Chapter 6

[English text for this chapter is available]

gautama uvāca |
purā nārāyaṇaḥ kalpe śayānaḥ salilārṇave |
śeṣaparyaṃkaśayane kadācinnaiva budhyata || 1 ||
[Analyze grammar]

tamasā pūritaṃ viśvamapajñātamalakṣaṇam |
vīkṣya kalpāvasāne'pi viṣedurnityasūrayaḥ || 2 ||
[Analyze grammar]

aho kaṣṭamidaṃ rūpaṃ tamasā viśvamohanam |
yena kalpāvasānepi viṣṇurnādyāpi budhyate || 3 ||
[Analyze grammar]

jyotiṣaḥ puruṣaṃ pūrṇamapaśyaṃtaṃ surā api |
kathaṃ vā tamasaḥ śāṃtiṃ labheranparibhāvinaḥ || 4 ||
[Analyze grammar]

iti niścitya manasā devadevamumāpatim |
ciṃtayāmāsurātmasthaṃ tejorāśiṃ niraṃjanam || 5 ||
[Analyze grammar]

tataḥ prasanno bhagavāṃstejorāśirmaheśvaraḥ |
viśvāvanāya vijñaptaḥ praṇatairnityasūribhiḥ || 6 ||
[Analyze grammar]

tatastejomayācchaṃbhoḥ sphuliṃgāṃśusamudbhavāḥ |
udastaṃbhaṃta devānāṃ trayastriṃśacca koṭayaḥ || 7 ||
[Analyze grammar]

bodhitaḥ sakalairdevaiḥ samutthāya ramāpatiḥ |
prabhātaṃ vīkṣya sakalaṃ manasyevamacintayat || 8 ||
[Analyze grammar]

mayā tamasi udrekādakāle śayanaṃ kṛtam |
prabodhāya paraṃ jyotiḥ svayaṃ dṛṣṭaḥ sadāśivaḥ || 9 ||
[Analyze grammar]

jagadutpattikṛtyāni svayaṃ kartuṃ vyavasyati |
kiṃ mayātra punaḥ kāryaṃ brahmaṇā vā svayaṃbhuvā || 10 ||
[Analyze grammar]

dhiṅmāṃ sthitamanātmajñaṃ nidrayā hṛtacetasam |
athavā sarvakartāraṃ śaraṇaṃ yāmi śaṃkaram || 11 ||
[Analyze grammar]

sarvadoṣapraśamanaṃ sarvābhīṣṭaphalapradam |
pavitramalpapuṇyānāṃ durlabhaṃ śaṃbhudarśanam || 12 ||
[Analyze grammar]

ciṃtayannevamātmasthaṃ jyotirliṃgaṃ sadāśivam |
praṇanāma harirbhaktyā devamaṣṭāṃgato muhuḥ || 13 ||
[Analyze grammar]

viśvasraṣṭāramīśānaṃ tuṣṭāva duritacchidam |
atha tejomayaḥ śaṃbhuḥ śaraṇyaḥ śaraṇāgatam || 14 ||
[Analyze grammar]

anugṛhya kaṭākṣaistaṃ samuttiṣṭhetyabhāṣata |
utthāya karuṇāpūrṇaṃ śaṃbhuṃ caṃdrārddhaśekharam || 15 ||
[Analyze grammar]

namastribhuvaneśāya trimūrtiguṇadhāriṇe |
tridevavapuṣe tubhyaṃ tridṛśe tripuradruhe || 16 ||
[Analyze grammar]

tvameva jagatāmīśo nijāṃśairdevatāmayaiḥ |
kāryakāraṇarūpeṇa karoṣi svecchayā kriyāḥ || 17 ||
[Analyze grammar]

māṃ niyujya jagadguptau parimohya ca māyayā |
na doṣamuta saṃkalpaṃ vihātumapi necchasi || 18 ||
[Analyze grammar]

kiṃ karomi jaganmūrttau nyastabhāro'smyahaṃ tvayi |
na doṣamīhase nūnamakālaśayanena mām || 19 ||
[Analyze grammar]

hara śambho harerārtimanutāpaṃ samīkṣya saḥ |
ādideśa haraḥ śrīmānprāyaścittaṃ hareridam || 20 ||
[Analyze grammar]

