Chapter 35

[English text for this chapter is available]

skaṃda uvāca |
jagajjananyāḥ pārvatyāḥ purogaste purāriṇā |
yathākhyāyi kathā puṇyā tathā te kathayāmyaham || 1 ||
[Analyze grammar]

purā mahīmimāṃ sarvāṃ sasamudrādrikānanām |
sasaritkāṃ sārṇavāṃ ca sagrāmapurapattanām || 2 ||
[Analyze grammar]

paribhramya mahātejā mahāmarṣo mahātapāḥ |
durvāsāḥ saṃpariprāptaḥ śaṃbhorānaṃdakānanam || 3 ||
[Analyze grammar]

vilokyākrīḍamakhilaṃ bahuprāsādamaṃḍitam |
bahukuṃḍataḍāgaṃ ca śaṃbhostoṣamupāgamat || |
padepade munīnāṃ ca jitakāla mahābhiyām |
dṛṣṭoṭajāni ramyāṇi durvāsā vismitobhavat || 5 ||
[Analyze grammar]

sarvartukusumānvṛkṣānsucchāyasnigdhapallavān |
saphalānsulatāśliṣṭāndṛṣṭvā prītimagānmuniḥ || 6 ||
[Analyze grammar]

durvāsāścātihṛṣṭobhū्ddṛṣṭvā pāśupatottamān |
bhūtibhūṣitasarvāṃgāñjaṭājaṭitamaulikān || 7 ||
[Analyze grammar]

kaupīnamātra vasanānsmarāri dhyāna tatparān |
kakṣīkṛtamahālābūnhuḍutkārajitāṃbudān || 8 ||
[Analyze grammar]

karaṃḍadaṃḍapānīya pātramātraparigrahān |
kvacittridaṃḍino dṛṣṭvā niḥsaṃgā niṣparigrahān || 9 ||
[Analyze grammar]

kālādapi nirātaṃkānviśveśaśaraṇaṃ gatān |
kvacidvedarahasyajñānābālyabrahmacāriṇaḥ || 10 ||
[Analyze grammar]

nityaṃ bhāgīrathīsnānaparipiṃgalamūrdhajān || 5 ||
[Analyze grammar]

vilokya kāśyāṃ durvāsā brāhmaṇānmumudetarām || 11 ||
[Analyze grammar]

paśuṣvapi ca yā tuṣṭirmṛgeṣvapi ca yā dyutiḥ |
tiryakṣvapi ca yā hṛṣṭiḥ kāśyāṃ nānyatra sā sphuṭam || 12 ||
[Analyze grammar]

idaṃ suśreyaso vyuṣṭiḥ kvāmareṣu triviṣṭape |
yatratyeṣvapi tiryakṣu paramānaṃdavardhinī || 13 ||
[Analyze grammar]

varametepi paśava ānaṃdavanacāriṇaḥ |
sadānaṃdāḥ punardevānanaṃdanavanāśritāḥ || 14 ||
[Analyze grammar]

varaṃ kāśīpurīvāsī mlecchopi hi śubhāyatiḥ |
nānyatratyo dīkṣitopi sa hi mukterabhājanam || 15 ||
[Analyze grammar]

vaiśveśvarī purī caiṣā yathā me cittahāriṇī |
sarvāpi na tathā kṣoṇī na svargo naiva nāgabhūḥ || 16 ||
[Analyze grammar]

sthairyaṃ babaṃdha na kvāpi bhramato me manogatiḥ |
sarvasminnapi bhūbhāge yathā sthairyamagādiha || 17 ||
[Analyze grammar]

ramyā purī bhavedeṣā brahmāṃḍādakhilādapi |
pariṣṭutyeti durvāsāścetovṛttimavāpa ha || 18 ||
[Analyze grammar]

tapyamānopi hi tapaḥ suciraṃ sa mahātapāḥ |
yadā nāpa phalaṃ kiṃciccukopa ca tadā bhṛśam || 19 ||
[Analyze grammar]

dhikca māṃ tāpasaṃ duṣṭaṃ dhikca me duścaraṃ tapaḥ |
dhikca kṣetramidaṃ śaṃbhoḥ sarveṣāṃ ca pratārakam || 20 ||
[Analyze grammar]

yathā na muktiratra syātkasyāpi karavai tathā |
iti śaptuṃ yadodyuktaḥ saṃjahāsa tadā śivaḥ || 21 ||
[Analyze grammar]

