Chapter 23

[English text for this chapter is available]

agastya uvāca |
trilocanaṃ samāsādya devadevaḥ ṣaḍānanaḥ |
jagadaṃbikayāyuktaḥ kiṃ cakārāśu tadvada || 1 ||
[Analyze grammar]

skanda uvāca |
mune kalaśajākhyāmi yatpṛṣṭaṃ tanniśāmaya |
virajaḥsaṃjñakaṃ pīṭhaṃ yatproktaṃ sarvasiddhidam || 2 ||
[Analyze grammar]

tatpīṭhadarśanādeva virajā jāyate naraḥ |
yatrāsti tanmahāliṃgaṃ vārāṇasyāṃ trilocanam || 3 ||
[Analyze grammar]

tīrthaṃ pilipilākhyaṃ taddyunadyaṃbhasi viśrutam |
sarvatīrthamayaṃ tīrthaṃ tatkāśyāṃ parigīyate || 4 ||
[Analyze grammar]

viṣṭapatritayāṃtarye devarṣimanujoragāḥ |
sasaritparvatāraṇyāḥ saṃti te tatra yanmune || 5 ||
[Analyze grammar]

tadārabhya ca tattīrthaṃ tacca liṃgaṃ trilocanam |
triviṣṭapamiti khyātamatohetormahattaram || 6 ||
[Analyze grammar]

triviṣṭapasya liṃgasya mahimoktāḥ pinākinā |
jagajjananyāḥ purato yathā vacmi tathā mune || 7 ||
[Analyze grammar]

devyuvāca |
devadeva jagannātha śarva sarvada sarvaga |
sarvadṛksarvajanaka kiṃcitpṛcchāmi tadvada || 8 ||
[Analyze grammar]

idaṃ tava priyaṃ kṣetraṃ karmabījamahauṣadham |
naiḥśreyasyāḥ śriyo gehaṃ mamāpi prītidaṃ mahat || 9 ||
[Analyze grammar]

yatkṣetrarajasopyagre trilokyapi tṛṇāyate |
tasyākhilasya mahimā viṣvakkenāvagamyate || 10 ||
[Analyze grammar]

yānīha saṃti liṃgāni tāni sarvāṇyasaṃśayam |
nirvāṇakāraṇānyeva svayaṃbhūnyapi tānyapi || 11 ||
[Analyze grammar]

yadyapyevaṃ tathāpīśa viśeṣaṃ vaktumarhasi |
kāśyāmanādisiddhāni kāni liṃgāni śaṃkara || 12 ||
[Analyze grammar]

yatra devaḥ sadā tiṣṭhetsaṃvarte'pi sa vallabhaḥ |
yairiyaṃ prathitiṃ prāptā kāśī muktipurīti ca || 13 ||
[Analyze grammar]

yeṣāṃ smaraṇatopyatra bhavetpāpasya saṃkṣayaḥ |
darśanasparśanābhyāṃ ca syātāṃ svargāpavargakau || 14 ||
[Analyze grammar]

yeṣāṃ samarcanādeva madhye janma sakṛdvibho |
liṃgāni pūjitāni syuḥ kāśyāṃ sarvāṇi niścitam || 15 ||
[Analyze grammar]

vidhāya mayyanukrośaṃ kāruṇyāmṛtasāgara |
etadācakṣva me śaṃbho pādayoḥ praṇatāsmyaham || 16 ||
[Analyze grammar]

ityākarṇya maheśānastasyā devyāḥ subhāṣitam |
kathayāmāsa rvidhyāre mahāliṃgāni sattama || 17 ||
[Analyze grammar]

yannāmākarṇanādeva kṣīyaṃte pāparāśayaḥ |
prāpyate puṇyasaṃbhāraḥ kāśyāṃ nivārṇakāraṇam || 18 ||
[Analyze grammar]

devadeva uvāca |
śṛṇu devi paraṃ guhyaṃ kṣetre'sminmuktikāraṇam |
idaṃ vidaṃti naivāpi brahmanārāyaṇādayaḥ || 19 ||
[Analyze grammar]

asaṃkhyātāni liṃgāni pārvatyānaṃdakānane |
sthūlānyapi ca sūkṣmāṇi nānāratnamayāni ca || 20 ||
[Analyze grammar]

nānādhātumayānīśe dārṣadānyapyanekaśaḥ |
svayaṃbhūnyapyanekāni devarṣisthāpitānyaho || 21 ||
[Analyze grammar]

siddhacāraṇagaṃdharva yakṣarakṣorcitānyapi |
asuroragamartyaiśca dānavairapsarogaṇaiḥ || 22 ||
[Analyze grammar]

