Chapter 44

[English text for this chapter is available]

ṛṣaya ūcuḥ |
sarvavedārthatattvajña purāṇārṇavapāraga |
vyāsapādāṃbujadvaṃdvanamaskārahṛtāśubha || 1 ||
[Analyze grammar]

purāṇārthopadeśena sarvaprāṇyupakā raka |
tvayā hyanugṛhītāḥ sma purāṇakathanādvayam || 2 ||
[Analyze grammar]

adhunā setumāhātmyakathanātsutarāṃ mune |
vayaṃ kṛtārthāḥ saṃjātā vyāsaśiṣya mahāmate || 3 ||
[Analyze grammar]

yathā prātiṣṭhipalliṃgaṃ rāmo daśarathātmajaḥ |
tacchrotuṃ vayamicchāmastvamidānīṃ vadasva naḥ || 4 ||
[Analyze grammar]

śrīsūta uvāca |
yadarthaṃ sthāpitaṃ liṃgaṃ gandhamādanaparvate |
rāmacandreṇa vipreṃdra tadidānīṃ bravīmi vaḥ || 5 ||
[Analyze grammar]

hṛtabhāryo vanādrāmo rāvaṇena balīyasā |
kapisenāyuto dhīraḥ sasaumi trirmahābalaḥ || 6 ||
[Analyze grammar]

maheṃdraṃ girimāsādya vyalokayata vāridhim |
tasminnapāre jaladhau kṛtvā setuṃ raghūdvahaḥ || 7 ||
[Analyze grammar]

tena gatvā purīṃ laṃkāṃ rāvaṇenābhirakṣi tām |
astaṃgate sahasrāṃśau paurṇamāsyāṃ niśāmukhe || 8 ||
[Analyze grammar]

rāmaḥ sasainiko viprāḥ suvelagirimāruhat |
tataḥ saudhasthitaṃ rātrau dṛṣṭvā laṃkeśvaraṃ balī || 9 ||
[Analyze grammar]

sūryaputro'sya mukuṭaṃ pātayāsa bhūtale |
rākṣaso bhagnamukuṭaḥ praviveśa gṛhodaram || 10 ||
[Analyze grammar]

gṛhaṃ praviṣṭe laṃkeśe rāmaḥ sugrīvasaṃyutaḥ |
sānujaḥ senayā sārddhamavaruhya girestaṭāt || 11 ||
[Analyze grammar]

senāṃ nyaveśayadvīro rāmo laṃkāsamīpataḥ |
tato niveśamānāṃstānvānarānrāvaṇānugāḥ || 12 ||
[Analyze grammar]

abhijagmurmahākāyāḥ sāyudhāḥ sahasainikāḥ |
parvaṇaḥ pūtano jṛṃbhaḥ kharaḥ krodhavaśo hariḥ || 13 ||
[Analyze grammar]

prārujaścārujaścaiva prahastaścetare tathā |
tato'bhipatatāṃ teṣāmadṛśyānāṃ durātmanām || 14 ||
[Analyze grammar]

antardhānavadhaṃ tatra cakāra sma vibhīṣaṇaḥ |
te dṛśyamānā balibhirharibhirdūrapātibhiḥ || 15 ||
[Analyze grammar]

nihatāḥ sarvataścaite nyapatanvai gatāsavaḥ |
amṛṣyamāṇaḥ sabalo rāvaṇo niryayāvatha || 16 ||
[Analyze grammar]

vyūhya tānvānarānsarvānnyavārayata sāyakaiḥ |
rāghavastvatha niryāya vyūḍhānīko daśānanam || 17 ||
[Analyze grammar]

pratyayudhyata vegena dvaṃdvayuddhamabhūttadā |
yuyudhe lakṣmaṇenātha iṃdrajidrāvaṇātmajaḥ || 18 ||
[Analyze grammar]

virūpākṣeṇa sugrīvastāreyeṇāpi kharvaṭaḥ |
pauṃḍreṇa ca nalastatra puṭeśaḥ panasena ca || 19 ||
[Analyze grammar]

anyepi kapayo vīrā rākṣasairdvaṃdvametya tu |
cakruryuddhaṃ sutumulaṃ bhīrūṇāṃ bhayavarddhanam || 20 ||
[Analyze grammar]

