Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

śrutadeva uvāca |
athātaḥ saṃpravakṣyāmi māhātmyaṃ pāpanāśanam |
akṣayyāyāstṛtīyāyāḥ site pakṣe ca mādhave || 1 ||
[Analyze grammar]

ye kurvaṃti ca tasyāṃ vai prātaḥ snānaṃ bhagodaye |
te sarve pāpanirmuktā yāṃti viṣṇoḥ paraṃ padam || 2 ||
[Analyze grammar]

devānpitṝnmunīnyastu kuryāduddiśya tarpaṇam |
tenā'dhītaṃ ca teneṣṭaṃ tena śrāddhaśataṃ kṛtam || 3 ||
[Analyze grammar]

madhusūdanamabhyarcya kathāṃ śṛṇvaṃti ye narāḥ |
akṣayyāyāṃ tṛtīyāyāṃ te narā muktibhāginaḥ || 4 ||
[Analyze grammar]

ye dānaṃ tatra kurvaṃti madhudviṭprītaye śubham |
tadakṣayyaṃ phalatyeva madhuśāsanaśāsanāt || 5 ||
[Analyze grammar]

devarṣipitṛdaivatyā tithireṣā mahāśubhā |
trayāṇāṃ tṛptidātrī ca kṛte dharme sanātane || 6 ||
[Analyze grammar]

prakhyātiśca titherasyāḥ kena cāsti tadapyaham |
vakṣyāmi nṛpaśārdūla sāvadhānamanāḥ śṛṇu || 7 ||
[Analyze grammar]

purā puraṃdarasyā'sīdyuddhaṃ ca balinā saha |
devānāṃ caiva daityānāṃ dvaṃdvaṃ yuddhamabhūttataḥ || 8 ||
[Analyze grammar]

sa nirjitya baliṃ daityaṃ pātālatalavāsinam |
punarbhuvaṃ samāsādya cotathyasyā'śramaṃ yayau || 9 ||
[Analyze grammar]

tatrāpaśyacca tatpatnīṃ gurviṇīṃ maṃdagāminīm |
calacchroṇitaṭābaddha kāṃcīdāmnā sumaṃḍitām || 10 ||
[Analyze grammar]

kvaṇatkaṃkaṇanirghoṣa jitamattālikokilām |
valgucitrāṃbarāṃ rāmāṃ maṃjuvācaṃ śucismitām || 11 ||
[Analyze grammar]

lasatkuṃbhasthalābhyāṃ ca kucābhyāmupaśobhitām |
hasatpadmamukhāṃ divyāṃ nīlotpalasulocanām || 12 ||
[Analyze grammar]

ketakyudarapāṃḍubhyāṃ gaṃḍābhyāṃ ca manoramām |
śramocchvasaṃtīṃ dīnākṣīṃ parṇaśālāmukhe sthitām || 13 ||
[Analyze grammar]

svapatīṃ śayane kvā'pi tāṃ dṛṣṭvā mohamāgataḥ |
balātkāreṇa bubhuje gurviṇīṃ pākaśāsanaḥ || 14 ||
[Analyze grammar]

garbhasthastu tadā piṃḍaḥ svasya pātaviśaṃkayā |
chādayāmāsa vai yoniṃ dvāre pādena duḥkhitaḥ || 15 ||
[Analyze grammar]

tataścaskanda vīryaṃ tadbhūmāveva balidviṣaḥ |
garbhasthāya cukopāsau bhagavānpākaśāsanaḥ || 16 ||
[Analyze grammar]

taṃ śaśāpa ca garbhasthaṃ ruṣā tāmrāṃtalocanaḥ |
jātyandho bhava durbuddhe mā'vamaṃsthā yataḥ padā || 17 ||
[Analyze grammar]

pracchādya yonidvāraṃ ca tato dīrghatapāhvayaḥ |
padā praskaṃditādvīryājjālataḥ samajāyata || 17 ||
[Analyze grammar]