diggajergiribhistīrtherṛkṣa vānara kinnaraiḥ |
patatripramukhairdevi svasvanāmāṃkitāni vai || 23 ||
[Analyze grammar]

pratiṣṭhitāni yānīha muktihetūni tānyapi |
adṛśyānyapi dṛśyāni duravasthānyapi priye || 24 ||
[Analyze grammar]

bhagnānyapi ca kālena tāni pūjyāni suṃdari |
parārdhaśatasaṃkhyāni gaṇitānyekadā mayā || 25 ||
[Analyze grammar]

gaṃgābhasyapi tiṣṭhaṃti ṣaṣṭikoṭimitānihi |
siddhaliṃgāni tānīśe tiṣye'dṛśyatvamāyayuḥ || 26 ||
[Analyze grammar]

gaṇanādivasādavārṅmamabhaktajanaiḥpriye |
pratiṣṭhitāni yānīha teṣāṃ saṃkhyā na vidyate || 27 ||
[Analyze grammar]

tvayā tu yāni pṛṣṭāni yairidaṃ kṣetramuttamam |
tāni liṃgāni vakṣyāmi muktihetūni suṃdari || 28 ||
[Analyze grammar]

kalāvatīva gopyāni bhaviṣyaṃti girīṃdraje |
paraṃ teṣāṃ prabhāvo yaḥ svasvasthānaṃ na hāsyati || 29 ||
[Analyze grammar]

kalikalmaṣapuṣṭā ye ye duṣṭā nāstikāḥ śaṭhāḥ |
eteṣāṃ siddhaliṃgānāṃ jñāsyaṃtyākhyāmapīha na || 30 ||
[Analyze grammar]

nāmaśravaṇatopīha yalliṃgānāṃ śubhānane |
vṛjināni kṣayaṃ yāṃti vardhaṃte puṇyarāśayaḥ || 31 ||
[Analyze grammar]

oṃkāraḥ prathamaṃ liṃgaṃ dvitīyaṃ ca trilocanam |
tṛtīyaśca mahādevaḥ kṛttivāsāścaturthakam || 32 ||
[Analyze grammar]

ratneśaḥ paṃcamaṃ liṃgaṃ ṣaṣṭhaṃ caṃdreśvarābhidham |
kedāraḥ saptamaṃ liṃgaṃ dharmeśaścāṣṭamaṃ priye || 33 ||
[Analyze grammar]

vīreśvaraṃ ca navamaṃ kāmeśaṃ daśamaṃ viduḥ |
viśvakarmeśvaraṃ liṃgaṃ śubhamekādaśaṃ param || 34 ||
[Analyze grammar]

dvādaśaṃ maṇikarṇīśamavimuktaṃ trayodaśam |
caturdaśaṃ mahāliṃgaṃ mama viśveśvarābhidham || 35 ||
[Analyze grammar]

priye caturdaśaitāni śriyohetūni suṃdari |
eteṣāṃ samavāyoyaṃ muktikṣetramiheritam || 36 ||
[Analyze grammar]

devatāḥ samadhiṣṭhātryaḥ kṣetrasyāsya parā imāḥ |
ārādhitāḥ prayacchaṃti nṛbhyo naiḥśreyasīṃ śriyam || 37 ||
[Analyze grammar]

ānaṃdakānane muktyai proktānyetāni suṃdari |
priye caturdaśejyāni mahāliṃgāni dehinām || 38 ||
[Analyze grammar]

pratimāsaṃ samārabhya tithiṃ pratipadaṃ śubhām |
eteṣāṃ liṃgamukhyānāṃ kāryā yātrā prayatnataḥ || 39 ||
[Analyze grammar]

anārādhya mahādevameṣu liṃgeṣu kuṃbhaja |
kaḥ kāśyāṃ mokṣamāpnoti satyaṃ satyaṃ punaḥpunaḥ || 40 ||
[Analyze grammar]

tasmātsarvaprayatnena kāśīphalamabhīpsubhiḥ |
pūjyānyetāni liṃgāni bhaktyā paramayā mune || 41 ||
[Analyze grammar]

agastya uvāca |
etānyeva kimanyāni mahāliṃgāni ṣaṇmukha |
nirvāṇakāraṇānīha yadi saṃti tadā vada || 42 ||
[Analyze grammar]

skaṃda uvāca |
anyānyapi ca saṃtīha mahāliṃgāni suvrata |
kaliprabhāvādguptāni bhaviṣyaṃtyeva tāni vai || 43 ||
[Analyze grammar]

yasyeśvare sadābhaktiryaḥ kāśītattvavittamaḥ |
sa evaitāni liṃgāni vetsyatyanyo na kaścana || 44 ||
[Analyze grammar]

