Chapter 24

[English text for this chapter is available]

śrīsūta uvāca |
cakratīrthe naraḥ snātvā śivatīrthaṃ tato vrajet |
yatra hi snānamātreṇa mahāpātakakoṭayaḥ || 1 ||
[Analyze grammar]

tatsaṃsargāśca naśyaṃti tatkṣaṇādeva tāpasāḥ |
atra snātvā brahmahatyāṃ mumuce kālabhairavaḥ || 2 ||
[Analyze grammar]

ṛṣaya ūcuḥ |
kālabhairavarudrasya brahmahatyā mahāmune |
kimarthamabhavatsūta tanno vaktumihārhasi || 3 ||
[Analyze grammar]

śrīsūta uvāca |
vakṣyāmi munayaḥ sarve purāvṛttaṃ vimuktidam |
yasya śravaṇamātreṇa sarvapāpaiḥ pramucyate || 4 ||
[Analyze grammar]

prajāpateśca viṣṇośca babhūva kalahaḥ purā |
kiṃcitkāraṇamuddiśya samastajanasannidhau || 5 ||
[Analyze grammar]

ahameva jagatkartā nānyaḥ kartāsti kaścana |
ahaṃ sarvaprapaṃcānāṃ nigrahānugrahapradaḥ || 6 ||
[Analyze grammar]

matto nāstyadhikaḥ kaścinmatsamo vā sureṣvapi |
evaṃ sa manute brahmā devānāṃ sannidhau purā || 7 ||
[Analyze grammar]

tadā nārāyaṇaḥ prāha prahasandvijapuṃgavāḥ |
kimarthamevaṃ brūṣe tvamahaṃkāreṇa sāṃpratam || 8 ||
[Analyze grammar]

vākyamevaṃvidhaṃ bhūyo vaktuṃ nārhasi vai vidhe |
ahameva jagatkartā yajño nārāyaṇo vibhuḥ || 9 ||
[Analyze grammar]

māṃ vināsya prapañcasya jīvanaṃ durlabhaṃ bhavet |
matprasādājjagatsṛṣṭaṃ tvayā sthāvarajaṃgamam || 10 ||
[Analyze grammar]

vivādaṃ kurvatorevaṃ brahmaviṣṇvorjayaiṣiṇoḥ |
devānāṃ puratastatra vedāścatvāra āgatāḥ |
procurvākyamidaṃ tathyaṃ paramārthaprakāśakam || 11 ||
[Analyze grammar]

vedā ūcuḥ |
tvaṃ viṣṇo na jagatkartā na tvaṃ brahmanprajāpate || 12 ||
[Analyze grammar]

kiṃ tvīśvaro jagatkartā parātparataro vibhuḥ |
tanmāyāśaktisaṃklṛptamidaṃ sthāvarajaṃgamam || 13 ||
[Analyze grammar]

sarvadevābhivaṃdyo hi sāṃbaḥ satyādilakṣaṇaḥ |
sraṣṭā ca pālako hartā sa eva jagatāṃ prabhuḥ || 14 ||
[Analyze grammar]

evaṃ samīritaṃ vedaiḥ śrutvā vākyaṃ śubhākṣaram |
brahmā viṣṇustadā tatra procaturdvijapuṃgavāḥ || 15 ||
[Analyze grammar]

brahmaviṣṇū ūcatuḥ |
pārvatyāliṃgitaḥ śaṃbhurmūrtimānpramathādhipaḥ |
kathaṃ bhavetparaṃ brahma sarvasaṃgavivarjitam || 16 ||
[Analyze grammar]

tābhyāmitīrite tatra praṇavaḥ prāha tau tadā |
arūpo rūpamādāya mahatā dhvaninā dvijāḥ || 17 ||
[Analyze grammar]

praṇava uvāca |
asau śaṃbhurmahādevaḥ pārvatyā svātiriktayā |
saṃkrīḍate kadācinno kiṃ tu svātmasvarūpayā || 18 ||
[Analyze grammar]

asau śaṃbhuranīśānaḥ svaprakāśo niraṃjanaḥ |
viśvādhiko mahādevo viśvādhika iti śrutaḥ || 19 ||
[Analyze grammar]

sarvātmā sarvakartāsau svatantraḥ sarvabhāvanaḥ |
brahmannayaṃ sṛṣṭikāle tvāṃ niyuṃkte rajoguṇaiḥ || 20 ||
[Analyze grammar]

sattvena rakṣaṇe śaṃbhustvāṃ preṣayati keśava |
tamasā kālarudrākhyaṃ saṃprerayati saṃhṛtau || 21 ||
[Analyze grammar]

ataḥ svatantratā viṣṇo yuvayorna kadācana |
nāpi prajāpaterasti kiṃ tu śaṃbhoḥ svatantratā || 22 ||
[Analyze grammar]

brahmanviṣṇo yuvābhyāṃ tu kimarthaṃ na maheśvaraḥ |
jñāyate sarvalokānāṃ kartā viśvādhikastathā || 23 ||
[Analyze grammar]

