Chapter 22

[English text for this chapter is available]

agastya uvāca |
pārvatīhṛdayānaṃda skaṃda sarvajñanaṃdana |
kāḥ kāstu śaktayastā vai tāsāṃ nāmāni me vada || 1 ||
[Analyze grammar]

skaṃda uvāca |
tāsāṃ paramaśaktīnāmumāvayavasaṃbhuvām |
ākhyāmyākhyāṃ śṛṇu mune kuṃbhasaṃbhava tattvataḥ || 2 ||
[Analyze grammar]

trailokyavijayā tārā kṣamā trailokyasuṃdarī |
tripurā trijaganmātā bhīmā tripurabhairavī || 3 ||
[Analyze grammar]

kāmākhyā kamalākṣī ca dhṛtistripuratāpanī |
jayā jayaṃtī vijayā jaleśī cāparājitā || 4 ||
[Analyze grammar]

śaṃkhinī gajavaktrā ca mahiṣaghnī raṇapriyā |
śubhānaṃdā koṭarākṣī vidyujjihvā śivāravā || 5 ||
[Analyze grammar]

trinetrā ca trivaktrā ca tripadā sarvamaṃgalā |
huṃkārahetistāleśī sarpāsyā sarvasuṃdarī || 6 ||
[Analyze grammar]

siddhirbuddhiḥ svadhā svāhā mahānidrā śarāśanā |
pāśapāṇiḥ kharamukhī vajratārā ṣaḍānanā || 7 ||
[Analyze grammar]

mayūravadanā kākī śukī bhāsī garutmatī |
padmāvatī padmakeśī padmāsyā padmavāsinī || 8 ||
[Analyze grammar]

akṣarā tryakṣarā taṃtuḥ praṇaveśī svarātmikā |
trivargā garvarahitā ajapā japahāriṇī || 9 ||
[Analyze grammar]

japasiddhistapaḥsiddhiryogasiddhiḥ parāmṛtā |
maitrīkṛnmitranetrā ca rakṣoghnī daityatāpanī || 10 ||
[Analyze grammar]

staṃbhanī mohanīmāyā bahumāyā balotkaṭā |
uccāṭanī maholkāsyā danujeṃdrakṣayaṃkarī || 11 ||
[Analyze grammar]

kṣemakarī siddhikarī chinnamastā śubhānanā |
śākaṃbharī mokṣalakṣmīstrivargaphaladāyinī || 12 ||
[Analyze grammar]

vārtālī jaṃbhalī klinnā aśvārūḍhā sureśvarī |
jvālāmukhī prabhṛtayo navakoṭyau mahābalāḥ || 13 ||
[Analyze grammar]

balāni balināṃ tābhirdānavānāṃ svalīlayā |
saṃkṣiptā nijagaṃtīva pralayānalahetebhiḥ || 14 ||
[Analyze grammar]

tāvatsa durgo daityeṃdraḥ payodāṃtarato balī |
cakāra karakāvṛṣṭiṃ vātyā vegavatīṃ bahu || 15 ||
[Analyze grammar]

tato bhagavatī devī śoṣaṇāstra prayogataḥ |
vṛṣṭiṃ nivārayāmāsa savarṣopalamayī kṣaṇāt || 16 ||
[Analyze grammar]

yoṣinmanorathavatī ṣaṃḍhaṃ prāpya yathā'phalā |
sā daityakarakāvṛṣṭirdevīṃ prāpya tathābhavat || 17 ||
[Analyze grammar]

atha daiteyarājena bāhusaṃkarṣakopataḥ |
utpāṭya śailaśikharaṃ parikṣiptaṃ nabhoṃgaṇāt || 18 ||
[Analyze grammar]

adreḥ śṛṃgaṃ suvistīrṇamāpatatparivīkṣya sā |
śatakoṭiprahāreṇa koṭiśaḥ sakalaṃ vyadhāt || 19 ||
[Analyze grammar]

āṃdolya maulimasakṛtkuṃḍalābhyāṃ virājitam |
gajībhūyāśu dudrāva tāṃ devīṃ samare'suraḥ || 20 ||
[Analyze grammar]