aruṇācalarūpeṇa tiṣṭhāmi vasudhātale |
tasya darśanamātreṇa bhavitā te tamaḥ kṣayaḥ || 21 ||
[Analyze grammar]

pūrvasmai viṣṇave tatra varo datto mayā purā |
tadaiva taijasaṃ liṃgamaruṇācala saṃjñitam |
tejomayamidaṃ rūpaṃ praśāṃtaṃ lokarakṣaṇāt |
yadagnimayamavyaktamapāraguṇavaibhavam || 23 ||
[Analyze grammar]

nadīnāṃ nirjharāṇāṃ ca meghamuktāṃbhasāmapi |
aṃtarjyotirmayatvena layastatraiva dṛśyate || 24 ||
[Analyze grammar]

aṃdhānāṃ dṛṣṭilābhena paṃgūnāṃ pādasaṃcaraiḥ |
aputrāṇāṃ ca putrāptyā mūkānāṃ vākpravṛttibhiḥ || 25 ||
[Analyze grammar]

sarvasiddhipradānena sarvavyādhivimocanaiḥ |
sarvapāpapraśamanairyatsarvavaradaṃ sthitam || 26 ||
[Analyze grammar]

ityuktāṃtardadhe śambhurhariścaivāruṇācalam |
āgatya tapa āsthāya śoṇācalamupāsta ca || 27 ||
[Analyze grammar]

tamadriṃ parito dṛṣṭvā surānkānanasaṃśrayān |
ṛṣīṇāmāśramānpuṇyānsthāpayāmāsa vai hariḥ |
vedānsāṃgopaniṣadānsamaṃtānmūrtidhāriṇaḥ || 28 ||
[Analyze grammar]

sasarja divyarūpāṇāṃ śatamapsarasāṃ kulam |
nṛtyairgītaiśca vāditraissevadhvamiti cādiśat || 29 ||
[Analyze grammar]

snātvā brahmasarasyasminviṣṇuḥ kamalalocanaḥ |
pradakṣiṇaṃ cakārāmumaruṇādriṃ samarcitam || 30 ||
[Analyze grammar]

apāpaḥ sarvalokānāmādhipatyaṃ ca labdhavān |
ramayā sahito nityamabhirūpasurūpayā || 31 ||
[Analyze grammar]

bhāskarastejasāṃ rāśirasurairapi pīḍitaḥ |
brahmopadeśādānarca bhaktyāruṇagirīśvaram || 32 ||
[Analyze grammar]

nimajjya vimale tīrthe pāvane brahmanirmite |
pradakṣiṇaṃ cakārainamaruṇārdri svayaṃprabhum || 33 ||
[Analyze grammar]

aśeṣadaityavijayaṃ labdhvā merupradakṣiṇam |
lebhe ca paramaṃ tejaḥ paratejaḥpraṇāśanam || 34 ||
[Analyze grammar]

dakṣaśāpānalākrāṃtassomaḥ śivavacobalāt |
aruṇācalamabhyarcya labdharūpo'bhavatpunaḥ || 35 ||
[Analyze grammar]

agnirbrahmarṣiśāpena yakṣmarogaprapīḍitaḥ |
apūto'pi pavitro'bhūdaruṇācalasevayā || 36 ||
[Analyze grammar]

śakro vṛtraṃ balaṃ pākaṃ namuciṃ jṛṃbhamuddhṛtam |
śivalabdhavarāndaityānpurā hatvā jagatpatīn || 37 ||
[Analyze grammar]

pātakaiśca parikṣīṇastathā lokāṃtamāśritaḥ |
śambhuṃ prasādya tapasā śivena paricoditaḥ || 38 ||
[Analyze grammar]

aruṇādriṃ samabhyarcya vipāpo'bhūtsurādhipaḥ |
iṣṭvā ca hayamedhena prīṇayāmāsa śaṃkaram || 39 ||
[Analyze grammar]

labdhvā cendrapadaṃ śakraḥ śatamapsarasāṃkulam |
sevārthamādiśanchrīmāndivyaduṃdabhisevayā || 40 ||
[Analyze grammar]

puṣpameghānsamādiśya divyābhiḥ puṣpavṛṣṭibhiḥ |
samarcayati śoṇādriṃ divi nityaṃ ca vaṃdate || 41 ||
[Analyze grammar]

