Chapter 15

[English text for this chapter is available]

vyāsa uvāca |
na paśyaṃti tadā śīrṣaṃ brahmādyāstu surāstadā |
kiṃ kurma iti hetyuktvā jñāninaste vyacintayan || 1 ||
[Analyze grammar]

uvāca viśvakarmāṇaṃ tadā brahmā surānvitaḥ || 2 ||
[Analyze grammar]

brahmovāca |
viśvakarmastvamevāsi kāryakartā sadā vibho |
śīghrameva kuru tvaṃ vai vaktraṃ sāṃdraṃ ca dhanvinaḥ || 3 ||
[Analyze grammar]

namaskṛtya tadā tasmai stuto'sau devavarddhakiḥ |
uvāca parayā bhaktyā brahmāṇaṃ kamalodbhavam || 3 ||
[Analyze grammar]

yajñakāryaṃ nivṛtyāśu vadaṃti vividhāḥ surāḥ || 4 ||
[Analyze grammar]

yajñabhāgavihīnaṃ māṃ kiṃ punarvacmi te 'grataḥ |
yajñabhāgamahaṃ deva labheyaivaṃ suraiḥ saha || 5 ||
[Analyze grammar]

brahmovāca |
dāsyāmi sarvayajñeṣu vibhāgaṃ suravarddhake |
some tvaṃ prathamaṃ vīra pūjyase śrutikovidaiḥ || 6 ||
[Analyze grammar]

tadviṣṇośca śirastāvatsaṃdhatsvāmaravarddhaka |
viśvakarmābravīddevānānayadhvaṃ śirastviti || 7 ||
[Analyze grammar]

tannāstīti surāḥ sarve vadaṃti nṛpasattama |
madhyāhne tu samudbhūte rathastho divi cāṃśumān || 8 ||
[Analyze grammar]

dṛṣṭaṃ tadā suraiḥ sarvai rathādaśvamathānayan |
chittvā śīrṣaṃ mahīpāla kabaṃdhādvājino hareḥ || 9 ||
[Analyze grammar]

kabaṃdhe yojayāmāsa viśvakarmāticāturaḥ |
dṛṣṭvā taṃ devadeveśaṃ surāḥ stutimakurvata || 10 ||
[Analyze grammar]

devā ūcuḥ |
namaste'stu jagadbīja namaste kamalāpate |
namaste'stu sureśāna namaste kamalekṣaṇa || 11 ||
[Analyze grammar]

tvaṃ sthitiḥ sarvabhūtānāṃ tvameva śaraṇaṃ satām |
tvaṃ haṃtā sarvaduṣṭānāṃ hayagrīva namo'stu te || 12 ||
[Analyze grammar]

tvamoṃkāro vaṣaṭkāraḥ svāhā svadhā caturvidhā |
ādyastvaṃ ca sureśāna tvameva śaraṇaṃ sadā || 13 ||
[Analyze grammar]

yajño yajñapatiryajvā dravyaṃ hotā hutastathā |
tvadarthaṃ hūyate deva tvameva śaraṇaṃ sakhā || 14 ||
[Analyze grammar]

kālaḥ karālarūpastvaṃ tvaṃ vārkkaḥ śītadīdhitiḥ |
tvamagnirvaruṇaścaiva tvaṃ ca kālakṣayaṃkaraḥ || 15 ||
[Analyze grammar]

guṇatrayaṃ tvameveha guṇahīnastvameva hi |
guṇānāmālayastvaṃ ca goptā sarveṣu jaṃtuṣu || 16 ||
[Analyze grammar]

strīpuṃsośca dvidhā tvaṃ ca paśupakṣyādimānavaiḥ |
caturvidhaṃ kulaṃ tvaṃ hi caturāśītilakṣaṇaḥ || 17 ||
[Analyze grammar]

dināṃtaścaiva pakṣāṃto māsāṃto hāyanaṃ yugam |
kalpāṃtaśca mahāṃtaśca kālāṃtastvaṃ ca vai hare || 18 ||
[Analyze grammar]

evaṃvidhairmahādivyaiḥ stūyamānaḥ surairnṛpa |
saṃtuṣṭaḥ prāha sarveṣāṃ devānāṃ purataḥ prabhuḥ || 19 ||
[Analyze grammar]

