Chapter 20

[English text for this chapter is available]

śrīsūta uvāca |
lakṣmaṇasya mahātīrthe brahmahatyāvināśane |
snātvā svacittaśuddhyarthaṃ jaṭātīrthaṃ tato vrajet || 1 ||
[Analyze grammar]

janmamṛtyujarākrāṃtasaṃsārāturacetasām |
ajñānanāśakaṃ nāsti jaṭātīrthādṛte dvijāḥ || 2 ||
[Analyze grammar]

loke mumukṣavaḥ keciccittaśuddhimabhīpsavaḥ |
vācā paṭhaṃti vedāṃtāṃstūṣṇīnnānubhavaṃti te || 3 ||
[Analyze grammar]

pūrvapakṣamahāgrāhe siddhāṃtajhaṣasaṃkule |
vedāṃtābdhāvihājñānaṃ muhyaṃti patitā dvijāḥ || 4 ||
[Analyze grammar]

prathamaṃ cittaśuddhyarthaṃ vedāṃtānsaṃpaṭhaṃti ye |
vivadaṃte paṭhitvā te kalahaṃ ca vitanvate || 5 ||
[Analyze grammar]

cittaśuddhirna vedāṃtādbahuvyāmohakāraṇāt |
tato vayaṃ na vedāṃtānmunīṃdrā bahu manmahe || 6 ||
[Analyze grammar]

cittaśuddhiṃ yadīcchadhvaṃ laghūpāyena tāpasāḥ |
udghoṣayāmi sarveṣāṃ jaṭātīrthaṃ niṣevata || 7 ||
[Analyze grammar]

purā sarvopakārārthaṃ tīrthamajñānanāśanam |
etadvinirmitaṃ sākṣācchambhunā gandhamādane || 8 ||
[Analyze grammar]

nihate rāvaṇe viprā jaṭāṃ rāmastu dhārmikaḥ |
kṣālayāmāsa yattoye tajjaṭātīrthamucyate || 9 ||
[Analyze grammar]

varṣāṇāṃ ṣaṣṭisāhasraṃ jāhnavījalamajjanam |
godāvaryāṃ sakṛtsnānaṃ siṃhasthe ca bṛhaspatau || 10 ||
[Analyze grammar]

tāvatsahasrasnānāni siṃhaṃ devagurau gate |
gomatyāṃ labhyate varṣaistajjaṭātīrthadarśanāt || 11 ||
[Analyze grammar]

jaṭātīrthe manuṣyāṇāṃ snātānāṃ dvijapuṃgavāḥ |
antaḥkaraṇaśuddhiḥ syāttato'jñānaṃ vinaśyati || 12 ||
[Analyze grammar]

ajñānanāśe jñānaṃ syāttato muktimavāpsyasi |
akhaṇḍasaccidānaṃdasaṃpūrṇaḥ syāttataḥ param || 13 ||
[Analyze grammar]

atrāpyudāharaṃtīmamitihāsaṃ purātanam |
pituḥ putrasya saṃvādaṃ vyāsasya ca śukasya ca || 14 ||
[Analyze grammar]

purā munivaraṃ kṛṣṇaṃ bhāvi tātmānamacyutam |
pāraṃparyaviśeṣajñaṃ sarvaśāstrārthakovidam |
praṇamya śirasā vyāsaṃ śukaḥ papraccha vai dvijāḥ || 15 ||
[Analyze grammar]

śrīśuka uvāca |
bhagavaṃstāta sarvajña brūhi guhyamanuttamam || 16 ||
[Analyze grammar]

antaḥkaraṇaśuddhiḥ syāttathājñānavināśanam |
jñānodayaśca yena syādaṃte muktiśca śāśvatī || 17 ||
[Analyze grammar]

tamupāyaṃ vadasvādya snehānmama mahāmune |
vedāṃtāścetihāsāśca purāṇādīni kṛtsnaśaḥ || 18 ||
[Analyze grammar]

adhītāni mayā tvattaḥ śodhayaṃti na mānasam |
ato me cittaśuddhiḥ syādyathā tāta tathā vada || 19 ||
[Analyze grammar]

iti pṛṣṭastadā vyāsaḥ śukena munisattamāḥ |
rahasyaṃ kathayāmāsa yenāvidyā vina śyati || 20 ||
[Analyze grammar]

vyāsa uvāca |
śuka vakṣyāmi te guhyamavidyāgranthibhedanam |
buddhiśuddhipradaṃ puṃsāṃ janmādibhayanāśanam || 21 ||
[Analyze grammar]

rāmasetau mahāpuṇyaṃ gandhamādanaparvate |
vidyate pāpasaṃhāri jaṭātīrthamiti śrutam || 22 ||
[Analyze grammar]

jaṭāṃ svāṃ śodhayāmāsa yatra rāmo hariḥ svayam |
rāmo dāśarathiḥ śrīmāṃstīrthāya ca varaṃ dadau || 23 ||
[Analyze grammar]

snāti ye'tra samāgatya jaṭātīrthe'tipāvane |
antaḥkaraṇaśuddhiśca teṣāṃ bhūyāditi sma saḥ || 24 ||
[Analyze grammar]

vinā yajñaṃ vinā jñānaṃ vinā jāpyamupoṣaṇam |
snānamātrājjaṭātīrthe buddhiśuddhirbhavennṛṇām || 25 ||
[Analyze grammar]

sarvadānasamaṃ puṇyaṃ snānādatra bhaviṣyati |
durgāṇyanena tarati puṇyalokānsamaśnute || 26 ||
[Analyze grammar]