śeṣo'pi śoṇaśaileśaṃ samabhyarcya śivājñayā |
abhajatkāmarūpatvaṃ mahīmaṇḍaladhārakaḥ || 42 ||
[Analyze grammar]

anye nāgāśca gandharvāḥ siddhāścāpsarasāṃ gaṇāḥ |
dikpālāśca tamabhyarcya lebhire'pekṣitānvarān || 43 ||
[Analyze grammar]

devairaśeṣairdaityādīñjetukāmaiḥ samudyataiḥ |
prārthitaḥ sarvato'bhīṣṭavarado'ruṇabhūdharaḥ || 44 ||
[Analyze grammar]

tvaṣṭrā viracitākāra ādityastejasā tapan |
grahanāthastu śoṇādriṃ vilaṃghayitumudyataḥ || 45 ||
[Analyze grammar]

rathavāhāḥ punastasya śaktihīnāḥ śramaṃ gatāḥ |
so'pi śriyā vihīnaśca jātaḥ goṇādritejasā || 46 ||
[Analyze grammar]

nāśaknocca divaṃ gantuṃ sarvagatyāṃśumālinaḥ |
sa tu brahmopadeśena samārādhyāruṇācalam || 47 ||
[Analyze grammar]

prītyā tasmādvibhorlebhe mārgaṃ vyomno hayāñchubhān |
tataḥ prabhṛti tigmāṃśuḥ sa hi śoṇākhyaparvatam || 48 ||
[Analyze grammar]

na laṃghayati kiṃ tvasya pradakṣiṇaparikramaiḥ |
dakṣayāgaparidhvastā hīnāṃgāstridaśāḥ purā || 49 ||
[Analyze grammar]

aruṇācalamārādhya navānyaṃgāni lebhire |
pūṣā dantaṃ śikhī hastaṃ bhago netraṃ tvakhaṃḍitam || 50 ||
[Analyze grammar]

ghrāṇaṃ vāṇī ca lebhe sā śoṇācalaniṣevaṇāt |
bhārgavaḥ kṣīṇanetrassa viṣṇuhastakuśāgrataḥ || 51 ||
[Analyze grammar]

balidattāvanīdānajaladhārānirodhataḥ |
sa tu śoṇācalaṃ gatvā tapaḥ kṛtvātiduṣkaram || 52 ||
[Analyze grammar]

lebhe netraṃ ca pūtātmā bhāskarākhye girau sthitaḥ |
aruṇācalanāthasya sevayā sūryasārathiḥ || 53 ||
[Analyze grammar]

pratardanākhyo nṛpatirgrahītuṃ devakanyakām |
aruṇādripatergānaṃ kurvaṃtīṃ sādaro'bhavat || 54 ||
[Analyze grammar]

kṣaṇātkapimukho jāto maṃtribhiścodito nṛpaḥ |
pratyarpya tāṃ punaścānyāḥ prādādaruṇabhūbhṛte || 55 ||
[Analyze grammar]

tataścārumukhojātaḥ prasādādaruṇeśituḥ |
sāyujyamasmai sakalaṃ dattavānbhaktibhāvataḥ || 56 ||
[Analyze grammar]

aruṇācalanāthasyasaṃnidhau jñānadurbalaḥ |
gaṃdharvaḥ puṣpakākhyastu bhaktihīno hyagātpurā || 57 ||
[Analyze grammar]

tato vyāghramukhaṃ dṛṣṭvā gaṃdharvaparicārakāḥ |
kimetaditi sāścaryaṃ paprachuste parasparam || 58 ||
[Analyze grammar]

atha nārada nirdiṣṭamavajñāphalamātmanaḥ |
buddhvāruṇādriṃ saṃpūjya punaśca sumukho'bhavat || 59 ||
[Analyze grammar]

