Chapter 25

[English text for this chapter is available]

śrīsūta uvāca |
śivatīrthe naraḥ snātvā brahmahatyāvimokṣaṇe |
svapāpajālaśāṃtyarthaṃ śaṃkhatīrthaṃ tato vrajet || 1 ||
[Analyze grammar]

yatra majjanamātreṇa kṛtaghno'pi vimucyate |
mātṝḥ pitṝngurūṃścāpi ye na manyaṃti mohitāḥ || 2 ||
[Analyze grammar]

ye cāpyanye durātmānaḥ kṛtaghnā nirapatrapāḥ |
te sarve śaṃkhatīrthe smiñchuddhyaṃti snānamātrataḥ || 3 ||
[Analyze grammar]

śaṃkhanāmā muniḥ pūrvaṃ gaṃdhamādanaparvate |
avartata tapaḥ kurvanviṣṇuṃ dhyāyansamāhitaḥ || 4 ||
[Analyze grammar]

sa tatra kalpayāmāsa snānārthaṃ tīrthamuttamam |
śaṃkhena nirmitaṃ tīrthaṃ śaṃkhatīrthamitīryate || 5 ||
[Analyze grammar]

tatra snātvā sakṛnmartyaḥ kṛtaghno'pivimucyate || 1 ||
[Analyze grammar]

atretihāsaṃ vakṣyāmi purāṇaṃ pāpanāśanam || 6 ||
[Analyze grammar]

yasya śravaṇamātreṇa naro muktimavāpnuyāt |
purā babhūva vipreṃdro vatsanābho mahāmuniḥ || 7 ||
[Analyze grammar]

satyavāñchīlavānvāgmī sarvabhūtadayāparaḥ |
śatrumitrasamo dāṃtastapasvī vijiteṃdriyaḥ || 8 ||
[Analyze grammar]

parabrahmaṇi niṣṇātastattvabrahmaikasaṃśrayaḥ |
evaṃ prabhāvaḥ sa munistapastepe nijāśrame || 9 ||
[Analyze grammar]

sa vai niścalasarvāṃgastiṣṭhaṃstatraiva bhūtale |
paramāṇvaṃtaraṃ vāpi na svasthānāccacāla saḥ || 10 ||
[Analyze grammar]

sthitvaikatra tapasyaṃtamanekaśatavatsarān |
tamācakāma valmīkaṃ chāditāṃgaṃ cakāra ca || 11 ||
[Analyze grammar]

valmīkākrāṃtadehopi vatsanābho mahāmuniḥ |
akarottapa evāsau valmīkaṃ na tvabuddhyata || 12 ||
[Analyze grammar]

tasmiṃśca tapyati tapo vāsavo munipuṃgavāḥ || 1 ||
[Analyze grammar]

visṛjya meghajālāni varṣayāmāsa vegavān || 13 ||
[Analyze grammar]

evaṃ dināni saptāyaṃ sa vavarṣa niraṃ taram |
āsāreṇātimahatā vṛṣyamāṇopi vai muniḥ || 14 ||
[Analyze grammar]

taṃ varṣaṃ pratijagrāha nimīlitavilocanaḥ |
mahatā stanitenāśu tadā badhirayañchrutī || 15 ||
[Analyze grammar]

valmīkasyopariṣṭādvai nipapāta mahāśaniḥ |
tasminvarṣati parjanye śītavātātiduḥsahe || 16 ||
[Analyze grammar]

valmīkaśikharaṃ dhvastaṃ babhūvāśanitāḍi tam |
viśīrṇaśikhare tasminvalmīke'śanitāḍite || 17 ||
[Analyze grammar]

sehetiduḥsahāṃ vṛṣṭiṃ vatsanābho viciṃtayan |
maharṣau varṣadhārābhiḥ pīḍyamāne divāni śam || 18 ||
[Analyze grammar]

dharmasya cetasi kṛpā saṃbabhūvātibhūyasī |
sa dharmaściṃtayāmāsa vatsanābhe tapasyati || 19 ||
[Analyze grammar]

patatyapyativarṣe'yaṃ tapaso na nivartate |
aho'sya vatsanābhasya dharmaikāyattacittatā || 20 ||
[Analyze grammar]

iti ciṃtayatastasya mātirevamajāyata |
ahaṃ vai māhiṣaṃ rūpaṃ sumahāṃtaṃ manoharam || 21 ||
[Analyze grammar]