tatra liṃgamabhūdekaṃ khyātaṃ prahasiteśvaram |
talliṃgadarśanātpuṃsāmānaṃdaḥ syātpadepade || 22 ||
[Analyze grammar]

uvāca vismayāviṣṭo manasyeva maheśitā |
īdṛśebhyastapasvibhyo namostviti punaḥpunaḥ || 23 ||
[Analyze grammar]

yatraiva hi tapasyaṃti yatraiva vihitāśramāḥ |
labdhapratiṣṭhā yatraiva tatraivāmarṣiṇo dvijāḥ || 24 ||
[Analyze grammar]

manākciṃtitamātraṃ tu cellabhaṃte na tāpasāḥ |
krudhā tadaiva jīyaṃte hāriṇyā tapasāṃ śriyaḥ || 25 ||
[Analyze grammar]

tathāpi tāpasā mānyāḥ svaśreyovṛddhikāṃkṣibhiḥ |
akrodhanāḥ krodhanā vā kā ciṃtā hi tapasvinām || 26 ||
[Analyze grammar]

iti yāvanmaheśāno manasyeva viciṃtayet |
tāvattatkrodhajo vahnirvyānaśe vyomamaṃḍalam || 27 ||
[Analyze grammar]

tatkodhānaladhūmoghairvyāpitaṃ yannabhoṃgaṇam |
taddadhāti nabhodyāpi nīlimānaṃ mahattaram || 28 ||
[Analyze grammar]

tato gaṇāḥ parikṣubdhāḥ pralayārṇava nīravat |
āḥ kimetatkimetadvai bhāṣamāṇāḥ parasparam || 29 ||
[Analyze grammar]

garjaṃtastarjayaṃtaśca prodyatā yudhapāṇayaḥ |
pramathāḥ paritasthuste parito dhāma śāṃbhavam || 30 ||
[Analyze grammar]

ko yamaḥ kothavā kālaḥ ko mṛtyuḥ kastathāṃtakaḥ |
ko vā vidhātā ke lekhāḥ kuddheṣvasmāsu kaḥ paraḥ || 31 ||
[Analyze grammar]

agniṃ pibāmo jalavaccūrṇīkurmokhilāngirīn |
saptāpi cārṇavāṃstūrṇaṃ karavāma marusthalīm || 32 ||
[Analyze grammar]

pātālaṃ cānayāmordhvamadho dadhmothavā divam |
ekameva hi vā grāsaṃ gaganaṃ karavāmahe || 33 ||
[Analyze grammar]

brahmāṃḍabhāṃḍamathavā sphoṭayāmaḥ kṣaṇena hi |
āsphālayāmo vānyonyaṃ kālaṃ mṛtyuṃ ca tālavat || 34 ||
[Analyze grammar]

grasāmo vātha bhuvanaṃ muktvā vārāṇasīṃ purīm |
yatra muktā bhavaṃtyeva mṛtamātreṇa jaṃtavaḥ || 35 ||
[Analyze grammar]

kuto'yaṃ dhūmasaṃbhāro jvālāvalyaḥ kutastvamūḥ |
ko vā mṛtyuṃjayaṃ rudraṃ no vidyānmadamohitaḥ || 36 ||
[Analyze grammar]

iti pāriṣadāḥ śaṃbhormahābhaya bhayapradāḥ || jalpaṃtaḥ kalpayāmāsuḥ prākāraṃ gaganaspṛśam || 37 ||
[Analyze grammar]

śakalīkṛtya bahuśaḥ śilāvatpralayānalam |
naṃdī ca naṃdiṣeṇaśca somanaṃdī mahodaraḥ || 38 ||
[Analyze grammar]

mahāhanurmahāgrīvo mahākālo jitāṃtakaḥ |
mṛtyuprakaṃpano bhīmo ghaṃṭākarṇo mahābalaḥ || 39 ||
[Analyze grammar]

kṣobhaṇo drāvaṇo jṛṃbhī pacāsyaḥ paṃcalocanaḥ |
dviśirāstriśirāḥ somaḥ paṃcahasto daśānanaḥ || 40 ||
[Analyze grammar]

caṃḍo bhṛṃgiriṭistuṃḍī pracaṃḍastāṃḍavapriyaḥ |
piciṃḍilaḥ sthūlaśirāḥ sthūlakeśo gabhastimān || 41 ||
[Analyze grammar]