atha rakṣāṃsi bhinnāni vānarairbhīmavikramaiḥ |
pradudruvū raṇādāśu laṃkāṃ rāvaṇapālitām || 21 ||
[Analyze grammar]

bhagneṣu sarvasainyeṣu rāvaṇapreritena vai |
putreṇeṃdrajitā yuddhe nāgāstrairatidāruṇaiḥ || 22 ||
[Analyze grammar]

viddhau dāśarathī viprā ubhau tau rāmalakṣmaṇau |
mocitau vainateyena garuḍena mahātmanā || 23 ||
[Analyze grammar]

tatra prahastastarasā samabhyetya vibhīṣaṇam |
gadayā tāḍayāmāsa vinadya raṇakarkaśaḥ || 24 ||
[Analyze grammar]

sa tayābhihato dhīmāngadayā bhāmivegayā |
nākaṃpata mahābāhurhimavāniva susthitaḥ || 25 ||
[Analyze grammar]

tataḥ pragṛhya vipulāmaṣṭaghaṃṭāṃ vibhīṣaṇaḥ |
abhimaṃtrya mahāśaktiṃ cikṣe pāsya śiraḥ prati || 26 ||
[Analyze grammar]

pataṃtyā sa tayā vegādrākṣaso'śaninā yathā |
hṛtottamāṃgo dadṛśe vātarugṇa iva drumaḥ || 27 ||
[Analyze grammar]

taṃ dṛṣṭvā nihataṃ saṃkhye prahastaṃ kṣaṇadācaram |
abhidudrāva dhūmrākṣo vegena mahatā kapīn || 28 ||
[Analyze grammar]

kapisainyaṃ samālokya vidrutaṃ pavanātmajaḥ |
dhūmrākṣamājaghānāśu śareṇa raṇamūrdhani || 29 ||
[Analyze grammar]

dhūmrākṣaṃ nihataṃ dṛṣṭvā hataśeṣā niśācarāḥ |
sarvaṃ rājñe yathāvṛttaṃ rāvaṇāya nyavedayan || 30 ||
[Analyze grammar]

tataḥ śayānaṃ laṃkeśaḥ kumbhakarṇamabodhayat |
prabuddhaṃ preṣayāmāsa yuddhāya sa ca rāvaṇaḥ || 31 ||
[Analyze grammar]

āgataṃ kumbhakarṇaṃ taṃ brahmāstreṇa tu lakṣmaṇaḥ |
jaghāna samare kruddho gatāsurnyapatacca saḥ || 32 ||
[Analyze grammar]

dūṣaṇasyānujau tatra vatravegapramāthinau |
hanumannīlanihatau rāvaṇapratimau raṇe || 33 ||
[Analyze grammar]

vajradaṃṣṭraṃ samavadhīdviśvakarmasuto nalaḥ |
akaṃpanaṃ ca nyahanatkumudo vānararṣabhaḥ || 34 ||
[Analyze grammar]

ṣaṣṭhyāṃ parājito rājā prāviśacca purīṃ tataḥ |
atikāyo lakṣmaṇena hataśca triśirāstathā || 35 ||
[Analyze grammar]

sugrīveṇa hatau yuddhe devāṃta kanarāṃtakau |
hanūmatā hatau yuddhe kumbhakarṇasutāvubhau || 36 ||
[Analyze grammar]

vibhīṣaṇena nihato makarākṣaḥ kharātmajaḥ |
tata indrajitaṃ putraṃ codayāmāsa rāvaṇaḥ || 37 ||
[Analyze grammar]

indrajinmohayitvā tau bhrātarau rāmalakṣamaṇau |
ghoraiḥ śarairaṃgadena hatavāho divi sthitaḥ || 38 ||
[Analyze grammar]

kumudāṃgadasugrīvanalajāṃbavadādibhiḥ |
sahitā vānarāḥ sarve nyapataṃstena ghātitāḥ || 39 ||
[Analyze grammar]

evaṃ nihatya samare sasainyau rāmalakṣmaṇau |
aṃtardadhe tadā vyomni meghanādo mahābalaḥ || 40 ||
[Analyze grammar]

