Chapter 25

[English text for this chapter is available]

śrutadeva uvāca |
yāstisrastithayaḥ puṇyā aṃtimāḥ śuklapakṣake |
vaiśākhamāsi rājeṃdra pūrṇimāṃtāḥ śubhāvahāḥ || 1 ||
[Analyze grammar]

antyāḥ puṣkariṇīsaṃjñāḥ sarvapāpakṣayāvahāḥ |
mādhave māsi yaḥ pūrṇaṃ snānaṃ karttuṃ na ca kṣamaḥ || 2 ||
[Analyze grammar]

tithiṣvetāsu sa snāyātpūrṇa meva phalaṃ labhet |
sarve devāstrayodaśyāṃ sthitvā jaṃtūnpunaṃti hi || 3 ||
[Analyze grammar]

pūrṇāyāḥ parvatīrthaiśca viṣṇunā saha saṃsthitāḥ |
caturdaśyāṃ sayajñāśca devā etānpunaṃti hi || 4 ||
[Analyze grammar]

brahmaghnaṃ vā surāpaṃ vā sarvānetānpunaṃti hi |
ekādaśyāṃ purā jajñe vaiśākhyāmamṛtaṃ śubham || 5 ||
[Analyze grammar]

dvādaśyāṃ pālitaṃ tacca viṣṇunā prabhaviṣṇunā |
trayodaśyāṃ sudhāṃ devānpāyayāmāsa vai hariḥ || 6 ||
[Analyze grammar]

jaghāna ca caturdaśyāṃ daityāndevavirodhinaḥ |
pūrṇāyāṃ sarvadevānāṃ sāmrājyā'ptirbabhūva ha || 7 ||
[Analyze grammar]

tato devāḥ susaṃtuṣṭā etāsāṃ ca varaṃ daduḥ |
tisṛṇāṃ ca tithīnāṃ vai prītyotphullavilocanāḥ || 8 ||
[Analyze grammar]

etā vaiśākha māsasya tisraśca tithayaḥ śubhāḥ |
putrapautrādiphaladā narāṇāṃ pāpahānidāḥ || 9 ||
[Analyze grammar]

yo'sminmāse ca saṃpūrṇe na snāto manujādhamaḥ |
tithitraye tu sa snātvā pūrṇameva phalaṃ labhet || 10 ||
[Analyze grammar]

tithitrayepyakurvāṇaḥ snānadānādikaṃ naraḥ |
cāṃḍālīṃ yonimāsādya paścādrauravamaśnute || 11 ||
[Analyze grammar]

uṣṇodakena yaḥ snāti mādhave ca tithitraye |
rauravaṃ narakaṃ yāti yāvadiṃdrāścaturdaśa || 12 ||
[Analyze grammar]

pitṛndevānsamuddiśya dadhyannaṃ na dadāti yaḥ |
paiśācīṃ yonimāsādya tiṣṭhatyābhūtasaṃplavam || 13 ||
[Analyze grammar]

pravṛttānāṃ ca kāmānāṃ mādhave niyame kṛte |
avaśyaṃ viṣṇusāyujyaṃ yujyate nā'tra saṃśayaḥ || 14 ||
[Analyze grammar]

āmāsaṃ niyamāsaktaḥ kuryādyadi dinatraye |
tena pūrṇaphalaṃ prāpya modate viṣṇumaṃdire || 15 ||
[Analyze grammar]

yo vai devānpitṝnviṣṇuṃ gurumuddiśya mānavaḥ |
na snānādi karotyaddhā'muṣya śāpapradā vayam || 16 ||
[Analyze grammar]

niḥsaṃtāno nirāyuśca niḥśreyasko bhavediti |
iti devā varaṃ dattvā svadhāmāni yayuḥ purā || 17 ||
[Analyze grammar]

tasmāttithitrayaṃ puṇyaṃ sarvāghaughavināśanam |
aṃtyaṃ puṣkariṇīsaṃjñaṃ putrapautravivarddhanam || 18 ||
[Analyze grammar]

yā nārī subhagā'pūpapāyasaṃ pūrṇimādine |
brāhmaṇāya sakṛddadyātkīrtimaṃtaṃ sutaṃ labhet || 19 ||
[Analyze grammar]

gītāpāṭhaṃ tu yaḥ kuryādaṃtime ca dinatraye |
dinedine'śvamedhānāṃ phalameti na saṃśayaḥ || 20 ||
[Analyze grammar]

sahasranāmapaṭhanaṃ yaḥ kuryyācca dinatraye |
tasya puṇyaphalaṃ vaktuṃ kaḥ śakto divi vā bhuvi || 21 ||
[Analyze grammar]

sahasranāmabhirdevaṃ pūrṇāyāṃ madhusūdanam |
payasā snāpya vai yāti viṣṇulokamakalmaṣam || 22 ||
[Analyze grammar]

samastavibhavairyastu pūjayenmadhusūdanam |
na tasya lokāḥ kṣīyante yuga kalpādi vyatyaye || 23 ||
[Analyze grammar]

asnātvā cāpyadattvā ca vaiśākhaśca mato yadi |
sa brahmahā gurughnaśca pitṝṇāṃ ghātakastathā || 24 ||
[Analyze grammar]