kṣemakaḥ kṣemadhanvā ca vīrabhadro raṇapriyaḥ |
caṃḍapāṇiḥ śūlapāṇiḥ pāśapāṇiḥ karodaraḥ || 42 ||
[Analyze grammar]

dīrghagrīvotha piṃgākṣaḥ piṃgalaḥ piṃgamūrdhajaḥ |
bahunetro laṃbakarṇaḥ kharvaḥ parvatavigrahaḥ || 43 ||
[Analyze grammar]

gokarṇo gajakarṇaśca kokilākhyo gajānanaḥ |
ahaṃ vai naigameyaśca vikaṭāsyoṭṭahāsakaḥ || 44 ||
[Analyze grammar]

sīrapāṇiḥ śivārāvo vaiṇiko veṇuvādanaḥ |
durādharṣo duḥsahaśca garjano riputarjanaḥ || 45 ||
[Analyze grammar]

ityādayo gaṇeśānāḥ śatakoṭi durāsadāḥ |
kāśyāṃ nivārayāmāsurapi prābhaṃjanīṃ gatim || 46 ||
[Analyze grammar]

kṣubdheṣu teṣu vīreṣu cakaṃpe bhuvanatrayam |
durvāsasaśca kopāgni jvālābhirvyākulīkṛtam || 47 ||
[Analyze grammar]

tadā viviśatuḥ kāśyāṃ sūryācaṃdramasāvapi |
na gaṇairakṛtānujñau tattejaḥ śamitaprabhau || 48 ||
[Analyze grammar]

nivārya pramathānīkamatikṣubdhamumādhavaḥ |
madaṃśa eva hi munīrānasūye ya eṣa vai || 49 ||
[Analyze grammar]

atho durvāsase liṃgādāvirāsītkṛpānidhiḥ |
mahātejomayaḥ śaṃbhurmuniśāpātpurīmavan || 50 ||
[Analyze grammar]

mābhūcchāpo muneḥ kāśyāṃ nirvāṇapratibaṃdhakaḥ |
ityanukrośato devastasya pratyakṣatāṃ gataḥ || 51 ||
[Analyze grammar]

uvāca ca prasannosmi mahākrodhana tāpasa |
varayasva varaḥ kaste mayā deyo viśaṃkitaḥ || 52 ||
[Analyze grammar]

tato vilajjitogastya śāpodyatakaro muniḥ |
aparāddhaṃ bahu mayā krodhāṃdheneti durdhiyā || 53 ||
[Analyze grammar]

uvāca ceti bahuśo dhiṅmāṃ krodhavaśaṃgatam |
trailokyābhayadāṃ kāśīṃ śaptumudyatacetasam || 54 ||
[Analyze grammar]

duḥkhārṇava nimagnānāṃ yātāyāteti khedinām |
karmapāśitakaṃṭhānāṃ kāśyekā muktisādhanam || 55 ||
[Analyze grammar]

sarveṣāṃ jaṃtujātānāṃ jananyekaikkāśikā |
mahāmṛtastanyadātrī netrī ca paramaṃ padam || 56 ||
[Analyze grammar]

jananyā saha no kāśī labhedupamitiṃ kvacit |
dhārayejjananī garbhe kāśī garbhādvimocayet || 57 ||
[Analyze grammar]

evaṃbhūtāṃ tu yaḥ kāśīmanyopi hi śapiṣyati |
tasyaiva śāpo bhavitā na tu kāśyāḥ kathaṃcana || 58 ||
[Analyze grammar]

iti durvāsaso vākyaṃ śrutvā devastrilocanaḥ |
atīva tuṣito jātaḥ kāśīstavana labdhamut || 59 ||
[Analyze grammar]

yaḥ kāśīṃ stauti medhāvī yaḥ kāśīṃ hṛdi dhārayet |
tena taptaṃ tapastīvraṃ teneṣṭaṃ kratukoṭibhiḥ || 60 ||
[Analyze grammar]

jihvāgre vartate yasya kāśītyakṣarayugmakam |
na tasya garbhavāsaḥ syātkvacideva sumedhasaḥ || 61 ||
[Analyze grammar]

yo maṃtraṃ japati prātaḥ kāśī varṇadvayātmakam |
sa tu lokadvayaṃ jitvā lokātītaṃ vrajetpadam || 62 ||
[Analyze grammar]

