Chapter 11

[English text for this chapter is available]

brahmovāca |
ekādaśyāśca māhātmyaṃ mūrtīnāṃ ca vidhānakam |
sarvaṃ brūhi mama svāminkṛpayā bhūtabhāvana || 1 ||
[Analyze grammar]

śrībhagavānuvāca |
śṛṇuṣva dvijaśārdūla kathāṃ pāpapraṇāśinīm |
yāṃ śrutvā yāti vilayaṃ pāpaṃ brahmavadhādikam || 2 ||
[Analyze grammar]

kāṃpilye nagare rājā vīrabāhuriti smṛtaḥ |
satyavādī jitakrodho brahmajño mama tatparaḥ || 3 ||
[Analyze grammar]

bhāvavānsa dayāśīlorūpavānbalavānnaraḥ |
bhakto bhāgavatānāṃ ca sadā mama kathāruciḥ || 4 ||
[Analyze grammar]

sadā mama kathā'saktaḥ sadā jāgaraṇapriyaḥ |
dātā vidvānkṣamāśīlo vikramī vijiteṃdriyaḥ || 5 ||
[Analyze grammar]

vijayī raṇaśīlaśca ṛddhyā ca dhanadopamaḥ |
putravānpaśumāṃścaiva svadāraniratastathā || 6 ||
[Analyze grammar]

tasya bhāryā kāṃtimatī rūpeṇā'pratimā bhuvi |
pativratā mahāsādhvī mama bhaktiratā sadā || 7 ||
[Analyze grammar]

tayā saha viśālākṣo bubhuje medinīṃ yuvā |
muktvaikaṃ māṃ mahābāho nānyajjānāti daivatam || 8 ||
[Analyze grammar]

ekasmindivase putra bhāradvājo mahāmuniḥ |
samāgato gṛhe tasya vīrabāhormahātmanaḥ || 9 ||
[Analyze grammar]

dṛṣṭvā samāgataṃ dūrādbhāradvājaṃ mahāmunim |
svāgataṃ kārayāmāsa dattvārghyaṃ vidhivattadā || 10 ||
[Analyze grammar]

āsanaṃ kalpayāmāsa svayameva mahīpatiḥ |
praṇamya parayā bhaktyā tasthau munivarāgrataḥ || 11 ||
[Analyze grammar]

rājovāca |
adya me saphalaṃ janma adya me saphalaṃ dinam |
adya me saphalaṃ rājyamadya me saphalaṃ gṛham || 12 ||
[Analyze grammar]

prasanno mama viprarṣe paramātmā janārdanaḥ |
yattvaṃ samāgato hyadya gṛhe yogivarastathā || 13 ||
[Analyze grammar]

mukto'haṃ pāpakoṭyādya yattvayā'haṃ nirīkṣitaḥ |
rājyaṃ lakṣmīrgajā'śvāśca mayā tubhyaṃ niveditāḥ || 14 ||
[Analyze grammar]

vaiṣṇavo'si muniśreṣṭha nāstyadeyaṃ mayā tava |
merutulyaṃ bhavetsarvaṃ vaiṣṇavasya varāṭikā || 15 ||
[Analyze grammar]

nā'yāti hi gṛhe yasya vaiṣṇavo vai dvijottamaḥ |
taddinaṃ viphalaṃ tasya kathitaṃ brāhmaṇairmama || 16 ||
[Analyze grammar]

viṣṇubhaktāśca ye kecitsarve varṇā dvijātayaḥ |
kathitaṃ mama gārgyeṇa gautamena sumaṃtunā || 17 ||
[Analyze grammar]

ye tvabhaktā hṛṣīkeśe piśācāste hi mānavāḥ |
mahāpātakaliptāste ye bhuṃjaṃti harerdine || 18 ||
[Analyze grammar]

śivavratasahasraistu saurairbrāhmaiśca koṭibhiḥ |
yatphalaṃ kavibhiḥ proktaṃ vāsaraikena taddhareḥ || 19 ||
[Analyze grammar]

garvamudvahate tāvattithirbrāhmī ca śāṃkarī |
yāvannāyāti vipreṃdra dvādaśī ca mama priyā || 20 ||
[Analyze grammar]

tāvatprabhāvastārāṇāṃ yāvannodayate śaśī |
tithistathā ca vipreṃdra yāvannāyāti dvādaśī || 21 ||
[Analyze grammar]

nāradena purā proktaṃ vasiṣṭhena mamāgrataḥ |
tvaṃ vettā sarvadharmāṇāṃ vaiṣṇavānāṃ mahāmune || 22 ||
[Analyze grammar]

bhāradvāja uvāca |
sādhu pṛṣṭaṃ mahābhāga yattvaṃ bhakto'si vaiṣṇavaḥ |
sā suprajā mahī dhanyā yattvaṃ rakṣasi bhūmipa || 23 ||
[Analyze grammar]

