Chapter 24

[English text for this chapter is available]

śrutadeva uvāca |
tithiṣvetāsu puṇyāsu dvādaśī sitapakṣiṇī |
vaiśākhamāse rājeṃdra sarvāghaughavināśinī || 1 ||
[Analyze grammar]

kiṃ dānaiḥ kiṃ tapobhiśca kimupoṣyairvrataiśca kim |
kimiṣṭaiścaiva pūrtaiśca dvādaśī yairna sevitā || 2 ||
[Analyze grammar]

gaṃgāyāmuparāge tu yo dadyādgosahasrakam |
tatphalaṃ samavāpnoti prātaḥ snātvā harerdine || 3 ||
[Analyze grammar]

yaddattaṃ cā'rhate cā'nnaṃ dvādaśyāṃ ca site śubhe |
sikthesikthe bhavettasya koṭibrāhmaṇabhojanam || 4 ||
[Analyze grammar]

yo dadyāttilapātraṃ tu dvādaśyāṃ madhusaṃyutam |
nirdhūtā'khilabaṃdhastu viṣṇuloke mahīyate || 5 ||
[Analyze grammar]

ekādaśyāṃ site pakṣe kuryyājjāgaraṇaṃ hareḥ |
sa jīvanneva muktaḥ syāttuṣṭāḥ syuḥ sarvadevatāḥ || 6 ||
[Analyze grammar]

koṭīṃdusūryagrahaṇe tīrthānyutplāvya yatphalam |
tatphalaṃ samavāpnoti prātaḥ snātvā harerdine || 7 ||
[Analyze grammar]

tulasyāḥ komalaiḥ patrairdvādaśyāṃ viṣṇumarcayet |
samastakulamuddhṛtya viṣṇulokā'dhipo bhavet || 8 ||
[Analyze grammar]

yamaṃ pitṝngurūndevānviṣṇumuddiśya mānavaḥ |
mādhave śukladvādaśyāṃ sodakuṃbhaṃ sadakṣiṇam || 9 ||
[Analyze grammar]

dadhyannaṃ caiva yo dadyāttasya puṇyaphalaṃ śṛṇu |
prayāge pratyahaṃ caiva kuryādyaḥ koṭibhojanam || 10 ||
[Analyze grammar]

yāvatsaṃvatsaraṃ puṇyaṃ ṣaḍrasānnairmanoramaiḥ |
tatphalaṃ samavāpnoti madhuśāsanaśāsanāt || 11 ||
[Analyze grammar]

śāligrāmaśilādānaṃ yaḥ kuryāddvādaśīdine |
vaiśākhe śuklapakṣe tu sarvapāpaiḥ pramucyate || 12 ||
[Analyze grammar]

dvādaśyāṃ payasā yastu snāpayenmadhusūdanam |
rājasūyā'śvamedhābhyāṃ yatphalaṃ parijāyate || 13 ||
[Analyze grammar]

trayodaśyāṃ yajedviṣṇuṃ payodadhivimiśritaiḥ |
śarkarāmadhubhirdravyairmadhusūdanaprītaye || 14 ||
[Analyze grammar]

tatphalaṃ samavāpnoti gaṃgāyāṃ nā'tra saṃśayaḥ |
paṃcāmṛtaiśca yo viṣṇuṃ bhaktyā saṃsnāpayedvibhum || 15 ||
[Analyze grammar]

sa sarvakulamuddhṛtya viṣṇuloke mahīyate |
yo dadyātpānakaṃ hyasyāṃ sāyāhne prītaye hareḥ || 16 ||
[Analyze grammar]

jīrṇapāpaṃ jahātyāśu jīrṇāṃ tvacamivoragaḥ |
sāyāhne caiva yo dadyādurvārukarasāyanam || 17 ||
[Analyze grammar]

bhavenmuktaḥ karmabaṃdhādurvārukarasāyanāt |
ikṣudaṇḍaṃ cūtaphalaṃ dadyāddrākṣāphalāni ca || 18 ||
[Analyze grammar]

na vicchittiḥ saṃtateḥ syāttasya vai śatapūruṣam |
yo dadyādgaṃdhalepaṃ tu sāyāhne dvādaśīdine || 19 ||
[Analyze grammar]

bāhyopaghātaiḥ sakalairmucyate nā'tra saṃśayaḥ |
yatkiṃcitkurute puṇyaṃ dvādaśyāṃ rājasattama || 20 ||
[Analyze grammar]

mādhave tu site pakṣe tadakṣayyaphalaṃ bhavet |
prakhyātimasyā vakṣyāmi yena jāteti bhūmipa || 21 ||
[Analyze grammar]