tato vibhīṣaṇo rāmamikṣvākukulabhūṣaṇam |
uvāca prāṃjalirvākyaṃ praṇamya ca punaḥpunaḥ || 41 ||
[Analyze grammar]

ayamaṃbho gṛhītvā tu rājarājasya śāsanāt |
guhyako'bhyāgato rāma tvatsakāśamariṃdama || 42 ||
[Analyze grammar]

idamaṃbhaḥ kuberaste mahārāja prayacchati |
aṃtarhitānāṃ bhūtānāṃ darśanārthaṃ paraṃ tapa || 43 ||
[Analyze grammar]

anena spṛṣṭanayano bhūtānyaṃtarhitānyapi |
bhavāndrakṣyati yasmai vā bhavānetatpradāsyati || 44 ||
[Analyze grammar]

so'pi drakṣyati bhūtāni viyattyaṃtarhitāni vai |
tatheti rāmastadvāri pratigṛhyātha satkṛtam || 45 ||
[Analyze grammar]

cakāra netrayoḥ śaucaṃ lakṣmaṇaśca mahābalaḥ |
sugrīvajāṃbavantau ca hanumānaṃgadastathā || 46 ||
[Analyze grammar]

maiṃdadvividanīlāśca ye cānye vānarāstathā |
te sarve rāmadattena vāriṇā śuddhacakṣuṣaḥ || 47 ||
[Analyze grammar]

ākāśeṃtarhitaṃ vīramapaśyanrāvaṇā tmajam |
tatastamabhidudrāva saumitrirdṛṣṭigocaram || 48 ||
[Analyze grammar]

tato jaghāna saṃkuddho lakṣmaṇaḥ kṛtalakṣaṇaḥ |
kuverapreṣitajalaiḥ pavitrīkṛtalocanaḥ || 49 ||
[Analyze grammar]

tataḥ samabhavadyuddhaṃ lakṣmaṇeṃdrajitormahat |
atīva citramāścaryaṃ śakraprahlādayoriva || 50 ||
[Analyze grammar]

tatastṛtīyadivase yatnena mahatā dvijāḥ |
iṃdrajinnihato yuddhe lakṣmaṇena balīyasā || 51 ||
[Analyze grammar]

tato mūlabalaṃ sarvaṃ hataṃ rāmeṇa dhīmatā |
atha kruddho daśagrīvaḥ priyaputre nipātite || 52 ||
[Analyze grammar]

niryayau rathamāsthāya nagarādbahusainikaḥ |
rāvaṇo jānakīṃ hantumudyukto viṃdhyavāritaḥ || 53 ||
[Analyze grammar]

tato haryaśvayuktena rathenādityavarcasā |
upatasthe raṇe rāmaṃ mātaliḥ śakrasārathiḥ || 54 ||
[Analyze grammar]

aindraṃ rathaṃ samāruhya rāmo dharmabhṛtāṃ varaḥ |
śirāṃsi rākṣasendrasya brahmāstreṇāvadhīdraṇe || 55 ||
[Analyze grammar]

tato hatadaśagrīvaṃ rāmaṃ daśarathātmajam |
āśīrbhirjayayuktābhirdevāḥ sarṣipurogamāḥ || 56 ||
[Analyze grammar]

tuṣṭuvuḥ parisaṃtuṣṭāḥ siddhavidyādharāstathā |
rāmaṃ kamalapatrākṣaṃ puṣpa varṣeravākiran || 57 ||
[Analyze grammar]

rāmastaiḥ surasaṃghātaiḥ sahitaḥ sainikairvṛtaḥ |
sītāsaumitrisahitaḥ samāruhya ca puṣpakam || 58 ||
[Analyze grammar]

tathābhiṣicya rājānaṃ laṃkāyāṃ ca vibhīṣaṇam |
kapisenāvṛto rāmo gandhamādanamanvagāt || 59 ||
[Analyze grammar]

pariśodhya ca vaidehīṃ gaṃdhamādanaparvate |
rāmaṃ kamalapatrākṣaṃ sthitavānara saṃvṛtam || 60 ||
[Analyze grammar]

hatalaṃkeśvaraṃ vīraṃ sānujaṃ savibhīṣaṇam |
sabhāryaṃ devavṛṃdaiśca sevitaṃ munipuṃgavaiḥ || 61 ||
[Analyze grammar]