mahattvamaśnute snānājjaṭātīrthe śubhodake |
jaṭātīrthaṃ vinā nānyadaṃtaḥkaraṇa śuddhaye || 27 ||
[Analyze grammar]

vidyate niyamo vāpi japo vā nānyadevatā |
dhanyaṃ yaśasyamāyuṣyaṃ sarvalokeṣu viśrutam || 28 ||
[Analyze grammar]

pavitrāṇāṃ pavitraṃ ca jaṭātīrthaṃ śukādhunā |
sarvapāpapraśamanaṃ maṃgalānāṃ ca maṃgalam || 29 ||
[Analyze grammar]

bhṛgurvai vāruṇiḥ pūrvaṃ varuṇaṃ pitaraṃ śuka |
buddhiśuddhipradopāyamapṛcchatpāvanaṃ śubham |
provāca varuṇastasmai buddhiśuddhipradaṃ śubham || 30 ||
[Analyze grammar]

varuṇa uvāca |
rāmasetau bhṛgo puṇye gandhamādanaparvate || 31 ||
[Analyze grammar]

snānamātrājjaṭā tīrthe buddhiśuddhirbhaveddhruvam |
sa piturvacanātsadyo bhṛgurvai varuṇātmajaḥ || 32 ||
[Analyze grammar]

gatvā snātvā jaṭātīrthe buddhiśuddhimavāptavān |
vinaṣṭājñānasaṃtānastayā śuddhyā tadā bhṛguḥ || 33 ||
[Analyze grammar]

utpannādvaitavijñānaḥ svapiturvaruṇādayam |
akhaṇḍasaccidānaṃdapūrṇākāro'bhavacchuka || 34 ||
[Analyze grammar]

śaṃkarāṃśo'pi durvāsā jaṭātīrthe'bhiṣekataḥ |
manaḥśuddhimavāpyāśu brahmānaṃdamayo'bhavat || 35 ||
[Analyze grammar]

dattātreyo'pi viṣṇvaṃśastīrthe'sminnabhiṣecanāt |
śuddhāṃtaḥkaraṇo bhūtvā brahmākāro'bhavacchuka || 36 ||
[Analyze grammar]

icchedajñānanāśaṃ yaḥ sa snāyāttu jaṭābhidhe |
tīrthe śuddhatame puṇye sarvapāpavināśane || 37 ||
[Analyze grammar]

jaṭātīrthamatastvaṃ ca śuka gaccha mahāmate |
manaḥśuddhipradaṃ tasminsnānaṃ ca kuru puṇyade || 38 ||
[Analyze grammar]

pitraivamukto vyāsena śukaḥ putrastadā dvijāḥ |
rāmasetuṃ mahāpuṇyaṃ gandhamādanaparvatam || 39 ||
[Analyze grammar]

agamatsnātukāmaḥ sañjaṭātīrthe viśuddhide |
snātvā saṃkalpapṛrvaṃ ca jaṭātīrthe śuko muniḥ || 40 ||
[Analyze grammar]

manaḥśuddhimanuprāpya tena cājñānanāśane |
svasvarūpaṃ samāpannaḥ paramānaṃdarūpakam || 41 ||
[Analyze grammar]

ye cāpyanye manaḥśuddhikāmāḥ saṃti dvijottamāḥ |
jaṭātīrthe tu te sarve snātuṃ bhaktipuraḥsarama || 42 ||
[Analyze grammar]

aho janā jaṭātīrthe kāmadhenusame śubhe |
vidyamāne'pi kiṃ tucche ramaṃtenyatra mohitāḥ || 43 ||
[Analyze grammar]

bhuktikāmo labhedbhuktiṃ muktikāmastu tāṃ labhet |
snānamātrājjaṭātīrthe satyamuktaṃ mayā dvijāḥ || 44 ||
[Analyze grammar]

vedānuvaca nātpuṇyādyajñāddānāttapovratāt |
upavāsājjapādyogānmanaḥśuddhirnṛṇāṃ bhavet || 45 ||
[Analyze grammar]

vināpyetāni vipreṃdrā jaṭātīrthe'tipāvane |
snānamātrānmanaḥśuddhirbrāhmaṇānāṃ dhruvaṃ bhavet || 46 ||
[Analyze grammar]

jaṭātīrthasya māhātmyaṃ mayā vaktuṃ na śakyate |
śaṃkaro vetti tattīrthaṃ harirvetti vidhistathā || 47 ||
[Analyze grammar]

jaṭātīrthasamaṃtīrthaṃ na bhūtaṃ na bhaviṣyati |
jaṭātīrthasya tīre yaḥ kṣetrapiṃḍaṃ samācaret || 48 ||
[Analyze grammar]

gayāśrāddhasamaṃpuṇyaṃtasya syānnātra saṃśayaḥ |
jaṭātīrthe naraḥ snātvā na pāpena vilipyate |
dāridryaṃ na samāpnoti neyācca narakārṇavam || 49 ||
[Analyze grammar]

śrīsūta uvāca |
evaṃ vaḥ kathitaṃ viprā jaṭātīrthasya vaibhavam || 50 ||
[Analyze grammar]

yatra vyāsasuto yogī snātvā pāpavimocane |
avāptavānmanaḥśuddhimadvaitajñānasādhanām || 51 ||
[Analyze grammar]

yastvimaṃ paṭhate'dhyāyaṃ śṛṇute vā samāhitaḥ |
sa vidhūyeha pāpāni labhate vaiṣṇavaṃ padam || 52 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ tṛtīyebrahmakhaṇḍe setumāhātmye jaṭātīrthapraśaṃsāyāṃ śukacittaśuddhivarṇanaṃnāma viṃśo'dhyāyaḥ || 20 ||
[Analyze grammar]