Chapter 45

[English text for this chapter is available]

śrīsūta uvāca |
evaṃ pratiṣṭhite liṃge rāmeṇākliṣṭakāriṇā |
liṃgaṃ varaṃ samādāya mārutiḥ sahasā'yayau || 1 ||
[Analyze grammar]

rāmaṃ dāśarathiṃ vīramabhivādya sa mārutiḥ |
vaidehīlakṣmaṇau paścātsugrīvaṃ praṇanāma ca || 2 ||
[Analyze grammar]

sītā saikataliṃgaṃ tatpūjayaṃtaṃ raghūdvaham |
dṛṣṭvātha munibhiḥ sārddhaṃ cukopa pavanātmajaḥ || 3 ||
[Analyze grammar]

atyaṃtaṃ khedakhinnaḥ sanvṛthākṛtapariśramaḥ |
uvāca rāmaṃ dharmajñaṃ hanūmānaṃjanātmajaḥ || 4 ||
[Analyze grammar]

hanūmānuvāca |
durjāto'haṃ vṛthā rāma loke kleśāya kevalam |
khinno'smi bahuśo deva rākṣasaiḥ krūrakarmabhiḥ || 5 ||
[Analyze grammar]

mā sma sīmaṃtinī kācijjanayenmādṛśaṃ sutam |
yato'nubhūyate duḥkhamanaṃtaṃ bhavasāgare || 6 ||
[Analyze grammar]

khinno'smi sevayā pūrvaṃ yuddhenāpi tatodhikam |
anantaṃ duḥkhamadhunā yato māmavamanyase || 7 ||
[Analyze grammar]

sugrīveṇa ca bhāryārthaṃ rājyārthaṃ rākṣasena ca |
rāvaṇāvarajena tvaṃ sevito 'si raghūdvaha || 8 ||
[Analyze grammar]

mayā nirhetukaṃ rāma sevito'si mahāmate |
vānarāṇāmanekeṣu tvayājñapto'hamadya vai || 9 ||
[Analyze grammar]

śivaliṃgaṃ samānetuṃ kailāsātparvato ttamāt |
kailāsaṃ tvarito gatvā na cāpaśyaṃ pinākinam || 10 ||
[Analyze grammar]

tapasā prīṇayitvā taṃ sāṃbaṃ vṛṣabhavāhanam |
prāptaliṃgo raghupate tvaritaḥ samu pāgataḥ || 11 ||
[Analyze grammar]

anyaliṃgaṃ tvamadhunā pratiṣṭhāpya tu saikatam |
munibhirdevagandharvaiḥ sākaṃ pūjayase vibho || 12 ||
[Analyze grammar]

mayānītamidaṃ liṃgaṃ kailāsā tparvatādvṛthā |
aho bhārāya me deho mandabhāgyasyajāyate || 13 ||
[Analyze grammar]

bhūtalasya mahārāja jānakīramaṇa prabho |
idaṃ duḥkhamahaṃ soḍhuṃ na śaknomi raghūdvaha || 14 ||
[Analyze grammar]

kiṃ kariṣyāmi kutrāhaṃ gamiṣyāmi na me gatiḥ |
ataḥ śarīraṃ tyakṣyāmi tvayāhamavamānitaḥ || 15 ||
[Analyze grammar]

śrīsūta uvāca |
evaṃ sa bahuśo viprāḥ kruśitvā pavanātmajaḥ |
daṇḍavatpraṇato bhūmau krodhaśokākulo'bhavat || 16 ||
[Analyze grammar]

taṃ dṛṣṭvā raghunātho'pi prahasannidamabravīt |
paśyatāṃ savadevānāṃ munīnāṃ kapirakṣasām |
sāṃtvayanmārutiṃ tatra duḥkhaṃ cāsya pramārjayan || 17 ||
[Analyze grammar]

