Chapter 14

[English text for this chapter is available]

yudhiṣṭhira uvāca |
kṛpāsiṃdho mahābhāga sarvavyāpinsureśvara |
kadā hyatra tapastaptaṃ viṣṇunāmitatejasā || 1 ||
[Analyze grammar]

skaṃdāya kathitaṃ caiva śarveṇa ca mahātmanā |
ānupūrvyeṇa sarvaṃ hi kathayasva tvameva hi || 2 ||
[Analyze grammar]

vyāsa uvāca |
śṛṇu vatsa pravakṣyāmi dharmmāraṇye nṛpottama |
ekadātra tapastaptaṃ viṣṇunā'mitatejasā || 3 ||
[Analyze grammar]

skaṃda uvāca |
kathaṃ devasaronāma paṃpā caṃpā gayā tathā |
vārāṇasyadhikā caiva kathamaśvamukho hariḥ || 4 ||
[Analyze grammar]

īśvara uvāca |
atra nārāyaṇo devastapastepe suduṣkaram |
divyavarṣaśataṃ trīṇi jātaḥ suṣṭhvānanaśca saḥ || 5 ||
[Analyze grammar]

tapastepe mahāviṣṇuḥ surūpārthaṃ ca putraka |
vājimukho haristatra siddhasthāne mahādyute || 6 ||
[Analyze grammar]

skaṃda uvāca |
kāraṇaṃ brūhi nodya tvamaśvānanaḥ kathaṃ hariḥ |
mahāripośca haṃtā ca devadevo jagatpatiḥ || 7 ||
[Analyze grammar]

yasya nāmnā mahābhāga pātakāni bahūnyapi |
vilīyaṃte tu vegena tamaḥ sūryodaye yathā || 8 ||
[Analyze grammar]

śrūyaṃte yasya karmāṇi adbhutānyadbhutāni vai |
sarveṣāmeva jīvānāṃ kāraṇaṃ parameśvaraḥ || 9 ||
[Analyze grammar]

prāṇarūpeṇa yo devo hayarūpaḥ kadhaṃ bhavet |
sarveṣāmapi taṃtrāṇāmekarūpaḥ prakīrtitaḥ || 10 ||
[Analyze grammar]

bhaktigamyo dharmabhājāṃ sukharūpaḥ sadā śuciḥ |
guṇātīto'pi nityo'sau sarvago nirguṇastathā || 11 ||
[Analyze grammar]

sraṣṭāsau pālako haṃtā avyaktaḥ sarvadehinām |
anukūlo mahātejāḥ kasmādaśvamukho'bhavat || 12 ||
[Analyze grammar]

yasya romodbhavā devā vṛkṣādyāḥ pannagā nagāḥ |
kalpekalpe jagatsarvaṃ jāyate yasya dehataḥ || 13 ||
[Analyze grammar]

sa eva viśvaprabhavaḥ sa evātyaṃtakāraṇam |
yenānītāḥ punarvidyā yajñāśca pralayaṃ gatāḥ || 14 ||
[Analyze grammar]

ghātito duṣṭadaityo'sau vedārthaṃ kṛta udyamaḥ |
evamāsīnmahāviṣṇuḥ kathamaśvamukho'bhavat || 15 ||
[Analyze grammar]

ratnagarbhā dhṛtā yena pṛṣṭhadeśe ca līlayā |
kṛtyā vyavasthitaṃ sarvaṃ jagatsthāvarajaṃgamam || 16 ||
[Analyze grammar]

sa devo viśvarūpo vai kathaṃ vājimukho'bhavat |
hiraṇyākṣasya haṃtā yo rūpaṃ kṛtvā varāhajam || 17 ||
[Analyze grammar]

supavitraṃ mahātejāḥ praviśya jalasā gare |
uddhṛtā ca mahī sarvā sasāgaramahīdharā || 18 ||
[Analyze grammar]

uddhṛtā ca mahī nūnaṃ daṃṣṭrāgre yena līlayā |
kṛtvā rūpaṃ varāhaṃ ca kapilaṃ śokanāśanam || 19 ||
[Analyze grammar]

sa devaḥ kathamīśāno hayagrīvatvamāgataḥ |
prahlādārthe sa ceśāno rūpaṃ kṛtvā bhayāvaham || 20 ||
[Analyze grammar]

nārasiṃhaṃ mahādevaṃ sarvaduṣṭanivāraṇam |
parvatāgnisamudrasthaṃ rarakṣa bhaktasattamam || 21 ||
[Analyze grammar]

