Chapter 10

[English text for this chapter is available]

mārkaṇḍeya uvāca |
ājñāpaya vibho mahyaṃ yathā śaṃbhuḥ sanātanaḥ |
anujagrāha mohāṃdho vaikuṇṭhaparameṣṭhinau || 1 ||
[Analyze grammar]

naṃdikeśvara uvāca |
śṛṇuṣva sarvaṃ vakṣyāmi vistareṇa yathātatham |
yadeva devo vidadhe dayayā bhaktavatsalaḥ || 2 ||
[Analyze grammar]

athodasthāttayormadhye tathā vivadamānayoḥ |
jyotiḥstaṃbhatvamabhyetya rodoraṃdhranirodhakaḥ || 3 ||
[Analyze grammar]

mahatā jṛṃbhamāṇena tasya brahmāṃḍabhedinaḥ |
antarikṣamatiśyāmaṃ samutkṣiptamivābhavata || 4 ||
[Analyze grammar]

viṣvagvivarṇatā tasya jyotirliṃgasya tejasā |
diśo virejire sadyo dūravistāritā iva || 5 ||
[Analyze grammar]

tīvraistasya mahājvālaiḥ śoṣitā iva sāgarāḥ |
vimuktavīcisaṃkṣobhāḥ svāmeva prakṛtiṃ yayuḥ || 6 ||
[Analyze grammar]

vyadyotaṃta divi prāgvadvahāstārāgaṇaiḥ saha |
tejaḥstaṃbhātsamudbhinnāḥ sphuliṃgā iva kecana || 7 ||
[Analyze grammar]

tejasā tasya śoṇena gairikeṇeva raṃjitāḥ |
bhaumaraviśriyaṃ sarve'pyavahannavanībhṛtaḥ || 8 ||
[Analyze grammar]

samudrāstatpraticchāyānirbharāśliṣṭa yādasaḥ |
padmarāgaśilākhaṇḍe ghaṭitā iva rejire || 9 ||
[Analyze grammar]

pravālagucchaiḥ pratyagrairlaṃbitā iva pādapāḥ |
nadyaśca nirbharotphullakahlārā iva rejire || 10 ||
[Analyze grammar]

mahī kuṃkumalipteva diśaḥ siṃdūritā iva |
sarvāruṇamiva vyoma samagatpratyadṛśyata || 11 ||
[Analyze grammar]

brahmāṃḍakarparamabhūttanmahaḥ pūritāṃtaram |
śoṇiteneva saṃpūrṇaṃ kapālaṃ kṛttivāsasaḥ || 12 ||
[Analyze grammar]

evaṃ pravarddhamānena tejaḥstambhena tena ca |
aruṇākāratāṃ bheje viśvaṃ sthāvarajaṃgamam || 13 ||
[Analyze grammar]

tejoliṃgaṃ tadāścaryaṃ dṛṣṭvā tyaktamithaḥ krudhau |
aciṃtayetāmekaikaṃ caturmukhacaturbhujau || 102 ||
[Analyze grammar]

kimeṣa vasudhāṃ bhittvā śeṣādīnāṃ phaṇābhṛtām |
phaṇāmāṇikyamahasāṃ rāśirunmukhatāṃ gataḥ || 15 ||
[Analyze grammar]

kiṃ vā kalpāṃtasulabhaprādurbhāvāḥ prabhākarāḥ |
dvādaśāpi nabhobhūmyormadhye yugapadutthitāḥ || 16 ||
[Analyze grammar]

āhosvinmegha saṃgharṣādvitatā vyomamadhyataḥ |
anyonyaṃ militāḥ kṣiprā nipataṃtyavanītale || 17 ||
[Analyze grammar]

pratighnanneṣa tejobhirakṣṇoḥ śaktimanukṣaṇam |
svanirviśeṣitāśeṣabhūtajālaḥ pravarddhate || 18 ||
[Analyze grammar]

eṣa uddīpyamāno'pi saṃtāpāya na kalpate |
nedīyāṃsyapi bhūtāni na nirdahati vahnivat || 19 ||
[Analyze grammar]

etasya kāṃtisaṃkrāṃtyā jagadeva na kevalam |
madīyamapi śoṇatvamanuprāptamaho vapuḥ || 20 ||
[Analyze grammar]

kasmādeṣa samutpannaḥ kiṃ mūlaḥ kimupādhikaḥ |
kutastyaḥ kimupādānaḥ kayā bhaktyā prakāśate || 21 ||
[Analyze grammar]

kiyānavadhiretasya viṣvaktiryagadhordhvataḥ |
avagāḍhaśca pātālaṃ kiyanmātramasāviti || 22 ||
[Analyze grammar]

tadetadakhilaṃ jñātuṃ manaḥ paryutsukaṃ muhuḥ |
icchatyutpatituṃ vyoma praveṣṭuṃ ca rasātalam || 23 ||
[Analyze grammar]

iti ciṃtābharākrāṃtau tejaḥstaṃbhāvalokanāt |
ubhāvapyavakulitau vaikuṇṭhaparameṣṭhinau || 24 ||
[Analyze grammar]

abhāṣata ca goviṃdaḥ sutarāmeva garvitam |
hiraṇyagarbhamālokya smayamānamukhāṃbujaḥ || 25 ||
[Analyze grammar]

viṣṇuruvāca |
ayamevāvayorbrahmannanyonyotkarṣakāṃkṣiṇoḥ |
satyameva parīkṣāyai nikaṣaḥ samupasthitaḥ || 26 ||
[Analyze grammar]

amuṣya tejasāṃ rāśeraparicchedyasaṃpadaḥ |
ādyaṃtau jñātumekena na śakyaṃ dhruvamāvayoḥ || 27 ||
[Analyze grammar]

yaḥ paśyenmūlamagraṃ vā tejasosya svayaṃbhuvaḥ |
sa eva nāvabhyadhiko jagatāṃ nāthako'pi saḥ || 28 ||
[Analyze grammar]

naṃdikeśvara uvāca |
ityubhāvapi viniścitāśayau mūlamagramapi tasya vīkṣitum |
tejasotimahato babhūvatuḥ spardhayā viracitodyamau mithaḥ || 29 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe brahmaviṣṇvormadhye tejomayaliṃgaprādurbhāvavarṇanaṃnāma daśamo'dhyāyaḥ || 10 ||
[Analyze grammar]