Chapter 5

[English text for this chapter is available]

atha padmāvatīdarśanena śrīnivāsasya mohaprāptiḥ || |
śrīvarāha uvāca |
samprāpya cālayaṃ divyamavatīrya hayottamāt |
visṛjya sānugānsarvāndevānkairātarūpakān || 1 ||
[Analyze grammar]

viśramadhvamiti procya viveśa maṇimaṇḍapam |
āruhya maṇisopānaṃ paṃcakakṣā atītya ca || 2 ||
[Analyze grammar]

muktāgṛhaṃ samāsādya tasmiṃllolāyite śubhe |
navaratnamaye maṃce saṃviveśāvaśo hariḥ || 3 ||
[Analyze grammar]

saṃsmaranpadmagarbhābhāṃ tāmevāyatalocanām |
tanumadhyāṃ pīnakucāṃ mandasmitasukhāṃbujām || 4 ||
[Analyze grammar]

kṣīrābdhitanayāmeva mene padmodbhavāṃ śubhām |
tasyāṃ gatamanā devaḥ śrīnivāso mumoha ca || 5 ||
[Analyze grammar]

atha muhyamānaṃ śrīnivāsaṃ prati bakulamālikoktiḥ |
tato madhyāhnasamaye kṛtvānnaṃ divyamuttamam |
sūpadaṃśaṃ sugandhaṃ ca devārhamatiśobhanam || 6 ||
[Analyze grammar]

śuddhānnaṃ pāyasānnaṃ ca gauḍaṃ mudgānnameva ca |
kṛtvā pañcavidhāpūpānpūrikāvaṭakānapi || 7 ||
[Analyze grammar]

devaṃ draṣṭuṃ yayau śīghraṃ sakhī vakulamālikā |
padmāvatīpadmapatrā citrarekhāsamanvitā || 8 ||
[Analyze grammar]

niveśya dvāri devasya tāḥ sarvāḥ pramadottamāḥ |
viveśa tatsamīpaṃ sā svayaṃ bakulamālikā || 9 ||
[Analyze grammar]

gatvā samīpaṃ devasya vavande bhaktibhāvataḥ |
dṛṣṭvātha devaṃ vivaśaṃ paryaṃke ratnabhūṣite || 10 ||
[Analyze grammar]

pādasaṃvāhanaṃ kṛtvā nimīlitavilocanam |
taṃ dhyāyantaṃ ca kimapi vyājahāra śucismitā || 11 ||
[Analyze grammar]

uttiṣṭha devadeveśa kiṃ śeṣe puruṣottama |
paramānnaṃ kṛtaṃ deva bhoktumāgaccha mādhava || 12 ||
[Analyze grammar]

kiṃ vā tvamārtavaccheṣe sarvalokārtināśana |
mṛgayāmaṭatā deva ki dṛṣṭaṃ bhavatā vane || 13 ||
[Analyze grammar]

avasthā te viśālākṣa kāmukasyeva dṛśyate |
kā dṛṣṭā devakanyā vā mānuṣī vā'hikanyakā || 14 ||
[Analyze grammar]

brūhi me tvamacintyātmankanyāṃ tāṃ cittahāriṇīm || 15 ||
[Analyze grammar]

śrīvarāha uvāca |
tasyāstadvacanaṃ śrutvā niḥśvāsamakarodvibhuḥ |
niḥśvasaṃtaṃ punaḥ prāha prītā bakulamālikā || 16 ||
[Analyze grammar]

evaṃ manoharā kā sā tavāpi puruṣottama |
tāmavocaddhṛṣīkeśo vakṣyāmi śṛṇu tattvataḥ || 17 ||
[Analyze grammar]

atha śrīnivāsoktapadmāvatīpariṇayakāraṇāni |
śrībhagavānuvāca |
purā tretāyuge puṇye rāvaṇaṃ hatavānaham |
tadā vedavatī kanyā sāhāyyamakarocchriyaḥ || 18 ||
[Analyze grammar]

sītārūpābhavallakṣmīrjanakasya mahītalāt |
gate mayi tu mārīcaṃ hantuṃ pañcavaṭīvane || 19 ||
[Analyze grammar]

mamānujo'pi māmeva sītayā coditonvayāt |
tadantare rākṣasendro hartuṃ sītāmupāyayau || 20 ||
[Analyze grammar]

agnihotragato vahnistaṃ jñātvā rāvaṇodyamam |
ādāya sītāṃ pātāle svāhāyāṃ sanniveśya ca || 21 ||
[Analyze grammar]

tenaiva rakṣasā spṛṣṭāṃ purā vedavatīṃ śubhām |
agnau visṛṣṭadehāṃ tāṃ saṃhartuṃ rāvaṇaṃ punaḥ || 22 ||
[Analyze grammar]

sītāyā rūpasadṛśīṃ kṛtvā caivotsasarja ha |
sā rāvaṇahṛtā bhūtvā laṃkāyāṃ ca niveśitā || 23 ||
[Analyze grammar]

hate tu rāvaṇe paścātpunaragniṃ viveśa sā |
agnistu rakṣitāṃ lakṣmīṃ svāhāyāṃ mama jānakīm || 24 ||
[Analyze grammar]

dattvā haste ca māmāha sītayā sahitāṃ sakhīma |
iyaṃ vedavatī deva sītāyāḥ priyakāriṇī || 25 ||
[Analyze grammar]

sītārthaṃ rākṣasapure tena bandīkṛtā sthitā |
tasmādenāṃ vareṇaiva prīṇaya tvaṃ śriyā saha || 26 ||
[Analyze grammar]

iti vahnivacaḥ śrutvā sītā māmavadacchubhā |
mama prītikarī nityamiyaṃ vedavatī vibho || 27 ||
[Analyze grammar]

tasmātparaṃ bhāgavatīṃ devaināṃ varaya prabho || 28 ||
[Analyze grammar]

śrībhagavānuvāca |
tathā devi kariṣyāmi hyaṣṭāviṃśe kalau yuge |
tāvadeṣā brahmaloke vasatvamarapūjitā || 29 ||
[Analyze grammar]

paścāttu bhūmitanayā bhaviṣyati viyatsutā |
iti dattavarā pūrvaṃ mayā lakṣmyā ca sundarī || 30 ||
[Analyze grammar]

adya nārāyaṇapure sambhūtā dharaṇītalāt |
padmāsamā padmanetrī padmādattavarā satī || 31 ||
[Analyze grammar]

sakhībhiranurūpābhirvane puṣpāṇi cinvatī |
mṛgayāmaṭatā tatra mayā dṛṣṭā manoramā || 32 ||
[Analyze grammar]

tasyā rūpaṃ mayā vaktuṃ na śakyaṃ śatahāyanaiḥ |
lakṣmyeva ca tayā me'dya saṃgamo bhavitā yadi || 33 ||
[Analyze grammar]

prāṇāḥ sthirā bhaviṣyanti satyamityavadhāraya || 34 ||
[Analyze grammar]

atha viyadrājapuraṃ prati bakulamālikāgamanam |
tvaṃ tatra gatvā tāṃ kanyāṃ dṛṣṭvā bakulamālike |
jānīhi rūpalāvaṇyādiyaṃ yogyeti cāsya vai |
anavadyā viśālākṣī padmendīvaralocanā || 35 ||
[Analyze grammar]

ityuktvā mohamāpannaṃ taṃ prāha bakulā punaḥ |
ito gacchāmi deveśa manojñā tava yatra sā || 36 ||
[Analyze grammar]

mārgaṃ vada ramādhīśa gamiṣye yena tāṃ prati |
evamukto ramādhīśastāṃ prāha vakulasrajam || 37 ||
[Analyze grammar]

ito gaccha mahābhāge śrīnṛsiṃhaguhā yataḥ |
tanmārgeṇāvatīryāsmādbhūdharendrānmanoramāt || 38 ||
[Analyze grammar]

agastyāśramamāsādya dṛṣṭvā liṃgaṃ tadarcitam |
agastyeśa iti khyātaṃ suvarṇamukharītaṭe || 39 ||
[Analyze grammar]

tīreṇaiva tato gaccha śukabrahmaṛṣervanam |
paśyantī svarṇamukharīṃ tatra kallolamālinīm || 40 ||
[Analyze grammar]

tatra padmasaronāma pāvanaṃ padmasaṃyutam |
tatra snātvā'tha tattīre tapantaṃ munisattamam || 41 ||
[Analyze grammar]

chāyāśukaṃ namaskṛtya kṛṣṇaṃ ca balasaṃyutam |
ārādhyamānaṃ muninā śukena satataṃ śubhe || 42 ||
[Analyze grammar]

indranīlamaṇiśyāmaṃ pītanirmalavāsasam |
tīrthayātrāṃ gamiṣyantaṃ balabhadraṃ sitākṛtim || 43 ||
[Analyze grammar]

upāsayantaṃ maṃtrāṇi muktānvitakaradvayam |
udyantaṃ pādukāyuktaṃ balabhadraṃ praṇamya ca || 44 ||
[Analyze grammar]

ādāya svarṇakamalaṃ saraso'smādvarānane |
tīrtvā suvarṇamukharīṃ vanānyupavanāni ca || 45 ||
[Analyze grammar]

araṇītīramāsādya viśramya ca vanāntare |
nārāyaṇapurīṃ dṛṣṭvā vismayaṃ ca gamiṣyasi || 46 ||
[Analyze grammar]

tasyāścopavane vṛkṣānpuṣpāḍhyānphalasaṃyutān |
panasāmraśirīṣāṃśca kundatindukapāṭalān || 47 ||
[Analyze grammar]

punnāganāgavaraṇarasālāṃkolacaṃpakān |
bakulāmalakānsālāṃstālahiṃtālapadmakān || 48 ||
[Analyze grammar]

jambūnimbakadambailāpippalīmadhukārjunān |
priyaṃguhiṃgukharjūramāyūrāśokalodhrakān || 49 ||
[Analyze grammar]

aśvatthodumbaraplakṣabadarībhūrjakīcakān |
ciñcākiṃśukamandāraśālmalībījapūrakān || 50 ||
[Analyze grammar]

pūganāraṃgalikucanārikelavanākulān |
mallikāmālatīkunda yūthikāketakīyutān || 51 ||
[Analyze grammar]

karavīrābjasaṃpannānrājaraṃbhāvirājitān |
mayūrakīragaruḍaśukasārasasaṃkulān || 52 ||
[Analyze grammar]

bhṛṃgajhaṃkāranibiḍānārāmānsumanoharān |
paśyantīṃ paramaṃ harṣamavāpya ca nadītaṭe || 53 ||
[Analyze grammar]

gatvā pūrvottare mārge purīmindrapurīsamām |
gaṅgayevāvṛtāṃ nityaṃ saritāraṇināmayā || 54 ||
[Analyze grammar]

ākāśarājanagarīṃ gatvā tatrocitaṃ kuru || 55 ||
[Analyze grammar]

śrīvarāha uvāca |
ityādiśya surādhīśaḥ sakhīṃ tāṃ bakulābhidhām |
visṛjya śayane śubhre sa śiśye śrīsamanvitaḥ || 56 ||
[Analyze grammar]

praṇamya devadeveśaṃ sakhī bakulamālikā |
guñjāmaṇisamākāraṃ raktāśvamadhiruhya sā || 57 ||
[Analyze grammar]

yathoktamārgeṇa yayau paśyantī vividhānmṛgān |
mattebhānparvatākārāñchvetadantavibhūṣitān || 58 ||
[Analyze grammar]

kariṇīyūthasahitāñjaladādānatatparān |
siṃhāñchve taghanaprakhyānsiṃhīyūthairanudrutān || 59 ||
[Analyze grammar]

śārdūlarkṣāṃśca khaḍgāṃśca śarabhāngavayānmṛgān |
kṛṣṇasārāṃśca gomāyūñchaśāṃśca priyakānapi || 60 ||
[Analyze grammar]

sārasāṃśca mayūrāṃśca mārjārānvanagocarān |
vṛkāñchukānsūkarāṃśca suvācaḥ pakṣiṇastathā || 61 ||
[Analyze grammar]

paśyantī vividhākārāṃstuṣyantī ca muhurmuhuḥ |
āsasādāraṇītīraṃ paścimaṃ pādapākulam || 62 ||
[Analyze grammar]

avatīryāruṇādaśvādagastyeśasamīpataḥ |
dṛṣṭvāgastyeśvaraṃ liṅgamagastyena supūjitam || 63 ||
[Analyze grammar]

tatra snātvā ca pītvā ca viśaśrāma nadītaṭe || 64 ||
[Analyze grammar]

atha divyodyānasthapadmāvatīsakhīḥ prati bakulamālikoktiḥ |
tatrāgatā rājagṛhādyoṣito devasaṃnidhau |
sakhīḥ padmālayāyāstā dṛṣṭvā bakulamālikā || 65 ||
[Analyze grammar]

gatvā samīpe tāsāṃ sā kiṃvadantīṃ sma pṛcchati || 66 ||
[Analyze grammar]

bakulamālikovāca |
kā yūyaṃ yoṣito brūta vicitrābharaṇasrajaḥ |
kutaḥ samāgatā hyatra kiṃ kāryaṃ vo'malānanāḥ || 67 ||
[Analyze grammar]

tāstu tasyā vacaḥ śrutvā smitapūrvamathābruvan |
śṛṇuṣvāvahitā devi vayaṃ vakṣyāmahe'dhunā || 68 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye dharaṇīvarāhasaṃvāde padmāvatīdarśanena śrīnivāsasyamohaprāptyādivarṇanaṃnāma pañcamo'dhyāyaḥ || 5 ||
[Analyze grammar]