hiraṇyakaśipuṃ duṣṭaṃ jaghāna rajanīmukhe |
iṃdrāsane ca saṃsthāpya prahlādasya sukhapradam || 22 ||
[Analyze grammar]

prahlādārthe ca vai nūnaṃ nṛsiṃhatvamupāgataḥ |
virocanasutasyāgre yācako'sau bhavettadā || 23 ||
[Analyze grammar]

yajñe caivāśvamedhe vai balinā yaḥ samarcitaḥ |
hṛtā vasumatī tasya tripadīkṛtarodasī || 24 ||
[Analyze grammar]

viśvarūpeṇa vai yena pātāle kṣapito baliḥ |
triḥsaptavāraṃ yenaiva kṣatriyānavanītale || 25 ||
[Analyze grammar]

hatvā'dadācca viprebhyo mahīmatimahaujasā |
ghātito haihayo rājā yenaiva jananī hatā || 26 ||
[Analyze grammar]

yena vai śiśunorvyāṃ hi ghātitā duṣṭacāriṇī |
rākṣasī tāḍakā nāmnī kauśikasya prasādataḥ || 27 ||
[Analyze grammar]

viśvāmitrasya yajñe tu yena līlānṛdehinā |
caturdaśasahasrāṇi ghātitā rākṣasā valāt || 28 ||
[Analyze grammar]

hatā śūrpaṇakhā yena triśirāśca nipātitaḥ |
sugrīvaṃ vālinaṃ hatvā sugrīveṇa sahāyavān || 29 ||
[Analyze grammar]

kṛtvā setuṃ samudrasya raṇe hatvā daśānanam |
dharmmāraṇyaṃ samāsādya brāhmaṇānanvapūjayat || 30 ||
[Analyze grammar]

śāsanaṃ dvijavaryebhyo dattvā grāmānbahūṃstathā |
snātvā caiva dharmmavāpyāṃ sudānānyadadādgavām || 31 ||
[Analyze grammar]

sādhūnāṃ pālanaṃ kṛtvā nigrahāya durātmanām |
evamanyāni karmmāṇi śrutāni ca dharātale || 32 ||
[Analyze grammar]

sa devo līlayā kṛtvā kathaṃ cāśvamukho'bhavat |
yo jāto yādave vaṃśe pūtanāśakaṭādikam || 33 ||
[Analyze grammar]

ariṣṭadaityaḥ keśī ca vṛkāsurabakāsurau |
śakaṭāsuro mahāsura stṛṇāvartaśca dhenukaḥ || 34 ||
[Analyze grammar]

mallaścaiva tathā kaṃso jarāsaṃdhastathaiva ca |
kālayavanasya haṃtā ca kathaṃ vai sa hayānanaḥ |
tārakāsuraṃ raṇe jitvā ayutaṣaṭpuraṃ tathā || 35 ||
[Analyze grammar]

kanyāścodvāhitā yena sahasrāṇi ca ṣaḍ daśa |
amānuṣāṇi kṛtvetthaṃ kathaṃ so'śvamukho'bhavat || 36 ||
[Analyze grammar]

trātā yaḥ sarvabhaktānāṃ haṃtā sarvadurātmanām |
dharmasthāpanakṛtso'pi kalkirviṣṇupade sthitaḥ || 37 ||
[Analyze grammar]

etadvai mahadāścaryyaṃ bhavatā yatprakāśitam |
etadācakṣva me sarvaṃ kāraṇaṃ tripurāṃtaka || 38 ||
[Analyze grammar]

śrīrudra uvāca |
sādhupṛṣṭaṃ mahābāho kāraṇaṃ tasya vacmyaham |
hayagrīvasya kṛṣṇasya śṛṇuṣve kāgramānasaḥ || 39 ||
[Analyze grammar]

vyāsa uvāca |
purā devaiḥ samārabdho yajño nūnaṃ dharātale |
vedamaṃtrairāhvayituṃ sarve rudrapurogamāḥ || 40 ||
[Analyze grammar]

vaikuṇṭhe ca gatāḥ sarve kṣīrābdhau ca nijālaye |
pātāle'pi punargatvā na viduḥ kṛṣṇadarśanam || 41 ||
[Analyze grammar]

mohāviṣṭāstataḥ sarve itaścetaśca dhāvitāḥ |
naiva dṛṣṭastadā taistu brahmarūpo janārdanaḥ || 42 ||
[Analyze grammar]