ślokārddhaṃ ślokapādaṃ vā nityaṃ bhāgavatodbhavam |
vaiśākhe ca paṭhanmartyo brahmatvaṃ copapadyate || 25 ||
[Analyze grammar]

yo vai bhāgavataṃ śāstraṃ śṛṇotyetaddinatraye |
na pāpairlipyate kvā'pi padmapatramivāṃbhasā || 26 ||
[Analyze grammar]

devatvaṃ manujaiḥ prāptaṃ kaiścitsiddhatvameva ca |
kaiścitprāpto brahmabhāvo dinatrayaniṣevaṇāt || 27 ||
[Analyze grammar]

brahmajñānena vai muktiḥ prayāgamaraṇena vā |
athavā māsi vaiśākhe niyamena jalāpluteḥ || 28 ||
[Analyze grammar]

nīlavṛṣaṃ samutsṛjya vaiśākhyāṃ ca jalāpluteḥ |
samastabaṃdhanirmuktaḥ pumānyāti paraṃ padam || 29 ||
[Analyze grammar]

gāṃ savatsāṃ dvijeṃdrāya sīdate ca kuṭumbine |
ihāpamṛtyunirmuktaḥ paratra ca paraṃ vrajet || 30 ||
[Analyze grammar]

snānadānavihīnastu vaiśākhī caiva yo nayet |
śvānayoniśataṃ prāpya viṣṭhāyāṃ jāyate kṛmiḥ || 31 ||
[Analyze grammar]

tisraḥ koṭyo'rdhakoṭiśca tīrthāni bhuvanatraye |
saṃbhūya maṃtrayāṃcakruḥ pāpasaṃghātaśaṃkitāḥ || 32 ||
[Analyze grammar]

janā asmāsu pāpiṣṭhā visṛjanti svakaṃ malam |
tadasmākaṃ kathaṃ gacchediti ciṃtāsamanvitāḥ || 33 ||
[Analyze grammar]

tīrthapādaṃ hariṃ jagmuḥ śaraṇyaṃ śaraṇaṃ vibhum |
stutvā ca bahubhiḥ stotraiḥ prārthayāmāsuraṃjasā || 34 ||
[Analyze grammar]

devadeva jagannātha sarvāghaughavināśana |
janā asmāsu pāpiṣṭhāḥ snātvā pāpāni sarvaśaḥ || 35 ||
[Analyze grammar]

visṛjya tvatpadaṃ yāṃti tvadājñādhāriṇo bhuvi |
asmākaṃ caiva tatpāpaṃ kathaṃ gacchejjanārdana || 36 ||
[Analyze grammar]

tadupāyaṃ vadāsmākaṃ tvatpādaśaraṇaiṣiṇām |
iti tīrthaiḥ prārthitastu bhagavānbhūtabhāvanaḥ || 37 ||
[Analyze grammar]

prahasanprāha tīrthāni meghagambhīrayā girā |
śrībhagavānuvāca |
site pakṣe meṣasūrye vaiśākhāntedinatraye || 38 ||
[Analyze grammar]

sarvatīrthamaye puṇye mamā'pi prāṇavallabhe |
yūyaṃ bhagodayātpūrvaṃ bahiḥsaṃsthajalāplutāḥ || 39 ||
[Analyze grammar]

vimuktāghāḥ puṇyarūpā bhavaṃtvāśu sunirmalāḥ |
bhavadbhiśca vimuktāghairye na snātā dinatraye || 40 ||
[Analyze grammar]

teṣu tiṣṭhaṃtu tatpāpaṃ janairyuṣmadvirecitam |
iti tīrthapado viṣṇustīrthānāṃ ca varaṃ dadau || 41 ||
[Analyze grammar]

anujñāpya ca tānyogāttatraivāṃtaradhīyata |
svadhāmāni punaḥ prāpya tāni tīrthāni nityaśaḥ || 42 ||
[Analyze grammar]

prativarṣaṃ tu vaiśākhe tathaivāṃtyadinatraye |
tenāghaughaṃ vimucyaiva yāṃti nirmalatā maho || 43 ||
[Analyze grammar]

ye tu snānaṃ na kurvaṃti vaiśākhāṃtadinatraye |
te bhavantu samastānāṃ janānāṃ pātakā'śrayāḥ || 44 ||
[Analyze grammar]

iti śāpaṃ ca tīrthāni hyasnātānāṃ vadanti ca |
na tena sadṛśaḥ pāpo yo na snāto dinatraye || 45 ||
[Analyze grammar]

vicāriteṣu śāstreṣu na dṛṣṭo na ca vai śrutaḥ |
tasmāddinatraye kāryaṃ snānadānārcanādikam || 46 ||
[Analyze grammar]

anyathā narakaṃ yāti yāvadiṃdrāścaturdaśa |
ityetatsarvamākhyātaṃ śrutakīrte mahāmate || 47 ||
[Analyze grammar]

pṛṣṭaṃ vaiśākhamāhātmyaṃ yathā dṛṣṭaṃ yathāśrutam |
māhātmyasya ca lekho'yaṃ mādhavasya ca varṇitaḥ || 48 ||
[Analyze grammar]

kārtsnyādvaktuṃ ca brahmā'pi nālaṃ varṣaśatairapi |
purā kailāsaśikhare pārvatyai śaṃkaraḥ svayam || 49 ||
[Analyze grammar]