sāpi śaktirumā devī na pṛthakchaṃkarātsadā |
śaṃbhorānaṃdabhūtā sā devī nāgaṃtukī smṛtā || 24 ||
[Analyze grammar]

ato viśvādhiko rudraḥ svataṃtro nirvikalpakaḥ |
sarvadevairayaṃ vandyo yuvābhyāmapi śaṃkaraḥ || 25 ||
[Analyze grammar]

kartā nāsyāsti rudrasya nādhiko'smācca vidyate |
na tatsamo'pi lokeṣu vidyate śataśastathā || 26 ||
[Analyze grammar]

ato mohaṃ na kurutaṃ brahmaviṣṇo yuvāṃ vṛthā |
ityuktaṃ praṇavenātha śrutvā brahmā ca keśavaḥ || 27 ||
[Analyze grammar]

māyayā mohitau śaṃbhornaivājñānamamuṃcatām |
etasminnaṃtare brahmā pradadarśa mahādbhutam || 28 ||
[Analyze grammar]

vyāpnuvadgaganaṃ sarvamanaṃtāditya sannibham |
tejomaṇḍalamākāśamadhyagaṃ viśvatomukham || 29 ||
[Analyze grammar]

tannirūpayituṃ brahmā sasarjordhvagataṃ mukham |
tapobalavisṛṣṭena paṃcamena mukhena saḥ || 30 ||
[Analyze grammar]

nirūpayāmāsa vibhustattejomaṇḍalaṃ muhuḥ |
tatprajajvāla kopena mukhaṃ tejovilokanāt || 31 ||
[Analyze grammar]

anaṃtādityasaṃkāśaṃ jvalattatpaṃcamaṃ śiraḥ |
didhakṣuḥ pralaye lokānvaḍavāgnirivābabhau || 32 ||
[Analyze grammar]

vyadṛśyata ca tattejaḥ puruṣo nīlalohitaḥ |
dṛṣṭvā sraṣṭā tadā brahmā babhāṣe parameśvaram || 33 ||
[Analyze grammar]

vedāhaṃ tvāṃ mahādeva lalāṭānme purā bhavān |
vinirgato'si śaṃbho tvaṃ rudranāmā mamātmajaḥ || 34 ||
[Analyze grammar]

iti garveṇa saṃyuktaṃ vacaḥ śrutvā maheśvaraḥ |
kālabhairavanāmānaṃ puruṣaṃ prāhiṇottadā || 35 ||
[Analyze grammar]

ayuddhyata ciraṃ kālaṃ brahmaṇā kālabhairavaḥ |
mahādevāṃśasaṃbhūtaḥ śūlaṭaṃkagadādharaḥ || 36 ||
[Analyze grammar]

yuddhvā tu suciraṃ kālaṃ brahmaṇā kālabhairavaḥ |
vadanaṃ brahmaṇaḥ śubhraṃ vyalokayata paṃcamam || 37 ||
[Analyze grammar]

vilokyordhvagataṃ vaktraṃ pañcamaṃ bhāratīpateḥ |
garveṇa mahatā yuktaṃ prajajvālātikopitaḥ || 38 ||
[Analyze grammar]

tatastatpaṃcamaṃ vaktraṃ bhairavaḥ prācchinadruṣā |
tato mamāra brahmā'sau kālabhairavahiṃsitaḥ || 39 ||
[Analyze grammar]

īśvarasya prasādena prapede jīvitaṃ punaḥ |
tato vilokayāmāsa śaṃkaraṃ śaśibhūṣaṇam || 40 ||
[Analyze grammar]

vāsukyādyaṣṭabhogīṃdravibhūṣaṇavibhūṣitam |
dṛṣṭvā vedhā mahādevaṃ pārvatyā saha śaṃkaram || 41 ||
[Analyze grammar]

lebhe māheśvaraṃ jñānaṃ mahādevaprasādataḥ |
tatastuṣṭāva giriśaṃ vareṇyaṃ varadaṃ śivam || 42 ||
[Analyze grammar]

brahmovāca |
mahyaṃ prasīda giriśa śaśāṃkakṛtaśekhara |
yanmayāpakṛtaṃ śaṃbho tatkṣamasva dayānidhe || 43 ||
[Analyze grammar]

kṣamasva mama garvaṃ tvaṃ śaṃkareti punaḥpunaḥ |
namaścakāra somaṃ taṃ somārdhakṛtaśekharam || 44 ||
[Analyze grammar]

atha devaḥ prasanno'smai brahmaṇe svāṃśajāya tu |
mā bhairityabravīcchaṃbhurbhairavaṃ cābhyabhāṣata || 45 ||
[Analyze grammar]

