Chapter 12

[English text for this chapter is available]

naṃdikeśvara uvāca |
tatastejomayaṃ staṃbhamanusṛtya pitāmahaḥ |
utpapātonmukho vegānnirālaṃbe nabhastale || 1 ||
[Analyze grammar]

drutamutpatatastasya pakṣāvegena vāritāḥ |
vyaśīryata samudvartāḥ praṇunnā iva vāyubhiḥ || 2 ||
[Analyze grammar]

sa vegādutpatandūraṃ nākṣṇorviṣayatāmagāt |
kevalaṃ dīrghadīrghaiva rekhā vyomni vyabhāvyata || 3 ||
[Analyze grammar]

māyāmarālo dadṛśe tejaḥstaṃbhasyapārśvataḥ |
saṃdhyāpayodharābhyarṇacārīva rajanīkaraḥ || 4 ||
[Analyze grammar]

prāgatyagādutpatatāṃ tato'dhvānaṃ payomucām |
vimānapadavīṃ paścāttārāvartaṃ tataḥ param || 5 ||
[Analyze grammar]

tejasāṃ yāni dhāmāni hyatyuccānyūrdhvacāriṇām |
aticakrāma vegena tānyasau kuhanākhagaḥ || 6 ||
[Analyze grammar]

maruto manaso vāpi javaḥ sūkṣmatarākṛteḥ |
so'bhūdadhaḥkṛtastena haṃsena gamanādinā || 7 ||
[Analyze grammar]

yathāyathā cotpapāta sudūraṃ śramitacchadaḥ |
tathātathā ca dadṛśe tejaḥstaṃbhaḥ samunnataḥ || 8 ||
[Analyze grammar]

atītya marutāṃ skaṃdhānsapta saṃprāptavismayaḥ |
bibhedāṃḍakaṭāhaṃ ca jvalaṃtaṃ tamudaikṣata || 9 ||
[Analyze grammar]

kathaṃ vā'dṛṣṭamūlasya sthātavyaṃ purato hareḥ |
avimocayataḥ śaurerasamāsamaśīrṣatām || 10 ||
[Analyze grammar]

anirvyūḍhapratijñasya dīrghaiḥ kiṃ vā mamāsubhiḥ |
tadatraupayikaṃ kiṃ syātkāryaṃ kā mā gatirmama || 11 ||
[Analyze grammar]

atisaṃdhitsato viṣṇuṃ kassahāyo bhaviṣyati |
ārjavaṃ naiva nirjetuṃ prativādinamakṣamaḥ || 12 ||
[Analyze grammar]

chadmanā vā tiraskuryānmānā hi mahatāṃ dhanam |
iti saṃcitayatyeva viriṃcau vyākulātmani || 13 ||
[Analyze grammar]

ākāśe dadṛśe nātidūre kimapi nirmalam |
aiṃdavī kimiyaṃ rekhā tasyāḥ kathamihāgamaḥ || 14 ||
[Analyze grammar]

yadvā mṛṇālaṃ tatsiṃdhau viyatyasyāṃ kutastu saḥ |
iti tasminsasaṃdehe nedīyastaṃ tadāgatam || 15 ||
[Analyze grammar]

abodhi ketakībarhamiti rājīvajanmanā |
tatparyuṣitamapyudyatsaurabhaṃ vastuśaktitaḥ || 16 ||
[Analyze grammar]

hiraṇyagarbho vimalamagṛhṇātketakacchadam |
gṛhītamātraṃ tenaitatsacaitanyaṃ kilābravīt || 17 ||
[Analyze grammar]

ketaka uvāca |
bho gṛhṇāsi kimarthaṃ tvaṃ muṃca māṃ viśramodyatam |
varṣāṇāṃ śatasāhasramutpatyaivaṃ vihāyasā || 16 ||
[Analyze grammar]

naṃdīśa uvāca |
tathā samedhamānaṃ taṃ dṛṣṭvā śramamakhidyata |
aciṃtayatpadmasūtiratyaṃtaṃ vihatāśayaḥ || 19 ||
[Analyze grammar]

anirvyūḍhapratijñāvānnīcatāmapi saṃśritaḥ |
ākrāṃtarodovivaraḥ kva rāśistejasāmasau || 20 ||
[Analyze grammar]

ahametatparīkṣāyāṃ kva paricchinna pauruṣaḥ |
bhajyete iva me pakṣau dṛśā cāṃdhāyate iva |
pradhvaṃsaṃta ivāṃgāni patāmīvāhamapyadhaḥ || 21 ||
[Analyze grammar]

kiṃ vānyadbahunoktena saha niśvāsavāyubhiḥ |
mama prāṇāśca niyataṃ nirgacchaṃtīva sāṃpratam || 22 ||
[Analyze grammar]

ahaṃkāramadagraṃthirayaṃ truṭatu cittataḥ |
mukuṃdena saha spardhā sā ca śīghṃ praṇaśyatu || 23 ||
[Analyze grammar]

yadeṣa rodaḥkuharapariṇāhādhikodyamaḥ |
aunnatyamayate'dyāpi tejastaṃbho yathā purā || 24 ||
[Analyze grammar]

tadasya tejasāṃ rāśernāhaṃ nārāyaṇo'thavā |
kāraṇaṃ dūrataścānye maheṃdrapramukhāḥ surāḥ || 25 ||
[Analyze grammar]

ito notpatituṃ śaktirasti me tannivarttaye |
iti niścitya manasā vidhātā jātavismayaḥ || 26 ||
[Analyze grammar]

pratyabhāṣata taṃ kastvaṃ kuto vā prāptavāniti |
sa ca pratyabravīdenaṃ vedhasaṃ ketakacchadaḥ || 27 ||
[Analyze grammar]

ketakacchada evāsaṃ sacaitanyaḥ śivājñayā |
tejastaṃbhātmanaḥ śaṃbhorasya mūrdhni ciraṃ sthitaḥ || 28 ||
[Analyze grammar]

bhūloka icchayā vastuṃ tataḥ saṃprāptavānaham || 29 ||
[Analyze grammar]

itthaṃ śrutvā ketakībarhavācaṃ labdhvāśvāsaṃ taṃ kilāṃbhojabhūtiḥ |
brūhi tvaṃ me tatkiyatyaṃtare vā tejaḥstaṃbhasyāgramityāvabhāṣe || 30 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe brahmaṇā liṃgoparibhāgaśodhanavarṇanaṃnāma dvādaśo'dhyāyaḥ || 12 ||
[Analyze grammar]