śivabhūmiriyaṃ khyātā parito yojanadvayam |
muktistatra pramītānāṃ kadāpi vilayo na hi || 60 ||
[Analyze grammar]

saptarṣayaḥ purā bhūmau śāpadoṣasamanvitāḥ |
siṣevireruṇādriṃ vai nātho jñātvā viniścayam || 61 ||
[Analyze grammar]

śāpamokṣaṃ dadau śrīmānsaptarṣīṇāṃ mahātmanām |
saptarṣibhiḥ kṛtaṃ tīrthaṃ sarvapāpavināśanam || 62 ||
[Analyze grammar]

śoṇācalasya nikaṭe dṛśyate pāvanaṃ śubham |
paṃgurmuniḥ śoṇaśailātpādau labdhuṃ samāgataḥ || 63 ||
[Analyze grammar]

aṃtarhitaprārthitārtho dāruhastapuṭe vahan |
jānucaṃkramaṇavyagraḥ śoṇanadyāstaṭaṃ gataḥ || 64 ||
[Analyze grammar]

dāruhastapuṭe tīrthe nicikṣepa pipāsataḥ |
jānucaṃkramaṇe tasmindhūrtastoyaṃ pipāsati || 65 ||
[Analyze grammar]

atha śoṇācalaṃ prāptaḥ kathaṃ vā dāruhastakaḥ |
kimetaditi taṃ pṛcchannādhāvatkalitatparaḥ || 66 ||
[Analyze grammar]

labdhapādaśca sahasā jagāma ca nijālayam |
nādrākṣītpuruṣaṃ tatra dāruhastau purogamau || 67 ||
[Analyze grammar]

svayaṃ gṛhītvā cālokya vavaṃde'ruṇaparvatam |
nanaṃda labdhacaraṇo labdharūpo mahāmuniḥ || 68 ||
[Analyze grammar]

vismayotphullanayanaiḥ śivabhaktairmahātmabhiḥ |
pūjito labdhapādaḥ sañjagāma ca yathāgatam || 69 ||
[Analyze grammar]

vālī śakrasutaḥ śrīmāñchraṃgādudayabhūbhṛtaḥ |
astācalasya śikharaṃ pratigantuṃ samudyataḥ || 70 ||
[Analyze grammar]

āluloke'ruṇagiriṃ madhye devanamaskṛtam |
ūrdhvaṃ gaṃtuṃ samudyuktaḥ kṣīṇavīryo'patadbhuvi || 71 ||
[Analyze grammar]

pitrā śakreṇa saṃgamya coditaḥ śoṇaparvatam |
liṃgaṃ taijasamabhyarcya labdhavīryo'bhavatpunaḥ || 72 ||
[Analyze grammar]

nalaḥ pūrvaṃ samabhyarcya svasṛṣṭā mānavapriyāḥ |
pālayāmāsa dharmātmā nītisārasamanvitaḥ || 73 ||
[Analyze grammar]

ilaḥ praviśya sahasā gaurīvanamakhaṃḍitam |
strībhāvaṃ samanuprāptaḥ papraccha svaṃ purodhasam || 74 ||
[Analyze grammar]

vaśiṣṭhena samādiṣṭaḥ śoṇādriṃ samapūjayat |
tapasārādhya deveśaṃ punaḥ puṃstvamupāgataḥ || 75 ||
[Analyze grammar]

somopadeśādbhaktyātha sasmārāruṇaparvatam |
īśānugrahato lebhe śāpamokṣaṃ tapodhikaḥ || 76 ||
[Analyze grammar]

lebhe ca paramaṃ sthānamaprāpyamamarairapi |
bharato mṛgaśāvasya smaraṇādāyuṣo'tyaye || 77 ||
[Analyze grammar]

na muktiṃ prāpa yogena mṛgajanmani saṃgataḥ |
patnīvirahajaṃ duḥkhaṃ prāptavānamitaṃ hariḥ || 78 ||
[Analyze grammar]

punarbhṛgūpadeśena śoṇādrimimamarcayan |
avatāreṣu sarveṣu sarvaduḥkhānyapākarot || 79 ||
[Analyze grammar]

sarasvatī ca sāvitrī śrīrbhūmiḥ saritastathā |
abhyarcya śoṇaśaileśamāpado niratāriṣuḥ || 80 ||
[Analyze grammar]

