Chapter 10

[English text for this chapter is available]

brahmovāca |
naivedyānaṃtaraṃ tāta kiṃ kartavyaṃ nṛbhiḥ prabho |
yatkartavyaṃ sahomāse tatsarvaṃ brūhi tattvataḥ || 1 ||
[Analyze grammar]

śrībhagavānuvāca |
atha bhuktavate dattvā jalaiḥ karpūravāsitaiḥ |
ācamanaṃ ca tāṃbūlaṃ caṃdanaṃ karamārjanam || 2 ||
[Analyze grammar]

puṣpāṃjaliṃ tataḥ kuryādbhaktyā'darśaṃ pradarśayet |
nīrājanaṃ tataḥ kāryaṃ kārpūraṃ vibhave sati || 3 ||
[Analyze grammar]

samarpya mukuṭādīni bhūṣaṇāni vicakṣaṇaḥ |
tataḥ paścānmahābhāga prakalpya cchatracāmare || 4 ||
[Analyze grammar]

prasādasumukhaṃ dhyātvā śyāmasuṃdaravigraham |
japedaṣṭottaraśataṃ stuvīta stutibhiḥ prabhum || 5 ||
[Analyze grammar]

śaṃkharaupyamayī mālā kāṃcanī ca viśeṣataḥ |
padmākṣaiścaiva subhagairvidrumairmaṇimauktikaiḥ || 6 ||
[Analyze grammar]

raciteṃdrākṣakairmālā tathaivāṃguliparvabhiḥ |
putrajīvamayī mālā śastā vai japakarmaṇi || 7 ||
[Analyze grammar]

na ca kramanna ca hasanna pārśvamavalokayan |
na padā padamākrāmya karaprāptaśirāstathā || 8 ||
[Analyze grammar]

nottiṣṭhanmanmanuṃ vidvānna japedvyagramānasaḥ |
japakāle na bhāṣeta vratahomārcanādiṣu || 9 ||
[Analyze grammar]

gṛheṣvekaguṇaṃjāpyaṃ goṣṭhe daśaguṇaṃ bhavet |
nadītīre śataṃ vidyādagnyagāre daśā'dhikam || 10 ||
[Analyze grammar]

tīrthādiṣu sahasraṃ syādanaṃtaṃ mama sannidhau |
evaṃ kṛtvā sahomāse yaḥ kuryācca pradakṣiṇām || 11 ||
[Analyze grammar]

saptadvīpavatīpuṇyaṃ labhate sa padepade |
paṭhannāmasahasraṃ tu athavā nāma kevalam || 12 ||
[Analyze grammar]

ekā pradakṣiṇā bhaktyā dahetpāpaṃ sadā'hnikam |
pradakṣiṇīkṛtā tena saptadvīpā vasundharā || 13 ||
[Analyze grammar]

dinasaptodbhavaṃ pāpaṃ mama tisraḥ pradakṣiṇāḥ |
tatkṣaṇānnāśayaṃtyeva pāpaṃ dehe daśā'hnikam || 14 ||
[Analyze grammar]

kṛtāḥ pradakṣiṇā yena ekaviṃśati bhaktitaḥ |
bhrūṇahatyādipāpāni nāśamāyāṃti tatkṣaṇāt || 15 ||
[Analyze grammar]

aṣṭottaraśataṃ yena kṛtā bhaktyā pradakṣiṇāḥ |
teneṣṭaṃ kratubhiḥ sarvaiḥ samāptavaradakṣiṇaiḥ || 16 ||
[Analyze grammar]

pradakṣiṇīkṛtā tena tāvadvāraṃ vasundharā |
mātuḥ pradakṣiṇāstadvadbhūtadhātrīpradakṣiṇāḥ || 17 ||
[Analyze grammar]

śāligrāmaśilāyāśca samametattrayaṃ smṛtam |
eko daṃḍaprapātaśca sahe saptapradakṣiṇāḥ || 18 ||
[Analyze grammar]

samametaddvayaṃ no vā daṃḍapāto viśiṣyate |
pradakṣiṇe daṃḍapātaṃ yaḥ karoti sadā mama || 19 ||
[Analyze grammar]

sahomāse viśeṣeṇa ākalpaṃ sa vaseddivi |
kalpādanaṃtaraṃ tāta cakravartī prajāyate || 20 ||
[Analyze grammar]

cirāyurdhanavānbhogī dānavāndharmavatsalaḥ |
sahasranāmapaṭhanātpāpaṃ naśyettridhā kṛtam || 21 ||
[Analyze grammar]

atha kiṃ bahunoktena śṛṇu guhyaṃ ca me suta |
dāmodareti nāmnā vai bhavetprītirmamā'tulā || 22 ||
[Analyze grammar]

guṇasaṃbaṃdhi mannāma kṛtaṃ mātrā yaśodayā |
yadā me dadhibhāṃḍasya sphoṭanaṃ gokule kṛtam || 23 ||
[Analyze grammar]

tadā yaśodayā gāḍhaṃ baddho dāmnā hyulūkhale |
tataḥ prabhṛti me nāma khyātaṃ dāmodareti ca || 24 ||
[Analyze grammar]

namo dāmodarāyeti japedyaḥ susamāhitaḥ |
sūryodaye śucirbhūtvā trisahasraṃ dinedine || 25 ||
[Analyze grammar]

sārddhalakṣatrayaṃ yāvattata udyāpayedbudhaḥ |
tarpaṇaṃ havanaṃ caiva brahmabhojyaṃ daśāṃśataḥ || 26 ||
[Analyze grammar]

evaṃ yaḥ kurute bhaktyā tasya yacchāmi vāṃchitam |
dhanaṃ dhānyaṃ tathā dārānputrāṃścānyacca vāṃchitam || 27 ||
[Analyze grammar]

trisatyena mayā coktaṃ śraddhatsva tvaṃ mahāmate |
maṃtrarājamimaṃ putra kṛpayā me prakāśitam || 28 ||
[Analyze grammar]

dāmodarāyeti paṭhannityaṃ kuryātpradakṣiṇam |
daṃḍapātaṃ tathā putra aṣṭāṃgena samanvitam || 29 ||
[Analyze grammar]

padbhyāṃ karābhyāṃ jānubhyāmurasā śirasā tathā |
manasā vacasā dṛṣṭavā praṇāmoṣṭāṃga ucyate || 30 ||
[Analyze grammar]

śiro matpādayoḥ kṛtvā bāhubhyāṃ ca parasparam |
prapannaṃ pāhi māmīśa bhītaṃ mṛtyugrahā'rṇavāt || 31 ||
[Analyze grammar]

paścāccheṣāṃ mayā dattāṃ śirasyādhāya sādaram |
evaṃ brūyāttato vatsa mama pūjāprapūrttaye || 32 ||
[Analyze grammar]

maṃtrahīnaṃ kriyāhīnaṃ bhaktihīnaṃ janārdana |
yatpūjitaṃ mayā deva paripūrṇaṃ tadastu me || 33 ||
[Analyze grammar]

mṛdaṃgavādyena samaṃ praṇavena susaṃyutam |
evaṃ kāryaṃ sahomāse nṛtyaṃ puṇyapradaṃ nṛṇām || 34 ||
[Analyze grammar]

gītaṃ vādyaṃ ca nṛtyaṃ ca tathā pustakavācanam |
pūjākāle caturvaktra sarvadā mama ca priyam || 35 ||
[Analyze grammar]

gītavādyādyabhāve ca mama nāmasahasrakam |
stavarājaṃ tathā putra gajeṃdrasya ca mokṣaṇam || 36 ||
[Analyze grammar]

anusmṛtiśca gītā ca stavanaṃ paṃcadhā matam |
paṃcastavaṃ mahābhāga mama prītikaraṃ param || 37 ||
[Analyze grammar]

pādodakaṃ pibedyo vai śāligrāmasamudbhavam |
paṃcagavyasahasraistu prāśitaiḥ kiṃ prayojanam || 38 ||
[Analyze grammar]

śāligrāmaśilātoyaṃ yaḥ pibedbiṃdunā samam |
mātuḥ stanyaṃ punarnaiva sa pibenmuktibhāgnaraḥ || 39 ||
[Analyze grammar]

āśaucaṃ naiva vidyeta sūtake mṛtake'pi ca |
yeṣāṃ pādodakaṃ mūrdhni prāśanaṃ ye prakurvate || 40 ||
[Analyze grammar]

aṃtakāle'pi yasyedaṃ dīyate pādayorjalam |
so'pi sadgatimāpnoti sadācārabahiṣkṛtaḥ || 41 ||
[Analyze grammar]

apeyaṃ pibate yastu bhuṃkte yadyapyabhojanam |
agamyāgamano yo vai pāpācāraśca yo naraḥ || 42 ||
[Analyze grammar]

so'pi pūto bhavatyāśu sadyaḥ pādāṃbudhāraṇāt |
cāṃdrāyaṇātpādakṛcchrādadhikaṃ pādayorjalam || 43 ||
[Analyze grammar]

aguruṃ kuṃkumaṃ vā'pi karpūraṃ cā'nulepanam |
mama pādāṃbusaṃspṛṣṭaṃ tadvai pāvanapāvanam || 44 ||
[Analyze grammar]

dṛṣṭipūtaṃ tu yattoyaṃ bhavedvai viprasattama |
tadvai pāpaharaṃ nṛṇāṃ kiṃ punaḥ pādayorjalam || 45 ||
[Analyze grammar]

priyastvaṃ me'grajaḥ putro viśeṣeṇa ca matpriyaḥ |
tadarthaṃ kathitaṃ sarvaṃ rahasyaṃ yacca me sthitam || 46 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṃḍe brahmaviṣṇusaṃvāde mārgaśīrṣamāhātmye pūjāvidhisamāpanaṃ tadudyāpanaṃ tatphalakathanayogonāma daśamo'dhyāyaḥ || 10 ||
[Analyze grammar]