaḥ svaśiṣyairayutonmitaiḥ || 27 ||
[Analyze grammar]

prāpya vārāṇasīṃ vyāsaḥ snātvā paṃcanade hrade |
śrīmanmādhavamabhyarcya yayau pādodakaṃ tataḥ || 28 ||
[Analyze grammar]

tatra snānādikaṃ kṛtvā dṛṣṭvā caivādikeśavam |
paṃcarātraṃ tataḥ kṛtvā vaiṣṇavairabhinaṃditaḥ || 29 ||
[Analyze grammar]

agrataḥ pṛṣṭhataḥ śaṃkhairvādyamānaiḥ pramoditaḥ |
jayaviṣṇo hṛṣīkeśa goviṃda madhusūdana || 30 ||
[Analyze grammar]

acyutānaṃtavaikuṃṭha mādhavopeṃdrakeśava |
trivikrama gadāpāṇe śārṅgapāṇe janārdana || 31 ||
[Analyze grammar]

śrīvatsavakṣaḥ śrīkāṃta pītāṃbara murāṃtaka |
kaiṭabhāre balidhvaṃsinkaṃsāre keśisūdana || 32 ||
[Analyze grammar]

nārāyaṇāsuraripo kṛṣṇa śaure caturbhuja |
devakīhṛdayānaṃda yaśodānaṃdavardhana || 33 ||
[Analyze grammar]

puṃḍarīkākṣa daityāre dāmodara balapriya |
balārātistuta hare vāsudeva vasuprada || 34 ||
[Analyze grammar]

viṣvakcamūstārkṣya rathavanamālinnarottama |
adhokṣaja kṣamādhāra padmanābha jaleśaya || 35 ||
[Analyze grammar]

nṛsiṃha yajñavārāha gopagopālavallabha |
gopīpate guṇātīta garuḍadhvaja gotrabhṛt || 36 ||
[Analyze grammar]

jaya cāṇūramathana jaya trailokyarakṣaṇa |
jayānādya jayānaṃda jaya nīlotpaladyute || 37 ||
[Analyze grammar]

kaustubhodbhūṣitoraska pūtanādhātuśoṣaṇa |
rakṣarakṣa jagadrakṣāmaṇe narakahāraka || 38 ||
[Analyze grammar]

sahasraśīrṣapuruṣa puruhūta sukhaprada |
yadbhūtaṃ yacca bhāvyaṃ vai tatraikaḥ puruṣo bhavān || 39 ||
[Analyze grammar]

ityādi nāmamālābhiḥ saṃstuvanvanamālinam |
svacchaṃdalīlayā gāyannṛtyaṃśca parayā mudā || 40 ||
[Analyze grammar]

vyāso viśveśabhavanaṃ samāyātaḥ suhṛṣṭavat |
jñānavāpī purobhāge mahābhāgavataiḥ saha || 41 ||
[Analyze grammar]

virājamānasatkaṃṭhastulasīvaradāmabhiḥ |
svayaṃ tāladharo jātaḥ svayaṃ jātaḥ sunartakaḥ || 42 ||
[Analyze grammar]

veṇuvādanatattvajñaḥ svayaṃ śrutidharobhavat |
nṛtyaṃ parisamāpyetthaṃ vyāsaḥ satyavatīsutaḥ || 43 ||
[Analyze grammar]

punarūrdhvabhujaṃ kṛtvā dakṣiṇaṃ śiṣyamadhyagaḥ |
punaḥ papāṭha tāneva ślokāngāyannivoccakaiḥ || 44 ||
[Analyze grammar]

parinirmathya vāgjālaṃ suniścityāsakṛdbahu |
idamekaṃ parijñātaṃ sevyaḥ sarveśvaro hariḥ || 45 ||
[Analyze grammar]

ityādi ślokasaṃghātaṃ svapratijñā prabodhakam |
yāvatpaṭhati sa vyāsaḥ savyamutkṣipya vai bhujam || 46 ||
[Analyze grammar]

tastaṃbha tāvattadbāhuṃ sa śailādiḥ svalīlayā |
vākstaṃbhaścāpi tasyāsīnmunervyāsasya sanmuneḥ || 47 ||
[Analyze grammar]

tato guptaṃ samāgamya viṣṇurvyāsamabhāṣata |
aparāddhaṃ mahaccātra bhavatā vyāsa niścitam || 48 ||
[Analyze grammar]

tavaitadaparādhena bhītirmepi mahattarā |
eka eva hi viśveśo dvitīyo nāsti kaścana || 49 ||
[Analyze grammar]

tatprasādādahaṃ cakrī lakṣmīśastatprabhāvataḥ |
trailokyarakṣāsāmarthyaṃ dattaṃ tenaiva śaṃbhunā || 50 ||
[Analyze grammar]

tadbhaktyā paramaiśvaryaṃ mayā labdhaṃ varāttataḥ |
idānīṃ stuhi taṃ śaṃbhuṃ yadi me śubhamicchasi || 51 ||
[Analyze grammar]

anyadāpi na vai kāryā bhavatā śemuṣīdṛśī |
pārāśarya iti śrutvā saṃjñayā vyājahāra ha || 52 ||
[Analyze grammar]

bhujastaṃbhaḥ kṛtastena naṃdinā dṛṣṭimātrataḥ |
vākstaṃbhastadbhayājjātaḥ spṛśa me kaṃṭhakaṃdalīm || 53 ||
[Analyze grammar]