bhāskaraḥ pūrvadigbhāge viśvāmitrastu dakṣiṇe |
paścime varuṇo bhāge triśūlaṃ cottarāśrayam || 81 ||
[Analyze grammar]

yojanadvayaparyaṃte sīmāḥ śaileṣu saṃsthitāḥ |
catasro devatāstvetāḥ sevaṃte śoṇaparvatam || 82 ||
[Analyze grammar]

sthitāḥ sīmāvasāneṣu śoṇādrīśamavasthitam |
namaṃti devāścatvāraḥ śivaṃ śoṇācalākṛtim || 83 ||
[Analyze grammar]

asyottarasmiñchikhare dṛśyate vaṭabhūruhaḥ |
siddhaveṣaḥ sadaivāste yasya mūle maheśvaraḥ || 84 ||
[Analyze grammar]

yasya cchāyātimahatī sarvadā maṇḍalākṛtiḥ |
lakṣyate vismayopetaiḥ sarvadā devamānavaiḥ || 85 ||
[Analyze grammar]

aṣṭabhiḥ parito liṃgairaṣṭadikpālapūjitaiḥ |
aṣṭāsu saṃsthitairdikṣu śobhate hyupasevitaḥ || 86 ||
[Analyze grammar]

nṛpāṇāṃ śambhubhaktānāṃ śaṃkarājñānupālinām |
atraiva mahadāsthānamādidevena nirmitam || 87 ||
[Analyze grammar]

bakulaśca mahāṃstatra sadārthitaphalapradaḥ |
āgamārthavidā mūle vāmadevena sevyate || 88 ||
[Analyze grammar]

agastyaśca vaśiṣṭhaśca saṃpūjyāruṇabhūdharam |
saṃsthāpya liṃge vimale tepāte tādṛśaṃ tapaḥ || 89 ||
[Analyze grammar]

hiraṇyagarbhatanayaḥ purā śoṇanadaḥ pumān |
atra tīvraṃ tapastaptvā gaṃgābhimukhago'bhavata || 90 ||
[Analyze grammar]

atra śoṇanadī puṇyā pravahatyamalodakā |
veṇā ca puṇyataṭinī paritaḥ sevate'calam || 91 ||
[Analyze grammar]

vāyavyāśca diśo bhāge vāyutīrthaṃ ca śobhate |
tatra snātvā marutpūrvaṃ jagatprāṇatvamāptavān || 92 ||
[Analyze grammar]

uttare'sya girestīrthaṃ suvarṇakamalojjvalam |
divyasaugaṃdhikākīrṇaṃ haṃsabhṛṃgamanoharam || 93 ||
[Analyze grammar]

kauberaṃ tīrthameśānyāmaiśānyaṃ tīrthamuttamam || 94 ||
[Analyze grammar]

tasyaiva paścime bhāge viṣṇuḥ kamalalocanaḥ |
snātvā viṣṇutvamabhajatkamalālālitākṛtiḥ || 95 ||
[Analyze grammar]

navagrahāḥ purā tatra snātvā grahapadaṃ gatāḥ |
navagrahaprasādaśca jāyate tatra majjatām || 96 ||
[Analyze grammar]

durgā vināyaka skando kṣetrapālaḥ sarasvatī |
rakṣaṃti paritastīrthaṃ grāhayametadanantaram || 97 ||
[Analyze grammar]

gaṃgā ca yamunā caiva godāvarī sarasvatī |
narmadāsindhukāveryaḥ śoṇaḥ śorṇanadī ca sā || 98 ||
[Analyze grammar]

etā gūḍhā niṣevaṃte pūrvādyāśāsu saṃtatam |
naśyaṃtyaḥ sakalaṃ pāpamātmakṣetrasamudbhavam || 99 ||
[Analyze grammar]

anyāśca sarito divyāḥ pārthivyaśca śubhodakāḥ |
udajṛṃbhaṃta sahasā śoṇādrīśaprasādataḥ || 100 ||
[Analyze grammar]