śrībhagavānuvāca |
kimarthamiha saṃprāptāḥ sarve devagaṇā bhuvi |
kimetatkāraṇaṃ devāḥ ki nu daityaprapīḍitāḥ || 20 ||
[Analyze grammar]

devā ūcuḥ |
na daityasya bhayaṃ jātaṃ yajña karmotsukā vayam |
tvaddarśanaparāḥ sarve paśyāmo vai diśo daśa || 21 ||
[Analyze grammar]

tvanmāyāmohitāḥ sarve vyagracittā bhayāturāḥ |
yogārūḍhasvarūpaṃ ca dṛṣṭaṃ te'smābhiruttamam || 22 ||
[Analyze grammar]

vamrī ca noditāsmābhirjāgarāya taveśvara |
tataścāpūrvamabhavacchiraśchinnaṃ babhūva te || 23 ||
[Analyze grammar]

sūryāśvaśīrṣamānīya viśva karmāticāturaḥ |
samadhatta śiro viṣṇo hayagrīvo'syataḥ prabho || 24 ||
[Analyze grammar]

viṣṇuruvāca |
tuṣṭo'haṃ nākinaḥ sarve dadāmri varamīpsitam |
hayagrīvo'smyahaṃ jāto devadevo jagatpatiḥ || 25 ||
[Analyze grammar]

na raudraṃ na virūpaṃ ca surairapi ca sevitam |
jāto'haṃ varado devā hayānaneti toṣitaḥ || 26 ||
[Analyze grammar]

vyāsa uvāca |
kṛte satre tato vedhā dhīmānsantuṣṭacetasā |
yajñabhāgaṃ tato dattvā vamrībhyo viśvakarmaṇe || 27 ||
[Analyze grammar]

yajñāṃte ca suraśreṣṭhaṃ namaskṛtya divaṃ yayau |
etacca kāraṇaṃ viddhi hayānano yato hariḥ || 28 ||
[Analyze grammar]

yudhiṣṭhira uvāca |
yenākrāṃtā mahī sarvā krameṇaikena tattvataḥ |
vivare vivare romṇāṃ vartaṃte ca pṛthakpṛthak || 29 ||
[Analyze grammar]

brahmāṃḍāni sahasrāṇi dṛśyaṃte ca mahādyute |
na vetti vedo yatpāraṃ śīrṣaghāto hi vai katham || 30 ||
[Analyze grammar]

vyāsa uvāca |
śṛṇu tvaṃ pāṃḍavaśreṣṭha kathāṃ paurāṇikīṃ śubhām |
īśvarasya caritraṃ hi naiva vetti carācare || 31 ||
[Analyze grammar]

ekadā brahmasabhāyāṃ gatā devāḥ savāsavāḥ |
bhūrlokādyāśca sarve hi sthāvarāṇi carāṇi ca || 32 ||
[Analyze grammar]

devā brahmarṣayaḥ sarve namaskartuṃ pitāmaham |
viṣṇurapyāgatastatra sabhāyāṃ maṃtrakāraṇāt || 33 ||
[Analyze grammar]

brahmā cāpi vigarviṣṭha uvācedaṃ vacastadā |
bhobho devāḥ śṛṇudhvaṃ kastrayāṇāṃ kāraṇaṃ mahat || 34 ||
[Analyze grammar]

satyaṃ bruvaṃtu vai devā brahmeśaviṣṇumadhyataḥ |
tāṃ vācaṃ ca samākarṇya devā vismayamāgatāḥ || 35 ||
[Analyze grammar]

ūcuścaiva tato devā na jānīmo vayaṃ surāḥ |
brahmapatnī tadovāca viṣṇuṃ prati sureśvaram |
trayāṇāmapi devānāṃ mahāṃtaṃ ca vadasva me || 36 ||
[Analyze grammar]

viṣṇuruvāca |
viṣṇumāyābalenaiva mohitaṃ bhuvanatrayam |
tato brahmovāca cedaṃ na tvaṃ jānāsi bho vibhoḥ || 37 ||
[Analyze grammar]

naiva muhyati te māyābalena naivameva ca |
garvahiṃsāparo devo jagadbhartā jagatprabhuḥ || 38 ||
[Analyze grammar]

jyeṣṭhaṃ tvāṃ na viduḥ sarve viṣṇumāyāvṛtāḥ khilāḥ |
tato brahmā sa roṣeṇa kruddhaḥ prasphuritānanaḥ || 39 ||
[Analyze grammar]

uvāca vacanaṃ kopāddhe viṣṇo śṛṇu me vacaḥ |
yena vaktreṇa sabhāyāṃ vacanaṃ samudīritam || 40 ||
[Analyze grammar]