īśvara uvāca |
eṣa sarvasya jagataḥ pūjyo brahmā sanātanaḥ |
hatasyāsya viriṃcasya dhāraya tvaṃ śiro'dhunā || 46 ||
[Analyze grammar]

brahmahatyāviśuddhyarthaṃ lokasaṃgrahakāmyayā |
bhikṣāmaṭa kapālena bhairava tvaṃ mamājñayā || 47 ||
[Analyze grammar]

uktvaivaṃ śaṃkaro viprāstatraivāṃtaradhīyata |
nīlakaṇṭho mahādevo girijārddhatanustataḥ || 48 ||
[Analyze grammar]

bhairavaṃ grāhayāmāsa vadanaṃ vedhaso dvijāḥ |
carasva pāpaśuddhyarthaṃ lokasaṃgrahaṇāya vai || 49 ||
[Analyze grammar]

kapāladhārī hastena bhikṣāṃ gṛhṇātu bhairavaḥ |
itīrayitvā giriśaḥ kanyāṃ kāṃcidbhayaṃkarīm || 50 ||
[Analyze grammar]

brahmahatyābhidhāṃ krūrāṃ vaḍavānalasannibhām |
tāṃ prerayitvā giriśo bhairavaṃ punarabravīt || 51 ||
[Analyze grammar]

īśvara uvāca |
bhairavaitadvrataṃ tvabdaṃ brahmahatyāviśuddhaye |
cara tvaṃ sarvatīrtheṣu snāhi śuddhyarthamātmanaḥ || 52 ||
[Analyze grammar]

tato vārāṇasīṃ gaccha brahmahatyāpraśāṃtaye |
vārāṇasīpraveśena brahmahatyā tavādhamā || 53 ||
[Analyze grammar]

pādaśeṣā vinaṣṭā syāccaturthāṃśo na naśyati |
tasya nāśaṃ pravakṣyāmi tava bhairava tacchuṇu || 54 ||
[Analyze grammar]

dakṣiṇāṃbhonidhestīre gandhamādanaparvate |
sarvaprāṇyupakārāya kṛtaṃ tīrthaṃ mayā śubham || 55 ||
[Analyze grammar]

śivasaṃjñaṃ mahāpuṇyaṃ tatra yāhi tvamādarāt |
tatpraveśanamātreṇa brahmahatyā tavāśubhā || 56 ||
[Analyze grammar]

śivatīrthasya māhātmyānniḥśeṣaṃ naśyati dhruvam |
uktvaivaṃ bhairavaṃ rudraḥ kailāsaṃ prayayau kṣaṇāt || 57 ||
[Analyze grammar]

tataḥ kapālapāṇistu bhairavaḥ śivacoditaḥ |
devadānavayakṣādilokeṣu vicacāra saḥ || 58 ||
[Analyze grammar]

taṃ yāṃtamanuyāti sma brahmahatyātibhīṣaṇā |
bhairavaḥ sarvatīrthāni puṇyānyāyatanāni ca || 59 ||
[Analyze grammar]

caritvā līlayā devastato vārāṇasīṃ yayau |
vārāṇasīṃ praviṣṭe tu bhairave śaṃkarāṃśaje || 60 ||
[Analyze grammar]

caturthāṃśaṃ vinā naṣṭā brahmahatyātikutsitā |
caturthāṃśena dudrāva bhairavaṃ śaṃkarāṃśajam || 61 ||
[Analyze grammar]

tataḥ sa bhairavo devaḥ śūlapāṇiḥ kapāladhṛk |
śivājñayā yayau paścādgaṃdhamādanaparvatam || 62 ||
[Analyze grammar]

śivatīrthaṃ tato gatvā bhairavaḥ snātavāndvijāḥ |
snānamātreṇa tatrāsya śivatīrthe mahattare || 63 ||
[Analyze grammar]

niḥśeṣaṃ vilayaṃ yātā brahmahatyātibhīṣaṇā |
asminnavasare śaṃbhuḥ prādurāsīttadagrataḥ |
prādurbhūto mahādevo bhairavaṃ vākyamabravīt || 64 ||
[Analyze grammar]

īśvara uvāca |
niḥśeṣaṃ brahmahatyā te śivatīrthe nimajjanāt || 65 ||
[Analyze grammar]

naṣṭā bhairava nāstyatra saṃdehastava suvrata |
idaṃ kapālaṃ kāśyāṃ tvaṃ sthāpayasva kvacitsthale || 66 ||
[Analyze grammar]

ityuktvā bhagavāñchaṃbhustatraivāṃtaradhīyata |
bhairavo'pi tadā viprā brahmahatyāvimocitaḥ || 67 ||
[Analyze grammar]

śivatīrthasya māhātmyādyayau vārāṇasīṃ purīm |
kapālaṃ sthāpayāmāsa pradeśe kutraciddvijāḥ |
kapālatīrthamityākhyāmalabhattatsthalaṃ tadā || 68 ||
[Analyze grammar]

śrīsūta uvāca |
evaṃ prabhāvaṃ tatpuṇyaṃ śivatīrthaṃ vimuktidam || 69 ||
[Analyze grammar]

mahāduḥkhapraśamanaṃ mahāpātakanāśanam |
narakakleśaśamanaṃ svargadaṃ mokṣadaṃ tathā || 70 ||
[Analyze grammar]

śivatīrthasya māhātmyaṃ mayā proktaṃ vimuktidam |
idaṃ paṭhansadā martyo duḥkhagrāmādvimucyate || 71 ||
[Analyze grammar]