śailākāraṃ tamāyāṃtaṃ dṛṣṭvā bhagavatī gajam |
baddhvā pāśena javataḥ khaṅgena karamacchinat || 21 ||
[Analyze grammar]

tatotyaṃtaṃ sa cītkṛtya devyākṛttakaraḥkarī |
akiṃcitkaratāṃ prāpya māhiṣaṃ vapurādade || 22 ||
[Analyze grammar]

acalāṃ sacalāṃ sarvāṃ sa cakre suraghātataḥ |
śiloccayāṃśca bahuśaḥ śṛṃgābhyāṃ sokṣipadbalī || 23 ||
[Analyze grammar]

niḥśvāsavātanihatāḥ petururvyāṃ mahādrumāḥ |
udvelitāḥ samabhavansaptāpi jalarāśayaḥ || 54 ||
[Analyze grammar]

mahāmahiṣarūpeṇa tena trailokyamaṃḍapaḥ |
āṃdolitoti balinā yugāṃte vātyayā yathā || 25 ||
[Analyze grammar]

brahmāṃḍamapyakāṃḍena tadbhayena samākulam |
dṛṣṭvā bhagavatī kruddhā triśūlena jaghāna tam || 26 ||
[Analyze grammar]

triśūlaghātavibhrāṃtaḥ patitvā punarutthitaḥ |
taṃ tyaktvā māhiṣaṃ veṣamabhūdbāhusahasrabhṛt || 27 ||
[Analyze grammar]

sa durgo nitarāṃ durgo vibabhau samarājire |
āyudhānāṃ sahasrāṇi bibhratkālāṃtakopamaḥ || 28 ||
[Analyze grammar]

atha tūrṇaṃ sa daityeṃdrastāṃ devīṃ raṇakovidām |
mahābalaḥ pragṛhyāśu nītavānāngaganāṃgaṇam || 29 ||
[Analyze grammar]

tato nabhoṃgaṇāddūrātkṣiptvā sa jagadaṃbikām |
kṣaṇātkalaṃbajālena cchādayāmāsa vegavān || 30 ||
[Analyze grammar]

athāṃtarikṣagā devī tasya mārgaṇamadhyagā |
vidyunmāleva vibabhau mahābhrapaṭalīdhṛtā || 31 ||
[Analyze grammar]

taṃ vidhūya śaratrātaṃ nijeṣu nikarairalam |
maheṣuṇātha vivyādha sā taṃ daityajaneśvaram || 32 ||
[Analyze grammar]

hṛdi viddhastayā devyā sa ca tena maheṣuṇā |
vyāghūrṇamānanayanaḥ kṣitimāpāti vihvalaḥ || 33 ||
[Analyze grammar]

mahārudhiradhārābhiḥ sravaṃtīṃ ca pravartayan |
tasminnipatite durge mahādurgaparākrame || 34 ||
[Analyze grammar]

devaduṃdubhayo neduḥ prahṛṣṭāni jagaṃti ca |
sūryācaṃdramasau sāgnī tejo nijamavāpatuḥ || 35 ||
[Analyze grammar]

puṣpavṛṣṭiṃ prakurvaṃtaḥ prāptā devā maharṣibhiḥ |
tuṣṭuvuśca mahādevīṃ mahāstutibhirādarāt || 36 ||
[Analyze grammar]

devā ūcuḥ |
namo devi jagaddhātri jagatrayamahāraṇe |
maheśvara mahāśakte daityadrumakuṭhārake || 37 ||
[Analyze grammar]

trailokyavyāpini śive śaṃkhacakragadādhari |
svaśārṅgavyagrahastāgre namo viṣṇusvarūpiṇi || 38 ||
[Analyze grammar]

haṃsayāne namastubhyaṃ sarvasṛṣṭividhāyini |
prācāṃ vācāṃ janmabhūme caturānanarūpiṇi || 39 ||
[Analyze grammar]

tvamaiṃdrī tvaṃ ca kauberī vāyavī tvaṃ tvamaṃbupā |
tvaṃ yāmī nairṛtī tvaṃ ca tvamaiśī tvaṃ ca pāvakī || 40 ||
[Analyze grammar]

