Chapter 29

[English text for this chapter is available]

ṛṣaya ūcuḥ |
tīrthānāmiha sarveṣāṃ prabhāvaḥ kathitastvayā |
nadīnāṃ parvatānāṃ ca kṣetrāṇāṃ sarasāmapi || 1 ||
[Analyze grammar]

nideśātpadmagarbhasya suvarṇamukharī nadī |
nītā bhuvamagastyena vyākhyātā bhavatānagha || 2 ||
[Analyze grammar]

tadutpattiprabhāvaṃ ca tīrthaughāṃstatsamāśrayān |
śrotuṃ saṃprītirutpannā tanno vaktuṃ tvamarhasi || 3 ||
[Analyze grammar]

praṇamya śambhuṃ nandīśaṃ ṣaḍāsyaṃ vyāsameva ca |
munibhiḥ prārthitaḥ sūtastadā vaktuṃ pracakrame || 4 ||
[Analyze grammar]

śrīsūta uvāca |
sādhu pṛṣṭaṃ mahābhāga bhavadbhirmaṃgalāvaham |
ākhyānametadāmnāya śravaṇodbhūtasiddhidam || 5 ||
[Analyze grammar]

śṛṇutāvahitā divyāṃ kathāṃ kalmaṣanāśinīm |
bharadvājena kathitāṃ pārthāya kathayāmi vaḥ || 6 ||
[Analyze grammar]

avāpya drupadātprājñādyājñasenīṃ pṛthāsutāḥ |
dhṛtarāṣṭranideśena jagmuḥ karipuraṃ śubham || 7 ||
[Analyze grammar]

bhīṣmeṇa cāṃbikeyena tatra saṃmānitāstadā |
duryodhanādibhiḥ sārddhaṃ nyavasanpañcavatsarān || 8 ||
[Analyze grammar]

tato'nuśiṣṭo bhīṣmādyairdhṛtarāṣṭro mahāyaśāḥ |
sarveṣāṃ kulavṛddhānāṃ vāsudevasya cāgrataḥ || 9 ||
[Analyze grammar]

pradadau pāṃḍuputrebhyastatsevāhṛṣṭamānasaḥ |
sārdharājyaṃ puravaraṃ khāṇḍavaprasthasaṃjñikam || 10 ||
[Analyze grammar]

āmaṃtrya pāṇḍutanayā dhṛtarāṣṭrādikānkurūn |
jagmustatkhāṇḍavaprasthaṃ puraṃ kṛṣṇasamanvitāḥ || 11 ||
[Analyze grammar]

indraprasthāhvaye tatra rakṣite viśvakarmaṇā |
vasanpure'śiṣatpṛthvīṃ sānujo dharmanaṃdanaḥ || 12 ||
[Analyze grammar]

gate kṛṣṇe nijapuraṃ nāradasyānuśāsanāt |
pratijñāṃ cakrire pārthā dharmajñā draupadīṃ prati || 13 ||
[Analyze grammar]

athārjunatīrthayātropoddhātaḥ |
yathākrameṇa sā kṛṣṇā varṣamekaikamādarāt |
ekaikasya gṛhe tiṣṭhetpratinirṇayapūrvakam || 14 ||
[Analyze grammar]

yaḥ paśyettāṃ paragṛhe sthitāṃ pāṃcālanaṃdinīm |
tenaikahāyanamitaṃ vidheyaṃ tīrthasevanam || 15 ||
[Analyze grammar]

evaṃ kṛtapratijñāste pāṇḍubhūpālanaṃdanāḥ |
vyāpārairloṃkasāmānyairninyuḥ kālamataṃdritāḥ || 16 ||
[Analyze grammar]

atha jānapado vipro rājagehāṃgaṇe sthitaḥ |
cukrośa bahudhā dhenurhṛtā me taskarairiti || 17 ||
[Analyze grammar]

samāśvāsya ca taṃ vipraṃ praviveśa dhanaṃjayaḥ |
āyudhāni samānetuṃ tvarayā śastramaṃdiram || 18 ||
[Analyze grammar]

tatrāpaśyatsamāsīnau pāṃcālīdharmanandanau |
jānannapi pratijñāṃ sa dhanurjagrāha seṣudhi || 19 ||
[Analyze grammar]

sa gatvā taskarānājau nihatya nṛpanandanaḥ |
nivartya dhenuṃ tāṃ tasmai dadau viprāya sādaram || 20 ||
[Analyze grammar]

atha vijñāpayāmāsa phālguno dharmanandanam |
tīrthayātrā mayā kāryā samayollaṃghanāditi || 21 ||
[Analyze grammar]

anujasya vacaḥ śrutvā sarvadharmavidāṃ varaḥ |
uvāca vacanaṃ dhīraḥ sādaraṃ dharmanaṃdanaḥ || 22 ||
[Analyze grammar]

yudhiṣṭhira uvāca |
gavārthaṃ brāhmaṇārthaṃ ca yadvadedanṛtaṃ vacaḥ |
yadācaredasatkarma tatsatyaṃ tatsamaṃjasam || 23 ||
[Analyze grammar]

brāhmaṇārthaṃ gavārthaṃ ca tvayā karmedṛśaṃ kṛtam |
tadasadbhāvamāpnoti kathaṃ kathaya suvrata || 24 ||
[Analyze grammar]

prajāpālanakṛtyasya coropekṣaṇaśikṣaṇaiḥ |
nūnaṃ phalaṃ bhavedrājño brahmahatyāśvamedhajam || 25 ||
[Analyze grammar]

asādhyānvairiṇo jñātvā'pyavanīśo na bhadrabhāk |
svadeśopaplavakarāstaskarā yadyaśikṣitāḥ || 26 ||
[Analyze grammar]

asmākaṃ bhūbhujāṃ lokajālasya ca hitaṃ hi yat |
tvayedṛśaṃ kṛtaṃ karma nāsti doṣo hyatastava || 27 ||
[Analyze grammar]

śrīsūta uvāca |
dharmaputrasya vacanamākarṇya racitāṃjaliḥ |
punarvijñāpayāmāsa dharmanityo dhanaṃjayaḥ || 28 ||
[Analyze grammar]

arjuna uvāca |
maivaṃ bhūpāla vādīstvaṃ svapratijñātilaṃghanam |
jānatā dharmasarvasvamullasaddharmamūrtinā || 29 ||
[Analyze grammar]

kṛtyākṛtyavidā dakṣeṇātmanā prāksamīritā |
nollaṃghanīyā satataṃ pratijñā puruṣeṇa hi || 30 ||
[Analyze grammar]

aśaktānāṃ gatiḥ seyaṃ yadbaṃdhuguruvākyataḥ |
dharmaṃ tyajaṃti samayaṃ tyaktāḥ prāksvaṃ samīritam || 31 ||
[Analyze grammar]

kṛpayā tīrthagamanādāryo yadi nivartayet |
hatapratijñaṃ māṃ lokāñjalpataḥ ko nivārayet || 32 ||
[Analyze grammar]

mamāpi tīrthayātrāyāṃ kautukottaralaṃ manaḥ |
kartavyaṃ ca smṛtaṃ rājannāradādiṣṭaśāsanam || 33 ||
[Analyze grammar]

tatprasīda mahārāja yattīrthagamanodyame |
saṃmānanīyaḥ prabhubhiḥ samayo hyanujīvinām || 34 ||
[Analyze grammar]

tatheti bhrātṛbhiḥ sārddhaṃ kṛtānumatirarjunaḥ |
agrajaṃ toṣayāmāsa praṇāmapraśrayādibhiḥ || 35 ||
[Analyze grammar]

yathārhaṃ bhīmasenādīnbhrātṝnāmantrya pāṇḍavaḥ |
kṛtasvastyayano bhavyairniryayau dharaṇīsuraiḥ || 36 ||
[Analyze grammar]

paurāṇikā jyautiṣikā bhiṣajo dharaṇīsurāḥ |
anujagmurbhṛtyagaṇāḥ śilpinaḥ sūtamāgadhāḥ || 37 ||
[Analyze grammar]

yudhiṣṭhirājñayā tasya bhogatyāgakṣamaṃ dhanam |
gṛhītvānuyayuḥ snigdhāḥ sabhyāḥ kośādhikāriṇaḥ || 38 ||
[Analyze grammar]

atha arjunasya gaṃgāditīrthāvagāhanapūrvaka suvarṇamukharyāgamanam |
sa rājaputraḥ prathamaṃ prāpya bhāgīrathīṃ nadīm |
gaṃgādvāraṃ prayāgaṃ ca siṣeve kāśikāmapi || 39 ||
[Analyze grammar]

paśyaṃstīrthāni jāhnavyāstattīropāntavartmanā |
āsasāda samuttuṅgakallolaṃ dakṣiṇodadhim || 40 ||
[Analyze grammar]

mahānadīṃ mahāpuṇyāṃ prasiddhaṃ puruṣottamam |
siṃhācalaṃ ca saṃvīkṣya prāptavānkṛtakṛtyatām || 41 ||
[Analyze grammar]

tato dadarśa kaunteyaḥ puṇyāṃ godāvarīṃ nadīm |
samastaduritavrātaśātanottīrṇagauravām || 42 ||
[Analyze grammar]

kṛtābhiṣekastattoyairvidhivatpāṇḍunandanaḥ |
pramodaṃ vividhairdānairakarodbhūsuvarṇakaiḥ || 43 ||
[Analyze grammar]

nadīṃ malāpahākhyāṃ ca dṛṣṭvā modaṃ yayau śubham |
tataḥ samāsasādāsau kṛṣṇaveṇīṃ saridvarām || 44 ||
[Analyze grammar]

śivasya niyatāvāsaṃ caturdvārasamanvitam |
nānātīrthagaṇākīrṇaṃ śrīparvatamavaikṣata || 45 ||
[Analyze grammar]

nadīṃ pinākinīṃ tīrtvā gatvā devarṣisevitam |
nārāyaṇapriyāvāsamapaśyadveṃkaṭācalam || 46 ||
[Analyze grammar]

śṛṅge'sya bhūbhṛtastuṃge sthitaṃ lokaikanāyakam |
apūjayaddhariṃ bhaktyā prasiddhaṃ śubhasiddhaye || 47 ||
[Analyze grammar]

avaruhya veṃkaṭamahādriśṛṅgataḥ sa dadarśa siddhamunisaṃghasevitām |
kalaśodbhavena muninā samāhṛtāṃ taṭinīṃ suvarṇamukharīsamāhvayām || 48 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye suvarṇamukharīmāhātmye arjunatīrthayātrāgamanavarṇanaṃnāmaikonatriṃśo'dhyāyaḥ || 29 ||
[Analyze grammar]