varṣadhārānipātānāṃ soḍhāraṃ kaṭhinatvacam |
svīkṛtya māhiṣaṃ rūpaṃ sthāsyāmyupari yoginaḥ || 22 ||
[Analyze grammar]

na hi bādhiṣyate varṣaṃ mahāvegayutaṃ tvapi |
dharma evaṃ viniścitya dhārāḥ pṛṣṭhena dhārayan || 23 ||
[Analyze grammar]

vatsanābhopari tadā gātramācchādya tasthivān |
tataḥ saptadināṃte tu tadvai varṣamupāramat || 24 ||
[Analyze grammar]

tato mahiṣarūpī sa dharmo'tikṛpayā yutaḥ |
tadvai valmīkamutsṛjya nātidūre hyavarttata || 25 ||
[Analyze grammar]

tato nivṛte varṣe tu vatsanābho mahāmuniḥ |
nivṛttastapasastū rṇaṃ diśaḥ sarvā vyalokayan || 26 ||
[Analyze grammar]

sthito'haṃ vṛṣṭisaṃpāte kurvannadya mahattapaḥ |
pṛthivī salilāklinnā dṛśyate sarvatodiśam || 27 ||
[Analyze grammar]

śikharāṇi girīṇāṃ ca vanā nyupavanāni ca |
āśramāṇi maharṣīṇāmāplutāni jalairnavaiḥ || 28 ||
[Analyze grammar]

evamādīni sarvāṇi dṛṣṭvā pramudito'bhavat |
ciṃtayāmāsa dharmātmā vatsanā bho mahāmuniḥ || 29 ||
[Analyze grammar]

ahamasminmahāvarṣe nūnaṃ kenāpi rakṣitaḥ |
varṣatyasminmahāvarṣe jīvitaṃ tvanyathā kutaḥ || 30 ||
[Analyze grammar]

viciṃtyaivaṃ muniśreṣṭhaḥ sarvatra samalokayat |
tato'paśyanmahākāyamadūrādagrataḥ sthitam || 31 ||
[Analyze grammar]

mahiṣaṃ nīlavarṇaṃ ca vatsanābhastapodhanaḥ |
mahiṣaṃ taṃ samuddiśya manasā samaciṃtayat || 32 ||
[Analyze grammar]

tiryagyoniṣvapi kathaṃ dṛśyate dharmaśīlatā |
yato hyahaṃ mahāvarṣānmahiṣeṇābhirakṣitaḥ || 33 ||
[Analyze grammar]

dīrghamāyuramuṣyāstu yanmāṃ rakṣitavāniha |
ityādi sa viciṃtyaivaṃ tapase punarudyayau || 34 ||
[Analyze grammar]

taṃ punaśca tapasyaṃtaṃ dṛṣṭvā mahiṣarūpadhṛk |
romāṃcāvṛtasarvāṃgaḥ pramodamagamadbhṛśam || 35 ||
[Analyze grammar]

vatsanābhasya hi muneḥ punaścaiva tapasyataḥ |
manaḥ pūrvavadekāgraṃ parabrahmaṇi nābhavat || 36 ||
[Analyze grammar]

sa viṣaṇṇamanā bhūtvā vatsanābho vyaciṃtayat |
na bhavedyadi nairmalyaṃ tadā syāccaṃcalaṃ manaḥ || 37 ||
[Analyze grammar]

manaśca pāpabāhulye nirmalaṃ naiva jāyate |
pāpaleśopi me nāsti kathaṃ lolā yate manaḥ || 38 ||
[Analyze grammar]

aciṃtayaddoṣahetuṃ vatsanābhaḥ punaḥpunaḥ |
sa viciṃtya viniścitya niniṃdātmānamaṃjasā || 39 ||
[Analyze grammar]

dhiṅmāmadya durātmānamaho mūḍhosmyahaṃ bhṛśam |
kṛtaghnatā mahādoṣo māmadya samupāgataḥ || 40 ||
[Analyze grammar]

yadīdṛśānmahāvarṣāttrātāraṃ mahiṣottamam |
tiṣṭhāmyapūjayanneva tato me bhūtkṛtaghnatā || 41 ||
[Analyze grammar]

kṛtaghnatā mahāndoṣaḥ kṛtaghne nāsti niṣkṛtiḥ |
kṛtaghnasya na vai lokāḥ kṛtaghnasya na bāṃdhavāḥ || 42 ||
[Analyze grammar]

kṛtaghnatādoṣa valānmama cittaṃ malīmasam |
kṛtaghnā narakaṃ yāṃti ye ca viśvastaghātinaḥ || 43 ||
[Analyze grammar]