āgastyaṃ dakṣiṇe bhāge tīrthaṃ mahadudāhṛtam |
sarvabhāṣārthasaṃsiddhirjāyate tatra majjatām || 101 ||
[Analyze grammar]

atrāgastyaḥ samāgatya snātvā munigaṇāvṛtaḥ |
abhyarcayati śoṇādriṃ māsi bhādrapade sadā || 102 ||
[Analyze grammar]

vāśiṣṭhamuttare bhāge tīrthaṃ divyaṃ śubhodayam |
sarvavedārthasaṃsiddhirjāyate tatra majjanāt || 103 ||
[Analyze grammar]

atra meroḥ samāgatya vaśiṣṭho bhagavānṛṣiḥ |
karotyāśvayuje māsi śoṇādrīśaniṣevaṇam || 104 ||
[Analyze grammar]

gaṃgānāma mahattīrthaṃ pūrvottaradiśi sthitam |
tatra snānādbhavennṛṇāṃ sarvapātakanāśanam || 105 ||
[Analyze grammar]

gaṃgādyāḥ saritaḥ sarvāḥ kārttike māsi saṃgatāḥ |
atrāruṇādrināthasya sevāṃ kurvaṃti sādaram || 106 ||
[Analyze grammar]

brāhmyaṃ nāma mahātīrthamaruṇādrīśasannidhau |
tasyopasaṃgamātsadyo brahmahatyādi naśyati || 107 ||
[Analyze grammar]

mārge māsi samāgatya brahmalokātpitāmahaḥ |
snātvā tatpratyahaṃ devamarcayatyaruṇācalam || 108 ||
[Analyze grammar]

pauṣe māsi samāgatya snātvā tīrthe nijaiḥ suraiḥ |
mahendraḥ śoṇaśaileśamabhyarcayati śaṃkaram || 109 ||
[Analyze grammar]

śaivaṃnāma mahātīrthaṃ saṃnidhau tatra vartate |
rudro brahmakapālena saha tatra nyamajjata || 110 ||
[Analyze grammar]

atra śambhurgaṇaiḥ sārddhaṃ māghe māsi prasīdati |
prāyaścittāni sarvāṇi nṝṇāṃ saphalayanbhuvi || 111 ||
[Analyze grammar]

āgneyamagnidigbhāge tīrthaṃ saubhāgyadāyakam |
agniratra purā snātvā svāhayā saṃgataḥ sukhī || 112 ||
[Analyze grammar]

anaṃgopi smaraḥ snātvā phālgune māsi saṃgataḥ |
abhyarcya śoṇaśaileśamabhūtsarvasukhādhipaḥ || 113 ||
[Analyze grammar]

diśi dakṣiṇapūrvasyāṃ vaiṣṇavaṃ tīrthamadbhutam |
brahmarṣayaḥ sadā tatra vasaṃti kṛtakautukāḥ || 114 ||
[Analyze grammar]

caitre māsi samāgatya viṣṇustatra ramāpatiḥ |
snātvābhyarcyāruṇādrīśamabhavallokanāyakaḥ || 115 ||
[Analyze grammar]

sauraṃnāma mahātīrthaṃ kauberadiśi jṛṃbhitam |
sarvarogopaśāṃtiśca jāyate tatra majjanāt || 116 ||
[Analyze grammar]

vaiśākhe māsi dinakṛtsnātvātreśaṃ niṣevate |
vālakhilyaiḥ samaṃ śrīmānvedaiśca saha saṃgataḥ || 117 ||
[Analyze grammar]

āśvinaṃ pāvanaṃ tīrthamīśabrahmottare sthitam |
āplutau bhipajau dasrau pūtāvatra nimajjanāt || 118 ||
[Analyze grammar]

atrāśvinau samāgatya snātvābhyarcya ca śaṃkaram |
dakṣiṇe śoṇa śailasya nikaṭe varttate śubham || 119 ||
[Analyze grammar]

kāmadaṃ mokṣadaṃ caiva tīrthaṃ pāṃḍavasaṃjñitam |
purā hi pāṃḍavāstatra majanātkṣitināyakāḥ || 120 ||
[Analyze grammar]

atra dhātrī samāgatya sarvauṣadhiphalānvitā |
jyeṣṭhe māsi samaṃ devairārcayaccāruṇācalam || 121 ||
[Analyze grammar]