tacchīrṣaṃ patatādāśu cālpakālena vai punaḥ |
tato hāhākṛtaṃ sarvaṃ seṃdrāḥ sarṣipurogamāḥ || 41 ||
[Analyze grammar]

brahmāṇaṃ kṣamayāmāsurviṣṇuṃ prati surottamāḥ |
viṣṇuśca tadvacaḥ śrutvā satyaṃsatyaṃ bhaviṣyati || 42 ||
[Analyze grammar]

tato viṣṇurmahātejāstīrthasyotpādanena ca |
tapastepe tu vai tatra dharmāraṇye sureśvaraḥ |
aśvaśīrṣa mukhaṃ dṛṣṭvā hayagrīvo janārddanaḥ || 43 ||
[Analyze grammar]

tapastepe mahābhāga vidhinā saha bhārata |
na śakyaṃ kenacitkarttumātmanātmaiva tuṣṭavān || 44 ||
[Analyze grammar]

brahmāpi tapasā yuktastepe varṣaśatatrayam |
tiṣṭhanneva puro viṣṇorviṣṇumāyāvimohitaḥ || 45 ||
[Analyze grammar]

yajñārthamavadattuṣṭo devadevo jagatpatiḥ |
brahmaṃste muktatādyāsti mama māyāpyaduḥsahā || 46 ||
[Analyze grammar]

tato labdhavaro brahmā hṛṣṭacitto janārddanaḥ |
uvāca madhurāṃ vācaṃ sarveṣāṃ hitakāraṇāt || 47 ||
[Analyze grammar]

atrābhavanmahākṣetraṃ puṇyaṃ pāpapraṇāśanam |
vidhiviṣṇumayaṃ caitadbhavatvetanna saṃśayaḥ || 48 ||
[Analyze grammar]

tīrthasya mahimā rājanhayaśīrṣastadā hariḥ |
śubhānano hi saṃjātaḥ pūrveṇaivā nanena tu || 49 ||
[Analyze grammar]

kaṃdarpakoṭilāvaṇyo jātaḥ kṛṣṇastadā nṛpa |
brahmāpi tapasā yukto divyaṃ varṣaśatatrayam || 50 ||
[Analyze grammar]

sāvitryā ca kṛtaṃ yatra viṣṇumāyā na bādhate |
māyayā tu kṛtaṃ śīrṣaṃ paṃcamaṃ śārdulasya vā || 51 ||
[Analyze grammar]

dharmāraṇye kṛtaṃ ramyaṃ hareṇa ccheditaṃ purā |
tasmai dattvā varaṃ viṣṇurjagāmādarśanaṃ tataḥ || 52 ||
[Analyze grammar]

sthāpayitvā vidhistatra tīrthaṃ caiva trilocanam |
mukteśaṃ nāma devasya mokṣatīrthamariṃdama || 53 ||
[Analyze grammar]

gataḥ so'pi suraśreṣṭhaḥ svasthānaṃ surasevitam |
tatra pretā divaṃ yāṃti tarpaṇena pratarpitāḥ || 54 ||
[Analyze grammar]

aśvamedhaphalaṃ snāne pāne godānajaṃ phalam |
puṣkarādyāni tīrthāni gaṃgādyāḥ saritastathā || 55 ||
[Analyze grammar]

snānārthamatrāgacchaṃti devatāḥ pitarastathā |
kārttikyāṃ kṛttikāyoge mukteśaṃ pūjayettu yaḥ || 56 ||
[Analyze grammar]

snātvā devasare ramye natvā devaṃ janārddanam |
yaḥ karoti naro bhaktyā sarvapāpaiḥ pramucyate || 57 ||
[Analyze grammar]

bhuktvā bhogā nyathākāmaṃ viṣṇulokaṃ sa gacchati |
aputrā kākavaṃdhyā ca mṛtavatsā mṛtaprajā || 58 ||
[Analyze grammar]

ekāṃbareṇa susnātau patipatnyau yathāvidhi |
taddoṣaṃ nāśayennūnaṃ prajāptipratibandhakam || 59 ||
[Analyze grammar]

mokṣeśvaraprasādena putrapautrādi varddhayet |
dadyādvaikena cittena phalāni satyasaṃyutā || 60 ||
[Analyze grammar]

nidhāya vaṃśapātre'pi nārī doṣātpramucyate |
prāpnuvaṃti ca devāśca agniṣṭomaphalaṃ nṛpa || 61 ||
[Analyze grammar]