yeṣāṃ nāmagraheṇāpi kalikalmaṣa saṃkṣayaḥ |
amṛteśastārakeśo jñāneśaḥ karuṇeśvaraḥ || 45 ||
[Analyze grammar]

mokṣadvāreśvaraścaiva svargadvāreśvarastathā |
brahmeśo lāṃgalaścaiva vṛddhakāleśvarastathā || 46 ||
[Analyze grammar]

vṛṣeśaścaiva caṃḍīśo naṃdikeśo maheśvaraḥ |
jyotīrūpeśvaraṃ liṃgaṃ khyātamatra caturdaśam || 47 ||
[Analyze grammar]

kāśyāṃ caturdaśaitāni mahāliṃgāni suṃdari |
imāni muktihetūni liṃgānyānaṃdakānane || 48 ||
[Analyze grammar]

kalikalmaṣabuddhīnāṃ nākhyeyāni kadācana |
etānyārādhayedyastu liṃgānīha caturdaśa || 49 ||
[Analyze grammar]

na tasya punarāvṛttiḥ saṃsārādhvani karhicit |
kāśīkośoyamatulo na prakāśyo yatastataḥ || 50 ||
[Analyze grammar]

etalliṃgābhidhā devi mahāpadyapi duḥkhahṛt |
rahasyaṃ paramaṃ caitatkṣetrasyāsya varānane || 51 ||
[Analyze grammar]

caturdaśāpi liṃgāni matsānnidhyakarāṇi hi |
avimuktasya hṛdayametadeva girīṃdraje || 52 ||
[Analyze grammar]

imāni yāni liṃgāni sarveṣāṃ muktidāni hi |
ekaikabhuvanasyeha sāramādāya sarvataḥ |
mayaitāni kṛtānyeva mahābhaktikṛpāvaśāt || 53 ||
[Analyze grammar]

asminkṣetre dhruvaṃ muktiriti yā prathiti priye |
kāraṇaṃ tatra liṃgāni mamaitāni caturdaśa || 54 ||
[Analyze grammar]

ta eva vratinaḥ kāṃte ta eva ca tapasvinaḥ |
dhyātānyetāni yairbhaktairliṃgānyānaṃdakānane || 55 ||
[Analyze grammar]

ta evābhyastasadyogā dattadānāsta eva hi |
kāśyāmimāni liṃgāni yairdṛṣṭānyapi dūrataḥ || 56 ||
[Analyze grammar]

iṣṭāpūrtāśca ye dharmāḥ praṇītā munisattamaiḥ |
te sarve tena vihitā yāvajjīvaṃ nirenasā || 57 ||
[Analyze grammar]

yenāvimuktamāsādya mahāliṃgāni pārvati |
sakṛdabhyarcitānīha sa mukto nātra saṃśayaḥ || 58 ||
[Analyze grammar]

skaṃda uvāca |
anyānyapi ca viṃdhyāre devyai proktāni śaṃbhunā |
svabhaktānāṃ hitāthārya tānyathākarṇayāgraja || 59 ||
[Analyze grammar]

śaileśaḥ saṃgameśaśca svarlīno madhyameśvaraḥ |
hiraṇyagarbha īśāno goprekṣo vṛṣabhadhvajaḥ || 60 ||
[Analyze grammar]

upaśāṃta śivo jyeṣṭho nivāseśvara eva ca |
śukreśo vyāghraliṃgaṃ ca jaṃbukeśaṃ caturdaśam || 61 ||
[Analyze grammar]

mune caturdaśaitāni mahāṃtyāyatanāni vai |
eteṣāmapi sevāto naro mokṣamavāpnuyāt || 62 ||
[Analyze grammar]

caitrakṛṣṇapratipadaṃ samārabhya prayatnataḥ |
ā caturdaśipūjyāni liṃgānyetāni sattamaiḥ || 63 ||
[Analyze grammar]

eteṣāṃ vārṣikī yātrā sumahotsavapūrvakam |
kāryā mumukṣubhiḥ samyakkṣetrasaṃsiddhidāyinī || 64 ||
[Analyze grammar]

mune caturdaśaitāni mahāliṃgāni yatnataḥ |
dṛṣṭvā na jāyate jaṃtuḥ saṃsāre duḥkhasāgare || 65 ||
[Analyze grammar]

kṣetrasya paramaṃ tattvametadeva priye dhruvam |
saṃsārarogagrastānāmidameva mahauṣadham || 66 ||
[Analyze grammar]

kṣetrasyopaniṣaccaiṣā muktibījamidaṃ param |
karmakānanadāvāgnireṣā liṃgāvaliḥ priye || 67 ||
[Analyze grammar]