āṣāḍhe māsi saṃtyaktā viśvedevā mahābalāḥ |
abhyarcya śoṇaśaileśamāgacchanmakharādhyatām || 122 ||
[Analyze grammar]

vaiśvadevaṃ mahātīrthaṃ somasūryottarāśrayam |
viśvādhipatyamatulaṃ labhyate tatra majjanāt || 123 ||
[Analyze grammar]

parito lakṣyate tīrthaṃ pūrvasyāṃ diśi śobhane |
atra lakṣmīḥ purā snātvā lebhe puruṣamuttamam || 124 ||
[Analyze grammar]

uttarasyāṃ diśi purā puṇyā skaṃdanadī sthitā |
atra snātvā purā skaṃdaḥ saṃprāpto vipulaṃ balam || 125 ||
[Analyze grammar]

paścimasyāṃ diśi khyātā parā kuṃbhanadī śubhā |
agastyaḥ kuṃbhakaḥ kuṃbhastatra nityaṃ vyavasthitaḥ || 126 ||
[Analyze grammar]

gaṃgā ca mūlabhāgasthā yamunā gagane sthitā |
somodbhavā śirobhāge sevaṃte śoṇaparvatam || 127 ||
[Analyze grammar]

bahūnyapi ca tīrthāni saṃbhūtāni samaṃtataḥ |
teṣāṃ bhedānpurā vettuṃ mārkaṇḍeyastu nāśakat || 128 ||
[Analyze grammar]

tapobhirbahubhissoyaṃ śoṇādrīśamatoṣayat |
prārthayāmāsa ca varaṃ prītāttasmānmunīśvaraḥ || 129 ||
[Analyze grammar]

mārkaṇḍeya uvāca |
bhagavannaruṇādrīśa tīrthabhedāḥ sahasraśaḥ |
prakhyātāśca prakāśaṃte durbodhāstvalpacetasām || 130 ||
[Analyze grammar]

kathamekatra sāṃnidhyaṃ labheranbhuvi mānavāḥ |
aparyāptaśca bhavati pṛthageṣāṃ niṣevaṇe || 131 ||
[Analyze grammar]

aṃtarnigūḍhatejāstvaṃ gatvā yassakalaiḥ suraiḥ |
āraṇyase kuru tathā śoṇādrisparśabhīrubhiḥ || 132 ||
[Analyze grammar]

ahaṃ ca śaṃbhumabhyarcya tapasāruṇaparvatam |
sarvalokopakārārthaṃ sūkṣma liṃgamapūjayam || 133 ||
[Analyze grammar]

viśvakarmakṛtaṃ divyaṃ vimānaṃ vividhotsavam |
saṃkalpya sakalānbhogānnityānajanayatpunaḥ || 134 ||
[Analyze grammar]

dharmaśāstrāṇi vividhānyavāpurmunipuṃgavāḥ |
śivakāryāṇi sarvāṇi cakrubhaktisamanvitāḥ || 135 ||
[Analyze grammar]

mayā ca śaṃbhumabhyarcya kṛtāgnyāhutisaṃbhavāḥ |
sapta kanyā varārohāḥ pūjārthaṃ viniyojitāḥ || 136 ||
[Analyze grammar]

hataśatrugaṇaibhūpairlabdharājyaiḥ purā nṛpaiḥ |
pratyekaṃ vividhairbhogaiḥ śoṇaśailādhiporcitaḥ || 137 ||
[Analyze grammar]

idamanubhavavaibhavaṃ vicitraṃ duritaharaṃ śivaliṃgamadrirūpam |
amalamanabhigamyanāmadheyaṃ varamaruṇādrināyakaṃ bhajasva || 138 ||
[Analyze grammar]

avanatajanarakṣaṇocitasya smaraṇanirākṛtaviśvakalmaṣasya |
bhajanamamitapuṇyarāśiyogādaruṇagireḥ kṛtinaḥ paraṃ labhasva || 139 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye pūrvārdhe'ruṇācalasthavividhatīrthamāhātmyavarṇanaṃnāma ṣaṣṭho'dhyāyaḥ || 6 ||
[Analyze grammar]