sarveṣāṃ sarvapāpaghnīṃ sarvamaṃgaladāyinīm |
purā kāśmīradeśe tu dvijo devavratā'hvayaḥ || 22 ||
[Analyze grammar]

tasyā'sīnmālinī nāma tanayā cārurūpiṇī |
dadau tāṃ satyaśīlāya vipravaryāya dhīmate || 23 ||
[Analyze grammar]

tāmudvāhya yayau dhīmānsvadeśaṃ yavanā'hvayam |
rūpayauvanasaṃpannā tasya naiva priyā'bhavat || 24 ||
[Analyze grammar]

sadā vidveṣasaṃyuktastasyāṃ tiṣṭhati niṣṭhuraḥ |
nā'nyasya kasyaciddveṣṭi tāṃ vinā nṛpate patiḥ || 25 ||
[Analyze grammar]

tasminsā krodhasaṃyuktā vaśīkaraṇalaṃpaṭā |
apṛcchatpramadā rājanyāstyaktāḥ patibhiḥ purā || 26 ||
[Analyze grammar]

tābhiruktā tu sā bhūpa vaśyo bharttā bhaviṣyati |
asmākaṃ pratyayo jāto bhartṛtyāgāvamāninām || 27 ||
[Analyze grammar]

prayujya bheṣajaṃ vaśyaṃ nītā hi patayaḥ purā |
yoginīṃ tvaṃ tu gacchā'dya dāsyate bheṣajaṃ śubham || 28 ||
[Analyze grammar]

na vikalpastvayā kāryo bhavitā dāsavatpatiḥ |
yoginīmaṃdire gatvā tāsāṃ vākyena bhūpate || 29 ||
[Analyze grammar]

prasādamatulaṃ tasyā lebhe duścāriṇī satī |
śatastaṃbhasamāyuktāṃ kuṭīṃ bheje tvarānvitā || 30 ||
[Analyze grammar]

suvistṛtāṃ suvarcaskāṃ tathaivā'yātayāmikām |
prāvṛtā dīrghavastreṇa sannidhiṃ tena yoginī || 31 ||
[Analyze grammar]

dīrghābhiśca saṭābhistu prāvṛtā dīptisaṃyutā |
paricārasamopetā vīkṣamāṇā śanaiḥśanaiḥ || 32 ||
[Analyze grammar]

akṣasūtrakarā sā tu japaṃtī prārthitā tayā |
dadau vaśyakaraṃ maṃtraṃ kṣobhakaṃ pratyayātmakam || 33 ||
[Analyze grammar]

tataḥ sā praṇatā bhūtvā dadyāddravyāṃ'gulīyakam |
vajramāṇikyasaṃyuktamatiraktaprabhānvitam || 34 ||
[Analyze grammar]

mṛdukāṃcanasaṃyuktaṃ bhānuraśmisamadyuti |
tato dṛṣṭvā tu saṃtuṣṭā pādasthaṃ cāṃgulīyakam || 35 ||
[Analyze grammar]

hṛdayaṃ ca tayā jñātaṃ tatpateravamānajam |
tadoktā hi tayā bhūpa tāpasyāhitayuktayā || 36 ||
[Analyze grammar]

cūrṇo rakṣānvito hyeṣa sarvabhūtavaśaṃkaraḥ |
cūrṇaṃ bhartari saṃyujya rakṣāṃ grīvāśrayāṃ kuru || 37 ||
[Analyze grammar]

bhaviṣyati patirvaśyo nā'nyāṃ yāsyati sundarīm |
nā'priyaṃ vadati kvā'pi duścāriṇyāstavā'pi ca || 38 ||
[Analyze grammar]

cūrṇarakṣāṃ gṛhītvā sā prāpa bhartṛgṛhaṃ punaḥ |
pradoṣe payasā yuktaścūrṇo bhartari yojitaḥ || 39 ||
[Analyze grammar]

grīvāyāṃ hi kṛtā rakṣā na vicāraḥ kṛtastayā |
tadā sa pītacūrṇastu bharttā nṛpavarottama || 40 ||
[Analyze grammar]

taccūrṇātkṣayarogo'bhūtpatiḥ kṣīṇo dinedine |
guhye tu kṛmayo jātā ghorā duṣṭavraṇodbhavāḥ || 41 ||
[Analyze grammar]

dinaiḥ katipayai rājanpatyurnaiva vyavasthitiḥ |
uvāsa svecchayā sā'pi puṃścalī duṣṭacāriṇī || 42 ||
[Analyze grammar]