ekaikasyāsya liṃgasya mahimādyaṃta varjitaḥ |
mayaiva jñāyate devi samyaṅnānyena kenacit || 68 ||
[Analyze grammar]

iti śrutvā mune prāha devī hṛṣṭatanūruhā |
praṇamya devamīśānaṃ sarvajñaṃ sarvadaṃ śivam || 69 ||
[Analyze grammar]

devyuvāca |
rahasyaṃ paramaṃ kāśyāṃ yadetatsamudīritam |
tacchrutvotsukatāṃ prāptaṃ mano metīva vallabha || 70 ||
[Analyze grammar]

yaduktaṃ ligamekaikaṃ mahāsārataraṃ param |
kāśyāṃ paramanirvāṇakāraṇaṃ kāraṇeśvara || 71 ||
[Analyze grammar]

pratyekaṃ mahimānaṃ me brūhyeṣāṃ bhuvaneśvara |
caturdaśānāṃ liṃgānāṃ śravaṇādaghahāriṇām || 72 ||
[Analyze grammar]

oṃkāreśasya liṃgasya kathamatra samāgamaḥ |
atipuṇyatamāttasmātkṣetrādamarakaṃṭakāt || 73 ||
[Analyze grammar]

kimātmako'yamoṃkāro mahimāsya ca ko hara |
kenārādhi purā caiṣa dadāvārādhitaśca kim || 74 ||
[Analyze grammar]

mṛḍānīvāksudhāmetāṃ vidhāya śrutigocarām |
kathāmakathayaddeva oṃkārasyamahādbhutām || 75 ||
[Analyze grammar]

devadeva uvāca |
kathāmākarṇayāparṇe varṇayāmi tavāgrataḥ |
yathoṃkārasya liṃgasya prādurbhāva ihābhavat || 76 ||
[Analyze grammar]

purānaṃdavane cātra brahmaṇā viśvayoninā |
tapastaptaṃ mahādevi samādhiṃ dadhatāparam || 77 ||
[Analyze grammar]

pūrṇe yugasahasre'tha bhittvā pātālasaptakam |
udatiṣṭhatpurojyotirvidyotita harinmukham || 78 ||
[Analyze grammar]

yadaṃtarāvirabhavannirvyājena samādhinā |
tadeva paramaṃ dhāma bahirāvirabhūdvidheḥ || 79 ||
[Analyze grammar]

yobhūccaṭacaṭāśabdaḥ sphuṭato bhūmibhāgataḥ |
tacchabdādvyasṛjadvedhāḥ samādhiṃ kramato vaśī || 80 ||
[Analyze grammar]

sraṣṭāvisṛṣṭa taddhyāno yāvadunmīlyalocane |
puraḥ paśyeddadarśāgre tāvadakṣaramādimam || 81 ||
[Analyze grammar]

akāraṃ sattvasaṃpannamṛkkṣetraṃ sṛṣṭipālakam |
nārāyaṇātmakaṃ sākṣāttamaḥ pāre pratiṣṭhitam || 82 ||
[Analyze grammar]

ukāramatha tasyāgre rajorūpaṃ yajurjanim |
vidhātāraṃ samastasya svākāramiva biṃbitam || 83 ||
[Analyze grammar]

nīravadhvāṃtasaṃketa sadanābhaṃ tadagrataḥ |
makāraṃ sa dadarśātha tamorūpaṃ viśeṣataḥ || 84 ||
[Analyze grammar]

sāmno yoniṃ laye hetuṃ sākṣādrudrasvarūpiṇam |
atha tatpurato dhyātā vyadhātsvanayanātithim || 85 ||
[Analyze grammar]

viśvarūpamayākāraṃ saguṇaṃ vāpi nirguṇam |
anākhyanādasadanaṃ paramānaṃdavigraham || 86 ||
[Analyze grammar]

śavdabrahmeti yatkhyātaṃ sarvavāṅmayakāraṇam |
athopariṣṭānnādasya biṃdurūpaṃ parātparam || 87 ||
[Analyze grammar]

kāraṇaṃ kāraṇānāṃ ca jagadyoniṃ ca taṃ param |
vidhirvilokayāṃcakre tapasāgocarīkṛtam || 88 ||
[Analyze grammar]

avanādomiti khyātaṃ sarvasyāsya prabhāvataḥ |
bhaktamunnayate yasmāttadomiti ya īritaḥ || 89 ||
[Analyze grammar]

arūpopi sarūpāḍhyaḥ sa dhātrā netragīkṛtaḥ |
tārayedyadbhavāṃbhodheḥ svajapāsaktamānasam |
tatastāra iti khyāto yastaṃ brahmā vyalokayat || 90 ||
[Analyze grammar]