munayo'bhyāgatā draṣṭuṃ daṃḍakāraṇya vāsinaḥ |
agastyaṃ te puraskṛtya tuṣṭuvurmaithilīpatim || 62 ||
[Analyze grammar]

munaya ūcuḥ |
namaste rāmacaṃdrāya lokānugrahakāriṇe |
arāvaṇaṃ jagatkartumavatīrṇāya bhūtale || 63 ||
[Analyze grammar]

tāṭikādehasaṃhartre gādhijādhvararakṣiṇe |
namaste jitamārīca suvāhuprāṇahāriṇe || 64 ||
[Analyze grammar]

ahalyāmuktisaṃdāyipādapaṃkajareṇave |
namaste harakodaṇḍalīlābhañjanakāriṇe || 65 ||
[Analyze grammar]

namaste maithilīpāṇigrahaṇotsavaśāline |
namaste reṇukāputraparājayavidhāyine || 66 ||
[Analyze grammar]

sahalakṣmaṇasītābhyāṃ kaikeyyāstu varadvayāt |
satyaṃ pitṛvacaḥ kartuṃ namo vanamupe yuṣe || 67 ||
[Analyze grammar]

bharataprārthanādattapādukāyugulāya te |
namaste śarabhaṃgasya svargaprāptyaikahetave || 68 ||
[Analyze grammar]

namo virādhasaṃhartre gṛdharājasa khāya te |
māyāmṛgamahākrūramārīcāṃgavidāriṇe || 69 ||
[Analyze grammar]

sītāpahārilokeśayuddhatyaktakalevaram |
jaṭāyuṣaṃ tu saṃdahya tatkaivalyapradāyine || 70 ||
[Analyze grammar]

namaḥ kabaṃdhasaṃhartre śavarīpūjitāṃghraye |
prāptasugrīvasakhyāya kṛtavālivadhāya te || 71 ||
[Analyze grammar]

namaḥ kṛtavate setuṃ samudre varuṇālaye |
sarvarākṣasasaṃhartre rāvaṇaprāṇahāriṇe || 72 ||
[Analyze grammar]

saṃsārāṃbudhisaṃtārapotapādāṃbujāya te |
namo bhaktārtisaṃhartre saccidānaṃdarūpiṇe || 73 ||
[Analyze grammar]

namaste rāma bhadrāya jagatāmṛddhihetave |
rāmādipuṇyanāmāni japatāṃ pāpahāriṇe || 74 ||
[Analyze grammar]

namaste sarvalokānāṃ sṛṣṭisthityaṃtakāriṇe |
namaste karuṇāmūrte bhaktarakṣaṇadīkṣita || 785 ||
[Analyze grammar]

sasītāya namastubhyaṃ vibhīṣaṇasukhaprada |
laṃkeśvaravadhādrāma pālitaṃ hi jagattvayā || 76 ||
[Analyze grammar]

rakṣarakṣa jagannātha pāhya smāñjānakīpate |
stutvaivaṃ munayaḥ sarve tūṣṇīṃ tasthurdvijottamāḥ || 77 ||
[Analyze grammar]

śrīsūta uvāca |
ya idaṃ rāmacandrasya stotraṃ munibhirīritam |
trisaṃdhyaṃ paṭhate bhaktyā bhuktiṃ muktiṃ ca viṃdati || 78 ||
[Analyze grammar]

prayāṇakāle paṭhato n bhītirupajāyate |
etatstotrasya paṭhanādbhūtavetālakādayaḥ || 79 ||
[Analyze grammar]

naśyaṃti rogā naśyaṃti naśyate pāpasaṃcayaḥ |
putrakāmo labhetputraṃ kanyā viṃdati satpatim || 80 ||
[Analyze grammar]

mokṣakāmo labhenmokṣaṃ dhanakāmo dhanaṃ labhet |
sarvānkāmānavāpnoti paṭhanbhaktyā tvimaṃ stavam || 81 ||
[Analyze grammar]

tato rāmo munīnprāha praṇamya ca kṛtāṃjaliḥ |
ahaṃ viśuddhaye prāpyaḥ sakalairapi mānavaiḥ || 82 ||
[Analyze grammar]