śaśāṃkakaumudī tvaṃ ca saurī śaktistvameva ca |
sarvadevamayī śaktistvameva parameśvarī || 41 ||
[Analyze grammar]

tvaṃ gaurī tvaṃ ca sāvitrī tvaṃ gāyatrī sarasvatī |
prakṛtistvaṃ matistvaṃ ca tvamahaṃkṛtirūpiṇī || 42 ||
[Analyze grammar]

cetaḥ svarūpiṇī tvaṃ vai tvaṃ sarveṃdriyarūpiṇī |
paṃcatanmātrarūpā tvaṃ mahābhūtātmikeṃbike || 43 ||
[Analyze grammar]

śabdādi rūpiṇī tvaṃ vai karaṇānugrahā tvamu |
brahmāṃḍakartrī tvaṃ devi brahmāṃḍāṃtastvameva hi || 44 ||
[Analyze grammar]

tvaṃ parāsi mahādevi tvaṃ ca devi parāparā |
parāparāṇāṃ paramā paramātmasvarūpiṇī || 45 ||
[Analyze grammar]

sarvarūpā tvamīśāni tvamarūpāsi sarvage |
tvaṃ cicchaktirmahāmāye tvaṃ svāhā tvaṃ svadhāmṛte || 46 ||
[Analyze grammar]

vaṣaḍvauṣaṭsvarūpāsi tvameva praṇavātmikā |
sarvamaṃtramayī tvaṃ vai brahmādyāstvatsamudbhavāḥ || 47 ||
[Analyze grammar]

caturvargātmikā tvaṃ vai caturvargaphalodaye |
tvattaḥ sarvamidaṃ viśvaṃ tvayi sarvaṃ jagannidhe || 48 ||
[Analyze grammar]

yaddṛśyaṃ yadadṛśyaṃ ca sthūlasūkṣmasvarūpataḥ |
tatra tvaṃ śaktirūpeṇa kiṃcinna tvadṛte kvacit || 49 ||
[Analyze grammar]

mātastvayādya vinihatya mahāsureṃdraṃ durgaṃ nisargavibudhārpitadaityasainyam |
trātāḥ sma devi satataṃ namatāṃ śaraṇye tvatto'paraḥ ka iha yaṃ śaraṇaṃ vrajāmaḥ || 50 ||
[Analyze grammar]

loke ta eva dhanadhānyasamṛddhibhājaste putrapautrasukalatra sumitravaṃtaḥ |
teṣāṃ yaśaḥ prasaracaṃdrakarāvadātaṃ viśvaṃ bhavedbhavasi yeṣu sudṛktvamīśe || 51 ||
[Analyze grammar]

tvadbhakticetasi janena vipattileśaḥ kleśaḥ kva vānubhavatī natikṛtsu puṃsu |
tvannāmasaṃsṛtijuṣāṃ sakalāyuṣāṃ kva bhūyaḥ punarjaniriha tripurāripatni || 52 ||
[Analyze grammar]

citraṃ yadatra samare sa hi durgadaityastvaddṛṣṭipātamadhigamya sudhānidhānam |
mṛtyorvaśatvamagamadviditaṃ bhavāni duṣṭopi te dṛśigataḥ kugatiṃ na yāti || 53 ||
[Analyze grammar]

tvacchastravahniśalabhatvamitā apīha daityāḥ pataṃgarucimāpya divaṃ vrajaṃti |
saṃtaḥ khaleṣvapi na duṣṭadhiyo yataḥ syuḥ sādhuṣviva praṇayinaḥ svapathaṃ diśaṃti || 54 ||
[Analyze grammar]

prācyāṃ mṛḍāni paripāhi sadā natānno yāmyāmava pratipadaṃ vipado bhavāni |
pratyagdiśi tripuratāpana patni rakṣa tvaṃ pāhyudīci nijabhaktajanānmaheśi || 55 ||
[Analyze grammar]

brahmāṇi rakṣa satataṃ natamaulideśaṃ tvaṃ vaiṣṇavi pratikulaṃ paripālayādhaḥ |
rudrāgni nairṛti sadāgati dikṣu pāṃtu mṛtyuṃjayā trinayanā tripurā triśaktyaḥ || 56 ||
[Analyze grammar]

pātu triśūlamamale tava maulijānno bhālasthalaṃ śaśikalā mṛdumābhruvau ca |
netre trilocanavadhūrgirijā ca nāsāmoṣṭhaṃ jayā ca vijayātvadharapradeśam || 57 ||
[Analyze grammar]

