Chapter 16

[English text for this chapter is available]

yudhiṣṭhira uvāca |
rakṣasāṃ caiva daityānāṃ yakṣaṇāmatha pakṣiṇām |
bhayanāśāya kājeśairdharmāraṇyanivāsinām || 1 ||
[Analyze grammar]

śaktīḥ saṃsthāpitā nṛnaṃ nānārūpā hyanekaśaḥ |
tāsāṃ sthānāni nāmā ni yathārūpāṇi me vada || 2 ||
[Analyze grammar]

vyāsa uvāca |
śṛṇu pārtha mahābāho dharmamūrte nṛpottama |
sthāne vai sthāpitā śaktiḥ kājeśaiścaiva gotrapā || 3 ||
[Analyze grammar]

śrīmātā madārikāyāṃ śāṃtā naṃdāpure vare |
rakṣārthaṃ dvijamukhyānāṃ caturdikṣu sthitāśca tāḥ || 4 ||
[Analyze grammar]

yuktāścaiva suraiḥ sarvaiḥ svasvasthāne nṛpottama |
vanamadhye sthitāḥ sarvā dvijānāṃ rakṣaṇāya vai || 5 ||
[Analyze grammar]

sā babhūva mahārāja sāvitrīti prathā śivā |
asurāṇāṃ vadhārthāya jñānajā sthāpitā suraiḥ || 6 ||
[Analyze grammar]

gātrāyī pakṣiṇī devī chatrajā dvāravāsinī |
śīhorī cūṭasaṃjñā yā pippalāśāpurī tathā |
anyāśca bahavaścaiva sthāpitā bhayarakṣaṇe || 7 ||
[Analyze grammar]

pratīcyodīcyāṃ yāmyāṃ vai vibudhaiḥ sthāpitā hi sā |
nānāyudhadharā sā ca nānābharaṇabhūṣitā || 8 ||
[Analyze grammar]

nānāvāhanamārūḍhā nānārūpadharā ca sā |
nānākopasamāyuktā nānābhayavinā śinī || 9 ||
[Analyze grammar]

sthāpyā mātaryathāsthāne yathāyogyā diśodiśa |
garuḍena samārūḍhā triśūlavaradhāriṇī || 10 ||
[Analyze grammar]

siṃhārūḍhā śuddharūpā vāruṇī pānadarpitā |
khaḍgakheṭakabāṇāḍhyaiḥ karairbhāti śubhānanā || 11 ||
[Analyze grammar]

raktavastrāvṛtā caiva pīnonnatapayodharā |
udyadādityabiṃbābhā madāghūrṇitalocanā || 12 ||
[Analyze grammar]

evameṣā mahādivyā kājeśaiḥ sthāpitā tadā |
rakṣārthaṃ sarvajaṃtūnāṃ satyamaṃdiravāsinām || 13 ||
[Analyze grammar]

sā devī nṛpaśārdūla stutā saṃpūjitā saha |
dadāti sakalānkāmānvāṃchitānnṛpamattama || 14 ||
[Analyze grammar]

dharmāraṇyātpaścimataḥ sthāpitā chatrajā śubhā |
tatrasthā rakṣate viprānkiyacchaktisama nvitā || 15 ||
[Analyze grammar]

bhairavaṃ rūpamāsthāya rākṣasānāṃ vadhāya ca |
dhārayaṃtyāyudhānītthaṃ viprāṇāmabhayāya ca || 16 ||
[Analyze grammar]

saraścakāra tasyāgre uttamaṃ jala pūritam |
sarasyasminmahābhāga kṛtvā snānāditarpaṇam || 17 ||
[Analyze grammar]

piṃḍadānādikaṃ sarvamakṣayaṃ caiva jāyate |
bhūmau kṣiptāṃjalīndivyāndhūpadīpādikaṃ sadā || 18 ||
[Analyze grammar]

tasya no bādhate vyādhiḥ śatrūṇāṃ nāśa eva ca |
balidānādikaṃ tatra kuryādbhūyaḥ svaśaktitaḥ || 19 ||
[Analyze grammar]

śatravo nāśamāyāṃti dhanaṃ dhānyaṃ vivardhate |
ānaṃdā sthāpitā rājañchaktyaṃśā ca manoramā || 20 ||
[Analyze grammar]

rakṣaṇārthaṃ dvijātīnāṃ māhātmyaṃ śṛṇu bhūpate |
śuklāṃbaradharā divyā hemabhūṣaṇabhūṣitā || 21 ||
[Analyze grammar]

siṃhārūḍhā caturhastā śaśāṃkakṛtaśekharā |
muktāhāralatopetā pītonnatapayodharā || 22 ||
[Analyze grammar]

akṣamālāsihastā ca guṇa tomaradhāriṇī |
divyagaṃdhavarādhārā divyamālāvibhūṣitā || 23 ||
[Analyze grammar]

sāttvikī śaktirānaṃdā sthitā tasminpure purā |
pūjayettāṃ ca vai rājankarpūrārakta caṃdanaiḥ || 24 ||
[Analyze grammar]

bhojayetpāyasaiḥ śubhrairmadhvājyasitayā saha |
bhavānyāḥ prītaye rājankumāryāḥ pūjanaṃ tathā || 25 ||
[Analyze grammar]

tatra japtaṃ hutaṃ dattaṃ dhyātaṃ ca nṛpasattama |
tatsarvaṃ cākṣayaṃ tatra jāyate nātra saṃśayaḥ || 26 ||
[Analyze grammar]

triguṇe triguṇā vṛddhistasminsthāne nṛpottama |
sādhakasya bhavennūnaṃ dhanadārādisaṃ padaḥ || 27 ||
[Analyze grammar]

na hānirna ca rogaśca na śatrurna ca duṣkṛtam |
gāvastasya vivarddhaṃte dhanadhānyādisaṃkulam || 28 ||
[Analyze grammar]

na śākinyā bhayaṃ tasya na ca rājñaśca vairiṇaḥ |
na ca vyādhibhayaṃ caiva sarvatra vijayī bhavet || 29 ||
[Analyze grammar]

vidyāścaturddaśāsyaiva bhāsaṃte paṭhitā iva |
sūryavaddyotate bhūmāvānaṃdamā śrito naraḥ || 30 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvārdhe dharmāraṇyamāhātmya ānaṃdāsthāpanavarṇanaṃ nāma ṣoḍaśo'dhyāyaḥ || 16 ||
[Analyze grammar]