tasminrāṣṭre na vastavyaṃ yatra rājā na vaiṣṇavaḥ |
varaṃ vāso vane tīrthe na tu rāṣṭre tvavaiṣṇave || 24 ||
[Analyze grammar]

yatra bhāgavato rājā saṃpraśāsti ca medinīm |
vaikuṇṭhamiti maṃtavyaṃ tadrāṣṭraṃ pāpavarjitam || 25 ||
[Analyze grammar]

cakṣurhīnaṃ yathā dehaṃ patihīnā yathā striyaḥ |
dvādaśī daśamīyuktā tathā rāṣṭramavaiṣṇavam || 26 ||
[Analyze grammar]

yathā putro mahīpāla mātāpitrorapoṣakaḥ |
dvādaśī daśamīyuktā tathā rāṣṭramavaiṣṇavam || 27 ||
[Analyze grammar]

dānahīno yathā rājā brāhmaṇo rasavikrayī |
dvādaśī daśamīyuktā tathā rāṣṭramavaiṣṇavam || 28 ||
[Analyze grammar]

daṃtahīno yathā hastī pakṣahīno yathā khagaḥ |
dvādaśī daśamīyuktā tathā rāṣṭramavaiṣṇavam || 29 ||
[Analyze grammar]

pratigrahārthaṃ vedādi dravyārthaṃ sukṛtaṃ yathā |
dvādaśī daśamīyuktā tathā rāṣṭramavaiṣṇavam || 30 ||
[Analyze grammar]

darbhahīnā yathā saṃdhyā yathā śrāddhamadakṣiṇam |
dvādaśī daśamīyuktā tathā rāṣṭramavaiṣṇavam || 31 ||
[Analyze grammar]

saśikhaśca yathā śūdrā kapilākṣīrapāyakaḥ |
dvādaśī daśamīyuktā tathā rāṣṭramavaiṣṇavam || 32 ||
[Analyze grammar]

śūdraśca brāhmaṇīgāmī hemaghno dharmadūṣakaḥ |
dvādaśī daśamīyuktā tathā rāṣṭramavaiṣṇavam || 33 ||
[Analyze grammar]

harisūryādivṛkṣāṇāṃ yathā chedo narottama |
dvādaśī daśamī yuktā tathā rāṣṭramavaiṣṇavam || 34 ||
[Analyze grammar]

yathā'hutirmaṃtrahīnā mṛtavatsāpayo yathā |
dvādaśī daśamīyuktā tathā rāṣṭramavaiṣṇavam || 35 ||
[Analyze grammar]

sakeśā vidhavā yadvadvrataṃ snānavivarjitam |
dvādaśī daśamīyuktā tathā rāṣṭramavaiṣṇavam || 36 ||
[Analyze grammar]

sa rājā procyate sadbhiryo bhakto madhusūdane |
tadrāṣṭraṃ vardhate nityaṃ sukhī bhavati saprajaḥ || 37 ||
[Analyze grammar]

dṛṣṭirme saphalā rājanyanmayā tvaṃ nirīkṣitaḥ |
adya me saphalā vāṇī jalpate yā tvayā saha || 38 ||
[Analyze grammar]

dūrameva hi gaṃtavyaṃ śrūyate yatra vaiṣṇavaḥ |
darśanāttu bhavetpuṇyaṃ tīrthasnānasamudbhavam || 39 ||
[Analyze grammar]

sa tvaṃ rājanmayā dṛṣṭo viṣṇubhaktirataḥ śuciḥ |
svasti te'stu gamiṣyāmi sukhī bhava narādhipa || 40 ||
[Analyze grammar]

etasminnaṃtare rājñyā kāṃtimatyā namaskṛtaḥ |
bhāradvājo muniśreṣṭhaḥ pravaraḥ sarvayoginām || 41 ||
[Analyze grammar]

avaidhavyaṃ varārohe bhaktā bhava svabharttari |
niścalā keśave bhaktiḥ sadā bhavatu te śubhe || 42 ||
[Analyze grammar]

etasminnaṃtare rājā bhāradvājaṃ mahāmunim |
uvāca prīṇayanvācā meghanādagabhīrayā || 43 ||
[Analyze grammar]

rājovāca |
vipulā me kathaṃ lakṣmīḥ kiṃ kṛtaṃ pūrvajanmani |
sarvaṃ brūhi muniśreṣṭha kṛpā yadi mamopari || 44 ||
[Analyze grammar]

etanmayā kathaṃ prāptaṃ rājyaṃ nihatakaṇṭakam |
putro vai guṇavāñcchreṣṭhaḥ priyā ca sumanoharā || 45 ||
[Analyze grammar]