ānusūyeya te jñānaṃ kāśīstavana puṇyataḥ |
yathedānīṃ samutpannaṃ tathā na tapasaḥ purā || 63 ||
[Analyze grammar]

mune na me priyastadvaddīkṣito mama pūjakaḥ |
yādṛkpriyataraḥ satyaṃ kāśīstavana lālasaḥ || 64 ||
[Analyze grammar]

tādṛktuṣṭirna me dānaistādṛktuṣṭirna me makhaiḥ |
na tuṣṭistapasā tādṛgyādṛśī kāśisaṃstavaiḥ || 65 ||
[Analyze grammar]

ānaṃdakānanaṃ yena stutametatsucetasā |
tenāhaṃ saṃstutaḥ samyaksarvaiḥ sūktaiḥ śrutīritaiḥ || 66 ||
[Analyze grammar]

tava kāmāḥ samṛddhāḥ syurānusūyeya tāpasa |
jñānaṃ te paramaṃ bhāvi mahāmohavināśanam || 67 ||
[Analyze grammar]

aparaṃ ca varaṃ brūhi kiṃ dātavyaṃ tavānagha |
tvādṛśā eva munayaḥ ślāghanīyā yataḥ satām || 68 ||
[Analyze grammar]

yasyāstveva hi sāmarthyaṃ tapasaḥ kruddhyatīhasaḥ |
kupitopyasamarthastu kiṃ kartā kṣīṇavṛttivat || 69 ||
[Analyze grammar]

iti śrutvā pariṣṭutya durvāsāḥ kṛttivāsasam |
varaṃ ca prārthayāmāsa parihṛṣṭa tanūruhaḥ || 70 ||
[Analyze grammar]

durvāsā uvāca |
devadeva jagannātha karuṇākara śaṃkara |
mahāparādhavidhvaṃsinnaṃdhakāre smarāṃtaka || 71 ||
[Analyze grammar]

mṛtyuṃjayograbhūteśa mṛḍānīśa trilocana |
yadi prasanno me nātha yadi deyo varo mama || 72 ||
[Analyze grammar]

tadidaṃ kāmadaṃ nāma ligamastviha dhūrjaṭe |
idaṃ ca palvalaṃ metra kāmakuṃḍākhyamastu vai || 73 ||
[Analyze grammar]

devadeva uvāca |
evamastu mahātejo mune paramakopana |
yattvayā sthāpitaṃ liṃgaṃ durvāseśvarasaṃjñitam || 74 ||
[Analyze grammar]

tadeva kāmakṛnnṛṇāṃ kāmeśvaramihāstviti |
yaḥ pradoṣe trayodaśyāṃ śanivāsarasaṃyuji || 75 ||
[Analyze grammar]

saṃsnāsyati naro dhīmānkāmakuṃḍe tvadāspade |
tvatsthāpitaṃ ca kāmeśaṃ liṃgaṃ drakṣyati mānavaḥ || 76 ||
[Analyze grammar]

sa vai kāmakṛtāddoṣādyāmīṃ nāpsyati yātanām |
bahavopi hi pāpmāno bahubhirjanmabhiḥ kṛtāḥ || 77 ||
[Analyze grammar]

kāmatīrthāṃbu saṃsnānādyāsyaṃti vilayaṃ kṣaṇāt |
 kāmāḥ samṛddhimāpsyaṃti kāmeśvara niṣevaṇāt || 78 ||
[Analyze grammar]

iti dattvā varāñśaṃbhustalliṃge layamāyayau |
skaṃda uvāca |
talliṃgārādhanātkāmāḥ prāptā durvāsasā bhṛśam || 79 ||
[Analyze grammar]

tasmātsarvaprayatnena kāśyāṃ kāmeśvaraḥ sadā |
pūjanīyaḥ prayatnena mahākāmābhilāṣukaiḥ || 80 ||
[Analyze grammar]

kāmakuṃḍakṛtasnānairmahāpātakaśāṃtaye |
idaṃ kāmeśvarākhyānaṃ yaḥ paṭhiṣyati puṇyavān |
yaḥ śroṣyati ca medhāvī tau niṣpāpau bhaviṣyataḥ || 81 ||
[Analyze grammar]

iti śrīskāṃde mahāpurāṇa ekāśītisāhasryāṃ sahitāyāṃ caturthe kāśīkhaṃḍa uttarārdhe durvāsaso varapradānaṃ nāma paṃcāśītitamo'dhyāyaḥ || 85 ||
[Analyze grammar]