Chapter 23

[English text for this chapter is available]

vyāsa uvāca |
ataḥ paraṃ pravakṣyāmi brahmaṇā yatkṛtaṃ purā |
tatsarvaṃ kathayāmyadya śṛṇuṣvaikāgramānasaḥ || 1 ||
[Analyze grammar]

devānāṃ dānavānāṃ ca vairādyuddhaṃ babhūva ha |
tasminyuddhe mahāduṣṭe devāḥ saṃkliṣṭamānasāḥ || 2 ||
[Analyze grammar]

babhūvustatra sodvegā brahmāṇaṃ śaraṇaṃ yayuḥ || 3 ||
[Analyze grammar]

devā ūcuḥ |
brahmankena prakāreṇa daityānāṃ vadhameva ca |
karomyadya upāyaṃ hi kathyatāṃ śīghrameva me || 4 ||
[Analyze grammar]

brahmovāca |
mayā hi śaṃkareṇaiva viṣṇunā hi tathā purā |
yamasya tapasā tuṣṭairdharmāraṇyaṃ vinirmitam || 5 ||
[Analyze grammar]

tatra yaddīyate dānaṃ yajñaṃ vā tapa uttamam |
tatsarvaṃ koṭiguṇitaṃ bhavediti na saṃśayaḥ || 6 ||
[Analyze grammar]

pāpaṃ vā yadi vā puṇyaṃ sarvaṃ koṭi guṇaṃ bhavet |
tasmāddaityairna dharṣitaṃ kadācidapi bhoḥ surāḥ || 7 ||
[Analyze grammar]

śrutvā tu brahmaṇo vākyaṃ devāḥ sarve savismayāḥ |
brahmāṇaṃ tvagrataḥ kṛtvā dharmāra ṇyamupāyayuḥ || 8 ||
[Analyze grammar]

satraṃ tatra samārabhya sahasrābdamanuttamam |
vṛtvā'cāryaṃ cāṃgirasaṃ mārkaṃṇḍeyaṃ tathaiva ca || 9 ||
[Analyze grammar]

atriṃ ca kaśyapaṃ caiva hotā kṛtvā mahāmatiḥ |
jamadagniṃ gautamaṃ ca adhvaryutvaṃ nyavedayan || 10 ||
[Analyze grammar]

bharadvājaṃ vasiṣṭhaṃ tu pratyadhvaryutvamādiśan |
nāradaṃ caiva vālmīkiṃ nodanā yākarottadā || 11 ||
[Analyze grammar]

brahmāsane ca brahmāṇaṃ sthāpayāmāsurādarāt |
krośacatuṣkamātrāṃ ca vediṃ kṛtvā suraistataḥ || 12 ||
[Analyze grammar]

dvijāḥ sarve samāhūtā yajñasyārthe hi jāpakāḥ |
ṛgyajuḥsāmātharvānvai vedānudgirayaṃti ye || 13 ||
[Analyze grammar]

gaṇanāthaṃ śaṃbhusutaṃ kārttikeyaṃ tathaiva ca |
indraṃ vajradharaṃ caiva jayaṃtaṃ candrasūnukam || 14 ||
[Analyze grammar]

catvāro dvārapālāśca devāḥ śūrā vinirmitāḥ |
tato rākṣoghnamaṃtreṇa hūyate havyavāhanaḥ || 15 ||
[Analyze grammar]

tilāṃśca yavamiśrāṃśca madhvājyena ca miśritān |
juhuvuste tadā devā vedamaṃtrairnareśvara || 16 ||
[Analyze grammar]

āghārāvājyabhāgau ca hutvā caiva tataḥ param |
drākṣekṣupūganāriṃga jaṃbīraṃ bījapūrakam || 17 ||
[Analyze grammar]

uttarato nālikeraṃ dāḍimaṃ ca yathākramam |
madhvājyaṃ payasā yuktaṃ kṛśaraśarkarāyutam || 18 ||
[Analyze grammar]

taṃḍulaiḥ śatapatraiśca yajñe vācaṃ niyamya ca |
viciṃtya ca mahābhāgāḥ kṛtvā yajñaṃ sadakṣiṇam || 19 ||
[Analyze grammar]

uttamaṃ ca śubhaṃ stomaṃ kṛtvā harṣamupāyayuḥ |
avāritānnamadadandīnāṃdhakṛpaṇeṣvapi || 20 ||
[Analyze grammar]

brāhmaṇebhyo viśeṣeṇa dattamannaṃ yathepsitam |
pāyasaṃ śarkarāyuktaṃ sājyaśākasamanvitam || 21 ||
[Analyze grammar]

maṃḍakā vaṭakāḥ pūpāstathā vai veṣṭikāḥ śubhāḥ |
sahasramodakāścāpi pheṇikā ghurghurādayaḥ || 22 ||
[Analyze grammar]

odanaśca tathā dālī āḍhakīsaṃbhavā śubhā |
tathā vai mudgadālī ca parpaṭā vaṭikā tathā || 23 ||
[Analyze grammar]

pralehyāni vicitrāṇi yuktāstryūṣaṇasaṃcayaiḥ |
kulmāṣā vellakāścaiva komalā vālakāḥ śubhāḥ || 24 ||
[Analyze grammar]

karkaṭikāścārdrayutā maricena samanvitāḥ |
evaṃvidhāni cānnāni śākāni vividhāni ca || 25 ||
[Analyze grammar]