praṇūyate yataḥ sarvaiḥ paranirvāṇakāmukaiḥ |
sarvebhyobhyadhikastasmātpraṇavo yaiḥ prakīrtitaḥ || 91 ||
[Analyze grammar]

svasevitāraṃ puruṣaṃ praṇayedyaḥ paraṃpadam |
atastapraṇavaṃ śāṃtaṃ pratyakṣīkṛtavānvidhiḥ || 92 ||
[Analyze grammar]

trayīmayasturīyoyasturyātītokhilātmakaḥ |
nādabiṃdusvarūpo yaḥ sa praikṣi dvijagāminā || 93 ||
[Analyze grammar]

prāvartaṃta yato vedāḥ sāṃgāḥ sarvasya yonayaḥ |
savedādiḥ padmabhuvā purastādavalokitaḥ || 94 ||
[Analyze grammar]

vṛṣabho yastridhābaddho roravīti mahomayaḥ |
sanetraviṣayī cakre paramaḥ parameṣṭhinā || 95 ||
[Analyze grammar]

śṛṃgaścatvāri yasyāsanhastāsaḥ sapta eva ca |
dve śīrṣe ca trayaḥ pādāḥ sa devo vidhinaikṣata || 96 ||
[Analyze grammar]

yadaṃtarlīnamakhilaṃ bhūtaṃ bhāvi bhavatpunaḥ |
tadbījaṃ bījarahitaṃ druhiṇena vilokitam || 97 ||
[Analyze grammar]

līnaṃ mṛgyeta yatraitadābrahmastaṃbabhājanam |
ataḥ sa bhājyate sadbhiryalliṃgaṃ tadvilokitam || 98 ||
[Analyze grammar]

paṃcārthā yatra bhāsaṃte paṃcabrahmamayaṃ hi yat |
ādipaṃcasvarūpaṃyanniraikṣi brahmaṇā hi tat || 99 ||
[Analyze grammar]

tamālokya tato vedhā liṃgarūpiṇamīśvaram |
paṃcākṣaraṃ prapaṃcācca bhinnaṃ tuṣṭāva śaṃkaram || 100 ||
[Analyze grammar]

brahmovāca || |
nama oṃkārarūpāya namo'kṣaravapurdhṛte |
namo'kārādivarṇānāṃ prabhavāya sadāśiva || 1 ||
[Analyze grammar]

akārastvamukārastvaṃ makārastvamanākṛte |
ṛgyajuḥ sāmarūpāya rūpātītāya te namaḥ || 2 ||
[Analyze grammar]

namo nādātmane tubhyaṃ namo biṃdukalātmane |
aliṃgaliṃgarūpāya sarvarūpasvarūpiṇe || 3 ||
[Analyze grammar]

namaste dhāma nidhaye nidhanādivivarjita |
namo bhavāya rudrāya śarvāya ca namostute || 4 ||
[Analyze grammar]

nama ugrāya bhīmāya paśūnāṃ pataye namaḥ |
namastārasvarūpāya saṃbhavāya namostu te || 5 ||
[Analyze grammar]

amāyāya namastubhyaṃ namaḥ śivatarāya te |
kapardine namastubhyaṃ śitikaṃṭha namostu te || 6 ||
[Analyze grammar]

mīḍhuṣṭamāya giriśa śipiviṣṭāya te namaḥ |
namo'hrasvāya kharvāya bṛhate vṛddharūpiṇe || 7 ||
[Analyze grammar]

kumāragurave tubhyaṃ kumāravapuṣe namaḥ |
namaḥ śvetāya kṛṣṇāya pītāyāruṇamūrtaye || 8 ||
[Analyze grammar]

dhūmravarṇāya piṃgāya namaḥ kirmīravarcase |
namaḥ pāṭalavarṇāya namo haritatejase || 9 ||
[Analyze grammar]

nānāvarṇasvarūpāya varṇānāṃ pataye namaḥ |
namaste svararūpāya namo vyaṃjanarūpiṇe || 110 ||
[Analyze grammar]

udāttāyānudāttāya svaritāya namo namaḥ |
hrasvadīrghapluteśāya savisargāya te namaḥ || 11 ||
[Analyze grammar]

anusvārasvarūpāya namaste sānunāsika |
namo niranunāsāya daṃtyatālavyarūpiṇe || 12 ||
[Analyze grammar]

oṣṭhyorasyasvarūpāya nama ūṣmasvarūpiṇe |
aṃtasthāya namastubhyaṃ paṃcamāya pinākine || 13 ||
[Analyze grammar]

