Chapter 24

[English text for this chapter is available]

vyāsa uvāca |
etattīrthasya māhātmyaṃ mayā proktaṃ tavāgrataḥ |
anekapūrvajanmotthapātakaghnaṃ mahīpate || 1 ||
[Analyze grammar]

sthānānāmuttamaṃ sthānaṃ paraṃ svastyayanaṃ mahat |
skaṃdasyāgre purā proktaṃ mahārudreṇa dhīmatā || 2 ||
[Analyze grammar]

tvaṃ pārtha tatra snātvā hi mokṣyase sarvapāta kāt |
tacchrutvā vyāsavākyaṃ hi dharmmarājo yudhiṣṭhiraḥ || 3 ||
[Analyze grammar]

dharmātmajastadā tāta dharmāraṇyaṃ samāviśat |
mahāpātakanāśāya sādhupālanata tparaḥ || 4 ||
[Analyze grammar]

vigāhya tatra tīrthāni devatāyatanāni ca |
iṣṭāpūrtādikaṃ sarvaṃ kṛtaṃ tena yathepsitam || 5 ||
[Analyze grammar]

tataḥ pāpavinirmuktaḥ punargatvā svakaṃ puram |
idraprasthaṃ mahāsena śaśāsa vasudhātalam || 6 ||
[Analyze grammar]

idaṃ hi sthānamāsādya ye śṛṇvaṃti narottamāḥ |
teṣāṃ bhuktiśca muktiśca bhaviṣyati na saṃśayaḥ || 7 ||
[Analyze grammar]

bhuktvā bhogānpārthivāṃśca paraṃ nirvāṇamāpnuyuḥ |
śrāddhakāle ca saṃprāpte ye paṭhaṃti dvijātayaḥ || 8 ||
[Analyze grammar]

uddhṛtāḥ pitarastaistu yāvaccaṃdrārkkamedini |
dvāpare ca yuge bhūtvā vyāsenoktaṃ mahātmanā || 9 ||
[Analyze grammar]

vārimātre dharmavāpyāṃ gayāśrāddhaphalaṃ labhet |
atrāgatasya martyasya pāpaṃ yamapade sthitam || 10 ||
[Analyze grammar]

kathitaṃ dharmaputreṇa lokānāṃ hitakāmyayā |
vinā annairvinā darbhairvinā cāsanameva vā || 11 ||
[Analyze grammar]

toyena nāśamāyāti koṭijanmakṛtaṃ tva gham |
sahasramuruśṛṃgīṇāṃ dhenūnāṃ kurujāṃgale |
dattvā sūryagrahe puṇyaṃ dharmavāpyāṃ ca tarpaṇām || 12 ||
[Analyze grammar]

etadvaḥ kathitaṃ sarvaṃ dharmāraṇyasya ceṣṭitam |
yacchrutvā brahmahā goghno mucyate sarvapātakaiḥ || 13 ||
[Analyze grammar]

ekaviṃśativāraistu gayāyāṃ piṃḍapātane |
tatphalaṃ samavāpnoti sakṛdasmiñchrute sati || 14 ||
[Analyze grammar]