Chapter 22

[English text for this chapter is available]

yudhiṣṭhira uvāca |
 sthānavāsinyo yoginyaḥ kājeśena vinirmitāḥ |
kasminsthāne hi kā devyaḥ kīdṛśyastā vadasva me || 1 ||
[Analyze grammar]

vyāsa uvāca |
sarvajñosi kulīnosi sādhu pṛṣṭaṃ tvayānagha |
kathayiṣyāmyahaṃ sarvamakhilena yudhiṣṭhira || 2 ||
[Analyze grammar]

nānābharaṇabhūṣāḍhyā nānāratnopaśobhitāḥ |
nānāvasanasaṃvītā nānāyuvasamanvitāḥ || 3 ||
[Analyze grammar]

nānāvāhanasaṃyuktā nānāsvaraninādinīḥ |
bhayanāśāya viprāṇāṃ kājeśena vinirmitāḥ || 4 ||
[Analyze grammar]

prācyāṃ yāmyāmudīcyāṃ ca pratīcyāṃ sthāpitā hi tāḥ |
āgneyā nairṛte deśe vāyavyeśānayostathā || 5 ||
[Analyze grammar]

āśāpurī ca gātrāī chatrāī jñānajā tathā |
pippalāṃbā tathā śāṃtā siddhā bhaṭṭārikā tathā || 6 ||
[Analyze grammar]

kadaṃbā vikaṭā mīṭhā suparṇā vasujā tathā |
mātaṃgī ca mahādevī vārāhī mukuṭeśvarī || 7 ||
[Analyze grammar]

bhadrā caiva mahāśaktiḥ siṃhārā ca mahābalā |
etāścānyāśca bahavaḥ kathituṃ naiva śakyate || 8 ||
[Analyze grammar]

nānārūpadharā devyo nānāveṣasamāśritāḥ |
sthānāduttaradigbhāge āśāpūrṇāsamīpataḥ || 9 ||
[Analyze grammar]

pūrve tu vidyate devī ānaṃdānaṃdadāyinī |
vasaṃtī cottare devyo nānārūpadharā mudā || 10 ||
[Analyze grammar]

iṣṭānkāmāndadātyetā jaladānena tarpitāḥ |
sthāne nairṛtidigbhāge śāṃtā śāṃtipradāyinī || 11 ||
[Analyze grammar]

siṃhopari samāsīnā caturhastā varapradā |
bhaṭṭārī ca mahāśaktiḥ punastatraiva tiṣṭhati || 12 ||
[Analyze grammar]

saṃstutā pūjitā bhaktyā bhaktānāṃ bhayanāśinī |
sthānāttu saptame krośe kṣemalābhā vyava sthitā || 13 ||
[Analyze grammar]

sā vilepamayī pūjyā ciṃtitā siddhidāyinī |
pūrvasyāṃ diśi lokaistu balidānena tarpitā |
parivāreṇa saṃyuktā bhuktimukti pradāyinī || 14 ||
[Analyze grammar]

aciṃtyarūpacaritā sarvaśatruvināśanī |
saṃdhyāyāstriṣu kāleṣu pratyakṣaiva hi dṛśyate || 15 ||
[Analyze grammar]

sthānāttu saptame krośe dakṣiṇā vindhyavāsinī |
sāyudhā rūpasaṃpannā bhaktānāṃ bhayahāriṇī || 16 ||
[Analyze grammar]

paścime niṃbajā devī tāvadbhūmisamāśritā |
mahābalā sā dṛṣṭāpi nayanānanda dāyinī || 17 ||
[Analyze grammar]

sthānāduttaradigbhāge tāvadbhūmisamāśritā |
śaktirbahusuvarṇākṣā pūjitā sāsuvarṇadā || 18 ||
[Analyze grammar]

sthānādvāyavyakoṇe ca krośamātra mite śritā |
kṣetradharā mahādevī samaye cchāgadhāriṇī || 19 ||
[Analyze grammar]

purāduttaradigbhāge krośamātre tu karṇikā |
sarvopakāraniratā sthānopadravanāśanī || 20 ||
[Analyze grammar]

sthānānnirṛtidigbhāge brahmāṇīpramukhāstathā |
nānārūpadharā devyo vidyaṃte jalamātaraḥ || 21 ||
[Analyze grammar]