vedhā harirharaścaiva tapyaṃte paramaṃ tapaḥ |
dharmāraṇye trisaṃdhyaṃ ca snātvā devasarasyatha || 62 ||
[Analyze grammar]

tatra mokṣeśvaraḥ śaṃbhuḥ sthāpito vai tataḥ suraiḥ |
tatra sāṃgaṃ japaṃ kṛtvā na bhūyaḥ stanapo bhavet || 63 ||
[Analyze grammar]

evaṃ kṣetraṃ mahārāja prasiddhaṃ bhuvanatraye |
yastatra kurute śrāddhaṃ pitṝṇāṃ śraddhayānvitaḥ || 64 ||
[Analyze grammar]

uddharetsapta gotrāṇi kulamekottaraṃ śatam |
devasaro mahāramyaṃ nānāpuṣpaiḥ samanvitam |
śyāmaṃ sakalakalhārairvividhairjalajaṃtubhiḥ || 65 ||
[Analyze grammar]

brahmaviṣṇumaheśādyaiḥ sevitaṃ suramānuṣaiḥ |
siddhairyakṣaiśca munibhiḥ sevitaṃ sarvataḥ śubham || 66 ||
[Analyze grammar]

yudhiṣṭhira uvāca |
kīdṛśaṃ tatsaraḥ khyātaṃ tasmi nsthāne dvijottama |
tasya rūpaṃ prakāraṃ ca kathayasva yathātatham || 67 ||
[Analyze grammar]

vyāsa uvāca |
sādhusādhu mahāprājña dharmaputra yudhiṣṭhira |
yasya saṃkīrtanānnūnaṃ sarvapāpaiḥ pramucyate || 68 ||
[Analyze grammar]

atisvachataraṃ śītaṃ gaṃgodakasamaprabham |
pavitraṃ madhuraṃ svādu jalaṃ tasya nṛpottama || 69 ||
[Analyze grammar]

mahāviśālaṃ gaṃbhīraṃ devakhātaṃ manoramam |
laharyādibhirgaṃbhīraḥ phenāvartasamākulam || 70 ||
[Analyze grammar]

jhaṣamaṃḍūkakamaṭhairmakaraiśca samākulam |
śaṃkhaśuktyādi bhiryuktaṃ rājahaṃsaiḥ suśobhitam || 71 ||
[Analyze grammar]

vaṭaplakṣaiḥ samāyuktamaśvatthāmraiśca veṣṭitam |
cakravākasamopataṃ bakasārasaṭiṭṭibhaiḥ || 72 ||
[Analyze grammar]

kamanīya pragandhācchacchatrapatraiḥ suśobhitam |
sevyamānaṃ dvijaiḥ sarvaiḥ sārasādyaiḥ suśobhitam || 73 ||
[Analyze grammar]

sadevairmunibhiścaiva viprairmatyaiśca bhūmipa |
sevitaṃ duḥkhahaṃ caiva sarvapāpapraṇāśanam || 74 ||
[Analyze grammar]

anādinidhanodaṃtaṃ sevitaṃ siddhamaṃḍalaiḥ |
snānādibhiḥ sarvadaiva tatsaro nṛpasattama || 75 ||
[Analyze grammar]

vidhinā kurute yastu nīlotsargaṃ ca tattaṭe |
pretā naiva kule tasya yāvadiṃdrāścaturdaśa || 76 ||
[Analyze grammar]

kanyādānaṃ ca ye kuryurvidhinā tatra bhūpate |
te tiṣṭhanti brahmaloke yāvadābhūtasaṃplavam || 77 ||
[Analyze grammar]

mahiṣīṃ gṛhadāsīṃ ca surabhīṃ sutasaṃyutām |
hema vidyāṃ tathā bhūmiṃ rathāṃśca gajavāsasī || 78 ||
[Analyze grammar]

dadāti śraddhayā tatra so'kṣayaṃ svargamaśnute |
devakhātasya māhātmyaṃ yaḥ paṭhecchivasannidhau |
dīrghamāyustathā saukhyaṃ labhate nātra saṃśayaḥ || 79 ||
[Analyze grammar]

yaḥ śṛṇoti naro bhaktyā nārī vā tvidamadbhutam |
kule tasya bhavecchreyaḥ kalpāṃte'pi yudhiṣṭhira || 80 ||
[Analyze grammar]

etatsarvaṃ mayākhyātaṃ hayagrīvasya kāraṇam |
prabhāstasya tīrthasya sarvapāpāyanuttaye || 81 ||
[Analyze grammar]