śrotradvayaṃ śrutiravā daśanāvaliṃ śrīścaṃḍī kapolayugalaṃ rasanāṃ ca vāṇī |
pāyātsadaiva cibukaṃ jayamaṃgalā naḥ kātyāyanī vadanamaṃḍalameva sarvam || 58 ||
[Analyze grammar]

kaṃṭhapradeśamavatādiha nīlakaṃṭhī bhūdāraśaktiraniśaṃ ca kṛkāṭikāyām |
kaurmyaṃ sadeśamaniśaṃ bhujadaṃḍamaiṃdrī padmā ca pāṇiphalakaṃ natikāriṇāṃ naḥ || 59 ||
[Analyze grammar]

hastāṃgulīḥ kamalajā virajānakhāṃśca kakṣāṃtaraṃ taraṇimaṃḍalagā tamoghnī |
vakṣaḥsthalaṃ sthalacarī hṛdayaṃ dharitrī kuśidvayaṃ tvavatu naḥ kṣaṇadācaraghnī || 60 ||
[Analyze grammar]

avyātsadā daradarīṃ jagadīśvarī no nābhiṃ nabhogatirajātvatha pṛṣṭhadeśam |
pāyātkaṭiṃ ca vikaṭā paramāsphicau no guhyaṃ guhāraṇirapānamapāya haṃtrī || 61 ||
[Analyze grammar]

ūrudvayaṃ ca vipulā lalitā ca jānū jaṃghe javā'vatu kaṭhoratarātra gulphau |
pādau rasātalacarāṃgulideśamugrā cāṃdrī nakhāntpadatalaṃ talavāsinī ca || 62 ||
[Analyze grammar]

gṛhaṃ rakṣatu no lakṣmīḥ kṣetraṃ kṣemakarī sadā |
pātu putrānpriyakarī pāyādāyuḥ sanātanī || 63 ||
[Analyze grammar]

yaśaḥ pātu mahādevī dharmaṃ pātu dhanurdharī |
kuladevī kulaṃ pātu sadgatiṃ sadgatipradā || 64 ||
[Analyze grammar]

raṇe rājakule dyūte saṃgrāme śatrusaṃkaṭe |
gṛhe vane jalādau ca śarvāṇī sarvato'vatu || 65 ||
[Analyze grammar]

iti stutvā jagaddhātrīṃ praṇemuśca punaḥpunaḥ |
sarve savāsavā devāḥ sarṣigaṃdharvacāraṇāḥ || 66 ||
[Analyze grammar]

tatastuṣṭā jaganmātā tānāha surasattamān |
svādhikārānsurāḥ sarve śāsatu prāgyathāyathā || 67 ||
[Analyze grammar]

tuṣṭāhamanayā stutyā nitarāṃ tu yathārthayā |
varamanyaṃ pradāsyāmi tacchṛṇudhvaṃ surottamāḥ || 68 ||
[Analyze grammar]

durgovāca |
yaḥ stoṣyati tu māṃ bhaktyā naraḥ stutyānayā śuciḥ |
tasyāhaṃ nāśayiṣyāmi vipadaṃ ca pade pade || 69 ||
[Analyze grammar]

etatstotrasya kavacaṃ paridhāsyati yo naraḥ |
tasya kvacidbhayaṃ nāsti vajrapaṃjaragasya hi || 70 ||
[Analyze grammar]

adyaprabhṛti me nāma durgeti khyātimeṣyati |
durgadaityasya samare pātanādati durgamāt || 71 ||
[Analyze grammar]

ye māṃ durgāṃ śaraṇagā na teṣāṃ durgatiḥ kvacit |
durgāstutiriyaṃ puṇyā vajrapaṃjarasaṃjñikā || 72 ||
[Analyze grammar]

anayā kavacaṃ kṛtvā mā bibhetu yamādapi |
bhūtapretapiśācāśca śākinīḍākinī gaṇāḥ || 73 ||
[Analyze grammar]

