Chapter 5

[English text for this chapter is available]

vyāsa uvāca |
bhagavanbrūhi tattvena kathaṃ nirbaṃdhato muniḥ |
viśvāmitro nijaṃ śiṣyaṃ kautsaṃ krodhena tādṛśam || 1 ||
[Analyze grammar]

duṣprāpyamarthaṃ yatnena bahu prārthitavāṃstadā |
etatsarvaṃ ca kathaya mayi yadyasti te kṛpā || 2 ||
[Analyze grammar]

agastya uvāca |
śṛṇu dvija kathāmetāṃ sāvadhāneṃdriyaḥ svayam |
viśvāmitro muniśreṣṭhaḥ sa divyajñānalocanaḥ || 3 ||
[Analyze grammar]

nijāśrame tapo durgaṃ cakāra prayato vratī |
ekadā tamatho draṣṭuṃ durvāsā munirāgataḥ || 4 ||
[Analyze grammar]

āgatya ca kṣudhākrāṃta uccaiḥ provāca sa dvijaḥ |
bhojanaṃ dīyatāṃ mahyaṃ kṣudhāpīḍitacetase |
pāyasaṃ śuci coṣṇaṃ ca śīghraṃ kṣudhārttine dvija || 5 ||
[Analyze grammar]

iti śrutvā vacaḥ kṣipraṃ viśvāmitraḥ prayatnataḥ |
sthālyāṃ pāyasamādāya taṃ samarpya tataḥ svayam || 6 ||
[Analyze grammar]

tadādāyotthitaṃ dṛṣṭvā durvāsāstaṃ vilokayan |
uvāca madhuraṃ vākyaṃ muniṃ lakṣaṇatatparaḥ || 7 ||
[Analyze grammar]

kṣaṇaṃ sahasva viprendra yāvatsnātvā vrajāmyaham |
tiṣṭhatiṣṭha kṣaṇaṃ tiṣṭha āgacchāmyeṣa sāpratam || 8 ||
[Analyze grammar]

ityuktvā sa jagāmaiva durvāsāḥ svāśramaṃ tadā || 9 ||
[Analyze grammar]

viśvāmitrastaponiṣṭhastadā sānurivā'calaḥ |
divyaṃ varṣasahasraṃ sa tasthau sthiramatistadā || 10 ||
[Analyze grammar]

tasya śuśrūṣaṇaparo muniḥ kautso yatavrataḥ |
babhūva paramodāramatirvigatamatsaraḥ || 11 ||
[Analyze grammar]

punarāgatya sa munirdurvāsā gatakalmaṣaḥ |
bhuktvā ca pāyasaṃ sadyaḥ sa jagāma nijāśramam || 12 ||
[Analyze grammar]

tasmingate munivare viśvāmitrastaponidhiḥ |
kautsaṃ vidyāvatāṃ śreṣṭhaṃ visasarja gṛhānprati || 13 ||
[Analyze grammar]

sa visṛṣṭo guruṃ prāha dakṣiṇā prārthyatāmiti |
viśvāmitrastu taṃ prāha kiṃ dāsyasi dakṣiṇām |
dakṣiṇā tava śuśrūṣā gṛhaṃ vraja yatavrata || 14 ||
[Analyze grammar]

punaḥpunarguruṃ prāha śiṣyo nirbandhavānyadā |
tadā gururgurukruddhaḥ śiṣyaṃ prāha ca niṣṭhuram || 15 ||
[Analyze grammar]

suvarṇasya suvarṇasya caturdaśa samāhara |
koṭīrme dakṣiṇā vipra paścādgaccha gṛhaṃ prati || 16 ||
[Analyze grammar]

ityukto guruṇā kautso vicārya samupāgamat |
kākutsthaṃ digvijetāraṃ yayāce gurudakṣiṇām || 17 ||
[Analyze grammar]

ityuktaṃ te munivara tvayā pṛṣṭaṃ hi yatpunaḥ |
ato'nyacchṛṇu te vacmi tīrthakāraṇamuttamam || 18 ||
[Analyze grammar]

tasmāddakṣiṇadigbhāge saṃbhedaḥ siddhasevitaḥ |
tilodakīsarayvośca saṃgatyā bhuvi saṃśrutaḥ || 19 ||
[Analyze grammar]

tatra snātvā mahābhāga bhavanti virajā narāḥ |
daśānāmaśvamedhānāṃ kṛtānāṃ yatphalaṃ bhavet |
tadāpnoti sa dharmātmā tatra snātvā yatavrataḥ || 20 ||
[Analyze grammar]

svarṇādikaṃ ca yo dadyādbrāhmaṇe vedapārage |
śubhāṃ gatimavāpnoti agnivaccaiva dīpyate || 21 ||
[Analyze grammar]

tilodakīsarayvośca saṃgame lokaviśrute |
dattvānnaṃ ca vidhānena na sa bhūyo'bhijāyate || 22 ||
[Analyze grammar]

upavāsaṃ ca yaḥ kṛtvā viprānsaṃtarpayennaraḥ |
sautrāmaṇeśca yajñasya phalamāpnoti mānavaḥ || 23 ||
[Analyze grammar]

ekāhārastu yastiṣṭhenmāsaṃ tatra yatavrataḥ |
yāvajjīvakṛtaṃ pāpaṃ sahasā tasya naśyati || 24 ||
[Analyze grammar]

nabhasya kṛṣṇāmāvasyāṃ yātrā sāṃvatsarī bhavet |
rāmeṇa nirmitā pūrvaṃ nadī siṃdhurivāparā || 25 ||
[Analyze grammar]

siṃdhujānāṃ turaṃgāṇāṃ jalapānāya suvrata |
tilavacchyāmamudakaṃ yatastasyāṃ sadā babhau || 26 ||
[Analyze grammar]

tilodakīti vikhyātā puṇyatoyā sadā nadī |
saṃgamādanyato yasyāṃ tilodakyāṃ śucivrataḥ |
snāto vimucyate pāpaiḥ saptajanmārjitairapi || 27 ||
[Analyze grammar]

tasmāttilodakīsnānaṃ sarvapāpaharaṃ mune |
karttavyaṃ suprayatnena prāṇibhirdharmakāṃkṣibhiḥ |
snānaṃ dānaṃ vrataṃ homaṃ sarvamakṣayatāṃ vrajet || 28 ||
[Analyze grammar]

iti vividhavidhānaistīrthayātrāṃkrameṇa prathitaguṇavikāsaḥ prāptapuṇyovidhāya |
harimupahṛtabhāvaḥ pūjayansarvatīrthaṃ vrajati paramadhāma nyastapāpaḥ kathañcit || 29 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe'yoyāmāhātmye tilodarkāprabhāvavarṇanaṃnāma pañcamo'dhyāyaḥ || 5 ||
[Analyze grammar]