niṣādāya namastubhyaṃ niṣādapataye namaḥ |
vīṇāveṇumṛdaṃgādi vādyarūpāya te namaḥ || 14 ||
[Analyze grammar]

namastārāya maṃdrāya ghorāyāghoramūrtaye |
namastānasvarūpāya mūrcchanāṃ pataye namaḥ || 15 ||
[Analyze grammar]

sthāyisaṃcāribhedena namo bhāvasvarūpiṇe |
tālapriyāya tālāya lāsyatāṃḍavajanmane || 16 ||
[Analyze grammar]

tauryatrikasvarūpāya tauryatrikamahāpriya || tauryatrikakṛtāṃbhaktyā nirvāṇaśrīpradāyaka || 17 ||
[Analyze grammar]

sthūlasūkṣmasvarūpāya dṛśyādṛśya svarūpiṇe |
arvācīnāya ca namaḥ parācīnāya te namaḥ || 18 ||
[Analyze grammar]

vākprapaṃca svarūpāya vākprapaṃca parāya ca |
ekāyānekabhedāya sadasatpataye namaḥ || 19 ||
[Analyze grammar]

śabdabrahma namastubhyaṃ parabrahma namostute |
namo vedāṃtavedyāya vedānāṃ pataye namaḥ || 120 ||
[Analyze grammar]

namo vedasvarūpāya vedagocaramūrtaye |
pārvatīśa namastubhyaṃ jagadīśa namostu te || 21 ||
[Analyze grammar]

namaste devadeveśa deva divyapadaprada |
śaṃkarāya namastubhyaṃ namastubhyaṃ maheśvara || 22 ||
[Analyze grammar]

namaste jagadānaṃda namaste śaśiśekhara |
mṛtyuṃjaya namastubhyaṃ namaste tryaṃbakāya ca || 23 ||
[Analyze grammar]

namaḥ pinākahastāya triśūlāyudhadhāriṇe |
namastripurahaṃtre ca namoṃdhaka niṣūdana || 24 ||
[Analyze grammar]

kaṃdarpadarpadalana namojālaṃdharāraye |
kālāya kālakālāya kālakūṭaviṣādine || 25 ||
[Analyze grammar]

viṣādahaṃtre bhaktānāmabhaktaika viṣādada |
jñānāya jñānarūpāya sarvajñāya namo'stute || 26 ||
[Analyze grammar]

yogasiddhipradosi tvaṃ yogināṃ yogasattama |
tapasāṃ phaladosi tvaṃ tapasvibhyastapodhana || 27 ||
[Analyze grammar]

tvameva maṃtrarūposi maṃtrāṇāṃ phalado bhavān |
mahādānaphalaṃ tvaṃ vai mahādānaprado bhavān || 26 ||
[Analyze grammar]

mahāyajñastvameveśa mahāyajña phalaprada |
tvaṃ sarvaḥ sarvagastvaṃ vai sarvadaḥ sarvadṛgbhavān || 29 ||
[Analyze grammar]

sarvabhuksarvakartā tvaṃ sarvasaṃhārakāraka |
yogināṃ hṛdayākāśa kṛtālaya namostu te || 130 ||
[Analyze grammar]

tvameva viṣṇurūpeṇa śaṃkhacakragadādhara |
trilokīṃ trāyase trātaḥ sattvamūrte namostu te || 31 ||
[Analyze grammar]

tvameva vidadhāsye tadvidhirbhūtvā vidhānavit |
rajorūpaṃ samālaṃbya nīrajaskapadaprada || 32 ||
[Analyze grammar]

tvameva hi mahārudrastvaṃ mahogro bhujaṃgabhṛt |
tvameva hi mahābhīmo mahāpitṛvanecara || 33 ||
[Analyze grammar]

tāmasīṃ tanumāśritya tvaṃ kṛtāṃta kṛtāṃtaka |
kālāgnirudro bhū'tvāṃte tvaṃ saṃvarta pravartakaḥ || 34 ||
[Analyze grammar]

tvaṃ puṃprakṛtirūpābhyāṃ mahadādyakhilaṃ jagat |
akṣipakṣmasamutkṣepātpunarāviḥ karopyaja || 35 ||
[Analyze grammar]

unmeṣavinimeṣau te sargāsargaikakāraṇam |
kapālamālākheloyaṃ bhavataḥ svairacāriṇaḥ || 36 ||
[Analyze grammar]

tvatkaṃṭhe nṛkaroṭīyaṃ dhūrjaṭe yā vibhāsate |
sarveṣāmaṃtadagdhānāṃ sāsphuṭaṃ bījamālikā || 37 ||
[Analyze grammar]

