Chapter 61

[English text for this chapter is available]

sūta uvāca |
tato ghaṭotkaco muktvā tatra kāmakaṭaṃkaṭām |
putreṇānugato dhīmānviyatā dvārakāṃ yayau || 1 ||
[Analyze grammar]

āgacchantaṃ ca taṃdṛṣṭvā rākṣasaṃ rākṣasānugam |
dvārakāvāsino yodhāścakruratyulbaṇaṃ ravam || 2 ||
[Analyze grammar]

grāme grāme susaṃnaddhā navalakṣamitā rathāḥ |
rākṣasau dvau samāyātau pātyetāṃ viśikhairiti || 3 ||
[Analyze grammar]

tāngṛhītāyudhāndṛṣṭvā yaduvīrānghaṭotkacaḥ |
pragṛhya vipulaṃ bāhuṃ jagau tārasvareṇa saḥ || 4 ||
[Analyze grammar]

rākṣasaṃ vitta māṃ vīrā bhīmaputraṃ ghaṭotkacam |
supriyaṃ vāsudevasya praṇāmārthamupāgatam || 5 ||
[Analyze grammar]

nivedayata māṃ prāptaṃ yādavendrāya sātmajam |
iti tasya vacaḥ śrutvā te kṛṣṇāya nyavedayan || 6 ||
[Analyze grammar]

āha devaḥ sabhāsthaśca śīghramatrāvrajatvasau |
tataḥ praveśayāmāsurdvārakāṃ te ghaṭotkacam || 7 ||
[Analyze grammar]

saputraḥ so'pi ramyāṇi vanānyupavanāni ca |
krīḍāśailāṃśca harmyāṇi saṃpaśyannāgataḥ sabhām || 8 ||
[Analyze grammar]

sa tatra ugrasenaṃ ca vasudevaṃ ca sātyakim |
akrūrarāmapramukhānvavande kṛṣṇameva ca || 9 ||
[Analyze grammar]

taṃ pādayornipatitaṃ samāliṃgya sahātmajam |
sāśiṣaṃ svasamīpasthamupaveśyedamabravīt || 10 ||
[Analyze grammar]

putra rākṣasaśārdūla kurūṇāṃ kulavardhana |
kuśalaṃ sarvataḥ kaccitkimarthaste samāgamaḥ || 11 ||
[Analyze grammar]

ghaṭotkaca uvāca |
deva yuṣmatprasādena sarvataḥ kuśalaṃ mama |
śrūyatāṃ kāraṇaṃ svāminyadarthamahamāgataḥ || 12 ||
[Analyze grammar]

devopadiṣṭa bhāryāyāṃ jāto'yaṃ tanayo mama |
sa ca praśnaṃ vakṣyati tvāṃ śrūyatāmāgatastvataḥ || 13 ||
[Analyze grammar]

śrīkṛṣṇa uvāca |
vatsa maurveya brūhi tvaṃ sarvaṃ pṛccha yadicchasi |
yathā ghaṭotkaco mahyaṃ supriyaśca tathā bhavān || 14 ||
[Analyze grammar]

barbarīka uvāca |
praṇamya tvāmādidevaṃ manobuddhisamādhibhiḥ |
prakṣyāmi kena śreyaḥ syājjaṃtorjātasya mādhava || 15 ||
[Analyze grammar]

kecicchreyo dharmamāhuraiśvaryaṃ tyāgabhojanam |
keciddamaṃ tapo dravyaṃ bhogānmuktiṃ ca kecana || 16 ||
[Analyze grammar]

tadevaṃ śatasaṃkhyeṣu śreyassu puruṣottama |
mama caivaṃ kulasyāsya śreyo yadbrūhi niścitam || 17 ||
[Analyze grammar]

śrīkṛṣṇa uvāca |
vatsa pṛthakpṛthakproktaṃ varṇānāṃ śreya uttamam |
brāhmaṇānāṃ tapo mūlaṃ damo'dhyayanameva ca || 18 ||
[Analyze grammar]

dharmaprakaṭanaṃ cāpi śreya uktaṃ manīṣibhiḥ |
balaṃ sādhyaṃ pūrva meva kṣatriyāṇāṃ prakīrtitam || 19 ||
[Analyze grammar]

duṣṭānāṃ śāsanaṃ cāpi sādhūnāṃ paripālanam |
pāśupālyaṃ ca vaiśyānāṃ kṛṣirvijñānameva ca || 20 ||
[Analyze grammar]