maccittā madgataprāṇā ciṃtayantī janārdanam |
ko'haṃ mune kathaṃ caiṣā kaśca dharmo mayā kṛtaḥ || 46 ||
[Analyze grammar]

kiṃ cā'nayā'pi cārvaṃgyā mama patnyā kṛtaṃ mune |
kena puṇyena me lakṣmīrmṛtyuloke sudurlabhā || 47 ||
[Analyze grammar]

aśeṣā bhūmipālā vai vartaṃte yasya me vaśe |
vikramaṃ cā'pratihataṃ śarīrārogyatā tathā || 48 ||
[Analyze grammar]

mamā'pi vipulaṃ tejo na kaścitsahate mune |
icchāmyadya pratijñātuṃ yathā ceyamaniṃditā || 49 ||
[Analyze grammar]

mayā'pi sukṛtaṃ vipra kiṃ kṛtaṃ pūrvajanmani |
iti pṛṣṭo nareṃdreṇa pūrvajanmaviceṣṭitam || 50 ||
[Analyze grammar]

svapatnyāśceṣṭitaṃ caiva saṃpadāṃ caiva kāraṇam |
yogotthaṃ suciraṃ kālaṃ tathāviṃdata mānase || 51 ||
[Analyze grammar]

vijñātametannṛpate pūrvajanmaviceṣṭitam |
tava patnyāśca rājarṣe śṛṇuṣva kathayāmyaham || 52 ||
[Analyze grammar]

bhāradvāja uvāca |
śṛṇu bhūpāla sakalaṃ yasyedaṃ karmaṇaḥ phalam |
tvamāsīḥ śūdrajātīyo jīvahiṃsāparāyaṇaḥ || 53 ||
[Analyze grammar]

nāstiko duṣṭacāritraḥ paradārapradharṣakaḥ |
kṛtaghno durvinītaśca suṣṭhvācāravivarjitaḥ || 54 ||
[Analyze grammar]

iyaṃ yā bhavato bhāryā pūrvamapyāyatekṣaṇā |
karmaṇā manasā vācā nānyadasyāstvayā vinā || 55 ||
[Analyze grammar]

pativratā mahābhāgā bhajamānā nirantaram |
bhāvaṃ na kurute duṣṭaṃ tavopari tathā sati || 56 ||
[Analyze grammar]

sakhibhistvaṃ parityakto bandhubhiḥ pāpakarmakṛt |
kṣayaṃ jagāma cā'rtho yaḥ sañcitastava pūrvajaiḥ || 57 ||
[Analyze grammar]

naṣṭe dravye phalā'kāṃkṣī tvamāsīrjagatīpate |
pūrvakarmavipākena kṛṣiśca viphalā gatā || 58 ||
[Analyze grammar]

tato vitte parikṣīṇe parityaktaśca bāṃdhavaiḥ |
kṣīyamāṇā'pi sādhvīyamatyajattvāṃ na bhāminī || 59 ||
[Analyze grammar]

tvaṃ bhagnaḥ sarvakāmebhyo gatavānnirjane vane |
hatvā jīvānanekāṃśca cakārātmavipoṣaṇam || 60 ||
[Analyze grammar]

evaṃ pravṛttasya tava saha patnyā tadā nṛpa |
gatāni bahuvarṣāṇi pāpavṛttyā mahītale || 61 ||
[Analyze grammar]

anyasminvāsare rājanmārgabhraṣṭo mahāmuniḥ |
na diśaṃ vidiśaṃ vetti devaśarmā dvijottamaḥ || 62 ||
[Analyze grammar]

kṣuttṛṣāpīḍito'tyarthaṃ madhyāhnagadivākare |
patito vanamadhye tu mārgabhraṣṭo mahīpate || 63 ||
[Analyze grammar]

dayā jātā ca te bhūpa dṛṣṭvā duḥkhena pīḍitam |
brāhmaṇaṃ vṛddhamajñātaṃ gṛhītvā tu kareṇa vai || 64 ||
[Analyze grammar]

utthāpya patitaṃ bhūmau tvayoktaṃ hi tadā nṛpa |
prasādaṃ kuru viprarṣa āgaccha tvaṃ mamā'śramam || 65 ||
[Analyze grammar]

jalapūrṇaṃ taḍāgaṃ ca padminīkhaṇḍamaṇḍitam |
vṛkṣairmanoharairyuktaṃ phalaiḥ puṣpairmanoramaiḥ || 66 ||
[Analyze grammar]

snātvā suśītale toye kṛtvā karma ca naityakam |
kuru vipra phalāhāraṃ piba vāri suśītalam || 67 ||
[Analyze grammar]

sukhena kuru viśrāmaṃ mayā saṃrakṣitaḥ svayam |
viprendra tṛptiparyaṃtaṃ vasa tvaṃ ca mamāśrame || 68 ||
[Analyze grammar]