jhoṭiṃgā rākṣasāḥ krūrā viṣa sarpāgni dasyavaḥ |
vetālāścāpi kaṃkāla grahā bālagrahā api || 74 ||
[Analyze grammar]

vātapittādi janitāstathā ca viṣamajvarāḥ |
dūrādeva palāyaṃte śrutvā stutimimāṃ śubhām || 75 ||
[Analyze grammar]

vajrapaṃjara nāmaitatstotraṃ durgāpraśaṃsanam |
etatstotrakṛtatrāṇe vajrādapi bhayaṃ nahi || 76 ||
[Analyze grammar]

aṣṭajaptena cānena yobhimaṃtrya jalaṃ pibet |
tasyodaragatāpīḍā kvāpi no saṃbhaviṣyati || 77 ||
[Analyze grammar]

garbhapīḍā tu no jātu bhaviṣyatyabhimaṃtraṇāt |
bālānāṃ paramā śāṃtiretatstotrāṃbupānataḥ || 78 ||
[Analyze grammar]

yatra sānnidhyametasya stavasyeha bhaviṣyati |
etāstu śaktayaḥ sarvā sarvatra sahitā mayā || 79 ||
[Analyze grammar]

rakṣāṃ parikariṣyaṃti madbhaktānāṃ mamājñayā |
iti dattvā varāndevī devebhyo tarhi tā tadā || 80 ||
[Analyze grammar]

tepi svargaukasaḥ sarve svaṃsvaṃ svargaṃ yayurmudā |
skaṃda uvāca |
itthaṃ durgābhavannāma tayā devyā mahāmune |
kāśyāṃ sevyā yathā sā ca tacchṛṇuṣva vadāmi te || 81 ||
[Analyze grammar]

aṣṭamyāṃ ca caturdaśyāṃ bhaumavāre viśeṣataḥ |
saṃpūjyā satataṃ kāśyāṃ durgā durgatināśinī || 82 ||
[Analyze grammar]

navarātraṃ prayatnena pratyahaṃ sā samarcitā |
nāśayiṣyati vighnaughānsumatiṃ ca pradāsyati || 83 ||
[Analyze grammar]

mahāpūjopahāraiśca mahābalinivedanaiḥ |
dāsyatyabhīṣṭadā siddhiṃ durgā kāśyāṃ na saṃśayaḥ || 84 ||
[Analyze grammar]

pratisaṃvatsaraṃ tasyāḥ kāryā yātrā prayatnataḥ |
śāradaṃ navarātraṃ ca sakuṭuṃbaiḥ śubhārthibhiḥ || 85 ||
[Analyze grammar]

yo na sāṃvatsarīṃ yātrāṃ durgāyāḥ kurute kudhīḥ |
kāśyāṃ vighna sahasrāṇi tasya syuśca padepade || 86 ||
[Analyze grammar]

durgākuṃḍe naraḥ snātvā sarvadurgārtihāriṇīm |
durgāṃ saṃpūjya vidhivannavajanmāghamutsṛjet || 87 ||
[Analyze grammar]

sā durgāśaktibhiḥ sārdhaṃ kāśīṃ rakṣati sarvataḥ |
tāḥ prayatnena saṃpūjyā kālarātrimukhā naraiḥ || 88 ||
[Analyze grammar]

rakṣaṃti kṣetrametadvai tathānyā navaśaktayaḥ |
upasargasahasrebhyastā vaidigdevatākramāt || 89 ||
[Analyze grammar]

śatanetrā sahasrāsyā tathāyutabhujāparā |
aśvārūḍhā gajāsyā ca tvaritā śavavāhinī || 90 ||
[Analyze grammar]

viśvā saubhāgyagaurī ca sṛṣṭāḥ prācyādimadhyataḥ |
etā yatnena saṃpūjyāḥ kṣetrarakṣaṇadevatāḥ || 91 ||
[Analyze grammar]

tathaiva bhairavāścāṣṭau dikṣvaṣṭāsu pratiṣṭhitāḥ |
rakṣaṃti satataṃ kāśīṃ nirvāṇaśrīniketanam || 92 ||
[Analyze grammar]

ruruścaṃḍositāṃgaśca kapālī krodhanastathā |
unmattabhairavastadvatkramātsaṃhārabhīṣaṇau || 93 ||
[Analyze grammar]

catuḥṣaṣṭistu vetālā mahābhīṣaṇamūrtayaḥ |
ruṃḍamuṃḍasrajaḥ sarve kartrīkharparapāṇayaḥ || 94 ||
[Analyze grammar]

