Chapter 12

[English text for this chapter is available]

devaśarmovāca || |
tavedṛśī matirjātā sahasā keśavopari |
etasmānme gataṃ pāpaṃ pūrvajanmaśatodbhavam || 1 ||
[Analyze grammar]

vinā vratairvinā tīrthairmuktastvaṃ pāpakoṭibhiḥ |
mamātithyena bhaktyā ca jātaṃ tava hareḥ padam || 2 ||
[Analyze grammar]

tena puṇyaprabhāveṇa matirjātā tavedṛśī |
dhyātvā saṃciṃtya manasā jñātaṃ pūrvaviceṣṭitam || 3 ||
[Analyze grammar]

pūrvajanmani viprastvamavaṃtyāṃ dharmatatparaḥ |
sadā'dhyayanaśīlaśca suśīlaśca sadā vratī || 4 ||
[Analyze grammar]

ekā tu dvādaśī viṣṇoḥ kṛtā ca daśamīyutā |
tatpāpasya prabhāveṇa samastaṃ sukṛtaṃ gatam || 5 ||
[Analyze grammar]

sarvaṃ tadviphalaṃ jātaṃ yathā śūdrāpatirdvijaḥ |
bahuvarṣasahasrāṇi prāptā narakayātanāḥ || 6 ||
[Analyze grammar]

tasmādevaṃ tvayā pūrvaṃ kṛtaṃ duṣṭaṃ ciraṃ bahu |
kṛtā tu daśamīmiśrā tithirviṣṇormahātmanaḥ || 7 ||
[Analyze grammar]

tena śūdro bhavāñjātaḥ pāpe tava matistathā |
dharme na ramate cittaṃ daśamīvedhadūṣitam || 8 ||
[Analyze grammar]

vidarbhanagare vatsa asti te putrikāsutaḥ |
kṛtaṃ tena vidhānoktaṃ harerekādaśīvratam || 9 ||
[Analyze grammar]

pradattaṃ tena tatpuṇyamakhaṇḍaikāśīvratam |
dharmopari matirjātā jātaḥ pāpasya saṃkṣayaḥ || 10 ||
[Analyze grammar]

tena puṇyaprabhāveṇa ekādaśyā vratena ca |
daśamīvedhajaṃ pāpaṃ yamena parimārjitam || 11 ||
[Analyze grammar]

iha janmani yatpāpaṃ janmāyutakṛtāni ca |
mārjitāni yamenaiva pāpāni tava sāṃpratam || 12 ||
[Analyze grammar]

tayorvivadatorevaṃ viṣvaksenaḥ samāgataḥ |
varṇāvara svāgataṃ te tuṣṭastehaṃ janārdanaḥ || 13 ||
[Analyze grammar]

viprasyā'tithyahetutvājjātaḥ pāpasya saṃkṣayaḥ |
paradattena puṇyena ekādaśyā vratena ca || 14 ||
[Analyze grammar]

daśamīvedhajaṃ pāpaṃ tava śūdra layaṃ gatam |
vrataṃ kṛtvā dadau puṇyaṃ dauhitrastena tāritaḥ || 15 ||
[Analyze grammar]

patnyā saha mahābhāga vainateyaṃ samāruha |
ityuktvā devadevena vimāne sthāpitastadā || 16 ||
[Analyze grammar]

svargaṃ tataḥ sapatnīkaḥ śūdratvena nṛpottama |
devaśarmā tu vipro vai tīrtharājaṃ yayau punaḥ || 17 ||
[Analyze grammar]

etatte sarvamākhyātaṃ yattvayā paripṛcchitam |
akhaṇḍaikādaśīpuṇyātprāptasyā'tithyakāraṇāt |
viṣṇubhaktimatī bhāryā rājyaṃ nihatakaṇṭakam || 18 ||
[Analyze grammar]

rājovāca |
brahmannakhaṇḍaikādaśyā vidhiṃ samyaksamādiśa |
viṣṇoḥ samprīṇanārthāya prasādaṃ kartumarhasi || 19 ||
[Analyze grammar]

ṛṣiruvāca |
śṛṇuṣva nṛpaśārdūla ekādaśyā vidhiṃ śubham |
purā'sīdbhagavānviṣṇurnāradāya yaduktavān || 20 ||
[Analyze grammar]

tatte'haṃ saṃpravakṣyāmi udyāpanavidhiṃ śubham |
mārgaśīrṣādimāseṣu dvādaśīṣu narottama || 21 ||
[Analyze grammar]

vrataṃ śubhamidaṃ kāryamakhaṇḍaikādaśīvratam |
daśamyāṃ caiva naktaṃ ca ekādaśyāmupoṣaṇam || 22 ||
[Analyze grammar]

dvādaśyāmekabhuktaṃ ca akhaṃḍā iti kathyate |
divasasyāṣṭame bhāge mandībhūte divākare || 23 ||
[Analyze grammar]

taddhi naktaṃ vijānīyānna naktaṃ niśi bhojanam |
kāṃsyaṃ māṃsaṃ masūrāṃśca caṇakānkodravāṃstathā || 24 ||
[Analyze grammar]