bhojayitvā dvijānsarvāndharmāraṇya nivāsinaḥ |
aṣṭādaśasahasrāṇi saputrāṃśca tadā nṛpa || 26 ||
[Analyze grammar]

pratidinaṃ tadā devā bhojayaṃti sma vāḍavān |
evaṃ varṣasahasraṃ vai kṛtvā yajñaṃ tadāmarāḥ || 27 ||
[Analyze grammar]

kṛtvā daityavadhaṃ rājannirbhayatvamavāpnuyuḥ |
svargaṃ jagmuste sahasā devāḥ sarve marudgaṇāḥ || 28 ||
[Analyze grammar]

tathaivāpsarasaḥ sarvā brahmavi ṣṇumaheśvarāḥ |
kailāsaśikharaṃ ramyaṃ vaikuṃṭhaṃ viṣṇuvallabham || 29 ||
[Analyze grammar]

brahmalokaṃ mahāpuṇyaṃ prāpya sarve divaukasaḥ |
paraṃ harṣamupājagmuḥ prāpya naṃdanamuttam || 30 ||
[Analyze grammar]

svesve sthāne sthirībhūtvā tasthuḥ sarve hi nirbhayāḥ || 31 ||
[Analyze grammar]

tataḥ kālena mahatā kṛtākhyayugaparyaye |
lohāsuro madonmatto brahmaveṣadharaḥ sadā || 32 ||
[Analyze grammar]

āgatya sarvānviprāṃśca dharṣayeddharmavittamān |
śūdrāṃśca vaṇijaścaiva daṃḍaghātena tāḍayet || 33 ||
[Analyze grammar]

vidhvaṃsayecca yajñādīnhomadravyāṇi bhakṣayet |
vedikā dīrghikā dṛṣṭvā kaśmalena pradūṣayet || 34 ||
[Analyze grammar]

mūtrotsargapurīṣeṇa dūṣayetpuṇyabhūmikāḥ |
gahanena tathā rājanstriyo dūṣayate hi saḥ || 35 ||
[Analyze grammar]

tataste vāḍavāḥ sarve lohāsurabhayāturāḥ |
pranaṣṭāḥ saparīvārā gatāste vai diśo daśa || 36 ||
[Analyze grammar]

vaṇijaste bhayodvignā viprānanuyayurnṛpa |
mahābhayena saṃbhītā dūraṃ gatvā vimṛśya ca || 37 ||
[Analyze grammar]

saha śūdraidvijaiḥ sarva ekībhūtvā gatāstadā |
muktāraṇyaṃ puṇyatamaṃ nirjanaṃ hi yayuśca te || 38 ||
[Analyze grammar]

nivāsaṃ kārayāmāsurnātidūre nareśvara |
vajiṅnāmnā hi tadgrāmaṃ vāsayāmāsureva te || 39 ||
[Analyze grammar]

lohāsurabhayādrājanvipra nāmnā vinirmitam |
śaṃbhunā vaṇijā yasmāttasmāttannāmadhāraṇam || 40 ||
[Analyze grammar]

śaṃbhugrāmamiti khyātaṃ loke vikhyātimāgatam |
atha kecidbhayānnaṣṭā vaṇijaḥ prathamaṃ tadā || 41 ||
[Analyze grammar]

te nātidūre gatvā vai maṃḍalaṃ cakruruttamam |
viprāgamanakāṃkṣāste tatra vāsamakalpayan || 42 ||
[Analyze grammar]

maṃḍaleti ca nāmnā vai grāmaṃ kṛtvā nyavīvasan |
viprasārthaparibhraṣṭāḥ kecittu vaṇijastadā || 43 ||
[Analyze grammar]

anyamārge gatā ye vai lohāsurabhayārditāḥ |
dharmāraṇyānnāti dūre gatvā ciṃtāmupāyayuḥ || 44 ||
[Analyze grammar]

kasminmārge vayaṃ prāptāḥ kasminprāptā dvijātayaḥ |
iti ciṃtāṃ paraṃ prāptā vāsaṃ tatra tvakārayan || 45 ||
[Analyze grammar]

anyamārge gatā yasmāttasmāttannāmasaṃbhavam |
grāmaṃ nivāsayāmāsuraḍālaṃjamiti kṣitau || 46 ||
[Analyze grammar]

yasmingrāme nivāsī yo yatsaṃjñaśca vaṇigbhavet |
tasya grāmasya tannāma hyabhavatpṛthivīpate || 47 ||
[Analyze grammar]

vaṇijaśca tathā viprā mohaṃ prāptā bhayārditāḥ |
tasmānmohetisaṃjñāste rājansarve nirabruvan || 48 ||
[Analyze grammar]

evaṃ pranaṣaṇaṃ naṣṭāste gatāśca diśo diśa |
dharmāraṇye na tiṣṭhaṃti vāḍavā vaṇijo'pi vā || 49 ||
[Analyze grammar]

udvasaṃ hi tadā jātaṃ dharmāraṇyaṃ ca durlabham |
bhūṣaṇaṃ sarvatīrthānāṃ kṛtaṃ lohāsureṇa tat || 50 ||
[Analyze grammar]

naṣṭadvijaṃ naṣṭatīrthaṃ sthānaṃ kṛtvā hi dānavaḥ |
parāṃ mudamavāpyaiva jagāma svālayaṃ tataḥ || 51 ||
[Analyze grammar]