hatatejāstato bhartā tāmuvācā'kulendriyaḥ |
krandamāno divārātrau dāso'smi tava śobhane || 43 ||
[Analyze grammar]

trāhi māṃ śaraṇaṃ prāptaṃ necche'hamaparāṃ striyam |
tattasya viditaṃ jñātvā bhītā sā medinīpate || 44 ||
[Analyze grammar]

alaṃkārakṛte patyurjīvanecchurna vai hitā |
yoginīṃ ca yayau śīghraṃ tasyai sarvaṃ nyavedayat || 45 ||
[Analyze grammar]

tayā ca bheṣajaṃ dattaṃ dvitīyaṃ dāhaśāṃtaye |
datte ca bheṣaje tasminsvastho'bhūttatkṣaṇātpatiḥ || 46 ||
[Analyze grammar]

tiṣṭhatyupapatirgehe gṛhakṛtyā'padeśataḥ |
sarvavarṇasamudbhūtā jārāstiṣṭhaṃti vai gṛhe || 47 ||
[Analyze grammar]

na kiṃcidvacane śaktirbharturjātā kathaṃcana |
tatastenaiva doṣeṇa sarvāṃgeṣu ca jajñire || 48 ||
[Analyze grammar]

kṛmayaścāsthibhettāraḥ kālāṃtakayamopamāḥ |
tairnāsājihvayoścā'sīcchedaḥ karṇadvayasya ca || 49 ||
[Analyze grammar]

stanayoścāṃgulīnāṃ ca paṃgutvaṃ cā'pi cā'gatam |
tena paṃcatvamāpannā gatā narakayātanāḥ || 50 ||
[Analyze grammar]

tāmrabhāṃḍe ca sā dagdhā'yutāni daśa paṃca ca |
śvānayoniṣu saṃjātā śatavāraṃ punaḥpunaḥ || 51 ||
[Analyze grammar]

chinnanāsā chinnakarṇā kṛmimūrddhā niraṃtaram |
chinnapucchā bhagnapādā tāḍitā ca gṛhegṛhe || 52 ||
[Analyze grammar]

paścātsauvīradeśeṣu padmabandhordvijasya ca |
dāsyā gṛhe śunī jātā bahuduḥkhasamākulā || 53 ||
[Analyze grammar]

chinnakarṇā chinnanāsā chinnapucchāṃghrirāturā |
kṛmipūrṇaśirā nityaṃ kṛmiyoniśca tiṣṭhati || 54 ||
[Analyze grammar]

evaṃ triṃśadgatā varṣā asmiñjanmani bhūmipa |
daivātkarmavipākena vaiśākhe meṣage ravau || 55 ||
[Analyze grammar]

śuklapakṣe tu dvādaśyāṃ padmabaṃdhostanūdbhavaḥ |
nadyāṃ snātvā śucirbhūtvā sārdravastro gṛhaṃ yayau || 56 ||
[Analyze grammar]

tulasīvedikāṃ prāpya pādāvavanije nijau |
vedikāyāmadho deśe sā śunī svāpamāgatā || 57 ||
[Analyze grammar]

prāksūryodayavelāyāṃ pādodakapariplutā |
sadyo dhvastā'śubhā jātā jātismṛtirabhūtkṣaṇāt || 58 ||
[Analyze grammar]

smṛtvā karma kṛtaṃ pūrvaṃ sā śunī tāpasaṃ sadā |
cukrośa karuṇā dīnā mune trāhīti vai punaḥ || 59 ||
[Analyze grammar]

svakarma ca munīṃdrāya smṛtvācakhyau bhayā'kulā |
bharturviṣaprayogaṃ tu svasya duścaritaṃ tathā || 60 ||
[Analyze grammar]

yā'nyāpi yuvatī brahmanbharturvaśyaṃ samācaret |
vṛthādharmā durācārā pacyate tāmrabhājane || 61 ||
[Analyze grammar]

bhartā nātho gururbhartā bhartā daivatamuttamam |
vikriyāṃ kṛtya sādhvī sā kathaṃ sukhamavāpnuyāt || 62 ||
[Analyze grammar]

tiryagyoniśataṃ yāti kṛmikoṭiśatāni ca |
tasmādbhūsura kartavyaṃ strībhirbharturvacaḥ sadā || 63 ||
[Analyze grammar]

sā'haṃ paśye punaryoniṃ kutsitāṃ yātanānvitām |
yadi noddharase brahmannadya tvaddṛṣṭisaṃmukhām || 64 ||
[Analyze grammar]

tasmāduddhara māṃ brahmanduṣkṛtāṃ pāpacāriṇīm |
sukṛtasya pradānena vaiśākhe śuklapakṣake || 65 ||
[Analyze grammar]