śūdrasya dvijaśuśrūṣā tayā jīvanvaṇigbhavet |
śilpairvā vividhairjīveddvijātihitamācaran || 21 ||
[Analyze grammar]

bhāryāratirbhṛtyapoṣṭā śuciḥ śraddhā parāyaṇaḥ |
namaskāreṇa mantreṇa paṃcayajñānna hāpayet || 22 ||
[Analyze grammar]

tadbhavānkṣatriyakule jāto'si kuru tacchṛṇu |
balaṃ sādhaya pūrvaṃ tvamatulaṃ tena śikṣaya || 23 ||
[Analyze grammar]

duṣṭānpālaya sādhūṃśca svargamevamavāpsyasi |
balaṃ ca labhyate putra devīnāṃ suprasādataḥ || 24 ||
[Analyze grammar]

tadbhavānbalaprāptyarthaṃ devyārādhanamācara || 25 ||
[Analyze grammar]

barbarīka uvāca |
kasminkṣetre ca kāṃ devīṃ kathamārādhayāmyaham |
etatprasādapravaṇaṃ manaḥ kṛtvā nivedaya || 26 ||
[Analyze grammar]

sūta uvāca |
iti pṛṣṭaḥ kṣaṇaṃ dhyātvā prāha dāmodaro vibhuḥ |
vatsa kṣetraṃ pravakṣyāmi yatra tapsyasi tattapaḥ |
guptakṣetramiti khyātaṃ mahīsāgarasaṃgame || 27 ||
[Analyze grammar]

tatra tribhuvane yāśca saṃti devyaḥ pṛthagvidhāḥ |
nāradena samānītāstāścaikyaṃ sumahātmanā || 28 ||
[Analyze grammar]

catasrastasya digdevyo nava durgāśca saṃti yāḥ |
samārādhaya tā gatvā tāsāmaikyaṃ hi durlabham || 29 ||
[Analyze grammar]

nityaṃ pūjaya tāḥ putra puṣpadhūpavilepanaiḥ |
stutibhiścopahāraiśca yathā tuṣyati tāstava || 30 ||
[Analyze grammar]

tuṣṭāsu devīṣu balaṃ dhanaṃ ca kīrtiśca putrāḥ subhagāśca dārāḥ |
svargastathā muktipadaṃ ca satsukhaṃ na durlabhaṃ satyametattavoktam || 31 ||
[Analyze grammar]

sūta uvāca |
evamuktvā barbarīkaṃ kṛṣṇaḥ prāha ghaṭotkacam |
ghaṭotkacārya putraste dṛḍhaṃ suhṛdayo hyasau || 32 ||
[Analyze grammar]

tasmātsuhṛdayetyevaṃ dattaṃ nāma mayā dvikam |
evamuktvā samāliṃgya saṃtarjya vividhairdhanaiḥ || 33 ||
[Analyze grammar]

guptakṣetrāya bhagavānbarbarīkaṃ samādiśat |
so'tha kṛṣṇaṃ namaskṛtya pitaraṃ yādavāṃśca tān || 34 ||
[Analyze grammar]

anujñāpya ca tānsarvānguptakṣetraṃ samāvrajat |
ghaṭotkaco'pi kṛṣṇena visṛṣṭaḥ svavanaṃ yayau || 35 ||
[Analyze grammar]

smaranputraguṇānpatnyā svarājyaṃ samapālayat |
tataḥ suhṛdayo dhīmāndagdhasthalyāṃ kṛtāśramaḥ || 36 ||
[Analyze grammar]

trikālaṃ pūjayāmāsa devīḥ karmasamādhibhiḥ |
nityaṃ puṣpaiśca dhūpaiśca upahāraiḥ pṛthagvidhaiḥ || 37 ||
[Analyze grammar]

tasyārādhayato devyastutuṣurhāyanaistribhiḥ |
tataḥ pratyakṣato bhūtvā balāttasya mahātmanaḥ || 38 ||
[Analyze grammar]

balaṃ yattriṣu lokeṣu kasyacinnāsti durlabham |
ūcuśca kaṃcitkālaṃ tvaṃ vasātraiva mahādyute || 39 ||
[Analyze grammar]

saṃgatyā vijayasya tvaṃ bhūyaḥ śreyo hyavāpsyasi |
ityuktaḥ sarvadevībhiḥ sa tatraiva vyavasthitaḥ || 40 ||
[Analyze grammar]

ājagāmātha vijayo nāmnā māgadhabrāhmaṇaḥ |
sa sarvāṃ pṛthivīṃ kṛtvā pādākrāṃtāṃ dvijottamaḥ || 41 ||
[Analyze grammar]

kāśyāṃ vidyābalaṃ prāpya sādhanārthamupāyayau |
guheśvaramukhānyeṣa saptaliṃgānyapūjayat || 42 ||
[Analyze grammar]