śākaṃ madhu parānnaṃ ca punarbhojanamaithune |
viṣṇubhakto naro vā'pi daśamyāṃ daśa varjayet || 25 ||
[Analyze grammar]

daśamyā vidhirukto'yamekādaśyāstathā śṛṇu |
asakṛjjalapānaṃ ca hiṃsā śaucamasatyatā || 26 ||
[Analyze grammar]

tāṃbūlaṃ dantakāṣṭhaṃ ca divāśayanamaithune || dyūtaṃ |
krīḍā niśi svāpaḥ patitaiḥ saha bhāṣaṇam |
ekādaśyāṃ daśaitāni viṣṇubhaktastu varjayet || 27 ||
[Analyze grammar]

adya me strīsukhaṃ nāsti bhojanaṃ nāsti keśava |
prītyarthaṃ tava deveśa niyamastu divāniśi || 28 ||
[Analyze grammar]

suptendriyaistu vaiklavyaṃ bhojanaṃ yacca maithunam |
dantāṃtaravilagnānnaṃ kṣamasva puruṣottama || 29 ||
[Analyze grammar]

upāvṛttastu pāpebhyo yastu vāso guṇaiḥ saha |
upavāsaḥ sa vijñeyo na śarīrasya śoṣaṇam || 30 ||
[Analyze grammar]

pūrvoktāni daśaitāni parānnaṃ ca tathā madhu |
dvādaśyāṃ viṣṇubhakto vai varjayenmardanādikam || 31 ||
[Analyze grammar]

adya me dvādaśī puṇyā pavitrā pāpanāśinī |
pāraṇaṃ ca kariṣyāmi prasīda garuḍadhvaja || 32 ||
[Analyze grammar]

viṣṇoḥ saṃtoṣaṇārthāya yo mayā niyamaḥ kṛtaḥ |
adyāhaṃ bhojayiṣyāmi tvatprasādāddvijottamam || 33 ||
[Analyze grammar]

anena vidhinā kuryādyāvadvarṣaṃ samāpyate |
saṃpūrṇe tu tato varṣe kuryādudyāpanaṃ budhaḥ || 34 ||
[Analyze grammar]

ādau madhye tathā cāṃte vratasyodyāpanaṃ smṛtam |
udyāpanaṃ na kuryādyaḥ kuṣṭhī cāṃdhaśca jāyate || 35 ||
[Analyze grammar]

tasmādudyāpanaṃ kuryādyathāvibhavasārataḥ |
kriyate śuklapakṣe ca māse mārgaśire śubhe || 36 ||
[Analyze grammar]

āmaṃtrya dvādaśamitānbrāhmaṇānvidhikovidān |
trayodaśaṃ sapatnīkamācāryaṃ vidhikovidam || 37 ||
[Analyze grammar]

yajamānaḥ śuciḥ snātvā śraddhāyukto jitendriyaḥ |
pādaśaucārdhavastrādyairācāryādīṃstato'rcayet || 38 ||
[Analyze grammar]

ācāryastu tataḥ kṛtvā maṇḍalaṃ varṇakaiḥ śubhaiḥ |
cakrābjaṃ sarvatobhadraṃ śvetavastreṇa veṣṭitam || 39 ||
[Analyze grammar]

jalapūrṇaṃ ca kumbhaṃ tu pañcaratnasamanvitam |
pañcapallavasaṃyuktaṃ karpūrāguruvāsitam || 40 ||
[Analyze grammar]

veṣṭitaṃ raktavastreṇa tāmrapātreṇa saṃyutam |
veṣṭitaṃ puṣpamālābhirmaṃḍalopari vinyaset || 41 ||
[Analyze grammar]

tasyopari nyaseddevaṃ lakṣmīnārāyaṇaṃ nṛpa |
sauvarṇī pratimā kāryā ekakarṣapramāṇataḥ || 42 ||
[Analyze grammar]

vāhanā'yudhasaṃyuktā pramāṇaṃ caturaṃgulam |
kiṃvā śaktyā prakurvīta vittaśāṭhyaṃ vivarjayet || 43 ||
[Analyze grammar]

tataḥ saṃsthāpayenmūrtiṃ maṃḍale dvādaśaiva hi |
māsānāmadhipaḥ pūjyaścākhaṃḍavratahetave || 44 ||
[Analyze grammar]