yā kṛtā tu tvayā brahmandvādaśī puṇyavarddhinī |
tasyāṃ tvayā kṛtaṃ puṇyaṃ snānadānānnabhojanaiḥ || 66 ||
[Analyze grammar]

duścāriṇyā api brahmaṃstena muktirbhaviṣyati |
yasyāṃ tu bhūsuraḥ snātaḥ svagṛhe manujaḥ kila || 67 ||
[Analyze grammar]

sarvatīrthaphalāvāptiṃ labhate nā'tra saṃśayaḥ |
taptaṃ dattaṃ hutaṃ yatra kṛtaṃ devārcanādi yat || 68 ||
[Analyze grammar]

tadakṣayyaphalaṃ jñeyaṃ yatkṛtaṃ dvādaśīdine |
evaṃvidhaphalaṃ yatsyāttaddehi sakalaṃ mama || 69 ||
[Analyze grammar]

dvādaśyāmupavāsena trayodaśyāṃ tu pāraṇāt |
yatphalaṃ syāttadapyaddhā tena muktirbhaviṣyati || 70 ||
[Analyze grammar]

dayāṃ kuru mahābhāga dīnāyāṃ dīnavatsala |
dīnanātho jagannātho yuṣmannātho janārdanaḥ || 71 ||
[Analyze grammar]

tadīyāstādṛśā eva yathā rājā tathā prajāḥ |
vaivasvatapadadhvaṃsinparitrāhi suduḥkhitām || 72 ||
[Analyze grammar]

tvadvāravāsinīṃ dīnāṃ śunīṃ māṃ dīnavatsala |
brahmahatyāsahasraṃ vā gohatyānāṃ sahasrakam || 73 ||
[Analyze grammar]

agamyānāṃ ca koṭīśca dahatyeva śubhā tithiḥ |
tasyāṃ kṛtaṃ mahāpuṇyaṃ mahyaṃ dattvā mahāmune || 74 ||
[Analyze grammar]

māmuddhara samudvignāṃ dīnāṃ nātha samuddhara |
ante tubhyaṃ dvijedrāya namauktiṃ vadāmyaham || 75 ||
[Analyze grammar]

iti tasyā vacaḥ śrutvā śunīmāha muneḥ sutaḥ |
svakṛtaṃ jaṃtavośnaṃti sukhaduḥkhātmakaṃ śuni || 76 ||
[Analyze grammar]

tasmātkimu tvayā kāryaṃ kṣudrayā pāpaśīlayā |
yayā bhartā vaśaṃ nīto rakṣācūrṇādibhirdvijaḥ || 77 ||
[Analyze grammar]

sādhubhyo yatkṛtaṃ pāpaṃ svasya duḥkhakaraṃ bhavet |
sādhubhyo yatkṛta puṇyaṃ svasya duḥkhaharaṃ bhavet || 78 ||
[Analyze grammar]

ubhayaṃ bhraṃśatāmeti pāpebhyo yatkṛtaṃ bhavet |
śarkarāmiśritaṃ kṣīraṃ kādraveyaniveditam || 79 ||
[Analyze grammar]

viṣavṛddhikaraṃ dṛṣṭamevaṃ pāpakaraṃ bhaveta |
vadatyevaṃ munisute śunī duḥkhaikarūpiṇī || 80 ||
[Analyze grammar]

punaścukośordhvasvaraṃ tatpitre bahubhāṣiṇī |
padmabandho paritrāhi śunī taddvāravāsinīm || 81 ||
[Analyze grammar]

tvaducchiṣṭāśinī nityaṃ tvaṃ pāhīti punaḥpunaḥ |
strapoṣyā ye hi vartaṃte gṛhasthasya mahātmanaḥ || 82 ||
[Analyze grammar]

teṣāmuddharaṇaṃ kāryamiti vedavidāṃ matam |
caṇḍālā vāyasāścaiva sārameyāśca nityaśaḥ || 83 ||
[Analyze grammar]

gṛhasthānāṃ dayāpātraṃ pratyahaṃ balibhojinaḥ |
aśaktaṃ noddharetpoṣyaṃ rogādyupahataṃ yadi || 84 ||
[Analyze grammar]

so'dhaḥ patenna saṃdeha iti vedavidāṃ matam || 85 ||
[Analyze grammar]

kartāramekaṃ jagatāṃ hi kartā kṛtvātmanā pāti samastajaṃtūn |
dārādirūpavyapadeśato haristasmāttadājñā khalu poṣyarakṣā || 86 ||
[Analyze grammar]