paścādiṃdro yayau śīghramṛṣeḥ śāpa viśaṃkitaḥ |
palāyaṃtaṃ hariṃ dṛṣṭvā jahasurbaṭavo'khilāḥ || 19 ||
[Analyze grammar]

tatastu vrīḍito bhūtvā yayau merorguhāṃ śubhām |
tatra līnaścacārā'sau dustaraṃ vai tapo mahat || 20 ||
[Analyze grammar]

merau vilīya vasati devendre lajjayā'nvite |
gūḍhairvijñāya tāṃ vārtāṃ daiteyā balipūrvakāḥ || 21 ||
[Analyze grammar]

surānākramya bubhujurbalīṃdraścāmarāvatīm |
dikpālānāṃ vibhūtīśca śaṃbarādyā balīyasaḥ || 22 ||
[Analyze grammar]

balādbubhujire hīnanāthe rāṣṭre divaukasām |
rakṣitāramajānaṃto devāścāgnipurogamāḥ || 23 ||
[Analyze grammar]

papracchurdhiṣaṇaṃ devaṃ devācāryamakalmaṣam |
papracchuriṃdravṛttāṃtaṃ kva svittiṣṭhati naḥ prabhuḥ || 24 ||
[Analyze grammar]

daityākrāṃtamidaṃ rāṣṭraṃ hīnanāthaṃ divaukasām |
kuto nā'yāti devo'sau bhūyānkālo gato vibho || 25 ||
[Analyze grammar]

taṃ yāmo yatra dhiṣaṇa prārthayāmaśca taṃ vibhum |
iti pṛṣṭastadā devairdhiṣaṇastānuvāca ha || 26 ||
[Analyze grammar]

rasātale baliṃ jitvā cotathyasyā'śramaṃ yayau |
bhuktvā patnīṃ ca dārḍhyena tacchiṣyaireva ninditaḥ || 27 ||
[Analyze grammar]

vrīḍitastu divaṃ yātuṃ guhāṃ merorviveśa ha |
tatraivā'ste śacīyuktaḥ svakṛtaṃ cintayanvibhuḥ || 28 ||
[Analyze grammar]

iti tasya vacaḥ śrutvā devā agnipurogamāḥ |
guhāṃ meroryayuḥ śīghraṃ dṛṣṭvā prārthayituṃ vibhum || 29 ||
[Analyze grammar]

tatra dṛṣṭvā guhālīnaṃ devendraṃ pākaśāsanam |
tuṣṭuvurvividhaiḥ stotraistadvīryairlokaviśrutaiḥ || 30 ||
[Analyze grammar]

iṃdra tubhyaṃ namaste'stu sarvadevā'dhipāya te |
vayaṃ daityairarditāśca tvayā hīnā bhṛśārditāḥ || 31 ||
[Analyze grammar]

sthānabhraṣṭāścarāmoṃ'ga nānādeśeṣu duḥkhitāḥ |
tasmādāgatya devendra jahi śatrūnariṃdama || 32 ||
[Analyze grammar]

iti stutastadā devairniścakrāma guhāmukhāt |
lajjayā 'vanato bhūtvā paśyanbhūmiṃ ca cakṣuṣā || 33 ||
[Analyze grammar]

na kiṃcidapi covāca duḥkhādgadgadabhāṣaṇaḥ |
ta'jñātvā dhiṣaṇaḥ prāha taṃ surendraṃ bhayānakam || 34 ||
[Analyze grammar]

mā śaṃkā te surapate karmādhīnamidaṃ jagat |
mānāmānau sukhaṃ duḥkhaṃ lābhālābhau jayājayau || 35 ||
[Analyze grammar]

pūrvakarmānurodhena bhavaṃtyete na saṃśayaḥ |
jīvaḥ karmānugo duḥkhaṃ diṣṭaṃ daivena kālataḥ || 36 ||
[Analyze grammar]

prājñāḥ prāyo na śocaṃti na prahṛṣyaṃti vai sukhāt |
tasmātprārabdhataḥ prāptaṃ duḥkhaṃ cedaṃ tava prabho || 37 ||
[Analyze grammar]