maddṛṣṭigocaro janturnityamokṣasya bhājanam |
tathāpi munayo nityaṃ bhaktiyuktena cetasā || 83 ||
[Analyze grammar]

svātmalābhena saṃtuṣṭānsādhūnbhūtasuhṛttamān |
nirahaṃkāriṇaḥ śāṃtānnamasyāmyūrdhvaretasaḥ || 84 ||
[Analyze grammar]

yasmādbrahmaṇyadevo'hamato viprānbhaje sadā |
yuṣmānpṛcchāmyahaṃ kiṃcittadvadadhvaṃ vicārya tu || 85 ||
[Analyze grammar]

rāvaṇasya vadhādviprā yatpāpaṃ mama vartate |
tasya me niṣkṛtiṃ brūta paulastyavadhajasya hi |
yatkṛtvā tena pāpe na mucye'haṃ munipuṃgavāḥ || 86 ||
[Analyze grammar]

munaya ūcuḥ |
satyavrata jagannātha jagadrakṣādhuraṃdhara || 87 ||
[Analyze grammar]

sarvalokopakārārthaṃ kuru rāma śivārcanam |
gandhamādanaśṛṃge'sminmahāpuṇye vimuktide || 88 ||
[Analyze grammar]

śivaliṃgapratiṣṭhāṃ tvaṃ lokasaṃgrahakāmyayā |
kuru rāma daśagrīvavadhadoṣāpanuttaye || 89 ||
[Analyze grammar]

liṃgasthāpanajaṃ puṇyaṃ caturvaktro'pi bhāṣitum |
na śaknoti tato vaktuṃ kiṃ punarmanujeśvara || 9 ||
[Analyze grammar]

yattvayā sthāpyate ligaṃ gandhamādanaparvate |
asya saṃdarśanaṃ puṃsāṃ kāśīliṃgāvalokanāt || 91 ||
[Analyze grammar]

adhikaṃ koṭiguṇitaṃ phalavatsyānna saṃśayaḥ |
tava nāmnā tvidaṃ liṃgaṃ loke khyātiṃ samaśnutām || 92 ||
[Analyze grammar]

nāśakaṃ puṇyapāpākhyakāṣṭhānāṃ dahanopamam |
idaṃ rāmeśvaraṃ liṃgaṃ khyātaṃ loke bhaviṣyati || 93 ||
[Analyze grammar]

mā vilaṃbaṃ kuruṣvāto liṃgasthāpanakarmaṇi |
rāmacaṃdra mahābhāga karuṇāpūrṇavigraha || 94 ||
[Analyze grammar]

śrīsūta uvāca |
iti śrutvā vaco rāmo munīnāṃ taṃ munīśvarāḥ |
puṇyakālaṃ vicāryātha dvimuhūrtaṃ jagatpatiḥ || 95 ||
[Analyze grammar]

kailāsaṃ preṣayāmāsa hanumantaṃ śivālayam |
śivaliṃgaṃ samānetuṃ sthāpanārthaṃ raghūdvahaḥ || 96 ||
[Analyze grammar]

rāma uvāca |
hanūmannaṃjanīsūno vāyuputra mahābala |
kailāsaṃ tvarito gatvā liṃgamānaya mā ciram || 97 ||
[Analyze grammar]

ityājñaptassa rāmeṇa bhujāvāsphālya vīryavān |
muhūrtadvitayaṃ jñātvā puṇyakālaṃ kapīśvaraḥ || 98 ||
[Analyze grammar]

paśyatāṃ sarvadevānāmṛṣīṇāṃ ca mahātmanām |
utpapāta mahāvegaścālayangaṃdhamādanam || 99 ||
[Analyze grammar]

laṃghayansa viyanmārgaṃ kailāsaṃ parvataṃ yayau |
na dadarśa mahādevaṃ liṃgarūpadharaṃ kapiḥ || 100 ||
[Analyze grammar]

kailāse parvate tasminpuṇye śaṃkarapālite |
āṃjaneyastapastepe liṃgaprāptyarthamādarāt || 1 ||
[Analyze grammar]

prāgagreṣu samāsīnaḥ kuśeṣu munipuṃgavāḥ |
ūrdhvabāhurnirālambo nirucchvāso jiteṃdriyaḥ || 2 ||
[Analyze grammar]