ārādhayāmāsa ciraṃ devīrvidyāphalāptaye |
tatastuṣṭāstasya devyaḥ svapne procuridaṃ vacaḥ || 43 ||
[Analyze grammar]

vidyāṃ sādhaya tvaṃ sādho siddhamātuḥ puroṃ'gaṇe |
ayaṃ bhaktaḥ suhṛdayaḥ sāhāyyaṃ te kariṣyati || 44 ||
[Analyze grammar]

tatastadvacanaṃ śrutvā vijayaḥ svapnamadhyataḥ |
utthāya gatvā devyāstaṃ vavre bhīmātma jātmajam || 45 ||
[Analyze grammar]

so'pi devīvacaḥ śrutvā mene sāhāyyakāraṇam |
tataḥ kṛṣṇacaturdaśyāmupoṣya vijayaḥ śuciḥ || 46 ||
[Analyze grammar]

snātvābhyarcyaiva liṃgāni devīścaivārcayatpṛthak |
kṛtvā snānamupoṣyaiva barbarīkoṃ'tike'bhavat || 47 ||
[Analyze grammar]

prathamāyāṃ tato rātrau yayau siddhāṃbikāpuraḥ |
maṃḍalaṃ tatra kṛtvā ca bhagākāraṃ karānnava || 48 ||
[Analyze grammar]

aṣṭadikṣvaṣṭakīlāṃśca nikhanyaiva sasūtrakān |
kṛṣṇājinadharo bhūtvā barbarīkasamanvitaḥ || 49 ||
[Analyze grammar]

śikhāmābaddhya digbaṃdhaṃ kṛtvā rebhe tato vidhim |
madhye vai maṃḍalasyāpi kuṃḍe śubhre trimekhalaṃ || 50 ||
[Analyze grammar]

samarpya ca tataḥ khaḍgaṃ khādiraṃ maṃtratejitam |
saṃsthāpya kīlānabhito barbarīkamathābravīt || 51 ||
[Analyze grammar]

śucirvinidraḥ saṃtiṣṭha stavaṃ devyāḥ samudgiran |
yāvatkarma karomyeṣa yathā vighnaṃ na jāyate || 52 ||
[Analyze grammar]

ityukte saṃsthite tatra barbarīke mahābale |
vijayaḥ śoṣaṇaṃ dāhaṃ plāvanaṃ kṛtavānyamī || 53 ||
[Analyze grammar]

tataḥ sukhāsano bhūtvā guṃgurubhyo namaḥ iti |
maṃtramaṣṭottaraśataṃ japtvā gurubhyaḥ praṇamya ca |
tato gaṇeśvaravidhānamārabdhavān || 54 ||
[Analyze grammar]

athātaḥ saṃpravakṣyāmi maṃtraṃ gaṇapateḥ param || 55 ||
[Analyze grammar]

sarvakāryakaraṃ svalpaṃ mahārthaṃ sarvasiddhidam || 56 ||
[Analyze grammar]

oṃgāṃgīṃgūṃgaiṃgauṃgaḥ saptākṣaro'yaṃ mahāmaṃtraḥ |
oṃgaṇapatimaṃtrasya gaṇako nāma ṛṣiḥ vighneśvaro devatā gaṃ bījam oṃśaktiḥ pūjārthe japārthe vā tilakārthe vā manasa īpsitārthe homārthe vā viniyoga iti |
sādha kasya pūrvaṃ tilakakaraṇam |
oṃgāṃgaṇapataye namaḥ |
iti tilakasyopari akṣatāndadyāt anena mantreṇa |
oṃ gāṃgaṇapataye namaḥ |
iti tilakamaṃtraḥ |
oṃgāṃ gaṇapataye namaḥ |
anena maṃtreṇa gaṇeśāya puṣpāṃjalitrayaṃ dadyāt |
mūlamaṃtreṇātra caṃdanagaṃdhapuṣpadhūpadīpanaivedyapūgīphala tāṃbūlādikaṃ dadyāt |
ata ūrdhvaṃ mūlamantreṇa japaṃ kuryāt |
aṣṭottaraśataṃ sahasraṃ lakṣaṃ koṭiṃ ceti yathāśakti japtvā daśāṃśahomārthe gaṇeśāgnaye āvāhayāmīti agnimāvāhya |
oṃ gāṃ gaṇapataye svāheti mantreṇa guggulaguṭikābhirhomaṃ vidadhyādviniyogaṃ ceti gāṇeśvaro tākalpaḥ |
ya evaṃ sarva vighneṣu sādhayenmantramuttamam |
sarvavighnāni naśyaṃti manobhīṣṭaṃ ca sidhyati || 57 ||
[Analyze grammar]

ḍākinyo yātudhānāśca pretādyāśca bhayaṃkarāḥ |
śatrūṇāṃ jāyate nāśo vaśīkaraṇameva ca || 58 ||
[Analyze grammar]

imaṃ gāṇeśvaraṃ kalpaṃ vijānanvijayo'pi ca |
tilakaṃ vidhinā kṛtvā japtvā cāṣṭottaraṃ śatam || 59 ||
[Analyze grammar]

daśāṃśaṃ guṭikā hutvā pūjya siddhivināyakam |
siddheyakṣetrapālasya cakre pūjāṃ tato niśi || 60 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe mahāvidyāsādhane gāṇeśvarakalpavarṇanaṃnāmaikaṣaṣṭitamo'dhyāyaḥ || 61 ||
[Analyze grammar]