śvavāhanā raktamukhā mahādaṃṣṭrā mahābhujāḥ |
nagnā vimuktakeśāśca pramattā rudhirāsavaiḥ || 95 ||
[Analyze grammar]

nānārūpadharāḥ sarve nānāśastrāstra pāṇayaḥ |
tadākāraiśca tadbhṛtyaiḥ koṭiśaḥ parivāritāḥ || 96 ||
[Analyze grammar]

vidyujjihvo lalajjihvaḥ krūrāsyaḥ krūralocanaḥ |
ugro vikaṭadaṃṣṭraśca vakrāsyo vakranāsikaḥ || 97 ||
[Analyze grammar]

jaṃbhako jṛṃbhaṇamukho jvālānetro vṛkodaraḥ |
gartanetro mahānetrastucchanetroṃ'tramaṇḍanaḥ || 98 ||
[Analyze grammar]

jvalatkeśaḥ kaṃbuśirāḥ kharvagrīvo mahāhanuḥ |
mahānāso laṃbakarṇaḥ karṇaprāvaraṇonasaḥ || 99 ||
[Analyze grammar]

ityādayo mune kṣetraṃ durvṛttarudhirapriyāḥ |
trāsayaṃto durācārānrakṣaṃti paritaḥ sadā || 100 ||
[Analyze grammar]

trailokyavijayādyāśca jvālāmukhyaṃtagāśca yāḥ |
śaktayo'tra mayā khyātā mune kalaśasaṃbhava || 1 ||
[Analyze grammar]

tāḥ kāśīṃ parirakṣaṃti caturdikṣūdyatāyudhāḥ |
tāḥ samarcyāḥ prayatnena mahāvighna praśāṃtaye || 2 ||
[Analyze grammar]

bhairavā rurumukhyāśca mahābhayanivārakāḥ |
saṃpūjyāḥ sarvadā kāśyāṃ sarvasaṃpattihetavaḥ || 3 ||
[Analyze grammar]

vidyujjihvaprabhṛtayo vetālā ugrarūpiṇaḥ |
atyugrānapi vighnaughānhariṣyaṃtyarcitā iha || 4 ||
[Analyze grammar]

tathā bhūtāvalī cātra nānābhīṣaṇarūpiṇī |
udāyudhā'vati purīṃ śatakoṭimitā mune || 5 ||
[Analyze grammar]

nirvāṇalakṣmīkṣetrasya pālayitrī padepade |
etā vai devatāḥ pūjyāḥ kāśyāṃ nirvāṇakāṃkṣibhiḥ || 6 ||
[Analyze grammar]

śrutvādhyāyamimaṃ puṇyaṃ naro durgajayābhidham |
nānāśaktisamāyuktaṃ durgamāśu tariṣyati || 7 ||
[Analyze grammar]

ya ete bhairavāḥ proktā ye vetālā udāhṛtāḥ |
teṣāṃ nāmāni cākarṇya naro viprairna dūyate || 8 ||
[Analyze grammar]

adṛṣṭā api te bhūtā etadākhyānapāṭhakam |
rakṣiṣyaṃti prayatnena saha śrotṛjanena ca || 9 ||
[Analyze grammar]

tasmātsarvaprayatnena kāśībhaktiparairnaraiḥ |
śrotavyamidamākhyānaṃ mahāvighnanivāraṇam || 110 ||
[Analyze grammar]

gṛhepi yasya likhitametatsthāsyati pūjitam |
tasyāpadāṃ sahasrāṇi nāśayiṣyaṃti devatāḥ || 11 ||
[Analyze grammar]

kāśyāṃ yasyāsti vai prema tena kṛtvā'daraṃ gurum |
śrotavyamidamākhyānaṃ vajrapaṃjarasannibham || 112 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍa uttarārdhe durgāvijayo nāma dvisaptatitamo'dhyāyaḥ || 72 ||
[Analyze grammar]