śrīrāma uvāca |
sarvaṃ jānāmyahaṃ kāryamātmano'pi parasya ca || 18 ||
[Analyze grammar]

jātasya jāyamānasya mṛtasyāpi sadā kape |
jāyate mriyate jantureka eva svakarmaṇā || 19 ||
[Analyze grammar]

prayāti narakaṃ cāpi paramātmā tu nirguṇaḥ |
evaṃ tattvaṃ viniścitya śokaṃ mā kuru vānara || 20 ||
[Analyze grammar]

liṃgatrayavinirmuktaṃ jyotirekaṃ niraṃjanam |
nirāśrayaṃ nirvikāramātmānaṃ paśya nityaśaḥ || 21 ||
[Analyze grammar]

kimarthaṃ kuruṣe śokaṃ tattvajñānasya bādhakam |
tattvajñāne sadā niṣṭhāṃ kuru vānarasattama || 22 ||
[Analyze grammar]

svayaṃprakāśamātmānaṃ dhyāyasva satataṃ kape |
dehādau mamatāṃ muṃca tattvajñānavirodhinīm || 23 ||
[Analyze grammar]

dharmaṃ bhajasva satataṃ prāṇihiṃsāṃ parityaja |
sevasva sādhupuruṣāñjahi sarveṃdriyāṇi ca || 24 ||
[Analyze grammar]

parityajasva satatamanyeṣāṃ doṣakīrtanam |
śivaviṣṇvādidevānāmarcāṃ kuru sadā kape || 25 ||
[Analyze grammar]

satyaṃ vadasva satataṃ parityaja śucaṃ kape |
pratyagbrahmaikatājñānaṃ mohavastusamudgatam || 26 ||
[Analyze grammar]

śobhanāśobhanā bhrāṃtiḥ kalpi tāsminyathārthavat |
adhyāste śobhanatvena padārthe mohavaibhavāt || 27 ||
[Analyze grammar]

rogo vijāyate nṛṇāṃ bhrāṃtānāṃ kapisattama |
rāgadveṣabalādbaddhā dharmā dharmavaśaṃgatāḥ || 28 ||
[Analyze grammar]

devatiryaṅmanuṣyādyā nirayaṃ yāṃti mānavāḥ |
caṃdanāgarukarpūrapramukhā atiśobhanāḥ || 29 ||
[Analyze grammar]

malaṃ bhavaṃti yatsparśāttaccharīraṃ kathaṃ sukham |
bhakṣyabhojyādayaḥ sarve padārthā atiśobhanāḥ || 30 ||
[Analyze grammar]

viṣṭhā bhavaṃti yatsaṃgāttaccharīraṃ kathaṃ sukham |
sugaṃdhi śītalaṃ toyaṃ mūtraṃ yatsaṃgamādbhavet || 31 ||
[Analyze grammar]

tatkathaṃ śobhanaṃ piṃḍaṃ bhavedbrūhi kape'dhunā |
atīva dhavalāḥ śuddhāḥ paṭā yatsaṃgamenahi || 32 ||
[Analyze grammar]

bhavaṃti malināḥ svedāttatkathaṃ śobhanaṃ bhaveta |
śrūyatāṃ paramārtho me hanūmanvāyunaṃdana || 33 ||
[Analyze grammar]

asminsaṃsāragarte tu kiṃcitsaukhyaṃ na vidyate |
prathamaṃ jaṃturāpnoti janma bālyaṃ tataḥ param || 34 ||
[Analyze grammar]

paścādyauvanamāpnoti tato vārdhakyamaśnute |
paścānmṛtyumavāpnoti punarjanma tadaśnute || 35 ||
[Analyze grammar]

ajñānavaibhavādeva duḥkhamāpnoti mānavaḥ |
tadajñāna nivṛttau tu prāpnoti sukhamuttamam || 36 ||
[Analyze grammar]