tvattaḥ sarvamidaṃ śaṃbho tvayi sarvaṃ carācaram |
kastvāṃ stotuṃ vijānāti purāṃ vācāmagocaram || 38 ||
[Analyze grammar]

stotā tvaṃ hi stutistvaṃ hi nityaṃ stutyastvameva ca |
vedmyoṃ namaḥ śivāyeti nānyadve'dmyeva kiṃcana || 39 ||
[Analyze grammar]

tvameva hi śaraṇyaṃ me tvameva hi gatiḥ parā |
tvāmeva praṇamāmīśa namastubhyaṃ namo namaḥ || 140 ||
[Analyze grammar]

ityudīryāsakṛdvedhāḥ praṇanāma maheśvaram |
praṇavākhyaṃ mahāliṃgarūpiṇaṃ daṃḍavatkṣitau || 41 ||
[Analyze grammar]

īśvara uvāca |
tato girīṃdratanaye śrutvā brahmastutiṃ parām |
paramaiśvaryasaṃpatti hetuṃ tuṣṭohamadbhutam || 42 ||
[Analyze grammar]

amūrto'haṃ tato liṃgānmūrtimāsthāya śāṃkarīm |
prasannosmi varaṃ brūhītyuvāca caturānanam || 43 ||
[Analyze grammar]

caturvaktraḥ samutthāya pratyakṣaṃ vīkṣya māmatha |
punarjayajayetyuktvā praṇanāma kṛtāṃjaliḥ || 44 ||
[Analyze grammar]

ānaṃdabāṣpasalilanetro hṛṣṭatanūruhaḥ |
gadgadena svareṇātha provāca jalajāsanaḥ || 45 ||
[Analyze grammar]

brahmovāca |
yadi prasanno deveśa yadi deyo varo mama |
tadetasminmahāliṃge sānnidhyaṃ te'stu śaṃkara || 46 ||
[Analyze grammar]

ayameva varo deyo nānyaṃ varamahaṃ vṛṇe |
oṃkāreśvaranāmaitadastu bhaktaikamuktidam || 47 ||
[Analyze grammar]

skaṃda uvāca |
vidhyuktamiti viprarṣe samākarṇya tadeśitā |
uvāca vacanaṃ caitattathāstu caturānanam || 48 ||
[Analyze grammar]

varānanyānapi vibhuḥ prasannastatkṣaṇāddadau |
vidhaye dīrghatapase tayā stutyātitoṣitaḥ || 49 ||
[Analyze grammar]

īśvara uvāca |
suraśreṣṭha tapaḥśreṣṭha sarvāmnāya nidhirbhava |
sṛṣṭeḥkaraṇasāmarthyaṃ tavāstu madanugrahāt || 150 ||
[Analyze grammar]

pitāmahastvaṃ sarveṣāṃ sarveṣāṃ mānyabhūrbhavān |
tvattapaḥphaladānārthaṃ yadetalliṃgamutthitam || 51 ||
[Analyze grammar]

paramoṃkārarūpaṃ ca śabdabrahmamayaṃ vidhe |
asyārādhanataḥ puṃsāṃ na dūraṃ brahmaṇaḥ padam || 52 ||
[Analyze grammar]

akārākhyamidaṃ liṃgamukārākhyamidaṃ param |
makārāhvayametacca nādākhyaṃ biṃdusaṃjñakam || 53 ||
[Analyze grammar]

paṃcāyatanamīśānamitthametadudīritam |
mokṣāya sarvajaṃtūnāmasminnānaṃdakānane || 54 ||
[Analyze grammar]

snātvā matsyodarī tīrthe vilokyoṃkāramīśvaram |
na jātu jāyate jaṃturjananī jaṭhare kvacit || 55 ||
[Analyze grammar]

etannādeśvaraṃ liṃgametalliṃgaṃ sudurlabham |
ramye matsyodarī tīre dṛṣṭaṃ spṛṣṭaṃ vimuktidam || 56 ||
[Analyze grammar]

yadetatkāpilaṃ jyotiretalliṃge vilokyate |
atastu kapileśākhyametalliṃgaṃ sudurlabham || 57 ||
[Analyze grammar]

matsyodarī yadā gaṃgā kapileśvara sannidhau |
tadā tatra naraḥ snātvā brahmahatyāṃ vyapohati || 58 ||
[Analyze grammar]

varaṇotsiktapānīye dyunadītoyamiśrite |
snātvā nādeśvaraṃ dṛṣṭvā naraḥ kimanuśocati || 59 ||
[Analyze grammar]

aṣṭamyāṃ ca caturdaśyāṃ tīrthāni saha sāgaraiḥ |
ṣaṣṭi koṭi sahasrāṇi matsyodaryāṃ viśaṃti hi || 160 ||
[Analyze grammar]