āha mādhavamāhātmyaṃ pṛcchaṃtyai śatavatsaram |
tathāpi nāṃtamagamadaśakto virarāma ha || 50 ||
[Analyze grammar]

ko nu varṇayituṃ śaktaḥ kārtsnyānmāhātmyamuttamam |
vinā viṣṇuṃ jagannāthaṃ nārāyaṇamanāmayam || 51 ||
[Analyze grammar]

purā sarve'pi ṛṣayo māhātmyaṃ pāpanāśanam |
leśasya leśaṃ vyācakhyurjanānāṃ hitakāmyayā || 52 ||
[Analyze grammar]

nāṃtaḥ kenāpi vyākhyāto hyaśaktatvānmahīpate |
tvaṃ ca māse tu vaiśākhe kuru dānādisatkriyāḥ || 53 ||
[Analyze grammar]

tena bhuktiṃ ca muktiṃ ca saṃprāpnoṣi na saṃśayaḥ |
iti taṃ bodhayitvā ca maithilaṃ janakāhvayam || 54 ||
[Analyze grammar]

śrutadevastamāmaṃtrya gantuṃ cakre manastataḥ |
jātāhlādaḥ sa rājarṣirgaladvāṣpākulekṣaṇaḥ || 55 ||
[Analyze grammar]

utsavaṃ kārayāmāsa svābhivṛddhyai manoramam |
grāmaṃ pradakṣiṇīkṛtya śibikāmadhiropya tam || 56 ||
[Analyze grammar]

caturaṃgabalairyuktaḥ svayaṃ pṛṣṭhamathā'nvagāt |
punaścāṃtaḥpuraṃ prāpya sakalairvibhavairapi || 57 ||
[Analyze grammar]

vastrairābharaṇaiścaiva gobhūtilahiraṇyakaiḥ |
praṇamya ca parikramya tasthau prāṃjaliragrataḥ || 58 ||
[Analyze grammar]

tataḥ sa tu mahātejāḥ śrutadevo mahāyaśāḥ |
santuṣṭaḥ paramaprīto yayau dhāma svakaṃ muniḥ || 59 ||
[Analyze grammar]

trayodaśyāṃ caturdaśyāṃ paurṇamāsyāṃ ca mādhave |
snānaṃ dānaṃ pūjanaṃ ca kathāśravaṇameva ca || 60 ||
[Analyze grammar]

vaiśākhadharmanirataḥ sa vai mokṣamavāpnuyāt |
dhanaśarmā brāhmaṇaśca pretāścaiva yathā purā || 61 ||
[Analyze grammar]

nārada uvāca |
ityetatparamākhyānamaṃbarīṣa tavoditam |
śravaṇātsarvapāpaghnaṃ sarvasaṃpadvidhāyakam || 62 ||
[Analyze grammar]

tena bhuktiṃ ca muktiṃ ca jñānaṃ mokṣaṃ ca viṃdati |
iti tasya vacaḥ śrutvā aṃvarīṣo mahāyaśāḥ || 63 ||
[Analyze grammar]

prahṛṣṭāṃtaravṛttiśca bāhyavyāpāravarjitaḥ |
praṇanāma tathā mūrdhnā daṇḍavatpatito bhuvi || 64 ||
[Analyze grammar]

vibhavairakhilaiścā'pi pūjayāmāsa taṃ punaḥ |
saṃpūjitastamāmaṃtrya nārado bhagavānmuniḥ || 65 ||
[Analyze grammar]

lokāṃtaraṃ yayau dhīmāñcchāpānnaikatra saṃsthitiḥ |
ambarīṣo'pi rājarṣirnāradoktānimāñcchubhān || 66 ||
[Analyze grammar]

dharmānkṛtvā vilīno'bhūtpare brahmaṇi nirguṇe |
sūta uvāca |
ya idaṃ paramākhyānaṃ pāpaghnaṃ puṇyavardhanam || 67 ||
[Analyze grammar]

śṛṇuyādvā paṭhedvā'pi sa yāti paramāṃ gatim |
likhitaṃ pustakaṃ yeṣāṃ gṛhe tiṣṭhati mānadāḥ || 68 ||
[Analyze grammar]

teṣāṃ muktiḥ karasthā hi kimu tacchravaṇātmanām || 69 ||
[Analyze grammar]