prasādayanmahādevaṃ liṃgaṃ lebhe sa mārutiḥ |
etasminnaṃtare viprā munibhistattvadarśibhiḥ || 3 ||
[Analyze grammar]

anāgataṃ hanūmaṃtaṃ kālaṃ svalpāvaśeṣitam |
jñātvā prakathitaṃ tatra rāmaṃ prati mahāmatim || 4 ||
[Analyze grammar]

rāmarāma mahābāho kālo hyatyeti sāṃpratam |
jānakyā yatkṛtaṃ liṃgaṃ saikataṃ līlayā vibho || 5 ||
[Analyze grammar]

talliṃgaṃ sthāpayasvādya mahāliṃgamanuttamam |
śrutvaitadvacanaṃ rāmo jānakyā saha satvaram || 6 ||
[Analyze grammar]

munibhiḥ sahitaḥ prītyā kṛtakautukamaṃgalaḥ |
jyeṣṭhe māse site pakṣe daśamyāṃ budhahastayoḥ || 7 ||
[Analyze grammar]

garānaṃde vyatīpāte kanyā candre vṛṣe ravau |
daśayoge mahāpuṇye gandhamādanaparvate || 8 ||
[Analyze grammar]

setumadhye mahādevaṃ liṃgarūpadharaṃ haram |
īśānaṃ kṛttivasanaṃ gaṃgācaṃdrakalādharam || 9 ||
[Analyze grammar]

rāmo vai sthāpayāmāsa śivaliṃgamanuttamam |
liṃgasthaṃ pūjayāmāsa rāghavaḥ sāṃbamīśvaram || 110 ||
[Analyze grammar]

liṃgasthaḥ sa mahādevaḥ pārvatyā saha śaṃkaraḥ |
pratyakṣameva bhagavāndattavānvaramuttamam || 11 ||
[Analyze grammar]

sarvalokaśaraṇyāya rāghavāya mahātmane |
tvayātra sthāpitaṃ liṃgaṃ ye paśyaṃti raghūdvaha || 12 ||
[Analyze grammar]

mahāpātakayuktāśca teṣāṃ pāpaṃ praṇaśyati |
sarvāṇyapi hi pāpāni dhanuṣkoṭau nimajjanāt || 13 ||
[Analyze grammar]

darśanādrāmaliṃgasya pātakāni mahāṃtyapi |
vilayaṃ yāṃti rājeṃdra rāmacandra na saṃśayaḥ || 14 ||
[Analyze grammar]

prādādevaṃ hi rāmāya varaṃ devoṃ'bikāpatiḥ |
tadagre naṃdikeśaṃ ca sthāpayāmāsa rāghavaḥ || 15 ||
[Analyze grammar]

īśvarasyābhiṣekārthaṃ dhanuṣkoṭyātha rāghavaḥ |
ekaṃ kūpaṃ dharāṃ bhittvā janayāmāsa vai dvijāḥ || 16 ||
[Analyze grammar]

tasmājjalamupādāya snāpayāmāsa śaṃkaram |
koṭitīrthamiti proktaṃ tattīrthaṃ puṇyamuttamam || 17 ||
[Analyze grammar]

uktaṃ tadvaibhavaṃ pūrvamasmābhirmunipuṃgavāḥ |
devāśca munayo nāgā gandharvāpsa rasāṃ gaṇāḥ |
sarvepi vānarā liṃgamekaikaṃ cakrurādarāt || 18 ||
[Analyze grammar]

śrīsūta uvāca |
evaṃ vaḥ kathitaṃ viprā yathā rāmeṇa dhīmata || 59 ||
[Analyze grammar]

sthāpitaṃ śivaliṃgaṃ vai bhuktimuktipradāyakam |
imāṃ liṃgapratiṣṭhāṃ yaḥ śṛṇoti paṭhate'thavā || 120 ||
[Analyze grammar]

sa rāmeśvaraliṃgasya sevāphalamavāpnuyāt |
sāyujyaṃ ca samāpnoti rāmanāthasya vaibhavāt || 121 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye rāmanāthaliṃgapratiṣṭhāvidhivarṇanaṃnāma catuścatvāriṃśo'dhyāyaḥ || 44 ||
[Analyze grammar]