praṇaveśa samīpe tu yadā gaṃgā sameṣyati |
tadā puṇyatamaḥ kālo devarṣi pitṛvallabhaḥ || 61 ||
[Analyze grammar]

tatra snānaṃ japodānaṃ havanaṃ devatārcanam |
matsyodaryāmakṣayaṃ syādoṃkāreśvarasannidhau || 62 ||
[Analyze grammar]

oṃkāradarśanādeva vājimedhaphalaṃ labhet |
tasmātkāśyāṃ prayatnena dṛśya oṃkāra īśvaraḥ || 63 ||
[Analyze grammar]

durlabhaṃ mānavaṃ janma caturvargaikasādhanam |
jalabudbudavattatsyānnādeśo yena nekṣitaḥ || 64 ||
[Analyze grammar]

nirīkṣya kapileśānaṃ snātvā matsyodarījale |
kṛtvā piṃḍapradānāni pitṝṇāmanṛṇo bhavet || 65 ||
[Analyze grammar]

kṛtvāpi mohātpāpāni bhūrīṇyeva mahāṃtyapi |
kāśyāmoṃkāramālokya kutastrasyati vai yamāt || 66 ||
[Analyze grammar]

oṃkārayātrābhimukhaṃ naraṃ vīkṣya pitāmahāḥ |
parinṛtyaṃti muditāḥ svasaṃtānasamudbhavam || 67 ||
[Analyze grammar]

yasya yasya ca vai nāma smṛtvā smṛtvā namasyati |
taṃ tamunnayate prājñaḥ pitaraṃ brahmaṇaḥ padam || 68 ||
[Analyze grammar]

rudrāṇāṃ niyutaṃ japtvā yatphalaṃ samyagāpyate |
tatphalaṃ labhate nūnaṃ bhaktyoṃkāra vilokanāt || 69 ||
[Analyze grammar]

kevalaṃ bhūmibhārāya janmino janma tasya vai |
yenānaṃdavane dṛṣṭo noṃkāraḥ sarvakāmadaḥ || 170 ||
[Analyze grammar]

ekamoṃkāramālokya samaste kṣoṇimaṃḍale || liṃ |
gajātāni sarvāṇi dṛṣṭāni syurna saṃśayaḥ || 71 ||
[Analyze grammar]

praṇaveśaṃ praṇamyātha yadyanyatra vipadyate |
svargalokamavāpyātha kāśyāṃ muktimavāpnuyāt || 72 ||
[Analyze grammar]

asmiṃlliṃge sadā brahmansthāsyāmīti viniścitam |
dāsyāmi ca sadā mokṣametalliṃgārcakāya vai || 73 ||
[Analyze grammar]

oṃkāraṃ sakṛdapyatra naro natvā prayatnataḥ |
kṛtakṛtyo bhavennūnaṃ paramānmadanugrahāta || 74 ||
[Analyze grammar]

oṃkārapaścime bhāge tāratīrthamanuttamam |
kṛtodakakriyastatra narastarati durgatim || 75 ||
[Analyze grammar]

oṃkāreśasya ye bhaktā jñeyāste naiva mānavāḥ |
manuṣyacarmaṇā naddhāste rudrā mokṣagāminaḥ || 76 ||
[Analyze grammar]

asya liṃgasya mahimā nānyairatrāvagamyate |
tvatpuṇyodayato yasmādvidhetrāvirabhūdidam || 77 ||
[Analyze grammar]

etalliṃgaprabhāvācca sarvaṃ jñāsyasi tattvataḥ |
vidhe vidhehi tasmāttvaṃ sarvametaccarācaram || 78 ||
[Analyze grammar]

iti dattvā varaṃ tasmai brahmaṇe padmasaṃbhave |
tasminneva mahāliṃge śaṃbhurlīno babhūva ha || 79 ||
[Analyze grammar]

skaṃda uvāca |
brahmāpi bhajatedyāpi talliṃgaṃ kalaśodbhava |
stuvanbrahma stavenaiva svātmanā vihitena hi || 180 ||
[Analyze grammar]

brahmastavaṃ japanmartyaḥ sarvaiḥ pāpaiḥ pramucyate |
pūryate ca mahāpuṇyairjñānaṃ prāpnoti sattamam || 81 ||
[Analyze grammar]

brahmastavamimaṃ japtvā trikālaṃ parivatsaram |
aṃtakāle bhavejjñānaṃ yena baṃdhātpramucyate || 182 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhtiाyāṃ caturthe kāśīkhaṃḍa uttarārdha oṃkāramahimavarṇanaṃnāma trisaptatitamo'dhyāyaḥ || 73 ||
[Analyze grammar]