ajñānasya nivṛttistu jñānādeva na karmaṇā |
jñānaṃ nāma paraṃ brahma jñānaṃ vedāṃtavākyajam || 37 ||
[Analyze grammar]

tajjñānaṃ ca viraktasya jāyate netarasya hi |
mukhyādhikāriṇaḥ satyamācāryasya prasādataḥ || 39 ||
[Analyze grammar]

yadā sarve pramucyaṃte kāmā ye'sya hṛdi sthitāḥ |
tadā martyo'mṛto'traiva paraṃ brahma samaśnute || 39 ||
[Analyze grammar]

jāgrataṃ ca svapaṃtaṃ ca bhuṃjaṃtaṃ ca sthitaṃ tathā |
imaṃ janaṃ sadā krūraḥ kṛtāṃtaḥ parikarṣati || 40 ||
[Analyze grammar]

sarve kṣayāṃtā nicayāḥ patanāṃtāḥ samucchrayāḥ |
saṃyogā viprayogāṃtā maraṇāṃtaṃ ca jīvitam || 41 ||
[Analyze grammar]

yathā phalānāṃ pakvānāṃ nānyatra patanādbhayam |
yathā narāṇāṃ jātānāṃ nānyatra patanādbhayam || 42 ||
[Analyze grammar]

yathā gṛhaṃ dṛḍhastaṃbhaṃ jīrṇaṃ kāle vinaśyati |
evaṃ vinaśyaṃti narā jarāmṛtyuvaśaṃgatāḥ || 43 ||
[Analyze grammar]

ahorātrasya gamanānnṛṇāmāyurvinaśyati |
ātmānamanuśoca tvaṃ kimanyamanuśocasi || 44 ||
[Analyze grammar]

naśyatyāyuḥ sthitasyāpi dhāvato'pi kapīśvara |
sahaiva mṛtyurvrajati saha mṛtyurniṣīdati || 45 ||
[Analyze grammar]

caritvā dūradeśaṃ ca saha mṛtyurnivartate |
śarīre valayaḥ prāptāḥ śvetā jātāḥ śiroruhāḥ || 46 ||
[Analyze grammar]

jīryate jarayā dehaḥ śvāsakāsādinā tathā |
yathā kāṣṭhaṃ ca kāṣṭhaṃ ca sameyātāṃ mahodadhau || 47 ||
[Analyze grammar]

sametya ca vyapeyātāṃ kālayogena vānara |
evaṃ bhāryā ca putraśca vadhukṣetradhanāni ca || 48 ||
[Analyze grammar]

kvacitsaṃbhūya gacchaṃti punaranyatra vānara |
yathā hi pāṃthaṃ gacchaṃtaṃ pathi kaścitpathi sthitaḥ || 49 ||
[Analyze grammar]

ahamapyā gamiṣyāmi bhavadbhiḥ sākamityatha |
kaṃcitkālaṃ sametau tau punaranyatra gacchataḥ || 50 ||
[Analyze grammar]

evaṃ bhāryāsutādīnāṃ saṃgamo naśvaraḥ kape |
śarīrajanmanā sākaṃ mṛtyuḥ saṃjāyate dhruvam || 51 ||
[Analyze grammar]

avaśyaṃbhāvimaraṇe na hi jātu pratikriyā |
etaccharīrapāte tu dehī karmagatiṃ gataḥ || 52 ||
[Analyze grammar]

prāpya piṃḍāṃtaraṃ vatsa pūrvapiṃḍaṃ tyajatyasau |
prāṇināṃ na sadaikatra vāso bhavati vānara || 53 ||
[Analyze grammar]

svasvakarmavaśātsarve viyujyaṃte pṛthakpṛthak |
yathā prāṇiśarīrāṇi naśyaṃti ca bhavaṃti ca || 54 ||
[Analyze grammar]

ātmano janmamaraṇe naiva staḥ kapisattama |
atastvamaṃjanāsūno viśokaṃ jñānamadvayaṃ || 55 ||
[Analyze grammar]

sadrūpamamalaṃ brahma ciṃtayasva divāniśam |
tvatkṛtaṃ matkṛtaṃ karma matkṛtaṃ tvākṛtaṃ tathā || 56 ||
[Analyze grammar]

malliṃgasthāpanaṃ tasmāttvalliṃga sthāpanaṃ kape |
muhūrtātikramālliṃgaṃ saikataṃ sītayā kṛtam || 57 ||
[Analyze grammar]

mayātra sthāpitaṃ tasmātkopaṃ duḥkhaṃ ca mā kuru |
kailāsādāgataṃ liṃgaṃ sthāpayāsmicchubhe dine || 58 ||
[Analyze grammar]

tava nāmnā tvidaṃ liṃgaṃ yātu lokatraye prathām |
hanūmadīśvaraṃ dṛṣṭvā draṣṭavyo rāghaveśvaraḥ || 59 ||
[Analyze grammar]

brahmarākṣasayūthāni hatāni bhavatā kape |
ataḥ svanāmnā liṃgasya sthāpanāttvaṃ pramokṣyase || 60 ||
[Analyze grammar]

svayaṃ hareṇa dattaṃ tu hanūmannāmakaṃ śivam |
saṃpaśyanrāmanāthaṃ ca kṛtakṛtyo bhavennaraḥ || 61 ||
[Analyze grammar]

yojanānāṃ sahasre'pi smṛtvā liṃgaṃ hanūmataḥ |
rāmanātheśvaraṃ cāpi smṛtvā sāyujyamāpnuyāt || 62 ||
[Analyze grammar]

teneṣṭaṃ sarvayajñaiśca tapaścākāri kṛtsnaśaḥ |
yena dṛṣṭau mahādevau hanūmadrāghaveśvarau || 63 ||
[Analyze grammar]

hanūmatā kṛtaṃ liṃgaṃ yacca liṃgaṃ mayā kṛtam |
jānakīyaṃ ca yalliṃgaṃ yalliṃgaṃ lakṣmaṇeśvaram || 64 ||
[Analyze grammar]

sugrīveṇa kṛtaṃ yacca setukartrā nalena ca |
aṃgadena ca nīlena tathā jāṃbavatā kṛtam || 65 ||
[Analyze grammar]

vibhīṣaṇena yaccāpi ratnaliṃgaṃ pratiṣṭhitam |
indrādyaiśca kṛtaṃ liṃgaṃ yaccheṣādyaiḥ pratiṣṭhitam || 66 ||
[Analyze grammar]

ityekādaśarūpo'yaṃ śivaḥ sākṣādvibhāsate |
sadā hyeteṣu liṃgeṣu saṃnidhatte maheśvaraḥ || 67 ||
[Analyze grammar]

tatsvapāpaughaśuddhyarthaṃ sthāpayasva maheśvaram |
atha cettvaṃ mahābhāga liṃgamutsādayiṣyasi || 68 ||
[Analyze grammar]

mayātra sthāpitaṃ vatsa sītayā saikataṃ kṛtam |
sthāpayiṣyāmi ca tato liṃgametattvayā kṛtam || 69 ||
[Analyze grammar]

pātālaṃ sutalaṃ prāpya vitalaṃ ca rasātalam |
talātalaṃ ca tadidaṃ bhedayitvā tu tiṣṭhati || 70 ||
[Analyze grammar]

pratiṣṭhitaṃ mayā liṃgaṃ bhettuṃ kasya balaṃ bhavet |
uttiṣṭha liṃgamudvāsya mayaitatsthāpitaṃ kape || 71 ||
[Analyze grammar]

tvayā samāhṛtaṃ liṃgaṃ sthāpayasvāśu mā śucaḥ |
ityuktastaṃ praṇamyāthājñātasattvo'tha vānaraḥ || 72 ||
[Analyze grammar]

udvāsayāmi vegena saikataṃ liṃgamutta mam |
saṃsthāpayāmi kailāsādānītaṃ liṃgamādarāt || 73 ||
[Analyze grammar]

udvāsane saikatasya kiyānbhāro bhavenmama |
cetasaivaṃ vicāryāyaṃ hanūmānmārutā tmajaḥ || 74 ||
[Analyze grammar]

paśyatāṃ sarvadevānāṃ munīnāṃ kapirakṣasām |
paśyato rāmacandrasya lakṣmaṇasyāpi paśyataḥ || 75 ||
[Analyze grammar]

paśyaṃtyā api vaidehyā liṃgaṃ tatsaikataṃ balāt |
pāṇinā sarvayatnena jagrāha tarasā balī || 76 ||
[Analyze grammar]

yatnena mahatā cāyaṃ cālayannapi mārutiḥ |
nālaṃ cālayituṃ hyāsītsaikataṃ liṃgamojasā || 77 ||
[Analyze grammar]

tataḥ kilakilāśabdaṃ kurvanvānarapuṃgavaḥ |
pucchamudyamya pāṇibhyāṃ nirāsthattannijaujasā || 78 ||
[Analyze grammar]

ityanekaprakāreṇa cāla yannapi vānaraḥ |
naiva cālayituṃ śakto babhūva pavanātmajaḥ || 79 ||
[Analyze grammar]

tadveṣṭayitvā pucchena pāṇibhyāṃ dharaṇīṃ spṛśan |
utpapātātha tarasā vyomni vāyusutaḥ kapiḥ || 80 ||
[Analyze grammar]

kaṃpayansa dharāṃ sarvāṃ saptadvīpāṃ saparvatam |
liṃgasya krośamātre tu mūrcchito rudhiraṃ vaman || 81 ||
[Analyze grammar]

papāta hanumānviprāḥ kaṃpitāṃgo dharātale |
patato vāyuputrasya vaktrācca nayanadvayāt || 82 ||
[Analyze grammar]

nāsāpuṭācchrotraraṃdhrādapānācca dvijottamāḥ |
rudhiraughaḥ prasusrāva raktakuṇḍa mabhūcca tat || 83 ||
[Analyze grammar]

tato hāhākṛtaṃ sarvaṃ sadevāsuramānuṣam |
dhāvaṃtau kapibhiḥ sārddhamubhau tau rāmalakṣmaṇau || 84 ||
[Analyze grammar]

jānakīsahitau viprā hyāstāṃ śokākulau tadā |
sītayā sahitau vīrau vānaraiśca mahābalau || 85 ||
[Analyze grammar]

rurucāte tadā viprā gandhamādanaparvate |
yathā tārāgaṇayutau rajanyāṃ śaśi bhāskarau || 86 ||
[Analyze grammar]

dadarśaturhanūmaṃtaṃ cūrṇīkṛtakalevaram |
mūrcchitaṃ patitaṃ bhūmau vamantaṃ rudhiraṃ mukhāt || 87 ||
[Analyze grammar]

vilokya kapayaḥ sarve hāhākṛtvā'patanbhuvi |
karābhyāṃ sadayaṃ sītā hanūmaṃtaṃ marutsutam || 88 ||
[Analyze grammar]

tātatāteti pasparśa patitaṃ dharaṇītale |
rāmo'pi dṛṣṭvā patitaṃ hanūmaṃtaṃ kapīśvaram || 89 ||
[Analyze grammar]

āropyāṃkaṃ svapāṇibhyāmāmamarśa kalevaram |
vimuṃcannetrajaṃ vāri vāyujaṃ cāvravīddvijāḥ || 90 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ tṛtīye brahmakhaṇḍe setumāhātmye rāmacandratattvajñānopadeśavarṇanaṃnāma paṃcacatvāriṃśo'dhyāyaḥ || 45 ||
[Analyze grammar]