yathā stotuṃ bhavānīśa prabhavābhi bhavāṃtakama |
saṃspṛśya viṣṇustatkaṃṭhaṃ guptameva jagāma ha || 54 ||
[Analyze grammar]

tataḥ satyavatīsūnustathā staṃbhitadorlataḥ |
prārabdhavānmaheśānaṃ parituṣṭotumudāradhīḥ || 55 ||
[Analyze grammar]

vyāsa uvāca |
eko rudro na dvitīyo yatastadbrahmaivaikaṃ neha nānāsti kiṃcit |
yadyapyanyaḥ kopi vā kutracidvā vyācaṣṭāṃ tadyasya śaktirmadagre || 26 ||
[Analyze grammar]

yaḥ kṣīrābdhermaṃdarāghātajāto jvālāmālī kālakūṭoti bhīmaḥ |
taṃ soḍhuṃ vā ko paro'bhūnmaheśādyatkīlābhiḥ kṛṣṇatāmāpa viṣṇuḥ || 57 ||
[Analyze grammar]

yadvāṇobhūcchrīpatiryasya yaṃtā lokeśo yatsyaṃdanaṃ bhūḥ samastā |
vāhā vedā yasya yeneṣupātāddagdhā grāmāstraipurāstatsamaḥ kaḥ || 58 ||
[Analyze grammar]

yaṃ kadarpo vīkṣamāṇaḥ samānaṃ devairanyairbhasmajātaḥ svayaṃ hi |
pauṣpairbāṇaiḥ sarvaviśvaikajetā ko vā stutyaḥ kāmajetustatonyaḥ || 59 ||
[Analyze grammar]

yaṃ vai vedo veda no naiva viṣṇurnovā vedhā no mano naiva vāṇī |
taṃ deveśaṃ mādṛśaḥ kolpamedhā yāthātmyādvai vettyaho viśvanātham || 60 ||
[Analyze grammar]

yasminsarvaṃ yastu sarvatra sarvo yo vai kartā yo'vitā yo'pahartā |
no yasyādiryaḥ samastādireko no yasyāṃto yoṃtakṛttaṃ natosmi || 61 ||
[Analyze grammar]

yasyaikākhyā vājimedhena tulyā yasyā na tyā caikayālpeṃdralakṣmīḥ |
yasya stutyā labhyate satyaloko yasyārcāto mokṣalakṣmīradūrā || 62 ||
[Analyze grammar]

nānyaṃ devaṃ vedmyahaṃ śrīmaheśānnānyaṃ devaṃ staumi śaṃbhorṛte'ham |
nānyaṃ devaṃ vā namāmi trinetrātsatyaṃ satyaṃ satyametanmṛṣā na || 63 ||
[Analyze grammar]

itthaṃ yāvatstauti śaṃbhuṃ maharṣistāvannaṃdī śāṃbhavāddṛkprasādāt |
taddoḥ staṃbhaṃ tyaktavāṃścābabhāṣe smāyaṃsmāyaṃ brāhmaṇebhyo namo vaḥ || 64 ||
[Analyze grammar]

naṃdikeśvara uvāca |
idaṃ stavaṃ mahāpuṇyaṃ vyāsa te parikīrtitam |
yaḥ paṭhiṣyati medhāvī tasya tuṣyati śaṃkaraḥ || 65 ||
[Analyze grammar]

vyāsāṣṭakamidaṃ prātaḥ paṭhitavyaṃ prayatnataḥ |
duḥsvapnapāpaśamanaṃ śivasānnidhyakārakam || 66 ||
[Analyze grammar]

mātṛhā pitṛhā vāpi goghno bālaghra eva vā |
surāpī svarṇahṛdvāpi niṣpāpo syāḥ stuterjapāt || 67 ||
[Analyze grammar]

skaṃda uvāca |
pārāśaryastadārabhya śaṃbhubhaktiparobhavat |
liṃgaṃ vyāseśvaraṃ sthāpya ghaṃṭākarṇa hradāgrataḥ || 68 ||
[Analyze grammar]

vibhūtibhūṣaṇo nityaṃ nityarudrākṣabhūṣaṇaḥ |
rudrasūktaparo nityaṃ nityaṃ liṃgārcakobhavat || 69 ||
[Analyze grammar]

sa kṛtvā kṣetrasaṃnyāsaṃ tyajennādyāpi kāśikām |
tattvaṃ kṣetrasya vijñāya nirvāṇapadadāyinaḥ || 70 ||
[Analyze grammar]

ghaṃṭākarṇahrade snātvā dṛṣṭvā vyāseśvaraṃ naraḥ |
yatrakutra mṛto vāpi vārāṇasyāṃ mṛto bhavet || 71 ||
[Analyze grammar]

kāśyāṃ vyāseśvaraṃ liṃgaṃ pūjayitvā narottamaḥ |
na jñānādbhraśyate kvāpi pātakairnābhibhūyate || 72 ||
[Analyze grammar]

vyāseśvarasya ye bhaktā na teṣāṃ kalikālataḥ |
na pāpato bhayaṃ kvāpi na ca kṣetropasargataḥ || 73 ||
[Analyze grammar]

vyāseśvaraḥ prayatnena draṣṭavyaḥ kāśivāsibhiḥ |
ghaṃṭākarṇakṛtasnānaiḥ kṣetrapātakabhīrubhiḥ || 74 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍa uttarārdhe vyāsabhujastaṃbhonāma paṃcanavatitamo'dhyāyaḥ || 95 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 45

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: