Chapter 11

[English text for this chapter is available]

naṃdikeśvara uvāca |
atha haṃsākṛtiṃ vyomapadavīlaṃghanakṣamām |
bheje viraṃcistasyāgraṃ drakṣyāmīti kṛtodyamaḥ || 1 ||
[Analyze grammar]

jagrāha viṣṇurvārāhaṃ vigrahaṃ dṛḍhavigrahaḥ |
viśvaṃbharāvinirbheda krīḍāsulabhavaibhavam || 2 ||
[Analyze grammar]

mūlaṃ tasya parijñāya pratyāvartitumutsukaḥ |
kṛtrimastabdharomaiṣa daṃṣṭrābhyāmabhinanmahīm || 3 ||
[Analyze grammar]

vidārayansa potreṇa bhūtadhātrīmavāṅmukhaḥ |
mahāvarāho dadṛśe tejastaṃbhaṃ namanniva |
krīḍākroḍakaṭhoreṇa kaṃṭhaghoṣeṇa pūrayan |
pātālaṃ bahulotsāhaḥ praveṣṭumupacakrame || 5 ||
[Analyze grammar]

viveśa yatrayatrāsau tatratatra tathāsthitam |
avaikṣiṣṭānalastaṃbhaṃ tameva kuhanākiṭiḥ || 6 ||
[Analyze grammar]

vidāritānmahīraṃdhātpratyadṛśyaṃta bhoginaḥ |
prarohā iva śeṣādyāstejaḥstaṃbhasya kecana || 7 ||
[Analyze grammar]

pratyadṛśyata hemādrermūla kanda iva sthitaḥ |
ādhāratāṃ gato dṛṣṭo hyacyutenādikacchapaḥ || 8 ||
[Analyze grammar]

ārādvasundharāgulphe dhuraṃdharatayā sthitāḥ |
diksiṃdhurāśca dṛśyaṃte madamaṃtharabaṃdhurāḥ || 9 ||
[Analyze grammar]

madhudviṣā ca sa mahānmaṃḍūko'pi vilokitaḥ |
akhaṃḍamaṃḍalaṃ bhūmeryasya pṛṣṭhe pratiṣṭhitam || 10 ||
[Analyze grammar]

ādhāraśaktimapi tāmabhyapaśyadadhokṣajaḥ |
yadanugrahataḥ śeṣakūrmādyā api dhūrvahāḥ || 11 ||
[Analyze grammar]

atalaṃ vitalaṃ caiṣa sutalaṃ nitalaṃ tathā |
talātalaṃ ca pratalaṃ mahātalamiti kramāt || 12 ||
[Analyze grammar]

dadarśa sapta pātālānapi vārijalocanaḥ |
tatratyānvividhākārānsarvānapi savismayaḥ || 13 ||
[Analyze grammar]

atyagādbhogavatyākhyāṃ purīṃ vairocanīmapi |
jagāhenyāṃśca daityānāmāvāsānatigahvarān || 14 ||
[Analyze grammar]

idaṃ dṛṣṭamidaṃ dṛṣṭamityupārūḍhakautukaḥ |
mūlaṃ mugdhāśayastasya vicinoti sma mādhavaḥ || 15 ||
[Analyze grammar]

adhastādapi gāḍhena payodhestena potriṇā |
tathaiva tejaḥstaṃbhaḥ sa nirvikāramavaikṣyata || 16 ||
[Analyze grammar]

dalitā kevalaṃ pṛṣvī pāthorāśirvilolitaḥ |
naivālokyata tanmūlaṃ kolarūpena viṣṇunā || 17 ||
[Analyze grammar]

itthaṃ varṣasahasrāṇi bhrāṃtyā saṃbhrāṃtamānasaḥ |
nālaṃ babhūva tanmūlaṃ līlākroḍo vilokitum || 18 ||
[Analyze grammar]

avarugṇakhuraḥ kṣuṇṇadaṃṣṭro vidhvastavigrahaḥ |
bhagnapotraḥ sa bhūdāro jagāhe bahalaṃ śramam || 19 ||
[Analyze grammar]

śrāṃtyā niśvasatastasya tādṛgdarpo viśṛṃkhalaḥ |
nanāśa tatkṣaṇātsākaṃ tanmūlāvekṣaṇecchayā || 20 ||
[Analyze grammar]

anirvyūḍhapratijño'pi pratyāvartitumutsakaḥ |
na cakṣame sarojākṣaścalituṃ ca padātpadam || 21 ||
[Analyze grammar]

śramāṃdhacakṣuṣastasya pātālāṃtaravarttinaḥ |
tatteja eva paṃthānaṃ punarapyudabhāvayat || 22 ||
[Analyze grammar]

kathaṃkathaṃciduttīrṇo 'pyakūpārādapārataḥ |
svedāṃbhaḥsāgarasrāve magno'bhūcchadmaśūkaraḥ || 23 ||
[Analyze grammar]

rajjveva tejaḥstaṃbhasya prabhayā sānubaddhayā |
labdhvācalaṃ vanaṃ kaṣṭaṃ nyavarttiṣṭa janārdanaḥ || 24 ||
[Analyze grammar]

nāvaikṣi yanmayā mūlamamuṣya mahasāṃ nidheḥ |
tataḥ sraṣṭrāpi no dṛṣṭaḥ śirobhāgaḥ kathaṃcana || 25 ||
[Analyze grammar]

amuṣya mahasāṃ rāśeḥ prāgabhūdyatra saṃbhavaḥ |
tato nivṛttya yāsyāmi śaraṇaṃ śivamīśvaram || 26 ||
[Analyze grammar]

sa hi viśvādhiko devaściraṃ mohāṃdhacakṣuṣā |
yadvismṛto mayā tasmāddurvipāko'janīdṛśaḥ || 27 ||
[Analyze grammar]

evaṃ vinirdhārya vimuktadarpo nivṛttavānāśu saroruhākṣaḥ |
tameva deśaṃ prababhūva yatra staṃbhaḥ sa tejomayatāṃ dadhānaḥ || 28 ||
[Analyze grammar]