svapoṣyarakṣāṃ parihṛtya jaṃturdevena klṛptyā yadi vartate'nyadhīḥ |
sa devadrogdhā sakalasya haṃtā kīnāśalokānanu saṃprayāti || 87 ||
[Analyze grammar]

kartavyatvāddayālutvādetāmuddhara durmatim |
iti tasyā vacaḥ śrutvā duḥkhārtāyā gṛhe sutaḥ |
niścakrāma gṛhāttūrṇaṃ padmabaṃdhurdayānidhiḥ || 88 ||
[Analyze grammar]

kimetaditi tāṃ prāha putraḥ sarvaṃ nyavedayat |
sa tu putravacaḥ śrutvā tamevaṃ prāha vismitaḥ || 89 ||
[Analyze grammar]

padmabandhuruvāca |
mamātmaja kathaṃ vākyamīdṛśaṃ vyāhṛtaṃ tvayā |
na sādhūnāmidaṃ vākyaṃ bhavatīha varānana || 90 ||
[Analyze grammar]

ātmasaukhyakarāḥ pāpā bhavaṃti paribhāvitā |
paśya putra janāḥ sarve paropakaraṇāya vai || 91 ||
[Analyze grammar]

śaśī sūryo'tha pavano rajanī hutabhugjalam |
caṃdanaṃ pādapāḥ saṃtaḥ paropakaraṇe sthitāḥ || 92 ||
[Analyze grammar]

asthidānaṃ kṛtaṃ putra kṛpayā hi dadhīcinā |
devānāmupakārāya jñātvā daityānmahābalān || 93 ||
[Analyze grammar]

kapotā'rthe svamāṃsāni śibinā bhūbhujā purā |
pradattāni mahābhāga śyenāya kṣudhitāni vai || 94 ||
[Analyze grammar]

jīmūtavāhano rājā purā'sītkṣitimaṃḍale |
tenā'pi jīvitaṃ dattaṃ garuḍāya mahātmane || 95 ||
[Analyze grammar]

tasmāddayālunā bhāvyaṃ bhūsureṇa vipaścitā |
śuddhe varṣati devastu kimaśuddhe na varṣati || 96 ||
[Analyze grammar]

kinna dīpayate candraścaṃḍālānāṃ gṛhe sadā |
tasmādahaṃ śunīmetāṃ yācaṃtīṃ ca punaḥ punaḥ || 97 ||
[Analyze grammar]

uddhariṣye nijaiḥ puṇyaiḥ paṃkamagnāṃ ca gāṃ yathā |
iti putraṃ nirākṛtya pratijajñe mahāmatiḥ || 98 ||
[Analyze grammar]

dattaṃ dattaṃ mahāpuṇyaṃ dvādaśīdinasaṃbhavam |
śuni gaccha harerdhāma nirdhūtā'khilakalmaṣā || 99 ||
[Analyze grammar]

tadvākyātsahasā bhūpa divyā'bharaṇabhūṣitā |
vimucya dehaṃ jīrṇaṃ tu divyarūpadharā śubhā || 100 ||
[Analyze grammar]

śatā'dityaprabhā jātā sāvitrīpratimā yathā |
jagāmā'maṃtrya taṃ vipraṃ dyotayantī diśo daśa || 1 ||
[Analyze grammar]

bhuktvā divi mahābhogānpaścājātā mahītale |
naranārāyaṇāddevādurvaśīnāma nāmataḥ || 2 ||
[Analyze grammar]

vaiśākhaśuddhadvādaśyāḥ prabhāveṇa varāṃganā |
devānāṃ ca priyā jātā apsarastvaṃ ca sā yayau || 3 ||
[Analyze grammar]

yadyogigamyaṃ hutabhukprakāśaṃ varaṃ vareṇyaṃ paramārtharūpam |
yatprāpya santo'pi hi yāṃti mohaṃ tatprāpa rūpaṃ ca śunī hi devī || 4 ||
[Analyze grammar]

paścātsa padmabaṃdhurhi tāṃ tithiṃ puṇyavarddhinīm |
loveṭīṃ khyāpayāmāsa madhudviṭprāṇavallabhām || 5 ||
[Analyze grammar]

koṭīṃdusūryagrahaṇādhikā sā samastarūpādhikapuṇyarūpā |
yajñaiḥ samastairatiricyamānā dvijena khyātā bhuvanatraye ca || 106 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe vaiśākhamāsamāhātmye nāradāmbarīṣasaṃvāde śunīmokṣaprāptirnāma caturviṃśo'dhyāyaḥ || 24 ||
[Analyze grammar]