uttiṣṭha tvaṃ dvijaśreṣṭha prasādaṃ kartumarhasi |
labdhasaṃjñastadā vipraḥ śrutvā śūdrasya bhāṣitam || 69 ||
[Analyze grammar]

kare jagrāha taṃ śūdraṃ gato yatra jalāśayaḥ |
upaviṣṭo mahābāho chāyāmāśritya tattaṭe || 70 ||
[Analyze grammar]

snānaṃ cakāra vidhivatpūjayāmāsa keśavam |
tarpayitvā pitṝndevānpapau nīraṃ suśītalam || 71 ||
[Analyze grammar]

viśrāṃto vṛkṣūmūle'bhūddevaśarmā dvijottamaḥ |
sāṣṭāṃgaṃ munaye kṛtvā namaskāraṃ saha striyā || 72 ||
[Analyze grammar]

śūdrastu parayā bhaktyā provāca munisannidhau |
āvayostaraṇārthāya atithistvaṃ samāgataḥ || 73 ||
[Analyze grammar]

darśanāttava viprarṣe jātaḥ pāpasya saṃkṣayaḥ |
priye phalāni svādūni prayacchāsmai dvijātaye |
mṛdūni rasayuktāni supakvāni priyāṇi ca || 74 ||
[Analyze grammar]

brāhmaṇa uvāca |
tvāmahaṃ naiva jānāmi svajñātiṃ kathayasva me |
nājñātasya hi bhoktavyaṃ brāhmaṇasyā'pi putraka || 75 ||
[Analyze grammar]

śūdra uvāca |
śūdro'haṃ dvijaśārdūla na kāryaḥ saṃśayastvayā |
ātmajairdurjanairvipra parityaktaḥ svabandhubhiḥ || 76 ||
[Analyze grammar]

tayoḥ saṃvadatorevaṃ śūdrapatnyā phalāni ca |
dattāni tasmai viprāya tena bhuktāni tāni vai || 77 ||
[Analyze grammar]

abhūtprītamanā vipraḥ pītvā nīraṃ suśītalam |
sukhaṃ saṃprāpya sa munirviśrāṃtastarumūlake || 78 ||
[Analyze grammar]

sa ca śūdraḥ sapatnīko bhuktvā ca punarāgataḥ |
svāgataṃ te muniśreṣṭha kutastvamiha cā'gataḥ || 79 ||
[Analyze grammar]

śūnyāṭavīṃ dvijaśreṣṭha duṣṭasattvabhayākulām |
nirmanuṣyāṃ duḥkhayuktāṃ divārātraṃ bhayānakām || 80 ||
[Analyze grammar]

brāhmaṇa uvāca |
brāhmaṇo'haṃ mahābhāga prayāgagamanaṃ prati |
ahamajñātamārgeṇa praviṣṭo dāruṇe vane || 81 ||
[Analyze grammar]

mama puṇyaprabhāveṇa jātosi varabāṃdhavaḥ |
jīvitaṃ me tvayā dattaṃ brūhi kiṃ karavāṇi te || 62 ||
[Analyze grammar]

bhavānapi kutaḥ prāpto nirmanuṣye vane khalu |
ko bhavānkāraṇaṃ kiṃsvitkathayasva mamā'grataḥ || 83 ||
[Analyze grammar]

śūdra uvāca |
vidarbhanagarī rājñā bhīmasenena rakṣitā |
vāso mama mahārāṣṭre śūdro'haṃ pāpalaṃpaṭaḥ || 84 ||
[Analyze grammar]

svakarmavihito dharmo mayā tyakto dvijottama |
tyakto'haṃ bandhuvargeṇa tato'haṃ vanamāgataḥ || 85 ||
[Analyze grammar]

kṛtvā jīvavadhaṃ nityaṃ jīve'haṃ bhāryayā saha |
sāṃprataṃ pātakātsamyaṅ nirviṇṇosmi mahāmune || 86 ||
[Analyze grammar]

kuruṣvā'nugrahaṃ kiñcitpāpayuktasya me prabho |
mama puṇyaprabhāveṇa āgatastvaṃ dvijottama || 87 ||
[Analyze grammar]

na paśyāmi yathā sauriṃ patnyā saha mahāmune |
upadeśaprabhāveṇa prasādaṃ kartumarhasi || 88 ||
[Analyze grammar]

nānyadicchāmyahaṃ kiñcinmuktvā devaṃ janārdanam |
kuruṣvā'nugrahaṃ me'dya prasādamṛṣisattama || 89 ||
[Analyze grammar]

bhāradvāja uvāca |
iti tena samāpṛṣṭo devaśarmā dvijāgraṇīḥ |
śūdreṇa parayā bhaktyā prahasanvākyamabravīt || 90 ||
[Analyze grammar]