niṣkṛtiṃ naiva paśyāmi kṛtaghnānāṃ kathaṃcana |
ṛte prāṇaparityāgāddharmajñānāṃ vaco yathā || 44 ||
[Analyze grammar]

pitrorabharaṇaṃ kṛtvā hyadattvā gurudakṣiṇām |
kṛtaghnatāṃ ca saṃprāpya maraṇāṃtā hi niṣkṛtiḥ || 45 ||
[Analyze grammar]

tasmātprāṇānparityajya prāyaścittaṃ carāmyaham |
iti niścitya manasā vatsanābho mahāmuniḥ || 46 ||
[Analyze grammar]

tṛṇīkṛtya nijānprāṇānniḥsaṃgenāṃtarā tmanā |
meroḥ śikharamārūḍhaḥ prāyaścittacikīrṣayā || 47 ||
[Analyze grammar]

sumeruśikharāttasmādiyeṣa patituṃ muniḥ |
tasminpatitumārabdhe mā tvariṣṭhā iti bruvan |
tyaktamāhiṣarūpaḥ sandharma eva nyavārayat || 48 ||
[Analyze grammar]

dharma uvāca |
vatsanābha mahāprājña jīvasva bahuvatsarān || 49 ||
[Analyze grammar]

parituṣṭo'smi bhadraṃ te dehatyāgacikīrṣayā |
na hi tvaddharmakakṣāyāṃ loke kaścitsamo'sti vai || 50 ||
[Analyze grammar]

yadyapi prāṇasaṃtyāgaḥ kṛtaghne niṣkṛtirbhavet |
tathāpi dharmaśīlatvāttavānyāṃ niṣkṛtiṃ vade || 51 ||
[Analyze grammar]

śaṃkhatīrthābhidhaṃ tīrthamasti vai gaṃdhamādane |
śāṃtyarthamasya pāpasya tatra snāhi samāhitaḥ || 52 ||
[Analyze grammar]

prāpsyase cittaśuddhiṃ tvamato vigatakalmaṣaḥ |
tataśca labdhavijñānaḥ prāpsyase śāśvataṃ padam || 53 ||
[Analyze grammar]

ahaṃ dharmosmi yogīndra satyameva bravīmi te |
iti dharmavacaḥ śrutvā vatsanābho mahāmuniḥ || 54 ||
[Analyze grammar]

snātukāmaḥ śaṃkhatīrthe gaṃdhamādanamanvagāt |
śaṃkhatīrthaṃ ca saṃprāpya tatra sasnau mahāmuniḥ || 55 ||
[Analyze grammar]

tato vigatapāpasya mano nirmalatāṃ gatam |
tato'cireṇa kālena brahmabhūyamagānmuniḥ || 56 ||
[Analyze grammar]

evaṃ vaḥ kathitaṃ viprāḥ śaṃkhatīrthasya vaibhavam |
yatra hi snānamātreṇa kṛtaghno'pi vimucyate || 57 ||
[Analyze grammar]

mātṛdrohī pitṛdrohī gurudrohī tathaiva ca |
anye kṛtaghnanivahā mucyaṃte'tra nimajjanāt || 58 ||
[Analyze grammar]

ataḥ kṛtaghnairmanujaiḥ sevanīyamidaṃ sadā |
aho tīrthasya māhātmyaṃ yatkṛtaghnopi mucyate || 59 ||
[Analyze grammar]

akṛtvā bharaṇaṃ pitroradattvā gurudakṣiṇām |
kṛtaghnatāṃ ca saṃprāpya maraṇāṃtā hi niṣkṛtiḥ || 60 ||
[Analyze grammar]

iha tu snānamātreṇa kṛtaghnasyāpi niṣkṛtiḥ |
kṛtaghnatāpi tattīrthe snānamātrādvinaśyati || 61 ||
[Analyze grammar]

anyeṣāṃ tucchapāpānāṃ sarveṣāṃ kimutādhunā || 62 ||
[Analyze grammar]

adhyāyamenaṃ paṭhedbhaktiyuktaḥ kṛtaghnopi martyāḥ sa pāpādvimuktaḥ |
viśuddhāṃtarātmā gataḥ satyalokaṃ samaṃ brahmaṇā mokṣamapyāśu gacchet || 63 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye śaṃkhatīrthapraśaṃsāyāṃ vatsanābhakṛtaghnadoṣaśāṃtivarṇanaṃnāma pañcaviṃśo'dhyāyaḥ || 25 ||
[Analyze grammar]