maṃḍalātpūrvadigbhāge śaṃkhaṃ saṃsthāpayecchubham |
tvaṃ purā sāgarotpanno viṣṇunā vidhṛtaḥ kare |
nirmitaḥ sarvadevaistvaṃ pāṃcajanya namo'stu te || 45 ||
[Analyze grammar]

tatastu sthaṃḍilaṃ kāryaṃ maṃḍalāduttarāṃ diśam |
saṃkalpya havanaṃ kāryaṃ mantrairvedoktavaiṣṇavaiḥ || 46 ||
[Analyze grammar]

svasthāne sthāpayedviṣṇuṃ sthāpayecca hariṃ prati |
pūjayetpuruṣasūktena mantraiḥ paurāṇikaiḥ śubhaiḥ || 47 ||
[Analyze grammar]

naivedyārthaṃ ca vai kāryā modakā bahavo'pi ca |
dhūpadīpopahārāṇi kṛtvā nīrājanaṃ tataḥ || 48 ||
[Analyze grammar]

yakṣakardamena saṃpūjya tataḥ kuryātpradakṣiṇām |
svastivācanakairviprairnamaskāraṃ tato nṛpa || 49 ||
[Analyze grammar]

tatastu brāhmaṇaiḥ kārya ācāryakramaśo japaḥ |
japaśca pāvamānīyo maṃḍalabrāhmaṇaṃ madhu || 50 ||
[Analyze grammar]

tejo'si śukrajaṃ vācaṃ brahmasāmādanaṃtaram |
pavitravaṃtaṃ sūryasya viṣṇormahasi saṃhitām || 51 ||
[Analyze grammar]

japāṃte kalaśe viṣṇuṃ sopāṃgamupari nyaset |
divasasyodaye caiva homaṃ kuryādanukramam || 52 ||
[Analyze grammar]

saṃsthāpya prathamaṃ pātraṃ pūjayitvā vidhānataḥ |
stavanaṃ ca tato homaḥ kartavyaścarupūrvakaḥ || 53 ||
[Analyze grammar]

svagṛhyoktavidhānena yajanāgnikriyāparaḥ |
carudvayaṃ ca kurvīta pāyasaṃ vaiṣṇavaṃ carum || 54 ||
[Analyze grammar]

juhuyātpuruṣasūktena caroḥ ṣoḍaśa cāhutīḥ |
tathā caturgṛhītena ghṛtayuktāvarāhutim || 55 ||
[Analyze grammar]

prādeśamātrāḥ pālāśasamidhaśca ghṛtaplutāḥ |
idaṃ viṣṇviti maṃtreṇa hotavyāḥ karmasiddhaye || 56 ||
[Analyze grammar]

śatamekaṃ tu juhuyāddviguṇāśca tilā'hutīḥ |
kṛte ca vaiṣṇave home grahayajñaṃ samārabhet || 57 ||
[Analyze grammar]

samidbhiścaruhomaṃ ca tilahomaṃ krameṇa tu |
ubhayoḥ svastikaṃ vācyaṃ tataḥ pūjāṃ samācaret || 58 ||
[Analyze grammar]

ṛtvijāṃ ca tato dadyāddhenvādigrahadakṣiṇāḥ |
devasya tṛptyai dadyācca brāhmaṇāya yathāvidhi || 59 ||
[Analyze grammar]

gāṃ vai payasvinīṃ dadyādvṛṣabhaṃ ca suśobhanam |
brāhmaṇānāṃ tato dadyāttrayodaśa padāni ca || 60 ||
[Analyze grammar]

ācāryaṃ tu sapatnīkaṃ vastraiśca paritoṣayet |
toṣayitvā mahādānaistaṃ sārthaṃ ca samarpayet || 61 ||
[Analyze grammar]

pañcaviṃśatikumbhāṃśca sodakānvastraveṣṭitān |
brāhmaṇāṃśca tato dadyātkṛte pāraṇake niśi || 62 ||
[Analyze grammar]

bhūridānaṃ ca dātavyaṃ baṃdhūnāmiṣṭabhojanam |
pūrṇapātraṃ tato dadyādācāryāya sadakṣiṇam || 63 ||
[Analyze grammar]

pūrṇapātrapradānena kāryaṃ saṃpūritaṃ bhavet |
upavāsavrataṃ caiva snānaṃ tīrthaphalaṃ bhavet || 64 ||
[Analyze grammar]

vipraiḥ saṃbhāṣitaṃ tasya saṃpūrṇaṃ tadbhavetphalam |
vitta śaktirgṛhe nāsti kṛtaṃ caikādaśīvratam || 65 ||
[Analyze grammar]