vicārayaṃti te sarve devā indrapurogamāḥ |
kva gato'sau mahāviṣṇuḥ kenopāyena dṛśyate || 43 ||
[Analyze grammar]

praṇamya śirasā devaṃ vāgīśaṃ procurādarāt |
devadeva mahāviṣṇuṃ kathayasva prasādataḥ || 44 ||
[Analyze grammar]

bṛhaspatiruvāca |
na jāne kena kāryeṇa yogārūḍho mahātmavān |
yogarūpo'bhavadviṣṇuryogīśo hariracyutaḥ || 45 ||
[Analyze grammar]

kṣaṇaṃ dhyātvā svamātmānaṃ dhiṣaṇena khyāpito hariḥ |
tatra sarve gatā devā yatra devo jagatpatiḥ || 46 ||
[Analyze grammar]

tadā dṛṣṭo mahāviṣṇurdhyānastho'sau janārdanaḥ |
dhyātvā kṛtyasamākāraṃ saśaraṃ daityasūdanam || 47 ||
[Analyze grammar]

samāsthānaṃ tato dṛṣṭvā bodhopāyaṃ pracakrame |
āha tāṃśca tadā vamryo dhanurguṇaṃ prayatnataḥ |
chetsyaṃti cettacchabdena prabudhyeta hariḥ svayam || 48 ||
[Analyze grammar]

devā ūcuḥ |
guṇabhakṣaṃ kurudhvaṃ vai yenāsau budhyate hariḥ |
kratvarthino vayaṃ vamryaḥ prabhuṃ vijñāpayāmahe || 49 ||
[Analyze grammar]

vamryaḥ ūcuḥ |
nidrābhaṃgaṃ kathācchedaṃ dampatyormaitrabhedanam |
śiśumātṛvibhedaṃ vā kurvāṇo narakaṃ vrajet || 50 ||
[Analyze grammar]

yogārūḍho jagannāthaḥ samādhistho mahābalaḥ |
tasya śrījagadīśasya vighnaṃ naiva tu kurmahe || 51 ||
[Analyze grammar]

brahmovāca |
bhavatāṃ sarvabhakṣatvaṃ devakāryaṃ kriyeta cet |
karttavyaṃ ca tato vamryo yajñasiddhiryathā bhavet |
vamrīśā sā tadā vatsa punarevamuvāca ha || 52 ||
[Analyze grammar]

vamryuvāca |
duḥkhasādhyo jagannātho malayānilasaṃnibhaḥ |
kathaṃ vā bodhyatāṃ bahmannasmābhiḥ surapūjitaḥ || 53 ||
[Analyze grammar]

naiva yajñena me kāryaṃ suraiścaiva tathaiva ca |
sarveṣu yajñakāryeṣu bhāgaṃ dadatu me surāḥ || 54 ||
[Analyze grammar]

devā ūcuḥ |
pradāsyāmo vayaṃ vamryai bhāgaṃ yajñeṣu sarvadā |
yajñāya dattamasmābhiḥ kuruṣvaivaṃ vaco hi naḥ || 55 ||
[Analyze grammar]

tatheti vidhināpyuktaṃ vamrī codyamamāśritā |
guṇabhakṣādikaṃ karma tayā sarvaṃ kṛtaṃ nṛpa || 56 ||
[Analyze grammar]

yudhiṣṭhira uvāca |
asya vā bodhane devā guṇabhaṃge samādhiṣu |
etadāścaryaṃ viprarṣe satyaṃ satyavatīsuta || 57 ||
[Analyze grammar]

vyāsa uvāca |
vyagracittāḥ surāḥ sarve ākṛṣṭaṃ harikārmu kam |
na jāne kena kāryeṇa viṣṇumāyāvimohitāḥ || 58 ||
[Analyze grammar]

muditāstāḥ pramuñcaṃti valmīkaṃ cāgrato hareḥ |
koṭipārśve tato nītaṃ valmīkaṃ parvatopamam || 59 ||
[Analyze grammar]

guṇe ca bhakṣite tasmiṃstakṣaṇādeva dūṣite |
jyāghātakoṭibhiḥ sārddhaṃ śīrṣaṃ chittvā divaṃ gatam || 60 ||
[Analyze grammar]

gate śīrṣe ca te devā bhṛśamu dvignamānasāḥ |
dhāvaṃti sarvataḥ sarve śiraālokanāya te || 61 ||
[Analyze grammar]