tatprāpya maghavanduḥkhaṃ naiva śocitumarhasi |
ityukto guruṇā cāha maghavānamarādhipān || 38 ||
[Analyze grammar]

indra uvāca |
parastrīsaṃgadoṣeṇa balaṃ vīryaṃ yaśo'malam |
maṃtraśaktiḥśāstraśaktirvidyāśaktiśca mānada || 39 ||
[Analyze grammar]

abhavannaṣṭavīryaṃ me tūṣṇīṃ tena vasāmyaham |
pākaśāsanavākyaṃ tu śrutvā svācāryasaṃyu'tāḥ || 40 ||
[Analyze grammar]

maṃtrayāmāsurekānte punastasya balāptaye |
tadā guruśca tānprāha karuṇaṃ ca viduttamaḥ || 41 ||
[Analyze grammar]

bṛhaspatiruvāca |
māso vaiśākhanāmā'yaṃ priyo vai madhughātinaḥ |
sarvāśca tithayaḥ puṇyā māse'sminmādhavapriye || 42 ||
[Analyze grammar]

tatrā'pi ca site pakṣe māse'sminnakṣayāhvayā |
yā tasyāṃ snānadānādi śraddhayā ca karoti vai || 43 ||
[Analyze grammar]

tasya pāpasahasrāṇi naśyaṃtyeva na saṃśayaḥ |
anavadyaṃ tathaiśvaryaṃ balaṃ dhairyaṃ bhavaṃti ca || 44 ||
[Analyze grammar]

tasmāttasyāṃ tṛtīyāyāṃ hariṇā balavidviṣā |
snānadānādisaddharmānkārayāmo hitā'ptaye || 45 ||
[Analyze grammar]

bhaviṣyati ca sā śaktirvidyāyā mantraśāstrayoḥ |
balaṃ dhairyaṃ yaśaścaiva yathāpūrvaṃ bhaviṣyati || 46 ||
[Analyze grammar]

ityevaṃ tu vicāryātha gururdevaiḥ samāhitaḥ |
indreṇa kārayāmāsa dharmānetānharipriyān || 47 ||
[Analyze grammar]

akṣayyāyāṃ tṛtīyāyāṃ bhuktimuktiphalapradān |
tena pūrvavadevā'sīdbalaṃ dhairyādikaṃ vibhoḥ || 48 ||
[Analyze grammar]

parastrīsaṃgadoṣo'pi sadya eva vyalīyata |
paścāddhatāśubhaḥ śakro rāhormukta ivoḍupaḥ || 49 ||
[Analyze grammar]

devatānāṃ tathā madhye śuśubhe ca hariryathā |
paścāddevaiḥ samāyukto vinirjitya tathā'surān || 50 ||
[Analyze grammar]

tṛtīyāyāśca māhātmyādbhāgyayukto'marāvatīm |
viveśa vibhavaiḥ sārddhaṃ śaṃkhatūryādiniḥsvanaiḥ || 51 ||
[Analyze grammar]

anujñātāśca śakreṇa svadhāmāni yayuḥ surāḥ |
tataste yajñabhāgāṃśca lebhire ca yathā purā || 52 ||
[Analyze grammar]

piṃḍabhāgāṃśca pitaro yathāpūrvaṃ prapedire |
svādhyāye munayastuṣṭā daityānāṃ ca parājayaḥ || 53 ||
[Analyze grammar]

tadā prabhṛti loke'smiṃstṛtīyā cā'kṣayā'hvayā |
prakhyātā sarvalokeṣu devarṣipitṛtuṣṭidā || 54 ||
[Analyze grammar]

tasmātpuṇyatamā caiṣā sarvakarmanikṛṃtanī |
bhuktimuktipradā nṛṇāṃ tṛtīyā cā'kṣayā'hvayā || 55 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe vaiśākhamāsamāhātmye nāradāmbarīṣasaṃvāde'kṣayyatṛtīyāyāḥ śreṣṭhatvakathanaṃ nāma trayoviṃśo'dhyāyaḥ || 23 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 23

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: